»

نوفمبر 27 2010

Thousand Island Dressing .. صوص الثاوزاند آيلند

هلا والله ….

.

صوص الثاوساند آيلند أو الألف جزيره معروف عند ناس كثير . بس أغلب الناس يلخبط بين الصوص الروسي اللي هو عباره عن مايونيز وكتشب و زبادي + أي شي ثاني تحبونه و الثاوسند آيلند. المسألة موب مسألة أفضل أو أسوأ هي بس غير هذا شي وهذا شي .

.

الثاوسند آيلند في الأساس عباره عن مايونيز مع تباسكو أو شطه عاديه + أشياء ثانيه غالبا يكون منها بيض مسلوق و مخلل . هو قريب مره من صوص البيج ماك للي يعرفه .

.

إستخدامات الصوص ما تنتهي كثير يعرفونه كخلطة سلطة بس . بس هو ممكن يكون أكثر من كذا بكثير . جربوه مع الربيان أو الدجاج أو السمك أو كصوص مع البيض في السندوتشات مثلا أو حتى كديب للأكلات اللي ذكرت قبل.

.

المقادير :

.

كوب وربع مايونيز .
١/٣ كوب شطه أو تباسكو موب شرط تستخدم كلها
١/٤ كوب فلفل أحمر بارد مقطع صغاار مره
بيضه مسلوقه مقطعه صغار تسوي كل الفرق ترى في الصوص
٣ ملعقت كبيره مخلل مقطع صغار
٢ ملعقة كبيره خردل ديجون أو خردل عادي
٢ ملعقة كبيره كابر
٢ ملعقة كبيره بصل أخضر مقطع صغار
ملح وفلفل

.

الطريقة :

.

أخلطوا المكونات كلها ماعدا الشطه . بعدين حطوا شطه حسب الرغبه .
.

Follow TopChefCooks on Twitter

عن الكاتب

Top Chef

13 comments

3 pings

Skip to comment form

  1. http://www.fatakat-ar.com/category/cook

    كويس جداجداجدا هذه المدونة واري انها لها مستقبل بارع وهام ربنا يوفقكم

  2. ABEER

    طيب مع اي نوع من السلطه تنحط ؟؟

    احسها مع ساندوش فلافل تطلع روعه

    1. Top Chef

      مافيه شروط .. لا تعقدينها وهي سهلة .. إذا طعمها بيمشي مع الشي حطيه ..

  3. عفاف

    اهلييين
    يا ليت اخوي تدلنا على طريقة الرانش
    ومشكور مقدما

    1. Top Chef

      هلا والله …

      تفضلي هذا الرانش :

      كوب وثلاث أرباع لبن .. لبن لبن عادي مراعي صافي اللي هو
      نص كوب مايونيز
      ملعقتين كبار كراث مقطع أو بصل أخضر
      ملعقتين كبار بقدونس
      ملعقة كبيره خل تفاح
      فص ثوم مفروم
      ١/٢ ملعقة صغيرة بشر ليمون
      ملح وفلفل وشوي بودرة بصل

      أخلطي المواد مع بعض إلين تتجانس .. بس

  4. غير معروف

    مساء الخير شيف

    طبقت الصوص مثل ما كتبت فعلا لذيذ وحطيته على السلطة وكان مشهي كثير

    يسلم لي عمرك يا رب وموفق في اختبارتك وعقبال ترجع لاهلك ومعك احلى شهادة واعلى درجات

    والله اني ادعي لك كل ما دخلت المدونة وكل ما دخلت المطبخ اطبق وصفاتك الله يوفقك في الدنيا والاخرة يا رب

    1. Top Chef

      آآمين يارب وياك و الجميع إن شاء الله …

      بالعافيه على قلوبكم ،

  5. غير معروف

    السلام عليكم
    اخوي ضروري الكابر هذا ؟ او ممكن نستغني عنه ؟
    بالنسبه للفلفل لازم يكون احمر يعني مايصير نحط اخضر ولا يفرق بالطعم ؟؟

    الف شكر

    1. Top Chef

      هلا والله …
      أختي قلت هذا الكلام … “الثاوسند آيلند في الأساس عباره عن مايونيز مع تباسكو أو شطه عاديه + أشياء ثانيه غالبا يكون منها بيض مسلوق و مخلل” . هذا هو أهم شي الباقي هي إضافات أنا حطيت هذي الإضافات تبين تزيدين أو تنقصين أو تغيرين براحتك .. أهم شي تشوفين هل الطعم بيطلع زين ولا لأ ..

      الكابر يعطي طعم حلو ومميز للخلطة .. الفلفل الأحمر و الأخضر فرق كبيييير بينهم وما ينفع دايما يتبدل هذا مقابل الثاني كون الطعم يفرق بقوه بينهم .

  6. غير معروف

    السلااام عليكم .. الله يعطيك الف عافيه شيف
    عندي سؤالين .. المخلل اي مخلل ولا لحاجه معينه ؟؟
    وكمان الكابر ما اعرفو اش هو ؟؟
    والله يجزيك الخير اخوي *_*

    1. Top Chef

      وعليكم السلام و الرحمة .

      المقصود هو مخلل خيار .. سواء حلو أو حامض هذا شي راجعلك . لو تبين تحطين مخلل ثاني حطي ليش لأ .. مافيه أحكام هنا تخيلي طعمه كيف بيطلع وجربي .. أو بعد أحسن جربي كونه موب دايما التخيلات تكون منطقيه .. مين كان يتخيل إن الشكولاته مع الفلفل رهيبة ؟

      الكابر هذي المنبت حق نوع ورود تعيش في البحر المتوسط . يعني صح قبل لا تطلع الورده يكون عالجذر فيه زي المنبت للوردة هذا هو المقصود هنا . الودرة نفسها و باقي أجزاء النبات ما تستخدم بس هذا الجزأ هو اللي ينوكل . الكابر اللي ينباع كله مخلل أو محفوظ في سائل مالح مستحيل تلاقينه بصورته الطبيعيه . عشان كذا دايما غسليه بشوي مويه قبل الإستخدام عشان يشيل الملوحة الزايدة .

      طعمه قريب من مخلل الخيار مع نكهة حلوه خاصه فيه . إذا تبين شكله كيف هو يكون علب زي علب المخلل بس صغيره ومكتوب عليه كابر بالعربي أو capers بالإنجليزي

  7. شوكولانا

    كل الشكر لك
    تعرف احسن شي :) انك تذكر اصول الصلصات وهذا اللي نجهله ويخلينا ناكل على عماها
    > اول مره تدري ان اصل الكاتشب + مايونيز + زبادي = روسي :)

    الله يجزاك خير

    1. Top Chef

      هلا والله ….

      في فهم الصوصات فيه ملايين الصوصات ومستحيل تعرفينهم كلهم . بس كل هذي الصوصات ترجع لكم صوص أساسي تقريبا ٧ أو ٨ صوصات يسمونهم الصوصات الأم . من هذي الصوصات سهل تعرفين كل الباقين … مثلا صوص الثاوسند آيلند ، الصوص الروسي ، الأيولي ، الترتار ….. وغيرها ملايين ثانيه بعد هذي كلللللللها ترجع للصوص الأم المايونيز .. كلها تبدأ ب مايونيز + أشياء ثانيه .. تقريبا كل صوص في العالم يمديك تبسطينه إلى صوص أم + إضافه …

      الصوص الروسي هو في الأساس أمريكي ترى ! هو بس إسمه الصوص الروسي بس ماله علاقه بروسيا في الأساس .. يمكن اللي مخترعينه هم مهاجرين روس لأمريكا ؟ منيب متأكد من المعلومه بس اللي متأكد منه إنه أمريكي

  1. البيض المسلوق .. Boiled Eggs » Top Chef Blog .. مدونة توب شيف

    […] دايما نقول كلمة “سلق بيض” للدلالة على سهولة الشي. سلق البيض موضوع جدا بسيط في الطبخ وفي نفس الوقت مهم. إن واحد يقول أعرف أطبخ وهو ما يعرف يسوي أبسط أطباق البيض بشكل جيد كل مرة فهذي فضيحة ! فيه عدة نقاط مهمة في موضوع سلق البيض وبعض المشاكل اللي كثير ناس يعانون منها وطبعا فيه نقاط مجهولة بس إن شاء الله كله بيوضح بعد قراءة الموضوع.  البيض المسلوق بمختلف درجاته يتعدى إستخدامه كطبق فطور زي ما غالبية الناس يعرفونه، هو لذيذ كمكون رئيسي مكان اللحوم في أطباق كثيره ، ممكن يدخل في السلطات أو الساندوتشات أو حتى في صوصات كلاسيكية كثيرة مثل صوص الثاوزاند آيلد أو الألف جزيرة. […]

  2. البيض المسلوق .. Boiled Eggs « مدونة توب شيف … Top Chef

    […] دايما نقول كلمة “سلق بيض” للدلالة على سهولة الشي. سلق البيض موضوع جدا بسيط في الطبخ وفي نفس الوقت مهم. إن واحد يقول أعرف أطبخ وهو ما يعرف يسوي أبسط أطباق البيض بشكل جيد كل مرة فهذي فضيحة ! فيه عدة نقاط مهمة في موضوع سلق البيض وبعض المشاكل اللي كثير ناس يعانون منها وطبعا فيه نقاط مجهولة بس إن شاء الله كله بيوضح بعد قراءة الموضوع.  البيض المسلوق بمختلف درجاته يتعدى إستخدامه كطبق فطور زي ما غالبية الناس يعرفونه، هو لذيذ كمكون رئيسي مكان اللحوم في أطباق كثيره ، ممكن يدخل في السلطات أو الساندوتشات أو حتى في صوصات كلاسيكية كثيرة مثل صوص الثاوزاند آيلد أو الألف جزيرة. […]

  3. غير معروف

    […] […]

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: