«

»

مايو 21 2011

الخبز السويدي .. Swedish Flatbread

هلا والله …

ANY CHARACTER HERE

الخبز هذا أو بالأصح كراكرز أو شابورة منتشر في كل إسكندنافيا وشمال أوروبا وله إستخدامات كثير مره ، أستخدموه بالضبط زي الشابورة أو الكراكرز . الخبز هذا في الأصل ينصنع من طحين راي اللي هو نوع من أنواع الحبوب منتشر بكثرة في شمال أوروبا تقريبا زي الشوفان و القمح وغيرها بس ممكن يتسوى بأي نوع حبوب ثاني زي الشعير أو غيره. كون الخبز جاف هذا يعني إنه يعيش وقت طويل مره وعشان كذا كان يستخدم كأكل جنود من أيام الفايكنج إلى فترات قريبة. ما يحتاج أشرح أكثر بس شي ينوكل من أكثر من ألف سنة بنفس الشكل ونفس الطعم أكيد فيه سبب الناس حبوه طول ذا الفترة ؟

ANY CHARACTER HERE

المقادير :

ANY CHARACTER HERE

كوب وثلث طحين أسمر أو طحين راي rye

٣/٤ ملعقة صغيرة سكر

رشة ملح

٤ ملاعقة كبيرة زبدة باردة

١/٣ كوب حليب

ملعقة صغيرة بذور كمون أو كاراويه أو سمسم أو أي شي ثاني تحبون

ANY CHARACTER HERE

الطريقة :

ANY CHARACTER HERE

نحط الطحين و الزبدة و الملح و السكر و الكاراويه في خلاط مولينكس ونخلط كم مره إلين تبدأ الزبدة تدخل في الخليط بس ما نخليها تذوب. لو ما عندكم خلاط تقدرون تفركون الزبدة بالطحين بيدكم. الحين نحط الحليب شوي شوي ونخلط إلين يعطينا عجينة قاسية وناشفة. كمية الحليب اللي حاط ممكن تزيد أو تنقص فأمشوا أحسن بالنظر .

ANY CHARACTER HERE

خلوا العجينة ترتاح نص ساعة وهي مغلفة بنايلون بعدين سخنوا الفرن على 350.

ANY CHARACTER HERE

الحين أقسموا العجينة نصين بعدين أفردوها بالفرادة حقت العجين لأنحف شي تقدرون عليه بعدين خرموها بشوكة في كذا مكان وحطوها في صينية فرن. دخلوا العجينة الفرن إلين تنشف تماما وتتحمر شوي تقريبا 10 دقايق أو حسب نحف العجينة. أحسن و أسهل طريقة للفرد هي إنكم تستخدمون فرادة باستا إذا كان عندكم، إذا أستخدمتوا مكينة باستا غالبا ما يحتاج تخرمون العجينة.

ANY CHARACTER HERE

خبز مسطح

خبز سويدي

عن الكاتب

Top Chef

8 comments

2 pings

Skip to comment form

  1. jojo

    يعطيك العافيه اخوي وجزاك الله خير لان شرحك واضح جداً
    بس بسألك الخبز رح يكون نفس البسكوت تقريباً صح
    لان من الصوره باين انه ناشف مافيه طراوه

  2. عاصميه

    وااااااو من جد ابداع

  3. الاوتار

    شكراً على الوصفة

  4. غير معروف

    سلام عليكم

    وش طحين راي ؟؟؟

    1. Top Chef

      وعليكم السلام …

      من الموضوع :

      “الخبز هذا في الأصل ينصنع من طحين راي اللي هو نوع من أنواع الحبوب منتشر بكثرة في شمال أوروبا تقريبا زي الشوفان و القمح وغيرها بس ممكن يتسوى بأي نوع حبوب ثاني زي الشعير أو غيره”

  5. غير معروف

    هلا يا غالي

    على اخف شي؟؟؟؟؟

    الفرادة عندي تفرد مرة مرة مرة خفيف مثل اللزانيا يعني تشوف يدك من وراها ماتتوقع انه خفيف زياده ؟

    1. Top Chef

      لا لا طبعا موب أخف شي أصلا بتلاقينها بدت تتقطع بعد سمك معين .. حسب الفرادة بس عندي مثلا أفردها على أوسع شي بعدين اللي بعده وبس أوقف ..

  6. الخُزامى

    أنا من عشاق الخبز ,,, لا سيما السهل ,,, اسميه وليد الفكرة ..بمجرد مافكر اسوي شيء اعجن واخبز وأكل !

    تمنيت لو كان فيه صور أكثر !

    أو حتى أفكار للتقديم ..

    يعطيك العافية شيف …

  1. السويد : ساندوتش الرنجة بالخبز السويدي .. Kipper on Flatbread » Top Chef Blog .. مدونة توب شيف

    […] « الخبز السويدي .. Swedish Flatbread […]

  2. السويد : ساندوتش الرنجة بالخبز السويدي .. Kipper on Flatbread « مدونة توب شيف … Top Chef

    […] اللي بسوي بيكون مصنوع بالخبز السويدي اللي سويت هنا. الحشوة راح تكون تارتار ( غير الصوص وغير كريمة الترتار ) […]

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: