«

»

مايو 18 2011

إنجلترا : بودنج الخبز .. Bread Pudding

هلا والله …

ANY CHARACTER HERE

هذا الموضوع تابع لفعالية حول العالم في ٣٠ يوم.

ANY CHARACTER HERE

المطبخ البريطاني موب واحد من المطابخ اللي مشهورة بأكلها. صح هي دولة كبيرة وكانت أقوى دولة في العالم في وقت من الأوقات إلا إنه لسبب مجهول أكلهم جدا بسيط وما تطور بشكل كبير زي جيرانهم الفرنسيين مثلا. المطبخ البريطاني يغلب عليه البساطة في كل شي مثل الخضار المطبوخة بالبخار مثلا أو اللحوم المحمرة أو اليخنات البسيطة أو أكلتهم الشهيرة الفيش آند تشيبس اللي هي عبارة عن سمك مقلي مع بطاطس. كل شي زي ما نلاحظ مباشر وبدون تعقيد ويعتمد على المقادير الممتازة بالدرجة الأولى عشان يطلع الأكل بشكل جيد. الفرنسيين معروف عنهم إنهم يكرهون البريطانيين ويحتقرونهم دايما  و في الطبخ الفرنسي كلمة “إنجليز” إذا دخلت على شي تعني البسيط أو السهل وكأنها تحقير بشكل غير مباشر، مثلا عندنا كسترد إسمه “كريم أنجليز” أو الكريمة الإنجليزية ومع العلم إن هذا الكسترد إختراع فرنسي إلا إنه دخل عليه كلمة إنجليز كونه سهل وغير معقد. نفس الشي عندنا التغطية الإنجليزية حقت القلي اللي هي طحين بعدين بيض بعدين بقسماط وغيرها أكلات كثير. المطبخ البريطاني تأثر بشكل كبير بأكل البلدان اللي كانت محتلتها مثل الهند مثلا. بودرة الكاري اللي الناس يحسبونها شي هندي هي إختراع بريطاني ولا له علاقة بالهند أبدا. كثير من الأكلات الهندية أو بالأصح اللي الناس يحبسونها هندية هي إختراع بريطاني ولا له علاقة بالهند إلا بالأسماء بس، مثال على هذي الأكلات هي التشيكن تيكا مسالا واللي تعتبر وحدة من الأكلات الرسمية لبريطانيا ! ولا لها علاقة بالهند أبدا إلا في كون البهارات اللي داخلة فيها مستوردة من هناك.

ANY CHARACTER HERE

أكلتنا اليوم عبارة عن حلى وهي واحد من ألذ الحلويات و أسهلها و أكثرها مرونة في التعديل. بودنج في الطبخ يعني سائل ( غالبا من مشتقات الحليب ) مثقل بنشا بينما كسترد تعني سائل مثقل ببيض، مع هذا بودنج الخبز مثقل ببيض وهذا يعني إنه كسترد موب بودنج. سبب الإختلاف في التسمية هو إن البريطانين من زمان كانوا يسمون أي حلى بودنج ولصق هذا الإسم في هذا الحلى. بودنج الخبز واحد من ألذ الإختراعات في الطبخ و أي طفل يقدر يسويه بسهولة. بودنج الخبز عبارة عن خبز قديم مشرب كسترد ومطبوخ في الفرن (قريب جدا من أم علي) ، البودنج ممكن ينوكل حار أو دافي أو حتى بارد.

ANY CHARACTER HERE

المقادير :

ANY CHARACTER HERE

كوبين ونص حليب

كوبين ونص كريمة

عود قرفة

ملعقة صغيرة جوزة طيب

١٥ حبة قرنفل

١٥ حبة فلفل أسود

ملعقة صغيرة قشر برتقال مجفف

تقريبا 15 جرام زنجبيل مسكر ياجاهز يا تسوونه في البيت. مقطع صغار

3 بيضات

3 صفارات بيض

1/2 كوب سكر

3/4 كوب سكر بني غامق

ملعقة كبيرة فانيلا سايلة

تقريبا 10 – 12 كوب خبز خميرة قديم من أي نوع مقطع مكعبات.

كوب إضافات حسب الرغبة (إختياري).


* الخبز ممكن يكون أي خبز أهم شي يكون خبز قديم وكل ماكان قديم أحسن. لو ماعندكم خبز قديم حطوا الخبز في فرن بارد ( يعني حرارته على أقل شي ) وخلوا الخبز ينشف فيه. أي نوع خبز بشرط يكون خبز خميرة ممكن يستخدم يمديكم حتى تستخدمون كروسان أو بريوش لو تبون وبيعطيكم طعم رهيب.

ANY CHARACTER HERE

* المقصود بالإضافات يعني مكسرات أو فواكه مجففة أو طازة ( الموز بالذات رهيب ) أو حتى هيرشي أو أي شي ثاني. أنا أستخدمت هنا موز مستوي مررره مع جوز ( خليط دايما رهيب ) بس حطوا اللي يعجبكم.

ANY CHARACTER HERE

الطريقة :

ANY CHARACTER HERE

نخلط نص الحليب مع نص الكريمة في قدر ونضيف عليهم القرفة و القرنفل و  الفلفل الأسود و قشر البرتقال و الزنجبيل و جوزة الطيب ونخليهم إلين يوصلون غليه جدا هادية بعدين نطفي النار ونغطي القدر ونخليه يتطعم ربع ساعة. نصفي الخليط ونحطه عالجنب.

ANY CHARACTER HERE

الحين في صحن خلط كبير نخفق البيض مع صفار البيض و السكر الأبيض و البني مع رشة ملح إلين يصير الخليط  متجانس ومنفوش شوي بعدين نخلط عليه الفانيلا و الكريمة و الحليب اللي طعمنا و باقي الحليب و الكريمة. هذا الكسترد اللي بنصبه عالخبز ، إذا تبون أحسن نتيجة سووا الكسترد هذا قبل بيوم أو يومين وحطوه في الثلاجه، الكسترد يتحسن دايما في الثلاجه.

ANY CHARACTER HERE

الحين رصوا الخبز الناشف و الإضافات إذا بتحطون في الصحن اللي بتستخدمون بعدين صبوا الكسترد عليه.


غطوا الخليط بنايلون وخلوه يتشربه ساعتين تقريبا على حرارة الغرفة أو ٨ ساعات في الثلاجة.

ANY CHARACTER HERE

bread pudding

ANY CHARACTER HERE

شغلوا الفرن على ٣٢٥ .

ANY CHARACTER HERE

دخلوا البودنج الفرن إلين ينفش شوي ويجمد الكسترد تقريبا ساعة إلا ربع ( الوقت اللي حاط للصحون حقتي الوقت راح يختلف كثير مع كل حجم وشكل صحن ). أو اللي عندهم ميزان حرارة إلين توصل حرارته الداخلية ١٦٥ – ١٧٠ فهرنهايت. طلعوه من الفرن وكلوه بعد ما يبرد شوي أو خلوه يبرد لحرارة الغرفة أو حتى كلوه بارد من الثلاجه.

ANY CHARACTER HERE

قدموا مع البودنج صوص كاراميل أو دولتشي دي ليتشي أو حتى بترسكوتش لو تبون بس هو لحالة رهيب.

ANY CHARACTER HERE

bread pudding

بريد بودنج


عن الكاتب

Top Chef

17 comments

8 pings

Skip to comment form

  1. nana

    وصفة لذيذة حبيتها
    سويتها مرة وما استسغت الطعم بأجرب وصفتك

  2. غير معروف

    توب مايحتاج البودنغ حمام مائي

    1. Top Chef

      بكمية النشا الكبيره في الخبز ما يحتاج. أي كسترد ينحط معاه نشا يصير فيه مقاومه لإن البيض ينطبخ أكثر من اللازم وعشان كذا موب ضروري هنا.

  3. غير معروف

    شي رائع
    انالشيف اياد منسوريا

  4. غير معروف

    مرحبا شيف
    ما عليك امر ابي وصفة التوفي بودنج
    على ما اعتقد ينحط فيها تمر مو متأكده بالضبط
    كنت دوم احلي فيها ايام بريطانيا…والحين اشتهيها بس للأسف ما لقيت وصفة تبرد الخاطر :(

    1. Top Chef

      هلا والله …

      موجودة في صفحة الوصفات بإسم كيكة التمر ..

  5. fofo-tvxq 4ever♥ (@Falcon_jap)

    وااااوووو من زمااان وانا ادور وصصفه مضمونه ومشروحة صصح للبودينق
    بسس عندي سؤآل ..
    الحين الزنجبيل المسكر .. فيه مشكلة لو ببدلة قشور حمضيات مسكرة ؟!
    جسست .. ومرة ثانية مرررررررة ششكرا ع الوصفه :)

    1. Top Chef

      وش الهدف ؟ إحنا يهمنا هنا نكهة الزنجبيل المسكر نكهة الحمضيات حطينا قشر مجفف. لو ما عندك حطي شوييي زنجبيل مطحون

  6. لمى

    ماشاءالله تبارك الله
    اطباق من زمان ونا ادور عليها
    تسلم اديك

  7. Cutest Evil

    تعرف طريقة للزنجبيل المحلى ؟

    1. Top Chef

      موجوده في الموقع أكتبي candying fruits في البحث وتطلع

  8. غير معروف

    شكلها مشهي
    يسلمو شيف :))

  9. نور

    حلو وايد و سهل و يحبونه اليهال وااايد
    بس عندي سؤال اذا بخلي الكاسترد يكون كاسترد ككاو
    بحيث انه يكون لونه بني مو اصفر
    شنو طريقته ؟
    انا اطلبه من كافيه عندنا و حدا عاجبني

    1. Top Chef

      زيدي بودرة كاكاو عالكسترد أو ذوبي شكولاته وصبيها عالكسترد

  10. غير معروف

    ينفع نسوية بكروسان شوكلاتة

    1. Top Chef

      أي خبز خميرة

  11. غير معروف

    عجبتني فكرة الحقران <<<اجل مو بس العرب والي عندهم حقران هههه

    تشكر ماقصرت

  1. بان بردو (فرينش تواست) .. French Toast | Guiddz

    […] ألاف ألاف الإضافات و الصوصات فوقها. الفرينش توست ( زي بودنج الخبز ) يعتقد غالبا إنه إختراع فرنسي وكان طريقة لإستخدام […]

  2. بان بردو (فرينش تواست) .. French Toast | المطبخ الجزائري العربي - tabakh l Cuisine Algérienne

    […] ألاف ألاف الإضافات و الصوصات فوقها. الفرينش توست ( زي بودنج الخبز ) يعتقد غالبا إنه إختراع فرنسي وكان طريقة لإستخدام […]

  3. أصابع الماك آند تشيز .. Fried Mac & Cheese » Top Chef Blog .. مدونة توب شيف

    […] أكلات جديدة منها و الأمثلة على هذي الأكلات كثيرة مثل الفرينش توست french toast و بودنج الخبز  bread pudding  اللي يستخدمون خبز قديم […]

  4. ختام فعالية حول العالم في ٣٠ يوم …. » Top Chef Blog .. مدونة توب شيف

    […] إنجلترا : بودنج الخبز […]

  5. بان بردو (فرينش تواست) .. French Toast « مدونة توب شيف … Top Chef

    […] ألاف ألاف الإضافات و الصوصات فوقها. الفرينش توست ( زي بودنج الخبز ) يعتقد غالبا إنه إختراع فرنسي وكان طريقة لإستخدام […]

  6. أصابع الماك آند تشيز .. Fried Mac & Cheese « مدونة توب شيف … Top Chef

    […] أكلات جديدة منها و الأمثلة على هذي الأكلات كثيرة مثل الفرينش توست french toast و بودنج الخبز  bread pudding  اللي يستخدمون خبز قديم […]

  7. ختام فعالية حول العالم في ٣٠ يوم …. « مدونة توب شيف … Top Chef

    […] إنجلترا : بودنج الخبز […]

  8. آيرلندا : ريش الغنم بالنعناع مع صوص البازلاء .. Mint Lamb Chops with Pea Puree « مدونة توب شيف … Top Chef

    […] و الغنم ومنتجات الخنزير بشكل أساسي. هو جدا قريب من المطبخ الإنجليزي ونقدر نقول إنه فرع من فروعه ويختلف عنه في المكونات لا […]

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: