Return to صفحة الأسئلة

وصفة للبانكيك المخبوز؟

Home Forums صفحة الأسئلة وصفة للبانكيك المخبوز؟

This topic contains 3 replies, has 2 voices, and was last updated by  Top Chef 6 years ago.

Viewing 4 posts - 1 through 4 (of 4 total)
  • Author
    Posts
  • #3157

    alaa

    مرحبا

     

    حابة اعرف البانك كيك المخبوز هل له انواع

     

    لاني لما دورت لقيت شي اسمه Dutch Boy Pancake وعجبتني اطرافه منفوخه على فوق وحابة اعرف كيف الطريقة بحيث يزبط الشكل معايا

     

    وهل هو نفس
    <h1>Dutch Baby Pancakes؟؟</h1>
    وهل لو جربت وصفتك ممكن تتنفخ بنفس الطريقة

     

    شكرا

    #3161

    Top Chef
    Keymaster

    هو في الواقع ، كلمة بانكيك ومخبوز مع بعض شوي غريبه.

    البانكيك من إسمه يعني خبز المقله وهو في الغالب موب مخبوز ، غالبا مطبوخ عالنار أو صاج أو شي مشابه.

     

    فيه أنواع كثيييير جدا من البانكيك ، تقريبا مافيه أي شعب ماله نوع قريب منه من الكريب الفرنسي للجوني كيك في أمريكا للجيون في كوريا وغيرها كثيييير كثير. أغلب الناس إذا قالوا بانكيك يقصد البانكيك الأمريكي اللي هو خليط سائل مرفوع برافع كيميائي وله قوام خفيف إسفنجي.

     

    ماقذ ذقت الدتش بيبي وأول مره أسمه عنه منك الصدق بس يوم سويت بحث عنه لقيت إنه عجينة بوب أوفر pop over يعني أقرب ماله اليوركشير بودينج وليس البانكيك أبدا. طبعا ماينفع تستخدمين وصفتي للبانكيك هنا هذا شي وهذا شي ثاني تماما.

    #3164

    alaa

    مشكور

     

    حابة اعرف كيف تترفع الجوانب لاني لقيت وصفة

     

    6 بيضات

    1كوب حليب

    1 كوب دقيق

    فانيلا

    وبس بدون مواد رافعه وتنخلط عادي بدون ميرانج او غيره

     

    والفرن حرارة عالية 425 او 400 والبعض يقول افضل الصينية حديد زهر لكن شفت بعضهم مسوينها في بايركس قزاز او حديد خفيف زي الكب كيك

     

    وهو بنفسه يتنفخ جوا الفرن  بصراحة شكله جدا رائع وحابة اسوي شي مزبوط ما ابغى يطلع مخربط

    #3165

    Top Chef
    Keymaster

    مين قال مافيه مواد رافعة فيه بس موب باينه.

     

    زي ماقلت هي اقرب للبوب اوفر او اليوركشر بودينج من البانكيك. صراحة ما اعرف مين وليش سماه بانكيك للحين ؟

     

    لو شفتي الخليط بتلاحظين ان فيه كمية سوائل اكثر بكثير من الجوامد. عندنا كوب حليب لكوب طحين وكمية بيض كبيره وهذي مليانه مويه. اللي يرفع الخليط هنا هو بخار المويه وعشان كذا الحرارة عالية وعشان كذا ينصحون بحديد زهر كونه يمسك الحرارة.

     

    الخليط يسخن بسرعة وتتبخر المويه اللي فيه وفي الطريق ترفع العجين وهذا هو اللي يصير. عشان كذا مهم في مثل هذي العجاين انك ماتفتحين باب الفرن لفترات طويلة ابدا كونها تطلع الحرارة اللي بتخلي العجين ينفش.

Viewing 4 posts - 1 through 4 (of 4 total)

The topic ‘وصفة للبانكيك المخبوز؟’ is closed to new replies.