بسم الله الرحمن الرحيم
كثير لاحظ إنقطاع المواضيع الجديدة في المدونة واللخبطة اللي صارت في الفترة الماضية و الحمد لله هذا كله إن شاء الله إنحل وبنرجع نشتغل زي أول.
المدونة القديمة كانت مدارة ومرفوعة من الوورد بريس بالكامل وهذا كان جيد وكل شي إلا إنه أعاق علي إضافة ميزات كثير للمدونة (مثل تفعيل البحث) وقيدني بثيمات وأشكال محدده. بعد نقل المدونة لسيرفر جديد واجهت عدة عدة مشاكل بدأ من نقل المواضيع القديمة للتصميم لإدارة المدونة بالكامل و الحين الحمد لله كل شي جهز.
قبل كل شي أحب أشكر وبشدة الأخ طارق من المغرب على مساعدته لي في عمل التصميم للمدونة. الأخ طارق ماقصر أبدا بعمل التصميم وكان متحمس له يمكن أكثر مني حتى. في حال وجود أي ملاحظات عالتصميم الجديد أو وضوح الخطوط أو طريقة العرض أو غيره ياليت تعطوني إياها عشان نقدر نعدل الممكن في أقرب فرصة.
الجديد في المدونة :
* صفحة الآسك الجديدة. أي واحد بيضغط على كلمة “Ask me..” في المنيو فوق بيلاحظ إنها تاخذه لصفحة جديدة غير القديمة اللي متعودين عليها. في صفحة الآسك الجديدة كل سؤال يكون في موضوع لحاله (كأنه منتدى). هذا بيسهل البحث و القراءة عاللي يحبون يقرون الأسئلة غير إنه أسرع كثير كون الصفحة القديمة صارت جدا بطيئة وماتخدم بشكل جيد. لكتابة سؤال في صفحة الآسك الجديدة يلزم كتابة إيميل وإسم للأسف (ممكن تستخدمون أسامي وإيميلات مستعاره بدون مشاكل) أو إنه يكون عندكم يوزر في الوورد بريس. صفحة الآسك القديمة حطيتها في المنيو كمرجع للي حاب يرجع لسؤال فيها ولكن راح أقفل إستقبال الأسئلة فيها من اليوم إن شاء الله.
* صفحة الوصفات صار فيها تحديث بسيط حسب إقتراح بعض الأعضاء. قسمت الوصفات اللي فيها على ٣ أقسام حسب نوع الأكل وبكذا يسهل الرجوع للوصفات. صفحة الوصفات فيها الوصفات اللي الناس طلبوها في الآسك بس ! باقي الوصفات المصوره موجوده على صفحة المدونة الرئيسية.
* كثير ناس كانوا يسألون عن مواضيع لي قديمة كتبتها يوم كنت أكتب في المنتديات أول. هذي المواضيع أنوي نقلها هنا بعد تحديثها بس هذا موب صاير في يوم وليلة للأسف. عشان كذا أضفت صفحة المواضيع الخارجية واللي فيها مواضيعي المكتوبه خارج المدونة مثل موضوع السوفليه و التارت و الإسكريم وغيرهم.
* فهرس جديد (التصنيفات .. Categories). كثير من زوار المدونة القديمة كان يشتكي إني مقسم المواضيع حسب التكنيك اللي تتطلبه. فموضوع الفهيتا كان موجود تحت تصنيف شوي و لحوم وهذا كان شوي معقد. اللي سويته إني أختصرت كل مواضيع المدونة في ٤ تصنيفات بس هي “جميع المواضيع” وهذا بيعطيكم كل المواضيع اللي نزلت في المدونة بشكل فهرس، “دروس طبخ” وهذا بيعطيكم المواضيع اللي فيها شروحات لتكنيك طبخ أو جهاز طبخ أو غيره، “وصفات حلويات” من الإسم هذا بيطلع كل المواضيع التابعة للحلويات ، “وصفات موالح” وهذا بيطلع كل المواضيع حقت الموالح. لإستخدام الفهرس بتلاقون عالمنيو اللي في ييمين الشاشة كلمة (التصنيفات) ، أضغطوا السهم وبيطلعلك التصنيفات ، إختاروا اللي تبون وبيطلع كل المواضيع تحت هذا التصنيف.
فيه ميزات ثانية زي طريقة تصفح المدونة اللي تحولت لصفحات بدال إستخدام كلمة “مواضيع سابقة” زي أول وغيره الكثير ولكن اللي فوق هي أهم شي. في حال وجود أي ملاحظات أو أراء ياليت تبلغوني فيها عشان نبدأ نشتغل عليها في الفترة هذي.
* تفعيل البحث. موضوع البحث كان مسبب أزمة ومشاكل من أيام المدونة القديمة. الحين الحمد لله تقدرون تستخدمون خانة البحث وراح يدور في كل شي من المواضيع الرئيسية لصفحة الوصفات وحتى لمواضيع صفحة الآسك الجديدة.
28 comments
6 pings
Skip to comment form
شركة كشف تسربات المياه بالجبيل
كشف تسربات المياه بالجبيل
شركة كشف تسربات المياه بالاحساء
كشف تسربات المياه بالاحساء
كيف استطيع تسجيل الدخول وأنا نسيت البسبورد
أإنا مسجل فى المدونه من فتره وأشارك فيها وأطرحها الاسءله ودءما ترد عليا لكن مند إتمام اشهر تقريبا لتستطيع ان أرى الاسءله الجديده ولا يسمح لي وضع سوءل فما السبب
الى الشف المتميز
صراحه اول مره ادخل المدونه حقتك و لقيتها عن طريق الاكاونت حق مطعم gourmet kitchen في الانستغرام. ماشاء الله انا مبهوره فيك جدا، دقة الشرح و تنويع الوصفات و الاساسيات في الطبخ. الله يكثر من امثالك! صراحه كل وصفه تشهي اكثر من الثانيه. عقبال ما نصير ربعك يوم من الايام. اتمنى لك كل التوفيق و النجاح لانك من جد فنان و تستاهل.
Author
الله يحييك دائما وفي أي وقت.
اعتذر منك لان الفتره اللي طافت كنت اسالك بالكيك وازعجك لدرجة معد رديت عليا من كثر الاساله
كان السبب ان الموقع متعب فوق ماتتخيل بالبحث حتي نسخ ماكان ينسخ معي
وكان عندي استعداد اهون عن السوال لمن تقولي ارجعي للموقع
الله يفتح عليك واحنا سعيدين بفتح المدونة الجديده انا وامي
وانبسط جداً لمن شفتهم منظمين معاك بالاسك ماشاءالله
هذا لدليل ع الاعجاب والاهتمام بطبخاتك ونصايحك
اللي تغني الواحد عن الرجوع لاي مكان ثاني
منجد منجد الله يكتب اجر ويوفقك ويارب تفتح مطعم يليق في جهد ربي يسعدك ولا يحوجك الا لوجهه
(ترا امي تدعي لك كل ماخذت منك وصفه)
Author
آسف جدا بس دايم أحاول أخلي كل أسئلة الطبخ في المدونة وبس. في المدونة ماراح أبخل عليك بأي شي أعرفه وماراح أرد عليك نص جواب ، راح أدور الجواب بشكل أفضل وأخذ وقتي في الرد بحيث أغطي سؤالك كامل. هذا مستحيل في إنستاجرام أو تويتر أو حتى بالجوال لأن محد يقدر يغطي كل شي فيهم.
الله يجزاك خير أنتي والوالدة ومشكورين على دعواتكم والله يتقبلها يارب.
مبروك المدونة الجديدة
ومبروك علينا عودتك من جديد
والله يعطيك ع قد نيتك ويجازيك الجنه وعساه في موازين حسناتكم
Author
الله يبارك فيك وهذا من ذوقك ، شكرا.
سعيييدة جدااا بعودة المدونة
و ياريت لو تزود دروس المطبخ و أصوله
منتظرين الجديد و ربنا يعينك ع الخير
الى الامام توب شيف
انتم الاروع
ماشاء الله ،، ومبارك المدونة الجديدة
السلام عليكم..
عودة حميدة ي استاذ خالد..
لم اعلم عن المشاكل في الموقع سابقاً لاني لم اوجه اي مشكله، فقط الذي اعرفه انك منقطع عن التدوين..
في الستايل الجديد اجده بطئ اكثر من السابق،لكن لاباس به،
و هناك مشكله اخر هو ان الستايل ممتد بشكل واسع عندما احرك الصفحه عن اليسار بشكل كبير، فقط هذي المشكله عند الصفحة الرئيسة للمدونة
لكن عند دخولي للتدوينات تذهب..
و شكراً لعودتك..
بعد توقف أكثر من سنة ,, أعلنت عن العودة ,, ولكن مر الآن شهران دون مواضيع جديدة
شخصياً و من تجارب سابقة لي أعرف أن مشاغل الحياة لا ترحم ,, و أن كتابة المواضيع وتنسيقها تحتاج إلى مجهود كبير ,, بل وكبير جداً
لكن أتمنى أن يستمر تدوينك وتستمر وصفاتك ,, فأنا وللأسف الشديد لم أتعرف على وصفاتك إلا حديثاً
بالتوفيق لك في المدونة وفي حياتك
وبانتظار عودتك 🙂
Author
ههههه معاك حق الصراحة …. فعلا زي ماذكرت مشاغل الدنيا واجد بس إن شاء الله قريب جدا نرجع
عوداً حميداً توب شيف ^^
اقترح وضع عدد السعدرات الحراريه مع المعومات،، وبالوفيق
Author
مستعد اعلمك تحسبينها بس ما اعتقد راح انزلها في الوصفات
الف الف مبروك عالمدونة الجديده .. فعلا خبر اسعدني ..
انا من ضمن اللي كنت اعاني في البحث في المدونة القديمة .. كنت اتمنى و بجد ان يصير تحديث سريع
و فعلا ماقصرت ..
الان ننطلق على بركة الله و نمشي في المدونة حتة حتة *.*
ألف ملوك على الاستيلاء الجديد وباركت يكون هناك مواضيع جديده خاصتا الكيكه الاسفنجيه
الف مبروك الستايل الجديد
منتظرينك بشغف
مبروكك الثيم الجديد . و ننتظر بفارغ الصبر مواضيعك الي ما صار يرضيني غيرهاا .
مافي أسعد مني أستاذ خالد بعودة المدونة
كانت إدمان بالنسبة لي إدمان أنا من عشاق الطبخ
عدا وصفاتك اللي أستمتع بتطبيقها لسبب !! أنا شخص أعشق الوصفات المشروحة شرح بعناية
حتى يتفادى الشخص أي خطأ يقع فية وأكثر شي يعجبني تبيانك لأدق التفاصيل ولن نرضى عن وصفات قادمة بلا تفصيل ممل لأني أستفيد جدا جداً من الكلام
مثل البرجر كنت أجنن اللي يجيبلي اللحم من يطلعون لحد مايجو وأنا بالتلفون غير الصدر والرقبة لاتجيب عقد مايستمتعو بإدادنا لة عقد مايتعقدو لما أوصيهم يجيبو اللحم 🙂
وبشهادة الكل بحياتهم ماذاقو زيه طعة وطراوة ولذاذة عدا الخبز بالبطاطا الجميل لله درك
كنت خشيت أنك الغيت المدونة ولكن الغياب شفع لك بالتجديد للظهور بشكل يليق بحجم علمك ومعلوماتك
سعداء جدا ً بالحلة الجديدة ونسعد أكثر بتقبل أستفساراتنا بصدر رحب
طال الشرح فلك مني جزيل الإمتنان
ولا تحمنا من جديدك المنتظر أبداً
مرام
مباركه العوده بأذن الله
الف مبرروك ع الستايل الجديد
ويعطيه العافيه طارق ع التصميم ،، الألوان رايقه وحلوه اعجبتني ❤️
لساتها امس جايه في بالي مدونتك وكنت منقهره من الستايل القديم ع مشاكل البحث
الف مبروك على الشكل الجديد للمدونة شيف خالد، والف شكر لطارق على التصميم الجميل (اعجبني بصراحة)
انشالله تكون بداية لمرحلة جديدة احسن من اللي قبلها بالمدونة ونشوف ابداع غير عادي! منتظر دروس الطبخ على احر من جمر،
بس ملاحظة بسيطة، فيه خانتين للبحث طالعتلي، وحدة فوق الهيطر عاليسار ووحدة فوق “احدث التعليقات” عاليمين
مرحبا توب شيف
ألف مبروك المدونة الجديدة وألف شكر للأخ طارق يلي ساعدك فيها
وإن شاء الله كل عام وأنت بخير وسلامة ودعائي لك دائما أني أشوفك بأعلى المراتب
الى الامام دوووم توب شيف…… على اني حابه الثيم القديم (ثيم الملاعق)
بس اكيد التقسيمات بتصير افضل
لي عوده بأذن الله
[…] تدشين المدونة بشكلها الجديد … […]
[…] تدشين المدونة بشكلها الجديد … […]
[…] تدشين المدونة بشكلها الجديد … […]
[…] تدشين المدونة بشكلها الجديد … […]
[…] تدشين المدونة بشكلها الجديد … […]
[…] تدشين المدونة بشكلها الجديد … […]