Return to صفحة الأسئلة

لما افرد العجينة تنكمش معي

Home Forums صفحة الأسئلة لما افرد العجينة تنكمش معي

This topic contains 3 replies, has 2 voices, and was last updated by  Top Chef 6 years ago.

Viewing 4 posts - 1 through 4 (of 4 total)
  • Author
    Posts
  • #3158

    سارة

    شيف خالد الله يعافييك

    عيدك مبارك وكل عام وانت بسعادة وخيير

    لما افرد العجينة  تنفرد معي وتمام بس صارت تنكمش او ترجع معي

    جربت حطيت تحتهاا دقيق شوي وطلع نفس الشي معي

    وغيرت الدقيق وصارت تنفرد معي عادي

    المشكلة من الدقيق او من وقت التخمير

    لان انا اعجنها واتركها تتخمر بس وقت مااجهز الاغراض اللي احتاجهاا وابداء بالشغل فيها

    #3162

    Top Chef
    Keymaster

    الموضوع باختصار إنها تحتاج ترتاح بس. أي وقت تلاقين العجين ينكمش إذا فردتيه خليه يرتاح عشر دقايق كذا وأرجعي أفرديه وبتلاقينه يمشي معك .

    طبعا الوصفة مفروض إنها كاتبتلك ريحي العجينة واللي تسوينه بإنك تشطبين فترة الراحة خطأ أكيد.

    #3166

    سارة

    طيب انا اسوي العجينة نفسها ومن زمان والصدق مااريحاها مو اكثر من ربع ساعة وماشية معي تمام  واذا خلصت مصلحتها تركتها بالصينة تتخمر قريب من النصف ساعة الى ساعة

    بس صارت تنكمش معي لما غيرت الدقيق وزيادة كذا تركتها ترتاح ساعة بالضبط هذا الاشكال هنا لما تركتها ترتاح انكمشت معي

    ولا انا اعرف اني اغلط باني مااتركها ترتاح

    #3169

    Top Chef
    Keymaster

    اللي صار مو حالة شاذة أو غريبة أبدا هذا اللي طبيعي يصير.

     

    عشان أشرحلك الموضوع أفضل. الطحين فيه نوعين بروتين هذي النوعين مع المويه والخلط تنجمع وتتفاعل مع بعض وتكون نوع بروتين ثالث إسمه “جلوتن” وهذا هو سر كل شغل الخبز.

     

    الجلوتن هذا شكله يشبه السلاسل الطويله المعقوده على بعض وهو قابل للمط يعني يتصرف بالضبط زي المطاط وفي نفس الوقت قابل للتشكل بشكل جديد يعني بعد ممكن يتصرف زي الصلصال وعشان كذا العجاين لها هذي الصفتين هي تنمط وترجع لشكلها الأصلي. وش اللي يخلي العجينه تتصرف كصلصال أو كمطاط هذا موضوع جدا طويل وهو له علاقه بأشياء كثييييير زي الإضافات اللي مع الطحين والحموضه والمواد الثانيه مع العجينه زي البيض و الزيت وغيرها وحتى ملوحة المويه لها دور وجدا كبير !!

     

    أنواع الطحين موب وحده ، كل نوع فيه إضافات مختلفه من المصنع وكل نوع فيه كمية بروتين مختلفه بعد وعشان كذا أنواع الطحين طبيعي تتصرف بشكل مختلف.

     

    اللي أبي أوصله بإختصار هو إن عجينتك بأي نوع طحين راح تفرد معك عادي لو ريحتيها وقت كافي. هي موب مشكلة ولا عيب لا في الطحين ولا غيره فلا تشيلين هم هذا الموضوع هو جدا طبيعي.

Viewing 4 posts - 1 through 4 (of 4 total)

The topic ‘لما افرد العجينة تنكمش معي’ is closed to new replies.