«

»

مايو 19 2011

آيرلندا : ريش الغنم بالنعناع مع صوص البازلاء .. Mint Lamb Chops with Pea Puree

هلا والله …

ANY CHARACTER HERE

هذا الموضوع تابع لفعالية حول العالم في ٣٠ يوم.

ANY CHARACTER HERE

المطبخ الآيرلندي جدا بسيط و شعبي و يعتمد بشكل أساسي على المكونات الموجودة في نفس المنطقة مثل البطاطس و الكرنب و الحبوب و الغنم ومنتجات الخنزير بشكل أساسي. هو جدا قريب من المطبخ الإنجليزي ونقدر نقول إنه فرع من فروعه ويختلف عنه في المكونات لا أكثر. 

ANY CHARACTER HERE

الأكلة اليوم جدا سهلة وسبب إختياري الأساسي لها هو البازلاء الصراحة كونه هذا موسمها وهو الوقت اللي تكون فيه بأحلى طعم. البازلاء و الغنم رهيبين مع بعض و النعناع مع الغنم يعتبر نكهة كلاسيكية ودايما رهيبة. الصوص اللي بسويه جدا سهل هو بازلاء مطحونه لا أكثر ، جربوه مع البيض المقلي و البيكون لو تحبون رهيب.

ANY CHARACTER HERE

المقادير :

ANY CHARACTER HERE

للصوص :


تقريبا نص كيلو بازلاء طازة جديدة أو مجمدة.

١/٣ كوب نعناع

٣ ملاعق كبيرة زبدة

٣ ملاعق كبيرة كريمة أو حسب الرغبة

ANY CHARACTER HERE

لريش الغنم :

ANY CHARACTER HERE

١/٤ كوب نعناع مفروم

زيت زيتون

ملعقتين كبار خل بلسمك

٤ فصوص ثوم مفرومة

ملعقتين صغار كمون

ملعقة صغيرة كزبرة

ملعقة صغيرة فلفل حار مطحون

ملح وفلفل أسود

٨ ريش غنم

ANY CHARACTER HERE

* كثير ناس يغلطون في البازلاء ويحفظونها وقت طويل مع العلم إنها جدا حساسة للحفظ. البازلاء حدها ٤ أيام في الثلاجه من يوم تنقطع من الشجر. أول ما تنقطع من الشجر السكر اللي فيها يبدأ يتحول نشا ويصير طعمها أقل حلاوه وقوامها نشوي زي البطاطس تقريبا. حوالي ٤٠٪ من السكر يتحول نشا من أول يوم بعد القطف بس ! عشان كذا مهم جدا تكون طازة مره إذا كنتوا بتستخدمونها طازة. إذا ماعندكم طازة أستخدموا مجمدة، البازلاء المجمدة غالبا تكون بازلاء طازة وحلوه ومجمدة في نفس اليوم وفي عز موسم البازلاء. البازلاء المجمدة ممتازة للأكل كونها ما تخسر طعمها ولا حلاوتها زي الطازة إذا قدمت ولا حتى فوائدها الغذائة ( آخر همي بس قلت معلومة يمكن تفيد أحد ). البازلاء المعلبة خيار سيء هنا ( أو في أي أكلة ) ، التعليب ما يمشي مع البازلاء زين وراح يعطي بازلاء لينة أكثر من اللازم وبطعم معدني خفيف.

ANY CHARACTER HERE

* اللحم أنا مستخدم ريش بس أستخدموا أوصال عادية لو تبون بنفس التتبيلة أي لحم غنم يمشي بشكل حلو مع الصوص.

ANY CHARACTER HERE

الطريقة :

ANY CHARACTER HERE

للصوص :

ANY CHARACTER HERE

نسلق البازلاء و النعناع في مويه مغليه ومملحة إلين تستوي وتصير لينه تقريبا ٤ دقايق.

نصفي البازلاء و النعناع ونحفظ موية السلق بعدين نفرمهم بالخلاط مع الزبدة و الكريمة و رشة ملح وفلفل ونزيد من موية السلق إلين توصل القوام اللي نبي. نغطي الصوص بنايلون ونخليه عالجنب إلين نسوي اللحم.

ANY CHARACTER HERE

للريش :

ANY CHARACTER HERE

نخلط الزيت مع الخل و النعناع و الكزبرة و الكمون و الفلفل الحار و الثوم في صحن ونقلب الريش فيهم. نغطي الريش ونخليها تتبل على حرارة الغرفة ساعة عالأقل أو في الثلاجة لو وقت أطول.

ANY CHARACTER HERE

نطلع الريش من التتبيلة وننشفها بمناديل رول بعدين نرش ملح وفلفل أسود عالوجهين.

ANY CHARACTER HERE

نسخن مقلة ستانلس أو حديد زهري على حرارة أعلى من وسط بشوي وبعد ما تحتر نحط شوي زيت وبعدين نحط الريش. نطبخ الريش إلين يتحمر الوجه الأول بعدين نقلبها ونطبخ الوجه الثاني إلين يتحمر تقريبا ٤ دقايق بالكثير. هذا بيعطينا ريش ميديم medium يعني ماتزال حمراء داخل زي ما أنا أحبها و أعتقد الغنم أكثر من كذا يصير ناشف وقاسي بس كل واحد وذوقه.

ANY CHARACTER HERE

نشيل الريش من الحرارة ونخليها عالجنب دقيتقين ترتاح عشان ترجع المويه تتوزع في اللحم ويرتاح العضل ويجينا رطب ولين. نقدم الريش مع صوص البازلاء وبطاطس أو كسكسي أو رز أو أي نشا ثاني تحبون عالجنب.

ANY CHARACTER HERE

شوي الغنم

lamb with couscous

غنم مع بازلاء

lamb with peas


عن الكاتب

Top Chef

8 comments

2 pings

Skip to comment form

  1. غير معروف

    مرحبا …

    لو سمحت البلسميك شكله ثقيل او كثيف هنا ” هذا انت مسوية صوص -طبخته مثل مرة قلت لي عليها او عادي من العلبة على طول”
    ورقة النعناع شكلها غريبة شوي او من التصوير؟؟

    1. Top Chef

      لا البلسمك صوص زي اللي سويته للتشيز كيك أول .. هو موب مطلوب أبدا هو شكل أكثر من كونه صوص

      ورقة النعناع مافيها شي ورقة نعناع عادية هههه بس يمكن عشانها من طرف الغصن اللي فوق وجايه كذا .

  2. غير معروف

    مبدع ماشا الله عليك

  3. غير معروف

    يسلمو يدك شيف
    والله يديك العافيه يارررب :)

  4. um nwaf

    حلوه البساطة..

    يمكن هذا الشىء الوحيد اللي حتجرأ واسويه ميديم

    يعطيك العافية

  5. غير معروف

    شييييييييييي صراحة

    حلو منك صوص البازلاء حبيته لاني من الناس الي تحب البازلاء واقدرها

    عندي سؤال على الماشي هالحين الريش اشتريها والعظم فيه شوي زوايد او لحم واشوف الريش الي معك

    مافيها انت وشلون تنظفه او ترتبه

    يسلمو ياعسل ماقصرت وصحة وعافية على قلبك

    1. Top Chef

      أها .. سؤال حلو وحلو بعد إنك لاحظتي لأني للحين مستغرب محد سألني عن الهدف من تنظيف الريش ؟

      الريش أنا أشتريها كاملة و أنظفها في البيت سهل مره. الريش تجيك عظم ومشبوك فيه قطعة لحم في الأخير (اللي في الصورة) هذي يسمونها العين. بعدين يجي فوق العين طبقة جلد قاسي من النوع اللي ما يذوب مع الطبخ وبعدين طبقة لحم خفيفة وبعدين شحمة .. في التنظيف إحنا نشيل الشحم و نشيل الجلد و اللحم الصغير ونطلع الريش زي كذا … تقدرين تسوين العملية في كل ضلع لحاله بس صعبة شوي وتاخذ وقت بس لو شريتي الضلع كله ونظفتيه مره وحده يكون سهل . شوفي الفيديو أسهل :

      1. غير معروف

        اذا تبي الصدق من المرة الماضية يوم اشوف ريشك وريشي وانا اقول وشلون سواها خصوصا ان المحلات تبيع الريش مقصصة خالصة لكن بدون تنظيف .وحاولت انظفها لكن تعبت منها ماسكة وبقوة ما قدرت ارتبها

        عموما الفيديو عجزت مافتح معي لو تحط رابط يمكن اريح لك

  1. ختام فعالية حول العالم في ٣٠ يوم …. » Top Chef Blog .. مدونة توب شيف

    […] آيرلندا : ريش الغنم بالنعناع مع صوص البازلاء […]

  2. ختام فعالية حول العالم في ٣٠ يوم …. « مدونة توب شيف … Top Chef

    […] آيرلندا : ريش الغنم بالنعناع مع صوص البازلاء […]

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: