Return to صفحة الأسئلة

شوربة الهليون

Home Forums صفحة الأسئلة شوربة الهليون

This topic contains 2 replies, has 2 voices, and was last updated by  روان 6 years, 1 month ago.

Viewing 3 posts - 1 through 3 (of 3 total)
  • Author
    Posts
  • #3141

    روان

    السلام عليكم مبروك افتتاح المدونة

    ممكن وصفة شوربة الهليون ؟

    #3145

    Top Chef
    Keymaster

    وعليكم السلام و الرحمة …

     

    الله يبارك فيك، طبعا ممكن وجدا جدا سهلة بعد.

     

    شوربة الهليون (الأسباراجوس) .. Asparagus Soup

     

    نفس الشوربة ممكن تستخدم للبروكلي بدون مشاكل. زي أي شوربة جودة المرق و المكونات والتفاصيل الصغيرة هي اللي تسوي كل الفرق.

     

    كيلو هليون (أسباراجوس)

    حبه بصل مقطعه صغار

    ٤ ملاعق كبيره زبدة

    ٥-٦ أكواب مرق دجاج (موب ماجي !! مرق دجاج منزلي ، الطريقة في المدونة موجوده)

    ١/٤ كوب ساور كريم

    ١/٤ كوب كريمة خفق ( أو أستخدمي نص كوب كريمة خفق وشيلي الساور كريم لو حابه)

    شوي عصير ليمون وملح وفلفل

     

    أقطعي راس ١٢ حبة أسباراجوس وخليها للزينه. قطعي باقي الجذر لقطع متساويه صغيره.

     

    أسلقي رؤوس الهليون في مويه مغليه مملحه إلين تصير لينه بس بعدين صفيها وخليها عالجنب للزينة.

     

    سخني ملعقتين زبدة في قدر علي حراره وسط وأطبخي البصل فيهم إلين يذبلون (لا تخلين البصل يقلب ذهبي) بعدين حطي جذور الأسباراجوس ورشة ملح وفلفل وقلبيهم في الزبدة شوي.

     

    حطي تقريبا ٥ أكواب مرق وخلي الشوربه تطبخ على غليه جدا خفيفه إلين تلاقين الأسباراجوس صار جدا لين تقريبا ٢٠ دقيقة. أطحني الشوربة في خلاط بشكل جيد وبعدين صفيها بصفايه ناعمه (كل ماكانت ناعمه كل ماكان القوام أفضل وأنعم) لقدر ثاني نظيف.

     

    سخني الشوربه المطحونه وعدلي قوامها بباقي المرق حسب الرغبة. حطي كريمة الخفق و الساور كريم وحركيهم بشكل جيد عالخليط بعدين ذوقي الخليط وعدلي الملح و الفلفل و الليمون حسب رغبتك. طفي النار وحطي باقي ملعقتين الزبده وحركي الشوربه إلين تذوب الزبده تماما.

     

    #3168

    روان

    يعطيك العافية

Viewing 3 posts - 1 through 3 (of 3 total)

The topic ‘شوربة الهليون’ is closed to new replies.