«

»

مارس 31 2011

راجوو الغنم .. Lamb Ragù

هلا والله …

 

تقريبا نفس الطريقة اللي سوينا فيها راجوو الأرنب ونفس الطريقة ممكن تستخدم مع أي نوع لحوم يحتاج وقت طبخ طويل زي فخذ الدجاج أو البط أو غيره ، الطبخ الطويل يخلي اللحم لين ويذوب في الفم. هذي وحدة من طرق الطبخ الأساسيه اللي هي اليخنة أو ال braising . هنا بستخدم رجل غنم لأن يعجبني طعم القطعة هذي، بس في حال ماكان عندكم أو ماكانت قطعة تفضلونها تقدرون تستخدمون كتف غنم بينفع هنا.

 

 

المقادير :

 

تقريبا ٧٠٠ جرام لحم غنم من الرجل أو الكتف

 

حبة بصل مقطعة صغار

 

حبة كرفس مقطعة مكعبات صغيرة

 

حبة جزر كبيرة مقطعة مكعبات صغيرة

 

٥ فصوص ثوم مقطعة شرايح نحيفة

 

ملعقة كبيره معجون طماط

 

نص عود روزماري طازج ( الروزماري رهيب مع الغنم حاولوا تدورونه )

 

عود زعتر بري thyme لو متوفر

 

ورقة غار

 

علبة طماط مصفيه بعدين مقطعه أرباع

 

مرق دجاج أو مويه

 

زيت زيتون + زيت عادي

 

ملح وفلفل

 

نعناع مقطع شرايح نحيفة

 


الطريقة :

 

نبدأ أول شي بإننا نرش اللحم بملح وفلفل من جميع الجهات.

 

الحين نسخن قدر على حرارة أعلى من وسط بشوي ونخليه يحتر شوي بعدين نحط زيت ( زيت عادي ) ونحمر اللحم زين من جميع الجهات .

 


lamb shank

lamb ragu
بعد ما يتحمر نشيل اللحم في صحن ونكب الزيت . الحين نرجع القدر على نار خفيفه ونحط شوي زيت زيتون بعدين نطبخ الخضار ( بصل ، جزر ، كرفس ) مع رشة ملح إلين تذبل . بعد ما تذبل نحط الثوم و الأعشاب و نطبخهم شوي بعدين نحط الصلصة .
الحين نحط كوب مرق دجاج أو مويه عشان نذوق البقع البنيه اللي في القدر بعدين نرجع اللحم للقدر . الحين نحط الطماط المقطع بعدين نزيد مرق دجاج أو مويه إلين تقريبا يغطي الأرنب. نخليه يطبخ على غليه جدا خفيفه إلين يستوي ويصير اللحم يطيح من العظم تقريبا ساعتين ونص إلى ثلاث ساعات للرجل أو ساعة ونص للكتف.
نشيل اللحم من الصوص ونخليه يبرد ونخلي الصوص يكمل طبخ بدون غطاء (عشان يثقل) .

الحين نسوي زي ما سوينا في الأرنب ونفكك اللحم من العظم ونحطه على جنب .

رجل غنم
lamb shank ragu
نرجع اللحم للصوص ونخليهم يطبخون إلين يوصل الصوص للثقل اللي نبي بعدين نذوق الطعم و نعدل الملح و الفلفل حسب الرغبة . آخر شي نطفي النار ونرش النعناع .

باببارديللي مع راجو الغنم .. Pappardelle with Lamb Shank Ragu :

 

 

نسوي بارباديللي زي ما شرحت في موضوع الباستا هنا بعدين نطبخها زي ما شرحت في الموضوع .

 

نحط الباستا عالراجو ونطبخهم مع بعض ثواني بعدين نقدمها مع زيادة نعناع و جبن رومانو أو بارمزان .

 

 

ragu

 

باستا بالغنم

 

lamb pasta

عن الكاتب

Top Chef

4 comments

Skip to comment form

  1. غادة

    شو ممكن حط بدل الكرفس لانو عنا بسوريا ما في كرفس او قليل جدا يعني ما بنعرفو وشكرا لك

    1. Top Chef

      أتركيه

  2. غادة

    جربت راجو البولونيز
    مررررررررررررره كان لذيذ الله يعافيك
    طبقت الوصفة بحذافيرها باستثناء اني استخدمت مفروم حاشي ….ومتاكده انها بالبيف راح تكون الذ بس هذا الي كان متوفر عندي ومره كنت مشتهية اجربها فماصبرت
    اشوف احلى شي بالوصفة اضافة الخضار بالاول وثم اضافة الحليب بالاخر …كنت متخوفة من الحليب بس عطاها طعم كريمي وخفيف حلو
    الله يجزاك خير

    1. Top Chef

      بالعافية على قلبك ..

اترك رداً على غادة إلغاء الرد

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: