عجينة المطبق ..

هلا والله …

 

عجينة المطبق كثير ناس يسوونها في البيت عشان يسوون زي ما تسوي المطاعم، حبات مطبق جدا كبيره ومقطعه مربعات. شخصيا ما أحب مطبق المطاعم، الحشوة كثيرة و القشره ما تقرمش ، غير كذا طريقة التقطيع تخرب كل شي. المربعات اللي عالجنب حلوه،لها قشرة من جهتين وسهل حملها وتعطي قرمشة حلوه، بس اللي في النص تجي مفتوحة من الأطراف و أول ما نشيلها تبدأ الحشوة تطيح.غالبا طعم مطبق المطاعم خبز لين مع حشوة كثيره وبطعم عادي.


بالنسبة لي أشوف المطبق لازم يكون يقرمش بس بنفس الوقت ما يكون يقرمش أكثر من اللازم أو معجن من داخل زي اللي يسوون مطبق بالبف بيستري مثلا عشان ما يغطي طعم القشرة عالحشوة . القشرة لازم تكون نحيفة قدر الإمكان و المطبق لازم يكون فيه نسبة حشوة إلى قشرة مناسبة بحيث ما يختفي طعم الحشوة ولا يختفي طعم القشرة. وطبعا الحجم و الشكل لازم يكون بحيث يعطينا حبات سهل أكلها وفي نفس الوقت ما تحتاج تقطيع لقطع كبيره عشان نتفادى القطع اللي في النص.

 

هذي العجينة رهيبة وسهلة مره خصوصا إذا بتفردونها بمكينة باستا. تقدرون تفردونها بفرادة عجين عادية بس صراحة أشوف إنها أصعب بكثير كذا، غير إنها لازم تتريح بين كل فردة وفردة إلين تعطينا عجينة نحيفة وشبه شفافه.

 

المقادير :

 

٣ أكواب طحين أبيض

ملعقة كبيرة خل

٣ ملاعق كبيرة زيت

نص ملعقة صغيرة ملح

٣/٤ كوب مويه حاره !

 

 

الطريقة :

 

نخلط المقادير مع بعض إما بإستخدام عجانة أو باليد بعدين نعجنها إلين تعطينا عجينة لينه. نكمل عجن إلين تتكون عندنا عجينة ناعمه ولينه وسهل مطها تقريبا ٥ دقايق بالعجانة. ندهن العجينة بطبقة زيت خفيفة بعدين نغطيها ونخليها ترتاح ساعتين أو أكثر . هذي العجينة مافيها خميرة ولا راح تتضاعف بس لازم ترتاح عشان يسهل فردها بعدين.

 

نقسم العجينة ل ٨ – ١٠ أقسام . ناخذ قسم من العجينة و نغطي الباقي بعدين نفرده بيدنا شوي ونرش طحين عالوجهين.

 

الحين نمرر العجينة في مكينة الباستا من أسمك درجة في البداية بعدين ننقص السمك كل مره إلين نوصل للسمك اللي يعجبنا. إذا لقينا العجينة تلصق نرش شوي طحين عليها عشان نفتادى إنها تلصق. أنا أفضل تاخذون العجينة لأنحف سمك ممكن بس إذا كان صعب عليكم تتعاملون معها تقدرون تخلونها أسمك شوي.

 

m6abag dough

 

 

Follow TopChefCooks on Twitter

22 comments

3 pings

Skip to comment form

  1. السلام عليكم وجزاك الله خير على وصفاتك اللذيذه
    بسأل كيف اطلع ع بقية الطريقه؟ أخر شي طالع عندي صورة العجينه مفروده.وشكرا.

    1. وعليكم السلام و الرحمة …

      هذي وصفة لعجينة المطبق بس وهي كاملة كذا. هي كانت جزأ من وصفة ثانيه هنا :

      http://topchefcooks.com/bean-m6abag/

    • Anonymous on 7 July, 2013 at 5:41 pm
    • Reply

    السلام عليكم
    اخوي ودي اسألك الحين عجينة المطبق اشوف وصفات يغقرنها بزيت وهم يفردونها بيدهم وش سبب استخدم الزيت اثناء الفرد؟
    السؤال الثاني كثير الاقي سواء عرب او غرب يفردون بيدهم بيتزا خبز تميس مطبق…الخ ليش؟
    السؤال الاخير بالنسبة لعجينة السمبوسة (مو البف ولا الهندية) كيف اخليها مليانة فقاعات صغير على القشرة؟ مثل عجينة غوار. هل السبب انها مليانه زيت العجينة او انها رقيقة مرة؟

    1. وعليكم السلام و الرحمة ….

      آسف جدا عالتأخير ….

      لو حاولتي تفردين العجينة بيدك بتعرفين ليش. الطحين يخلي العجينة ما تلصق أبدا عاليد ولا عالطاولة بس في بعض الحالات تبين العجينة شوي تلصق بحيث أسهل تمطينها و الزيت يعطي هذا الشي.

      الفرد باليد غير الفرد بالشوبك. لو شفتي موضوع البيتزا حقي هنا في المدونة تكلمت عن هذا الشي وكيف إن الطعم فعلا يفرق بين البيتزا المفرودة باليد أو بالشوبك. اليد تمط العجينة يعطي تسحبه من الجوانب بس الشوبك يضغط عليه ويطلع كل الهواء اللي داخله في بعض الأحيان موب نفس الشي أبدا ….

      بالنسبة للسمبوسه ما أعرف الصراحة بشكل أكيد …

    • Anonymous on 23 April, 2013 at 4:52 pm
    • Reply

    ممكن اعرف لما افرد كل قسم وبعدين الصقهم مع بعض ولا كيف او يكون طبقات

    1. لا قسميه حسب حجم المطبق اللي تبين ولفيه

    • Anonymous on 30 January, 2013 at 1:29 pm
    • Reply

    مرحبا
    سويت العجينه بالمويه الحاره وصارت كانها عجينة بطاطس…!
    زدت عليها دقيق وعجنتها حوالي 10 دقايق

    هل قوامها كذا
    وايش فايدة المويه الحاره؟؟

    الححين انتظرها ترتاح بس وافردها ان شالله

    1. مافهمت الصراحة كيف عجينة بطاطس ؟ هي مفروض تطلع زي الوصف اللي كاتب في الموضوع.

      المويه الحاره تسرع تكون الجلوتن وشرب النشا اللي في الطحين للمويه وبيعطي عجينة تنمط بشكل أسهل. لو عندنا خميره كنا بنخاف إننا نموتها بس هنا نقدر ناخذ راحتنا عادي في حرارة المويه.

    • Turfah@gmail.com on 21 August, 2012 at 2:36 pm
    • Reply

    يعطيك العافيه
    ما شاء الله عليك وصفاتك رائعه و وصفك دقيق ومنظم في جميع اعمالك المقدمه
    الله يوفقك 

    • Anonymous on 2 August, 2012 at 12:34 am
    • Reply

    تسلم ايدك بس ممكن اسأل معلقه الخل فايدتها ايه عشان افهم
    وبعد ما نحشيها نقليها فى المقلاه فى زيت خفيف صح ؟؟
    وياريت تقولي طريقه الحشوه وشكرا لحضرتك

    1. ملعقة الخل تسهل فرد العجين لأننا نبغاه نحيييف مره.

      هذي طريقة العجينة بس فيه وصفة ثانيه شرحت كل شي عن المطبق

    • Anonymous on 1 August, 2012 at 11:51 pm
    • Reply

    مشكور ع الطريقة بس ياريتك صورت طريقة اللف و الحشوة ويكون الموضوع متكامل …

    1. شرحتها في الموضوع اللي بعده هذي طريقة العجينة بس من عنوان الموضوع كتبت عجينة مطبق ما كتبت وصفة مطبق . الموضوع كامل حسب ما أنا حددت إنه عجينة بس.

    • رغدة on 30 June, 2012 at 7:47 pm
    • Reply

    حلو .. طيب هل أفرزها بعد ما اصب عليها الزيت واخليها ترتاح .. ولا على طول بعد ما اعملها افرزها وبعد ما يفك الثلج عنها اخليها ترتاح ؟

    1. ماراح يفرق كثير بس وش الهدف نخليها ترتاح وبعدين نفرزها ما أستفدنا شي. علطول أعجنيها وفرزيها زي ما قلت.

    • رغدة on 30 June, 2012 at 4:46 pm
    • Reply

    يعطيك العافية ..
    هل ممكن أفرزها ؟ وكيف طريقة التفريز ؟
    شكراً جزيلاً

    1. أكيد ممكن …

      لفيها بكم طبقة نايلون بعدين طبقة قصدير وعالفريزر.

      إذا جيتي تستخدمينها خليها في الثلاجه من اليوم اللي قبل إلين تذوب تماما بعدين طلعيها على حرارة الغرفة إلين تصير دافيه شوي بعدين أفرديها عادي زي ما سويت.

    • أحساس صادق on 24 October, 2011 at 12:18 pm
    • Reply

    هلا يعطيك العافيه على وصفاتك
    ممكن افرد العجينه بدون مكينة الباستا ؟

    1. ممكن أكيد بس جدا جدا جدا متعبة وصعب توصلين لنفس النحف.

    • Anonymous on 1 June, 2011 at 9:58 am
    • Reply

    ينفع استخدم العجينة هذي للسمبوسة
    ومشكور

    1. مفروض إيه .. بس أحس مشوار لأن ما تسويلك كثير

    • sma on 29 May, 2011 at 8:19 pm
    • Reply

    مشكوووور على الطريقه

    قبل كنت اعملها بالعجينه و اضيف فوقها رقائق السمبوسه اللي تكون مربعه و ساعات استخدم رقائق السمبوسه العاديه ..

    وتطلع حلوه

    بجرب طريقتك ان شاء الله

    عساك على القوه ..

  1. […] العجينة هنا مسويها بنفسي تلاقون الطريقة في موضوع عجينة المطبق بس تقدرون تستخدمون عجينة سمبوسة جاهزة أو حتى عجينة […]

  2. […] […]

  3. […] العجينة هنا مسويها بنفسي تلاقون الطريقة في موضوع عجينة المطبق بس تقدرون تستخدمون عجينة سمبوسة جاهزة أو حتى عجينة […]

Leave a Reply

Your email address will not be published.

%d bloggers like this: