البيرو : لومو سالتادو .. Lomo Saltado

هلا والله …

ANY CHARACTER HERE

اليوم هو اليوم الخامس من فعالية حول العالم في ٣٠ يوم و عندنا البيرو. البيرو للي ما يعرفها هي دولة في جنوب أمريكا, هذي الدولة غنية بالمنتجات الزراعية اللي أنتشرت منها لباقي أنحاء العالم. أشهر مثال على هذي المنتجات هو البطاطس اللي نقلوه الأسبان لأوروبا ومن هناك أنتشر في باقي أنحاء العالم . أمثلة ثانيه عندنا الطماط و الفلفل و الذرة اللي بعد ماكانت معروفه للعالم قبل إكتشاف أمريكا.مطبخ البيرو جدا متنوع ومتطور وهذا طبيعي لوفرة المكونات الطبيعية في المنطقة و بسبب الهجرة من مناطق مختلف من العالم أهمها الصين و اليابان و أسبانيا و إيطاليا و أفريقيا.

ANY CHARACTER HERE

الأكلة اللي بسويها اليوم إسمها لومو سالتادو وهي عبارة عن ستيك مشوح بسرعة مع خضار وصوص بنكهة آسيوية ومقدم مع بطاطس و رز أبيض. الأكله منتشرة بشكل كبير في كل مناطق البيرو ولها أكثر من نسخة تختلف من طباخ لطباخ بس الأساس هو زي ماذكرت ، بطاطس ، ستيك ، صوص آسيوي و رز . الرز بنسوي رز أبيض عادي . البطاطس تقدرون تقلونها أو تسوونها بالفرن الخيار راجعلكم ، عن نفسي في هذي الأكله أحب أسويها في الفرن .

ANY CHARACTER HERE

المقادير :

ANY CHARACTER HERE

للحم :

ANY CHARACTER HERE

نص كيلو ستيك بقر فيليه مقطع شرايح نحيفة عكس إتجاه النسيج حق اللحم.

حبة فلفل بارد كبيره من أي نوع مقطعة أجنحة ( أنا أستخدم نص أخضر ونص أحمر ).

فص ثوم مقطع صغار

حبة بصل كبيرة مقطعة أجنحة

حبتين طماط كبار مقطعة أجنحة

حبة فلفل حار بدون البذور اللي داخل

ملعقة كبيرة خل عنب

٣ ملاعق كبيرة صويا صوص

ملح وفلفل

كزبرة مفرومة

ANY CHARACTER HERE

للبطاطس :

ANY CHARACTER HERE

حبتين كبار بطاطس فرن

ملح وفلفل

زيت زيتون

للرز :

ANY CHARACTER HERE

كوب رز طويل الحبة ( أنا أستخدم رز ياسمين تايلندي لهذا الطبق بس تقدرون تستخدمون بسمتي أو أي رز طويل الحبة ثاني )

كمية مويه حسب نوعية الرز اللي تستخدمون

ملعقة صغيرة ملح

ANY CHARACTER HERE

* الفيليه في البقر هو ألين قطعة في الحيوان كله صعب جدا أي واحد يخربها صراحة بس أي نوع ستيك ينفع. الفيليه له أكثر من إسم ، يسمونه أحيانا فيليه مينيون fillet mignon و أحيانا تيندرلوين tenderloin و أحيانا ( ولو إنه موب منتشر الإسم برا فرنسا ) يسمونه شاتو بريون Chateaubriand .الستريب لوين striploin أو الريب أي rib eye بينفعون بعد.

ANY CHARACTER HERE

* الفلفل الحار تروح كثير من حرارته إذا شلنا البذور اللي داخل. أقسموا الفلفل نصين بالطول بعدين شيلوا البذور بالسكين مع القلب حقها.

ANY CHARACTER HERE

vegi

الطريقة :

ANY CHARACTER HERE

للبطاطس :

ANY CHARACTER HERE

نشغل الفرن على ٣٧٥.

نحط البطاطس في صحن ونرش عليها شوي زيت زيتون وشوي ملح وفلفل أسود بعدين نفرد البطاطس على صينية فرن مدهونة ( أو مغطيه بسيلبات أو بارتشمنت ) ونخليه مفرق عن بعض. ندخل الصينية الفرن ونطبخ البطاطس إلين يقلب ذهبي، تقريبا نص ساعة ونقلب البطاطس بعد نص الوقت تقريبا.


oven potatoes

للرز :

ANY CHARACTER HERE

كل نوعية رز تحتاج كمية مويه ووقت طبخ غير الثانيه. أفضل حل تمشون على اللي مكتوب على كيس الرز وتعدلون كمية المويه من هنا حسب ذوقكم.

ANY CHARACTER HERE

أغسلوا الرز في مويه بارده إلين تصير المويه حقت الغسيل صافيه. نغسل الرز عشان ننظفة وعشان نشيل النشا اللي عالوجه وهو اللي يخلي الرز يلصق في بعض، إذا شلنا النشا هذا تقل إحتمالية إن الرز يلصق.

ANY CHARACTER HERE

حطوا الرز في قدر صغير وزيدوا عليه المويه و الملح بعدين شغلوا النار وخلوا المويه توصل لغليه. نزلوا الحرارة لأقل شي وغطوا القدر بغطاء محكم يعني مايطلع أي بخار. خلوا الرز حسب الوقت اللي مكتوب عالكيس (عندي أخذ ١٥ دقيقة ) بعدين طفوا النار وخلوا الرز بدون تحريك عالأقل ١٠ دقايق يرتاح. بعد طبخ الرز نلاقي أحيانا الجزأ اللي فوق ما أستوى وترييح الرز يخلي الرز كله يستوي بنفس الدرجة.

للحم :

ANY CHARACTER HERE

بعد ما يستوي الرز ويقرب البطاطس يستوي نبدأ نسوي اللحم.

ANY CHARACTER HERE

نسخن مقلة كبيره على أعلى حرارة ويفضل لو تكون حديد أو ستانلس يعني ما تكون تيفال. بعد ما تحتر المقله نحط شوي زيت نباتي بعدين نحط الستيك المقطع مع رشة ملح وفلفل أسود ونخليه يطبخ على الحرارة العالية إلين تبدأ أطرافه تتلون بعدين نقلبه ونخلي الوجه الثاني يتحمر.

ANY CHARACTER HERE

تحمير اللحم

ANY CHARACTER HERE

بعد ما يتحمر الستيك نشيله في صحن وننزل الحرارة بعدين نزيد شوي زيت لو كانت المقله ناشفه ونحط البصل و الفلفل الحار و الفلفل البارد ونطبخهم مع بعض إلين يذبل البصل بعدين نحط الثوم ونطبخه معهم شوي إلين تطلع ريحته بعدين نحط الطماط ونطبخه معهم إلين يصير لين شوي.

ANY CHARACTER HERE

الحين نحط الخل ونطبخه إلين يتبخر بعدين نحط الصويا ونرجع اللحم للصحن. نقلب المواد كلها مع بعض ونذوق ونعدل الطعم و الملوحة لو أحتاجت حسب الرغبة بعدين نرش الكزبرة و نقدمه مع الرز و البطاطس عالجنب أو حتى يمديكم تخلطونه مع الصوص.

ANY CHARACTER HERE

لومو سالتادو

lomo saltado


lomo saltado

ستيك مقطع

lomo saltado

لومو سالتادو


15 comments

2 pings

Skip to comment form

    • Ban on 23 September, 2011 at 2:08 am
    • Reply

    عاشت ايدك وذوفك في الطبخ والمقادير والصور وكل حاجة في هذه المدونة… انا عن نفسي اخذت افكار كثيرررررررررررة ماكانت تخطر على بالي جعلها الله في ميزان حسناتك ياررررررب

    • لؤلؤه on 27 August, 2011 at 10:24 pm
    • Reply

    عنـدي سؤآل

    أبي أعرف إنت ؤيـن عآيش ؟ وهل معآك شهاده بالطبّخ تؤهلك لتكؤن شيف ؟

    ويآريت تحط لنا السيره الذآتيه

    مع إني أشؤفك بيرفكت مآشاء الله ومتآبعتك بـ شششموآه كمّـل

    بإنتظار الرد

    1. هلا والله …

      أنا سعودي عايش في السعوديه بس أدرس في كندا مؤقتا….

      ما عندي شهادة طبخ الصراحة ولا أدرس طبخ أصلا، طباخ بمعنى طباخ ما أعتقد الواحد يحتاج شهادة ؟

  1. الشي اللي جنب البرجر هذا بطاطس حلوه مقلية .. الصراحة موب مره سهل يحتاج موضوع لحاله

    • Anonymous on 21 May, 2011 at 9:39 am
    • Reply

    مرحبا
    ممكن استبدل خل العنب بخل التفاح او البلسمك ؟

    1. تقدرين أكيد بس حطي خل تفاح أحسن ، البلسمك طعمه قوي

    • Anonymous on 10 May, 2011 at 5:48 pm
    • Reply

    ممكن يضبط بصدور الدجاج و هل ممكن استبدال خل العنب بخل تفاح؟

    1. يضبط كلمة إلى يومك ماأعرف أرد عليها الصراحة ؟

      بتطلعين بأكله لذيذه طبعا وكل شي .. بس هل بتكون لومو سالتادو لأ ! .

    • شقآوة فضل on 9 May, 2011 at 3:03 pm
    • Reply

    حبيتها تسلم يدك
    والله يديك العافيه يارررب 🙂

    • Anonymous on 9 May, 2011 at 12:30 pm
    • Reply

    يسلمو حبيب قلبي على الوصفة الي تاخذ العقل

    صحة وعافية عل قلبك

    • نور on 9 May, 2011 at 9:53 am
    • Reply

    شكلها تينن الطبخه
    مشكور و بسويها
    الاكله تنفع للرجيم بس طبعا بدون العيش الابيض

    • Anonymous on 9 May, 2011 at 9:40 am
    • Reply

    طبق جدا لذيذ سبق جربتها نوعية اللحم تفرق او لا

    1. إذا قصدك جودة اللحم أكيد تفرق ؟ أصلا ما يحتاج سؤال .. إذا قصدك على نوع القطعة شرحت في الموضوع أي قطع تنفع .

    • Anonymous on 9 May, 2011 at 6:38 am
    • Reply

    مرحبا توب شيف
    ان شاء بيعيشوا ايديك الطبق سهل ومقاديره متوفرة
    بتعرف شيف كل يوم الصبح أقول ياترى التوب شو الطبق يلي منزلوا اليوم وأول ماأخلص شغل بيتي على طول عالنت

    • um nwaf on 9 May, 2011 at 4:36 am
    • Reply

    يعطيك العافية
    سهلة جدا وفي نفس الوقت النكهة الآسيوية لها شعبية كبيرة.

  1. […] البيرو : لومو سالتادو […]

  2. […] البيرو : لومو سالتادو […]

Leave a Reply

Your email address will not be published.

%d bloggers like this: