«

»

مايو 27 2011

زبدة الفستق .. Pistachio Butter

هلا والله …

 

كل الناس يعرفون البينت بتر اللي هي زبدة الفول السوداني، تقدرون تسوون زبدة من أي نوع مكسرات وكل نوع بيعطي طعم وقوام غير الثاني. زبدة الفستق جدا لذيذه ، يمكن ما تكون ناعمه مره زي زبدة الفول السوداني كون الفستق فيه أقل نسبة دسم بين المكسرات بس طعمها لذيذ وتنخلط بسهولة مع أي خليط أو صوص ثاني.تقدرون تستخدمون الزبدة هذي كحشوة لحلويات أو حتى حشوة لأكلات مالحة ( الفستق يمشي بشكل حلو مع لحم الغنم بالذات ) ، تقدرون تضيفونها على قشطة خفق أو على كسترد “كريم أنجليز” وتحطونها في مكينة إسكريم وتسوون منهم إسكريم فستق، تقدرون تضيفونها على أي أساس حلى وتطعمونه بالفستق. تقدرون تضيفونه على أساس تشيز كيك مثلا وتسوون تشيز كيك فستق أو تقدرون تخلطونه مع قشطة خفق وتسوون منه صوص ألفريدو بالفستق .. الأفكار جدا كثيرة ..

 

المقادير و الطريقة لعمل كوب من زبدة الفستق :

 

٣٠٠ جرام فستق مقشر

 

نحط الفستق في خلاط مولينكس ( أو ممكن بإستخدام هاوند ) ونطحنة  ٢ – ٣ دقايق تقريبا إلين يتحول لمعجون ثقيل.

 

pistachio butter

Follow TopChefCooks on Twitter

عن الكاتب

Top Chef

10 comments

1 ping

Skip to comment form

  1. Rami

    يعطيك العافية

    طيب بعد اذنك شيف كيف نخفيفو ونخلي كثافتو اقل يعني كذا ثقيل ويغلب بالشغل
    يعني لو اجي احطو فوق وافل احس انو رح يغلب بالاضافة لشكلو

    وكيف اعطي اللون البني الفاتح الي بتشوفو بلبينت بتر الجاهر الي يتباع بالمحلات
    وشكرا

    1. Top Chef

      لو تبغاه ألين أكثر زد عليه وهو في الخلاط شوي زيت (يفضل وبشدة زيت فستق أو نفس نوعية المكسرات اللي مستخدم) وشيره (أو عسل مسخن أو خليط) إلين يوصل للقوام المناسب لك.

      ليش تعطي زبدة فستق لونها الطبيعي أخضر لون بني ماله أي علاقة بالفستق ؟ مافهمت الفكرة ، بالعكس واحد من أحلى الأشياء بهذي الزبدة هي لونها الأخضر ؟ دايم لون الأكل لازم يعكس نكهته.

  2. غير معروف

    طب لو بشوي زبده بندق !!

    1. Top Chef

      نفس الشي … قشري البندق أو أستخدمي بندق مقشر ، أخلطيه في الخلاط وزيدي عسل أو سكر مطحون لو تبين + شوي زبدة ذايبة وخليه ينخلط إلين يعطي زبدة بندق.

  3. سوشي

    تصدق قاعدة أدور باقي الطريقة خلصت فجأة D: من بساطتها

  4. deleted

    المقادير بس فستق ؟ طب كيف اتحول لمعجون وماصار بودرة مطحونة ؟

    1. Top Chef

      الحراره من الطحن والطحن بقوه يخلي قطرات الدهن الموجوده فيه تتجمع على بعض وعشان كذا قلنا “زبدة” فستق.

  5. BeetAlzain

    thaaaaaaanks

  6. ماريوشكا

    اللوز-الآلموند- بياخذ 30 ثانية فقط عشان تنفصل القشرة؟!

    1. Top Chef

      ٣٠ ثانية كافيه بس عموما الموضوع موب خطير يعني لو طبختيه دقيقتين حتى ماراح يضر كثير .

  1. تركيا : ملفيه الفستق .. Pistachio Millefeuille « مدونة توب شيف … Top Chef

    […] ٣/٤ كوب زبدة فستق […]

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: