Return to صفحة الأسئلة

English muffin وصفة المفن الانجليزي

Home Forums صفحة الأسئلة English muffin وصفة المفن الانجليزي

This topic contains 2 replies, has 2 voices, and was last updated by  حسام 6 years ago.

Viewing 3 posts - 1 through 3 (of 3 total)
  • Author
    Posts
  • #3175

    حسام

    السلام عليكم شيف

     

    حبيت اسالك، عندك وصفة جيدة للانجلش مفن؟ لو عندك ياريت تعطيني الله يجزاك خير

    وبس عندي ملاحظة صغييييرة مرة، بخصوص الوصفات اللي تنزلها، اشوف لو تكتب كل وصفةةكم تعطي كمية بتسوي معروف، فيه وصفات يكون واضح من المكونات كم بيطلع معنا بالنهاية، بس بنفس الوقت فيه وصفات لا واحس يحتاج تكتب كم الكمية اللي بتطلع معنا،

     

    يعطيك الف عافية مقدما

    #3178

    Top Chef
    Keymaster

    وعليكم السلام و الرحمة …

     

    معاك حق في هذي ، راح أحاول إن شاء الله أكتب في المستقبل قدر الإمكان.

    عندي وصفة بس الصدق كنت أفضل أنزلها مصوره لأن فيه كذا نقطه مهمة فيها.

     

    المفن الإنجليزي .. English Muffins

     

    الإنجليش مفن بالعادة ينطبخ على صاج أو مقله بإستخدام قوالب دائرية عاديه english muffin tins. لازم ينطبخ المفن على حراره هاديه نسبيا بحيث ياخذ وقته وهو يستوي بدون ما ينحرق من برا. القوالب متوفره بالعاده بس إذا ماكانت عندك ممكن تستخدم علبه جبن أو تونه مفتوحة من الجهتين (بعد التنظيف) أو تعملك قالب بإستخدام قصدير بعد ما تطويه عدة طويات وتدبسه في بعض عشان يعطيك قالب دائري.

     

    ١/٢ كوب حليب بودرة خالي الدسم

    ملعقة كبيره سكر

    ملعقة صغيره ملح

    ملعقة كبيره زبدة بحرارة الغرفة (أو زيت)

    كوب وثلث مويه حاره (موب دافيه بس موب تغلي)

    ملعقتين صغار خميره

    كوبين طحين منخول

     

    أخلط الحليب البودره مع السكر و نص الملح و الزبدة في صحن ، صب عليهم المويه وأخلط بشكل جيد إلين يذوب كل شي. أترك الخليط يبرد شوي.

     

    أخلط الخميره مع الطحين المنخول وبعدين أضف الطحين على خليط الحليب وأخلطه بشكل جيد بملعقة خشبيه.

     

    غط الخليط وأتركه يتخمر في مكان دافي لمدة ٣٠ دقيقة تقريبا

     

    سخن صاج أو مقله تيفال على حرارة هاديه. وحط القوالب في المقله ورشهم ببخاخ زيت أو أدهنهم بشكل جدا خفيف.

     

    أضف نص الملح الباقي وأخلطه مع العجينة بشكل جيد.

     

    الحين أبدا أملأ القوالب بالخليط تقريبا ل ٣/٤ إرتفاعها موب أكثر (راح تنفش). أطبخ الخليط لمدة ٥-٦ دقائق تقريبا بعدين أقلبه وأطبخ الوجه الثاني ل ٥-٦ دقائق بعد. لو لقيت إن الوجه يتحمر بسرعه نزل الحراره كثر لأن مهم الخليط ياخذ هذا الوقت تقريبا عشان ينطبخ من داخل.

    راح يعطيك تقريبا ٨ حبات D;

    #3189

    حسام

    والله يا شيف لو عندك نية تنزل الوصفة مصورة ما أمانع بصراحة! لأنه بصراحة الإنجلش مفن من الوصفات اللي أتعب وأنا أدور عليها, وكل شيف تطلع معه بشكل غير (بالصور يعني)

    بس سؤال, بودرة الحليب خالية الدسم, لازم تكون خالية الدسم عشان الوصفة ما تحتاج دسم؟ ولا لسبب ثاني؟ وينفع أستخدم زبدة مصفية ولا لأ؟

Viewing 3 posts - 1 through 3 (of 3 total)

The topic ‘English muffin وصفة المفن الانجليزي’ is closed to new replies.