«

»

مارس 20 2011

حشوة البطاطس .. Potato Filling

هلا والله …


في الكم موضوع الجاي راح أتكلم عن حشوات ممكن تستخدم للباستات الطازجة، كثير من هذي الحشوات ممكن تستخدم كحشوات لأكلات ثانيه مثل السمبوسه أو غيرها. أول وصفه بنبدأ فيها هي حشوة البطاطس ، كثير ناس يستغربون من فكرة حشوة بطاطس ! بس صدقوني جربوها وبتغيرون رأيكم.


المقادير :


حبتين وسط بطاطس .

نص بصله مفرومه

صفار بيضه

شوي كراث

أي أعشاب تحبون تقريبا ملعقتين كبار ( الدوش أو البردقوش رهيب هنا .. النعناع و الروزماري و البقدونس كلها تمشي بشكل حلو بعد مع البطاطس).

زيت زيتون

ملح وفلفل

جبن بارمزان


الطريقة :


نحط البطاطس في قدر ونغطيه بمويه بارده مع رشه ملح بعدين نسلقه على غليه جدا خفيفه إلين يستوي. نعرف إنه أستوى بإننا ندخل سكين صغير فيه إذا دخلت بسهوله يعني أستوى. أنتبهوا تخلونه أكثر من اللازم.


نصفي البطاطس بعدين نخليها تبرد شوي تقريبا ٥ دقايق. الحين نقشر البطاطس وهي حاره بعدين نهرسها. عشان نهرسها نقدر نستخدم هراسة بطاطس عاديه أو حتى شوكه و لو كان عندكم طاحونة يدويه زي اللي سويت فيها صوص الطماط الأساسي أحسن بعد. هذي الخطوة مهم تسوونها و البطاطس حاره .


potato filling

 

الحين نطبخ البصل في زيت الزيتون إلين يذبل بعدين نحط عليه البطاطس المهروسه ونحركهم مع بعض .. الحين نحط الملح و الفلفل بعدين نشيله من النار ونحط صفار البيضه و البارمزان و الكراث و الأعشاب ونذوق الخليط ونعدل حسب الرغبة.


حشوة بطاطس

 

بس هذي حشوة البطاطس أسهل حشوة في العالم … جربوا الحشوة مع رافيولي أو تورتيليني أو أي باستا محشية ثانيه وقدموها مع صوص بسيط مكون من زبدة ذايبه مع شوي بارمزان أو أي صوص باستا ثاني تحبون وتشوفون إنه بيمشي مع هذي الحشوة.

 

باستا البطاطس

عن الكاتب

Top Chef

5 comments

Skip to comment form

  1. نهى

    niiccc picccccccccccccccc

  2. غير معروف

    اهلين شبف مشكور عالوصفات الحلوه حبيت اسالك عن فيجا كودو اموت فيها إذا تقدر تفيدني>>>ادري داخله عرض

    1. Top Chef

      هلا والله …

      لا تسأليني عن أي وصفة مطعم .. مقدر أعطيك نفس الطعم بالضبط ..

  3. Top Chef

    تقدرين تستغنين عنه بس أفضل خليه ..

    إذا سويتيه مانيكوتي جربي وشوفي وش تحبين .. مافيه خيار واحد أفضل دايما من غيره ..

  4. غير معروف

    صفار البيضة لازم في هذي الوصفة او نقدر ان نستغنى عنة اذا حشيناها باستا مانيكوتي ايهما افضل صوص الطماطم او البشاميل على الوجة

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: