مايو 12 2011

موزمبيق : بيري-بيري شرمب .. Peri-Peri Shrimp

هلا والله …

ANY CHARACTER HERE

اليوم التاسع في فعالية حول العالم في ٣٠ يوم و اليوم عندنا موزمبيق. موزمبيق دولة في شرق أفريقيا وهي مثال حلو على أكل شرق أفريقيا بشكل عام. في دول شرق أفريقيا يستهلكون كمية كيرة من الأسماك و المأكولات البحرية وخصوصا عند الشواطئ. المناطق الغربية هي مناطق رعي للبقر و الغنم خصوصا ويكثر فيها إستهلاك الحليب و البقوليات و الخضروات. مناطق شرق أفريقيا تأثرت بعدة حضارات على مر السنين. العرب عرفوهم على الرز و البهارات و المكسرات و بعض الفواكه الطازجة و المجففة. الأوروبيين و خصوصا البرتغاليين أثروا على أكلهم بشكل جدا كبير بإنهم أعطوهم الفلفل و الذرة اللي جابوهم من دول أمريكا.

ANY CHARACTER HERE

الأكلة اللي بسويها اليوم إسمها بيري – بيري شرمب أو ربيان بصوص البيري – بيري. الأكلة جدا لذيذة وجدا سهلة و سريعة، هي عبارة عن ربيان سوتيه مع صوص بيري بيري. البيري-بيري نوع من أنواع الفلفل الحار الأفريقي يستخدم بكثرة في دول شرق أفريقيا و حتى دول شمال أفريقيا زي تونس و المغرب اللي يستخدمونه في عمل صوص “الهريسة”.

ANY CHARACTER HERE

المقادير :

لصوص البيري-بيري :

ANY CHARACTER HERE

٤ حبات فلفل أحمر حار . يفضل فلفل بيري-بيري بس أي فلفل حار أحمر ينفع.

٣ فصوص ثوم مفرومه.

ربع كوب عصير ليمون

كوب زيت زيتون

ملعقة صغيرة بابريكا ويفضل لو بابريكا مدخنة

ANY CHARACTER HERE

للربيان :

ANY CHARACTER HERE

نص كيلو ربيان كبير منظف.

شوي زيت

بقدونس مفروم

ANY CHARACTER HERE

* في الربيان لكم الخيار تقدرون تخلون القشر و الراس أو تشيلونهم. القشر بيعطي الربيان طعم حلو ويحميه من إنه ينشف، و الراس لذيذ للأكل ( نعم الراس ينوكل !).

ANY CHARACTER HERE

* الصوص هذا حار ! ، الخيار لكم إذا تبون الصوص أبرد شيلوا البذور حقت الفلفل أو شيلوا جزأ منها.

ANY CHARACTER HERE

الطريقة :

للصوص :

ANY CHARACTER HERE

نحط الفلفل مع الثوم و الليمون و البابريكا في خلاط ونطحنهم. و الخلاط شغال نزيد الزيت شوي شوي بعدين نذوق الخليط ونعدل حسب الرغبة.

ANY CHARACTER HERE

للربيان :

ANY CHARACTER HERE

نتبل الربيان في صوص البيري-بيري نص ساعة بالكثير ! أكثر من كذا ، الحمض اللي في الليمون بيبدأ يطبخ الربيان. ننشف الربيان من التتبيلة في مناديل رول ونحاول نجففه قدر الإمكان.

ANY CHARACTER HERE

نسخن مقله ستانلس على حرارة أعلى من وسط بشوي. و المقلة قاعدة تسخن نرش الربيان عالوجهين بالملح وشوي فلفل أسود. نحط شوي زيت في المقله ( زيت نباتي عادي ) بعدين نحط الربيان ونخليه يطبخ إلين يقلب الوجه الأول برتقالي بعدين علطول نقلبه ونطبخ الوجه الثاني إلين يقلب برتقالي ولا دقيقة أكثر. نعصر شوي ليمون لو نبي ونحط البقدونس ونقدمه علطول.

ANY CHARACTER HERE

ربيان سوتيه

peri-periبيري بيري شرمب

peri peri shrimp

بيري بيري شرمب


14 comments

2 pings

Skip to comment form

    • nana on 24 يناير, 2013 at 5:24 ص
    • رد

    أعجبني بساطة الطبق
    إن شاء الله أتشجع وأطبخ ربيان
    مشكور

    • غير معروف on 9 سبتمبر, 2012 at 6:08 ص
    • رد

    طيب ينفع اجيب الروبيان المجمد ومقشر
    لانى مااحب اشتري الروبيان فرش ولا اعرف انضف الروبيان لانى جديدة عالطبخ 🙂

    1. اكيد ينفع …. تنظيف الربيان سهل تفصلين الراس عن الجسم بيدك (بيطلع بسهولة) أو خليه لو تبين الراس بيعطي طعم حلو ولذيذ للأكل أصلا. بعدين بمقص أو سكين صغير أقطعي على طول الظهر وشيلي اللي زي الحب الأسود من الظهر وبس كذا جاهز الربيان.

  3. يا أخي .. انت مجــرم

    كذا بتخليني اعشق الروبيان اكثررر ..

    • بوسأم on 14 مايو, 2011 at 7:27 م
    • رد

    يعطيك العافية ،،،، شغل يشوق …. بس سؤال عن الربيان !! العصب. تقصد الخيط إلي بظهر الربيان!؟؟؟. إلي لونه أسود أو غامق عموما !؟؟. يصير هما برئ ينظفونه لي !؟؟ إشتهيت اشتري ربيان كامل كدا و أسويه !!!!
    غير كدا البيري. بيري م أنا كل عمري استخدم البيري بيري الضوض الجاهز. !! إش يفرق عن إلي مسويه!! نفس المكونات ترئ … و ياليت تورينا صورة للبيري بيري ألأصلي.. يعطيك العافية

    1. العصب هو بالضبط الخيط اللي في الظهر .. هو موب عصب عصب هو بالأصح القناة الهضمية حقت الربيان . إذا لقيتي ربيان منظف ممتاز بس موب كل المحلات يبيعون منظف أحيانا لازم تنظفينه يعني بس تأكدي لا أكثر .. وحتى لو مانظفتيه عادي ينوكل أصلا الربيان الصغير ما يتنظف ..

      أستخدمي الجاهز ينفع عادي .. بس أحب أسوي كل شي من الصفر لأن موب دايما الجاهز يعطي طعم أحسن ، مثلا زيت الزيتون مهم في البيري بيري بس غالبا الجاهز مايكون معه زيت زيتون يحطون نوع زيت أقل نوعية و نفس الشي بباقي المقادير يعني ثوم بودرة بدال ثوم طازج وكذا … جودة الأكل من جودة المقادير ..

      البيري بيري تلاقينه في الصور هو الفلفل الأحمر الصغير هذا

    • غير معروف on 13 مايو, 2011 at 11:12 ص
    • رد

    من وين اجيب فلفل بيري وش فرقه عن حبحرنا بالسعوديه

    1. مدري .. إذا مالقيتيه أستخدمي أي فلفل أحمر حار ..

      الفرق بالطعم ، كثير ناس ما يعرفون هذا الشي بس كل نوع فلفلف يفرق كثيييييير عن الثاني بالطعم و النكهة موب بس بالشكل و الحرارة

    • um nwaf on 13 مايو, 2011 at 9:57 ص
    • رد

    ياسلام..
    واضح أنه لذيذ مره
    لاممن البساطة ولا ن التتبيلة ولا من الجمبري

    تسلم ايدك.

    • نور on 13 مايو, 2011 at 6:29 ص
    • رد

    مشالله شكله يههبل
    احلى شي السي فود

    • yasmeen on 13 مايو, 2011 at 2:12 ص
    • رد

    teslam eed il m7athra kil hal a6baq il shaheya 🙂

    • شقآوة فضل on 12 مايو, 2011 at 7:45 م
    • رد

    أوكي شكرآ جزيلا
    وشكرآ عالشرح المفيد
    بالتوفيق دآيمن يآرررب 🙂

    • غير معروف on 12 مايو, 2011 at 7:20 م
    • رد

    أطباقك لزيزة دايمن ماشاء الله وأفكارك حلوه
    انا حطيت الرابط تبع المدونة في المفضلة
    عشان لو احتجت شي اشوف مدونتك
    بس عندي ملاحظة
    ليش ماشلت عيون وديل القمبري طالما إنو مايتآكل ؟
    و ممكن نشاركك بأطباقنا وله ؟
    آسفه عالإطالة

    1. مشكورة وحياك الله دايما …

      الذيل عشان الشكل و عشان يكون مكان تمسكين الربيان منه .. لو كان باستا مثلا أو شوربة غالبا بشيل الذيل .

      الراس و الذيل و القشر و العيون و الرجول وحتى العصب كلها تنوكل في الربيان .. العصب أحب أشيله لأن يكون فيه حصى أحيانا .. غير كذا كلللللله ينولك .. الراس ينوكل ياكامل يا تاكلين اللي داخل الراس اللي هو البطن حق الربيان .

      حاليا أعتذر الصراحة عن أخذ مشاركات من أحد ..

  1. […] موزمبيق : بيري-بيري شرمب […]

  2. […] موزمبيق : بيري-بيري شرمب […]

اترك تعليقاً

لن ينشر بريدك الإلكتروني.

%d مدونون معجبون بهذه: