تويي البارمزان ( فريكو ) .. Parmesan Tuils

هلا والله …

 

تويي البارمزان أو الفريكو frico عبارة عن شرايح بارمزان نحيفة مره وتقرمش وبطعم بارمزان رهيب، الفريكو يكون لين وقابل للتشكيل وهو حار ويمسك الشكل حقه بعد ما يبرد. التويي له إستخدامات كثيره ممكن ينحط مع الشوربات، السلطات، الباستات أو الساندوتشات عشان يعطي قرمشة خفيفه وطعم بارمزان حلو. ممكن يستخدم بعد كزينة كونه ممكن يتشكل بأشكال كثيره ، مثلا يمديكم تشكلونه على شكل صحن وتقدمون داخله سلطة . وطبعا ممكن ينوكل لحاله كسناك .

 

المقادير :

 

جبن بارمزان مبشور بس ….

 

الطريقة :

 

نغطي صينية فرن ببارتشمن أو سيلبات بعدين نسخن الفرن على ٣٥٠ .

 

الحين نحط البارمزان على شكل دوائر زي الصوره تحت بعدين دخلوا الصينية الفرن إلين يتلون البارمزان دقايق بس.

 

parmesan tuils


tuils frico

 

تويي البارمزان فريكو

 

بعد ما نطلعها من الفرن بتكون لينه وقابله للتشكيل ، تقدرون تحطونها على كوب مثلا وبتاخذ شكله أو تقدرون تلفونها زي السيجار أو تقدرون تخلونها زي الأقواس الخيارات كثيره مره …

 

إذا جمد عليكم التويي وتبون تشكلونه رجعوه الفرن ثواني بس إلين يرجع يلين من جديد .

 

هذي أمثله لإستخدامات التويي من النت :

 

مع البرجر

 

ممكن يتشكل بأشكال حلوه

 

تقديم مقبلات

 

 



4 comments

1 ping

Skip to comment form

  1. نغطي الصينيه بشو؟؟ ما فهمت والله

    1. فيه ورق ينباع يشبه القصدير إسمه بارتشمنت parchment paper هذا ما يلصق عليه الأكل تلاقينه في السوبرماركت في العادة

  2. رووووووووووووعه

    الله يثيبك على مجهودك

    • Khlood on 25 مارس, 2011 at 4:58 ص
    • رد

    امممم مره جميلة الحركة وجديدة

  1. […] فطر بعدين شريحة لازانيا ثانيه .. آخر شي نحط فوقه تويي بارمزان عشان يعطيه شوي قرمشة ونقدمه مع الصوص اللي نحب . تبون […]

اترك تعليقاً

لن ينشر بريدك الإلكتروني.

%d مدونون معجبون بهذه: