«

يناير 30 2014

الفاصوليا المقلية المكسيكية .. Mexican Refried Beans

هذي وحدة من أهم أهم الأكلات المكسيكية و المنتشرة كالعادة حتى خارج المكسيك زي في أمريكا أو باقي أمريكا اللاتينية و الجنوبية. سواء أستخدمتوها كديب مع تورتيا مقلية مثلا أو كحشوة لتاكو أو بوريتو أو غيره أو كطبق جانبي أو حتى لحالها مع شوي جبن وصلصة فوقها هي واحد من ألذ ألذ الأشياء اللي طلعت من المطبخ اللاتيني. للي ما يعرف وش الفاصوليا المقلية هي المعجون البني اللي تلاقونه تحت الجبن في الناتشو عند المطاعم هذي هي الفاصوليا المقلية بإختصار.

 

الإسم الأسباني لهذي الأكلة هو Frijoles Refritos واللي تترجم للإنجليزية ب Refried Beans يعني الفاصوليا المقلية مرتين أو مقلية بشكل مكرر. هذا الأسم ماله أي علاقة بطريقة الطبخ كونها موب مقلية وأبدا موب مقلية مرتين !! الترجمة الإنجليزية خاطئة ، المقصود بالفعل الإسباني هي الفاصوليا المقلية بشكل جيد تقريبا.

 

في عدة عدة طرق للفاصوليا المقلية و الطريقة اللي راح أحط هي الطريقة اللي أستخدم في الغالب بس هذا ما يعني أبد إنها هي بس الصحيحة أو الأصلية. كل منطقة في المكسيك هذا إذا ماكان كل شخص يسويها بإضافات مختلفة. بعض الناس يسوونها بفاصوليا سوداء ، بعضهم بأنواع فاصوليا ثانية ، بعضهم يسويها بزيت ، بعضهم بدهن حيواني ، بعضهم يستخدم مرق بعضهم لأ ، بعضهم يستخدم بصل أو ثوم أو الإثنين وبعضهم يتركهم نهائيا ، بعضهم يستخدم معهم فلفل حار طازج أو مجفف أو حتى فواكه أو خضروات أو بهارات مختلفة وبعضهم لأ، بعضهم يحبها ناعمة جدا وبعضهم يحبها مهروسة بشكل بسيط بس. في عدة عدة طرق ممكن إنكم تعدلون على هذي الوصفة حسب ذوقكم.

 

 

المكونات :

 

٣ ملاعق كبيرة دهن حيواني (سواء دجاج ، بقر ، بط ، دهن بيكون أو غيرهم) أو زيت زيتون

بصلة صغيرة مقطعة صغار

فصين ثوم مقطعة صغار

كوب ونص فاصوليا سوداء black beans مطبوخة

كوب مرق دجاج أو خضار أو بقر أو حتى موية الفاصوليا اللي في العلبة أو اللي أنطبخ فيها

ملح وفلفل

نص ملعقة صغيرة كمون مطحون

ملعقة صغيرة خل تفاح أو عنب أو حتى عصير لايم أو ليمون

 

* لو أستخدمتوا زيت نباتي أو زيت زيتون بيعطيكم فاصوليا جدا لذيذة بس إذا تبون طعم ثاني تماما لا يقارن أستخدموا شحم حيواني. (لعمل الشحم حطوا جلد الدجاج أو البط أو حتى شحم البقر أو غيره بعد ما تقطعونه في قدر مع شوي مويه ، غطوا القدر وحطوه على أقل أقل نار ممكنه إلين يذوب الشحم ويتجمع في القدر، أحفظوه في الثلاجه بيعيش شهور).

 

* بإمكانكم هنا تستخدمون فاصوليا جافة وتطبخونها بنفسكم أو أسهلكم بعد تستخدمون فاصوليا معلبة متوفرة بكل مكان (لو بتستخدمون معلبة بتحتاجون علبة فاصوليا وحده لهذي الوصفة)

 

* موب شرط أبدا تستخدمون فاصوليا سوداء هنا بإمكانكم تستخدمون فاصوليا حمراء red beans أو حتى اللي يسمونها فاصوليا البينتو pinto beans وكلهم متوفرين في أي سوبرماركت هنا.

 

* شرحت طريقة عمل المرق هنا وعطيت وصفة لمرق الدجاج هنا. في حال ما تبون تستخدمون مرق أستخدموا مويه الفاصوليا اللي في العلبه أو اللي طبختوها فيها أو أستخدموا مويه عاديه بعد ، أهم شي لا تستخدمون ماجي أو غيره.

 

 

الطريقة :

 

في قدر صغير على حراره أقل من وسط نحط الزيت أو الشحم اللي ذوبنا.

 

نحط عليه البصل مع رشة ملح ونقلبه فيه ونطبخه إلين يقلب البصل ذهبي خفيف تقريبا ٦ دقايق (موب محروق).

 

نحط الحين الثوم ونقلبه مع البصل إلين تطبع ريحته بس (تقريبا ٣٠ ثانيه موب أكثر).

 

نحط عليهم الفاصوليا و المرق ونطبخهم على غليه خفيفة مع بعض تقريبا ٥ دقايق.

 

الحين الخيار راجعلكم وللشي اللي بتستخدمون الفاصوليا له. بإمكانكم تنقلون الخليط لخلاط وتخلطونه بحيث يعطيكم فاصوليا مقلية ناعمه أو بإمكانكم تهرسون الفاصوليا بملعقة خشبيه أو بهراسة بطاطس بحيث تعطيكم فاصوليا أخشن شوي. شخصيا أفضل الناعمه لو بحطها فوق تورتيا مقليه أو كديب مثلا بينما الخشنة أفضل لو كانت طبق جانبي أو حشوة بس في النهاية الخيار راجعلكم.

 

عدلوا القوام حسب الرغبة بإنكم تطبخونها شوي لو تبونها أثقل أو تضيفون مويه أو مرق لو تبونها أخف (خلوها دايم سايلة أكثر مما تبون بشوي لأنها بتثقل شوي إذا بردت).

 

حطوا رشة ملح وفلفل والكمون و الخل وذوقوا الفاصوليا وعدلوا الطعم حسب الرغبة.

 

refried beans

الحفظ و التسخين :

 

الفاصوليا ممكن تقعد في الثلاجه ٥ أيام تقريبا بدون مشاكل. سخنوها بإنكم تحطونها في قدر مع شوي مويه وتسخنونهم مع بعض إلين توصل غليه خفيفه وتسخن من جديد.

 

عن الكاتب

Top Chef

22 comments

Skip to comment form

  1. Tina

    http://adf.ly/1TxgCv ربح مال خلال نقر على الاعلانات اجمع اموال اذا انت عاطل عن العمل

  2. Tina

    http://adf.ly/1TNCtL ربح مال للمبتدئين خصوصا الفقراء موقع عربي طرق استلام الدفع عبر westrn union يجب اثبات اسمك الحقيقي و العنوان بلدك مكان الاقامة هاد موقع صادق جدا جدا له مصداقية كبيرة من خلاله استلمت 100.000 $ خلال استخدماتي للموقع فعلا استلمت بنجاح اسمي بالكامل نفس الهوية مكتوب و الجواز سفر الفريق استطلاع اعطاني عبر ايميل MTCN خلال متابعتي للموقع و مراسلتي لهم

  3. Tina

    http://adf.ly/1TLXlU اربح مال من خلال رفع ملفات انا من خلال الموقع استخدامي له السنوات 8000$ عندي عضوية الذهبية

  4. غير معروف

    http://adf.ly/1TN4n5 ربح مال خلال ابيانات موقع صادق طرق الدفع PayPal

  5. maryom

    السلام عليكم .عفوا بس بسألج بخصوص المولتن هني اعتذر لانه هذاك الموضوع قديم فما قام يرسل
    شيف اقدر اسوي المولتن بالنوتيلا ؟
    واذا ايصير جم قفشه ال56 جرام ؟؟
    وانا طبعي اذا سويت كيك اخلط البيض ابروحه ربع ساعه واحط عليه شوي خل ابيض ايطير زفرته لاني ماحب ريحة البيض بالكيك ،هل هذا ايأثر على المولتن ؟؟
    ويعطيج العافيه

  6. قارئة و هاوية اكثر من متمرسة طبخ.

    عندي لك كذا سؤال بسيطين اكتبهم هنا ولا بالاسك
    وبانسبه للطبخه ماشاء الله باينها لذيذة
    وان شاء الله قريب جدا اسويها

  7. بيكسنت

    لما اتزوقها من قبل ولكن رايتها من الوصفه لذيذه وسوف اجربها :)

  8. غير معروف

    شيف ممكن تعطيني طريقة الباييلا ؟

  9. ماي سيربرايز

    مشكوور
    مدير موقع ماي سيربرايز

  10. جمال حواء

    رائعة اختى الف شكر

  11. Mysurprise

    مشكوور
    مدير موقع Mysurprise

  12. ريم

    السلام عليكم .
    عندي سؤال عام :
    كونك طباخ وذقت اكل كثير ، معايير الاكل عندك أكيد عالية هذا الشي ما يخوف اللي حوالينك عند تقديم اكل لك لو بقدملك طبخه صراحة ما اسفط.
    حتى إذا رحت لمطعم راح تكون بيكي بالاكل ولا ما اثر عليك وسمح مع الاكل اللي موب انت طابخه.

    1. Top Chef

      وعليكم السلام و الرحمة ….

      أنا أحب الأكل صح بس موب للدرجة اللي أكره أو ما آكل شي لأنه موب مثالي أو مطبوخ حبتين أكثر من اللازم مثلا !!! مهما كان هذي نعمة. ممممم يمديك تشوفينها بشكل أحسن إني أقدر الأكل اللي مسوا صح أكثر من إني أقلل من الأكل اللي ممكن يتسوى بطرق أفضل.

      أكل من يد ناس كثير وفي بيوت ناس كثير وياكثر اللي ذقت واللي بذوق اللي أدري إن هذا شي مقدر أسوي زيه بتجربه وحده أو إثنين أو بدون ما أشوف كيف الشخص سواها.

      في المطاعم لأني شيف في مطعم وأعرف وش المطاعم تبي وكيف تشتغل ولأني دافع حق بضاعة ماراح أفوت شي طبعا. لو جاني ستيك مطبوخ أكثر من اللازم برجعه ولو لقيت أي مشكله في الأكل أبسطها إن الجودة موب زي ما أنا متعود عندهم بقولهم عليها. وبقولهم في وقتها لو أمكن بعد موب أكتب عنهم مثلا وبس !! اللي يمكن ما تتوقعينه وناس كثييييير ما يعرفونه هو إن المطاعم تفضل إنها تعرف مشكلتك وأنتي عندهم موب تكتبين عنها إذا طلعتي. الأخطاء وارده في أي مطعم و المشاكل أحيانا ما تلاحظ إلين ما أحد يأشر عليها بس أغلب الناس يا يستحي أو يخاف أو يفضل يغض النظر عن أي مشكلة للأسف.

  13. سوزانه

    فعلا ً الموقع دة من أجمل المواقع ، مشكووووووووووووووووووور

    1. Top Chef

      العفو وحياك

  14. نوال الشهرى

    كتير شهية يسلمو

    1. Top Chef

      يسلمك

  15. tota

    شيف بسألك سؤال بس ما تضحك علي ..المقادير والخطوات ذكرتني بشوربة العدس يعني ممكن الواحد يخففها ويقدمها كشوربة؟؟ لحالها أو مع خبز محمص مثل العدس

    1. Top Chef

      ليش أضحك ؟ مافي شي مضحك في سؤالك. هي موب زي شوربة العدس هي زي أي بيوريه أو شوربه ثانيه بعد كلهم يبدون بنفس الشي (طبخ المنكهات وبعدين إضافه الأساس وسائل وطحن).

      طبعا في كذا فرق زي إنك بتحتاجين تخففينه أكثر من شوي عشان تحولينه لشوربة. الفاصوليا هنا ثقيله موب سايله مفروض أقرب مالها يمكن الحمص. كمية الدهن للفاصوليا بعد جدا كبير عكسه في الشوربات بس أكيد ممكن تزيدين مرق وتخلينه شوربة معروفه جدا اللي هي شوربة الفاصوليا السوداء.

      1. tota

        مشكور شيف لأن فيه عندنا عشاق شوربات قلنا نجرب نحولها شوربة:)

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: