«

»

يونيو 02 2011

فيتنام : سمر روولز بالخضار .. Vegetable Summer Rolls

هلا والله ..

 

هذا الموضوع تابع لفعالية حول العالم في ٣٠ يوم .

 

 

الأكل الفيتنامي زي ما شرحت أمس هو واحد من المطابخ المنسيه في الأكل الآسيوي، طبعا أتكلم بالنسبة لنا بس لأن الأكل الفيتنامي منتشر بشكل جدا كبير حولين العالم إلا عندنا ما أخذ حقه للحين.

 

كل الناس يعرفون السبرنج رول ، أو ترجمتها اللي هي رولات الربيع. السمر روول أو روولات الصيف تشبهها كثير. الفرق الأساسي بينهم هو نوعية الورق المستخدم للف و إن السمر روول ما ينقلي وتكون حشوته زي إسمه صيفيه وخفيفه. السمر روول سهلة وسريعة وجدا جدا لذيذه وصدقوني هي طعم جديد تماما لا تحاولون تتخيلونه لازم تذوقونه عشان تعرفون وش أقصد. فيه آلاف الطرق و الحشوات للسمر روول بس هذي الحشوة بالذات رهيبة مع العلم إنها جدا بسيطة.

 

المقادير :

لصوص الفول السوداني :

 

٣ ملاعق كبيره بصل مقطع صغار

فص ثوم مقطع صغار

ملعقة صغيرة فلفل أحمر مجروش

٣ ملاعق مويه

ملعقة كبيره بينت بتر ناعمه

ملعقة كبيره صوص هويسن hoisin sauce

ملعقة صغيرة معجون طماط

٣/٤ ملعقة صغيرة سكر

 

للسمر روولز :

 

 

تقريبا ٥٠ جرام نوودلز رز rice sticks

ملعقة كبيره خل رز

لفات ورق رز rice paper

ورق خس أحمر مغسول ومجفف تماما

١/٤ كوب ورق نعناع مغسول ومجفف

١/٤ كوب ورق كزبره مغسوله ومجففه

١/٤ كوب ريحان تايلندي مغسول ومجفف ( أو زيادة نعناع إذا مافيه )

١/٢ كوب كرنب صيني مقطع شرايح نحيفة مره

١/٣ كوب جزر مبشور

 

 

* صوص الهويسن hoisin sauce صوص صيني جدا مشهور في الأكل الكانتونيزي و الفيتنامي. المكون الأساسي فيه هو البطاطس الحلوه مع مواد ونكهات ثانيه. تقريبا هو باربيكيو صوص صيني دوروه أكيد بتلاقونه.

 

* تقدرون تستخدمون هنا النودلز المصنوعه من رز rice sticks أو حتى اللي مصنوعه من فاصوليا المنج بين mung bean اللي يسمونها أحيانا نوودلز سولوفان cellophane noodles . نودلز القمح و البيض ما أنصح بتخرب قوام الروول.

 

* خل الرز نوع خل مصنوع من الرز، لونه يجي أبيض وبحموضه أقل من أنواع الخل الثانيه ومع نكهة حلاوه خفيفه وطعم خاص فيه موب موجود في أي نوع خل ثاني. اللي قد أكل سوشي وذاق الرز بيلاقي فيه نكهة غريبه هذي من الخل حق الرز . خل الرز متأكد لو دورتوه بتلاقونه أهم شي أهم شي لا تبدلون أي نوع خل ثاني لأنها قويه وطعمها برا النكهة اللي ندور هنا. في حال ما لقيتوا الخل مره أستخدموا كمية خل أبيض عادي مخفف بنفس الكمية  مويه ومع رشة سكر.

 

* تقدرون تستخدمون أي خس للوصفة هذي ، الخس الأحمر حلو شكله وبيبين من ورا الورق شكله حلو بس.

 

خس أحمر

 

* الكرنب الصيني غير الكرنب الأبيض أو الأخضر العادي ، هو أقرب للخس من الكرنب وطعمه حلو ولين عكس الكرنب العادي. كذا شكله :

 

 

* لفات ورق الرز تجي ورق مدور لونه أبيض، زي كذا :

 

الطريقة :

للصوص :

 

نطبخ البصل و الثوم و الفلفل الأحمر المجروش في مقله صغيره مع ملعقة كبيره زيت على حراره وسط إلين يبدأ يقلب ذهبي. نضيف باقي المقادير ونحرك إلين تكونلنا صوص ثقيل تقريبا دقيقة بعدين نحطها عالجنب.

 

للروولات :

 

نطبخ نوودلز الرز ( أو السوليفان ) زي ماهو مكتوب على علبتها. بعد ما تستوي نصفيها زين بصفايه بعدين نضغطها بين منديلين رول ونطلع المويه الزايده. نضيف خل الرز وشوي ملح عالنوودلز ونحركها معها إلين تتطعم فيهم شوي.

 

 

نوودلز الرز

 

الحين نبدأ نركب الرولات. ناخذ صحن كبير ونعبيه مويه دافيه ونحطه عالجنب. ننظف وننشف المنطقة اللي بنلف عليها الروولات زين عشان ما تلصق بقوه عليها.

 

ناخذ حبه من ورق الرز وننقعها في المويه الدافيه ١٠ ثواني بس بعدين نشيلها من المويه ونهزها شوي عشان نشيل المويه الزايدة. نتأكد إن مافيها أي شقوق بعدين نحطها على الطاولة أو لوح التقطع اللي بنلف عليه.

 

الحين في الثلث السفلي للورقه نحط نص ورقة خس ونخلي بين الخسه وجوانب ورقة الرز ١ إنش تقريبا. نحط شوي من صوص البينت بتر اللي سوينا فوق الخسه بعدين نحط فوقهم شوي نعناع ، ريحان ، نوودلز و ملفوف. نلف الورقة شوي على الحشوه هذي وبعد ما نوصل لنص اللفه نحط الجزر و الكزبره ونطبق الأطراف ونكمل لف. نلف باقي الرولات زي كذا بالضبط بعدين نقدمها أو نقسمها بسكين حاد بالنص لو نبي.

 

summer rolls

ورقة الرز تحت الحشوه بس كونها شفافه صعب تبان هنا

summer rolls

أول لفه للنص

summer rolls

سمر روولز

 

هذي الرولات يفضل تتقدم بعد اللف علطول بس في حال حبيتوا تحفظونها تقدرون تسوونها قبل ب ٦ ساعات . سووا الرولات بعدين لفوا كل رول بمنديل رول رطب وأحفظوها في الثلاجه في علبه تتقفل بإحكام.

 

سمر روولز

summer rolls

سمر روولز

vietnamese rolls

سبرنج روول فيتنامي

Follow TopChefCooks on Twitter

عن الكاتب

Top Chef

23 comments

2 pings

Skip to comment form

  1. غير معروف

    الحين هذا ياكلوة كلة بورق الرز اللى ملفوف فية !!

    1. Top Chef

      إيه ؟ ورق الرز بغض النظر عن إسمه هو شي قريب من الباستا تقريبا.

  2. غير معروف

    مرحبا توب شيف
    ممكن تعطيني حشوات تانية للسمر رولز

    1. Top Chef

      ممممم نفس الحشوة ممكن تزيدين عليها دجاج أو ربيان أو كراب مثلا أو لو تبين شي زيادة لوبستر أو ستيك مشوي ومقطع أو بط …

      ممكن طبعا تسوين تغيرات عشان تمشين الإضافات مع الحشوة فمثلا مع الربيان أو الكراب ممكن تزيدين فلفل حار للحشوة مع منجا أو بابايا.

  3. غير معروف

    مرحبا توب شيف
    حصلت بكارفور مرة واحدة سبرينغ رول الرز وبعدها مالقيت ولا بمكان
    بأي سوبر ماركت بقدر أحصله أو في مكان معين ممكن الاقيه

    1. Top Chef

      علمي علمك …

  4. غير معروف

    مرحبا توب شيف حصلت صلصة الهويسن بهايبر بنده الظاهر منزلينها جديدمتل يلي بالرابط http://www.superbest.dk/produkt/blue-dragon-hoi-sin-sauce

    1. Top Chef

      شاكرلك … بروح أدورها إذا رحت إن شاء الله …

  5. غير معروف

    مرحبا توب شيف جربتها وكانت روووووووووعة وخفيفة ورايقة كتير وبالنسبة لصلصة الهويسن لقيت بموقع مكوناتها وساويتها ان شاء الله تكون صح
    4 ملاعق طعام من صلصة الصويا
    2 ملاعق طعام من زبدة الفول السوداني
    1 ملعقة طعام دبس أو 1 ملعقة طعام من العسل
    2 ملعقة شاي خل الأرز
    1 فص من الثوم ، مفروم فرما ناعما
    2 ملعقة شاي زيت بذور السمسم
    1 ملعقة صغيرة من الصلصة الحارة الصينية (أكثر أو أقل حسب الذوق)
    1/8 ملعقة صغيرة من الفلفل الأسود
    ممكن شيف اقتراحات تانية للحشوة

    1. Top Chef

      بالعافية ….

      بخصوص الهويسن شفت الوصفات اللي في النت وجربت عده وصفات منها وماكانت زي الهويسن اللي أشتريه أبدا … الهويسن ما يتسوى بالبيت بسهولة حسب ما فهمت وكل الوصفات هي وصفات تعطي نكهات قريبة من الهويسن اللي هي تعطي صوص أساسه صويا فيه حلاوه وشوي كموضه ونكهة ثوم وبهارات بس زي ماقلت ماذقت ولا شي من النت وطلع زي الهويسن للحين…

  6. غير معروف

    السلام عليكم أنا راح اتعقد واعرف وين يبيعون الملفوف الصيني هذا أنا ما ليقيته
    على فكره الموضوع يهبل ، وين القى بالكويت تكفون

  7. غير معروف

    توب دورت صلصة الهويسن وماحصلتها في بديل عنها

    1. Top Chef

      أمس سويت الصوص … فعلا ما لقيت هويسن صوص هنا للآن بس أستخدمت كيكاب مانيس اللي هي الصويا حقت الأندونيسيين وأعطت نفس الطعم بس أضطريت أزيد السكر شوي عن اللي مكتوب فذوقي وعدلي حسب الرغبة.

  8. الاوتار

    مشكور على الوصفة شيف

  9. ام فهد

    شكرا على جهودك بالتوضيح
    والحين فهمت شنو نوعية الكرنب الصيني يعني طلع معروف؟
    بس انا اكثر من مره اسافر واحب اروح مطاعم بس ولامرة شفته
    وحتى عندنا بالكويت اول مرة اشوفه قبل شهرين ولهذا السبب فرحت لما شفتك حاط صورته:)
    كل الشكر لك…

  10. Emi

    وااااااااو وااااااااااو واااااااااااو
    كثييييييييير عجبتني النتيجة بس ما أتخيل طعم النعناع معاها
    شيف بسأك .. انت تعلمت هالوصفات من الكتب بس ولا بتسافر كثير .. ولا بتعقد صداقات مع أصحاب المطاعم هههههه ؟!
    عندي فضووول أعرف
    لأن عندي شغف في الطبخ وأحب أتعلم الأكلات العالمية بس حتى النت اللي المفروض يعلمنا كل شي ما فيه المعلومات اللي عندك ما شاالله عليك ..
    حابة أعرف اعتمدت على ايش في أخذ المعلومات الصح .. مو الغلط اللي بنشوفها عالنت والتلفزيون

    1. Top Chef

      جربيها وشوفي النعناع يمشي ولا لأ D;

      النت فيه كل شي لو دورتي زين وشفتي كذا مصدر . يمكن أحسن طريقة للتعلم هي إنك تجربين الأكل نفسه ، ما يحتاج تسافرين عشان تذوقين الحين الأكل متوفر في كل مكان ..

  11. ام فهد

    السلام عليكم
    شيف تسلم ايدينك تمنيت والله يكون فيه اختراع بالانترنت يخلينا نتذوق هااكلات اللذيذه…
    بس حبيت اسال بشنو اقدر استخدم الكرنب الصيني استخدامات اخري تصلح لنا كخليجين؟كسلطه مثلا؟؟
    لاني اشتريته مرة واحترت شنو اسوي فيه وبالاخير استسلمت وعطيته الخدامات :)

    1. Top Chef

      كخليجيين ؟ مدري بس أحس خليتي ذوقنا مررررره معقد ؟

      الكرنب أكل قديم وهو أكل فقراء يعني يعتبر شي شعبي مررررررره تقدرين تعتبرنيه البصل حق الورقيات. زي ما البصل له ملايين الإستخدامات نفس الشي الكرنب.

      تقدرين تسوينه سلطة ( ني ) ، تقدرين تطبخينه بالبخار ، تقدرين تطبخينه مع شوي زبده وبصل ( سوتيه ) وتقدمينه كطبق جانبي ، تقدرين تخخلينه ، تقدرين تحطينه في الساندوتشات ، تقدرين تسوين فيه كول سلو ، تقدرين تسوين منه شوربه ، تقدرين حتى تستخدمينه كأكواب وتحطين داخله حشوه يعني تستخدمينه زي الخبز ..

  12. غير معروف

    مبدع كعادتك
    الصوص الي قدمته معه هو صوص الفول السوداني

    1. Top Chef

      لا صوص الفول السوداني داخلها .. اللي عالجنب هذا صويا بس

  13. غير معروف

    واااااااو
    شي اليييم الصراحه
    متى تفتح مطعم ابسنتر فيه ان شا الله
    شيف رولات الربيع وشي حشوتها الله لايهينك

    1. Top Chef

      هذي تقدرين تقلينها لو تبين .. سويها زي ما سويت وخليها عالجنب شوي كم دقيقه تنشف بعدين أقليها في زيت حار . هذي يسمونها سبرينج روول تايلنديه .

      لو تقصدين الصينيه العاديه ممكن تنحشي أي شي ، كل واحد وكل منطقة يسوونها غيييير تماما عن الثانيه .. أبسط حشوة هي إنك تطبخين شوي بصل بعدين ثوم و زنجبيل في زيت وبعدين كرنب و جزر و صويا و أي بهارات ثانيه صينيه تحبين بس .. فيه ناس يحطوون نودلز فيه ناس يحطون فاصوليا فيه ناس يحطون ربيان أو دجاج ،المسألة راجعتلك

  1. ختام فعالية حول العالم في ٣٠ يوم …. » Top Chef Blog .. مدونة توب شيف

    […] فيتنام : سمر روولز بالخضار […]

  2. ختام فعالية حول العالم في ٣٠ يوم …. « مدونة توب شيف … Top Chef

    […] فيتنام : سمر روولز بالخضار […]

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: