مرق الدجاج الأبيض .. White Chicken Stock

هلا والله …


يفضل تشوفون موضوع المقدمة عن المرق قبل تبدون في الموضوع.


مرق الدجاج الأبيض جدا سهل وعملي و له إستخدامات كثيره ويمشي تقريبا مع كل شي. شرحت الكميات و طريقة تعديل المرق حسب ذوق كل واحد في المقدمة و الكميات و المكونات اللي بستخدم هنا إختيارية أعتبروها نقطة بداية لا أكثر.


المقادير :

ANY CHARACTER HERE

٣ كيلو عظم دجاج.


حبتين بصل كبار مقطعه ٨ قطع كبيره

عودين كرفس مقطعة قطع تقريبا ١ إنش

حبتين جزر مقطعه تقريبا ١ إنش

ملعقة صغيرة ملح


ملعقة كبيرة فلفل أسود كامل

ورقتين غار

شوي سيقان بقدونس

زعتر بري thyme طازج أو مجفف (كمية بسيطة طعمه قوي)


الطريقة :

نغسل العظم في مويه باردة بشكل جيد. بعدين نحط العظم في القدر و نزيد عليه مويه باردة ونظيفة إلين تغطي العظم ب ٥ سم تقريبا. نشغل النار على حرارة وسط ونشيل أي رغوة أو دهن تطلع لوجه القدر من فترة لفترة. أول ما تبدأ المويه توصل لغلية خفيفه ننزل الحرارة بحيث نخليها على غلية جدا جدا خفيفه بعدين نحط البصل و الجزر و الكرفس و الملح.


نخلي المرق يطبخ على نفس الغلية الخفيفة ٤ ساعات تقريبا ونصفي الوجه من الرغوة و الدهن كل نص ساعة تقريبا.إذا لقينا إن كمية المويه قلت أكثر من اللازم نزيد مويه ونخلي المرق يرجع لنفس الغلية الخفيفة.


بعد ٣ ساعات من الطبخ نحط باقي المقادير اللي هي ورق الغار وسيقان البقدونس و الفلفل الأسود و الزعتر.


بعد ما يخلص المرق نطفي النار ونشيل أكبر كمية من الخضار و العظم اللي نقدر عليه بعدين نحط صفاية ضيقة داخل قدر ثاني ونصفي المرق زي ما نصفي الباستا.


نحط القدر اللي فيه المرق داخل حوض المغسلة بعد ما نسده و نملاه ثلج ومويه ونحرك المرق من وقت لوقت عشان نبرده بسرعة .بعد ما يبرد نوزعه على علب ونحفظة في الفريزر أو الثلاجه.


6 comments

9 pings

Skip to comment form

    • Anonymous on 27 December, 2013 at 6:50 am
    • Reply

    ينفع اعمله بقدر الضغط؟

    1. ينفع أكيد والطعم ممكن يكون أحسن بعد ووقت الطبخ أقصر بس كوننا ما نقدر نصفي المرق هنا وهو يطبخ بنضطر نصفيه بعدين إذا نبي نفس الطعم النظيف اللي نلاقيه في المرق المصنوع بالطريقة التقليدية. بإختصار أي وقت توفرينه في وقت الطبخ بتعوضينه بوقت الفلترة …

      إذا جيتي تطبخينه بقدر الضغط خليه عالنار إلين يبدأ القدر يصفر بعدين نزلي الحراره لأقل شي وخليه تقريبا ٤٥ دقيقة كذا ، لا تحطينه على نار قويه. بعد ما يخلص طفي النار وخليه يبرد لحاله لا تشيلين البلف حقه !! هذا بيخلي اللي داخل القدر يغلي بسرررعه ويخليلك المرق غير صافي بس لو خليتيه يبرد لحاله كثير من الدهن بيطلع فوق و الرواسب تنزل تحت.

      فكي القدر وكملي عادي.

      المفترض تخلينه في الثلاجه لثاني يوم بعدين تبدين عملية الفلترة هنا كوننا ما سويناها وقت الطبخ بس الصدق الموضوع هنا شوي أعقد من إني أشرحه في رد هنا.

    • Afaf abduljalil on 18 November, 2013 at 9:32 pm
    • Reply

    شكرا جزيلا الك .. فعلا كل ما كان المرق من صنع البيت كان الذ و افضل .. تم تخزين الوصفه ..

    • Raghad on 12 July, 2012 at 1:34 am
    • Reply

    اول شي ماشالله عليك تبارك الله انا ماعمري شفت احد فاهم زيك

    مره شفت Ina Garten عامله مرق دجاج بس استخدمت الدجاجه كامل يعني الجلد و اللحمه حقت الدجاجه مش بس العظام

    ايش رايك؟ تتوقع تصير لذيذه؟

    1. أقري موضوع مقدمة عن المرق اللي حطيت رابطة في الموضوع وبتعرفين كل شي ، بتعرفين الفرق بين اللحم و العظم وكيف بيختلف المرق لو سويتيه كذا أو كذا …

    • الاوتار on 11 December, 2011 at 10:59 am
    • Reply

    مشكور على الموضوع

  1. […] مرق دجاج أو خضار أو بقر أو حتى موية الفاصوليا اللي في العلبة أو […]

  2. […] مرق دجاج أو خضار أو بقر أو حتى موية الفاصوليا اللي في العلبة أو […]

  3. […] الصين : صدر البط السشواني مع صوص الشاي و البرتقال .. Schezwan Duck with Orange Tea Sauce » Top Chef Blog .. مدونة توب شيف على مرق الدجاج الأبيض .. White Chicken Stock […]

  4. […] أوكرانيا : بورشت .. Borscht » Top Chef Blog .. مدونة توب شيف على مرق الدجاج الأبيض .. White Chicken Stock […]

  5. […] أكواب مرق دجاج ( الطريقة في الرابط […]

  6. […] أكواب مرق دجاج ( الطريقة في الرابط […]

  7. […] أكواب مرق دجاج من نوعية جيدة ويفضل صناعة […]

Leave a Reply

Your email address will not be published.

%d bloggers like this: