الجارام ماسالا .. Garam Masala

هلا والله ….

.

الجارام ماسالا خليط بهارات هندي يستخدم بكثرة في كثير أكلات هندية. الترجمة الحرفية للإسم هي جارام وتعني حار أو بالأصح مبهر spicy وماسالا وتعني خليط. يعني هي تعني الخليط المبهر أو الخليط الحار. الجارام ماسالا موب حار بمعنى إن طعمه حار ولاذع بس هو قوي بطعم البهارات.

.mm

ممكن يستخدم الجارام ماسالا على شكل بهارات كاملة وهنا ممكن ينحط في بداية الطبخ أو ممكن ينطحن وهنا غالبا ما ينحط في نهاية الطبخة بحيث يعطي نكهة بهارات جديدة غير مطبوخة عالأكلة (الحرارة تغير كل شي !). فيه ملايين ملايين النسخ للجارام ماسالا في الهند ومافيه أي وصفة أحد يقدر يقول إنها الصحيحة أو الأصلية. وصفات الجارام ماسالا تختلف حسب المكان (جنوب الهند يستخدم بهارات غير الشمال مثلا) وحتى حسب البيت ، تقريبا كل بيت في الهند عنده وصفته الخاصة فيه واللي يفتخر فيها. تقريبا جميع الوصفات تشترك في بعض المكونات زي الكمون و الكزبرة الناشفة و القرنفل و الهيل و القرفة و الفلفل الأسود. نسب البهارات هذي لبعض والبهارات الإضافية اللي ممكن تنضاف هي اللي تسوي كل الفروقات بين الأنواع.

.

شراء الجارام ماسالا مطحون جاهز جريمة كبيرة برأيي ! أولا لأن عمله في البيت جدا جدا سهل وثانيا لأن المطحون ماله أي طعم مميز هذا غير إن نكهته جدا ضعيفة لأنه مطحون من فترة طويلة في الغالب. أنا جربت عدة عدة وصفات للجارام ماسالا بس زي هذي اللي بنزل تحت ماشفت ! مقاديرها كلها متوفرة وبسهولة هنا و طعمها عطري والبهارات موزونه صح مافيه شي يبان أكثر من الثاني.

.

المقادير :

.

٣ ملاعق كبيرة كمون حب

٣ ملاعق كبيرة كزبرة حب

٢٠ حبة هيل أخضر كامل

١٠ حبات هيل أسود كامل

١٠ كسر قرفة طول كل واحد ١ إنش تقريبا

ملعقتين كبار قرنفل حب

٣/٤ فص جوزة طيب مكسر بالسكين كسر كبيره

ملعقة كبيرة فلفل أسود حب

٤ أوراق غار مكسرة

ملعقة كبيرة ورق ورد مجفف (طبعا حق الأكل)

ملعقة كبيرة ونص شمر حب

.

* الهيل الأسود يختلف تماما في الطعم عن الهيل الأخضر هو متوفر عند أغلب العطارين وحتى في أي سوبرماركت أو حتى في البقالات الصغيرة موجود.

.

* الورد المجفف يجي شكله زي كذا :

.

ورق ورد.

هذي العلبة أشتريتها من الدانوب بس ما أعتقد إنه شي نادر أو صعب تلاقونه ؟

.

.

الطريقة :

.

نخلط كل البهارات اللي فوق مع بعض بشكل جيد ونحطها في علبة تتقفل بإحكام مع البهارات.

.

garam masala.

نطحن البهارات حسب إحتياجنا في كل طبخة. نحط شوي من البهارات في مقلة على حرارة وسط ونحمصها شوي إلين نبدأ نشم ريحتها بعدين نشيلها من النار و نخليها تبرد وبعدين نطحنها ونستخدمها.

.

garam masala.

Follow TopChefCooks on Twitter

21 comments

2 pings

Skip to comment form

  1. لو سمحت توب شيف
    بسال عن استخدامات الهيل الاسود غير الجرام مسالا
    لايش ممكن نضيفه؟؟

    1. يستخدم بكثرة في المطبخ الهندي. كالعادة موب لحاله غالبا معه عدة أنواع ثانية من البهارات.

    • tota on 5 يناير, 2014 at 6:22 م
    • رد

    شيف عندي سؤال بالنسبة للبهارات الصحيحة زي حقتك مخلوطة مع بعض لما اخذ منها ملعقة كيف أضمن ان كل الكونات موجودة وبالنسب الصحيحة ؟؟

    1. سؤال جدا وجيه. للأسف صعب جدا خصوصا اذا كمية جدددا بسيطة

        • tota on 7 يناير, 2014 at 8:27 م
        • رد

        طيب والحل قصدي انت شو بتعمل في هذه الحالة

          • Top Chef on 8 يناير, 2014 at 3:24 م
            Author

          غالبا أطحن كمية أكبر من اللي أحتاج وأحاول أكسر البهارات الكبيره قدر الإمكان.

    • ساره on 5 يناير, 2014 at 4:24 ص
    • رد

    جوزة الطيب مو يقولون ممنوع بالسعوديه وهل فعلاً مايجوز

    1. لا متوفرة عادي.

      مممم فيها خلاف هي ، لو أشوفها حرام ما نزلتها شخصيا.

      • غير معروف on 5 يناير, 2014 at 1:42 م
      • رد

      عفواا على المداخلة بس حبيب أستفسر ليه جوزة الطيب يقولون انها حرام ؟؟

      1. مهلوسة بكميات كبيرة

  2. اخوي الورد المجفف هو اسمه الورد المحمدي ؟؟ عندي نفسه بس يجي نفس الجوري مسكر اوراقه مو مقطع مثل هذا ؟

    1. والله ما أعرف الصراحة إذا شكله زي هذا ففي الغالب هو هذا .. أي ورد مجفف صالح للأكل ممكن تستخدمينه عموما وهذا ترا موب مفرق أنا أفركه عشان أفرق الورق عن بعض.

    • تيماء on 18 أكتوبر, 2012 at 5:28 م
    • رد

    شيف تسلم ايدينك ،، جداااا اسعدتنا بالمواضيع اللي تتعلق بالمطبخ الهندي لأنه جداً مطلوب ونحبه ونستمتع فيه
    بعد إذنك ياشيف خالد
    بالسوبرماركت فيه أوراق خضراء صغيرة ناحية الخضرة بيقولولها ورق كاري
    وحتى لما بطلب من شيزان بشوفها وسط الايدامات والبرياني
    ونكهتها جداً جميلة ومميزة
    هل ما تفضل تستخدمها ؟
    ولا ده شئ راجع حسب المنطقة والذوق

    1. ورق الكاري معروف ما يحتاج .. أستخدمته في وصفة دجاج كاري مدراس في المدونة لو دورتيها تلاقينها.

      ورق الكاري مستخدم بكثره في الطبخ الهندي بس هذا ما يعني إني أحطه في كل شي. هو مستخدم أكثر شي في أكل جنوب الهند.

    • شوشو on 18 أكتوبر, 2012 at 4:29 ص
    • رد

    اخوي طيب ابي اسوي كميه كبيره بعلبه مقاس وسط كم أحط لأني فاششله بالقياس

    ثاني شغغله أحمصها واطحنها ويراجعها العلبة

    ولا وقت لطبخ فقط

    وكم استخدم ملعقه منها وقت الطبخ !!

    1. سويي كمية وحده من اللي فوق واذا ما كفاك ضاعفي المقادير حسب الرغبة.

      طريقة الاستخدام زي ما شرحت في الموضوع

    • غير معروف on 12 أكتوبر, 2012 at 7:48 م
    • رد

    مشكور على جهدك انا اضيف معاها nutmeg و شي يشبه الحلبة بس لونه احمر، فرق اللي يتسوى بالبيت عن اللي في السوق

    1. موجود معها جوزة طيب ؟

      يشبه الحلبه بس لونه أحمر ؟ ما أعرفه والله …

    • غير معروف on 4 أكتوبر, 2012 at 12:14 ص
    • رد

    رائع.،،

  3. شكراااااااااااااا لك

  1. […] « الجارام ماسالا .. Garam Masala […]

  2. […] ١/٢ ملعقة صغيرة جارام ماسالا […]

اترك تعليقاً

لن ينشر بريدك الإلكتروني.

%d مدونون معجبون بهذه: