Return to صفحة الأسئلة

الفلفل الملون والفرق بينهم ؟؟

Home Forums صفحة الأسئلة الفلفل الملون والفرق بينهم ؟؟

This topic contains 1 reply, has 2 voices, and was last updated by  Top Chef 6 years ago.

Viewing 2 posts - 1 through 2 (of 2 total)
  • Author
    Posts
  • #3131

    سارة

    مبروك شيف خالد على البيت الجديد

    يبي لنا وقت على مانتعود على الشكل الجديد

    بسالك عن الفلفل الاخضر والاحمر والاصفر ايش الفرق بينهم في الطعم ؟؟

    والفرق بينهم في الاكل والطبخات  ؟ ولما يطلبوا مني فلفل احمر ومايصير عندي وحطيت بدالة اخضر بيفرق في الطعم ؟؟

    الصراحة مااحب ولا واحد منهم ولا يعجبني طعمهم بس لو تخيرني بينهم بختار الاخضر هو اللى احس فية نكهة وريحة تطعم بالاكل غير عنهم

    والاحمر نكهتة حلو ة فية حلاوة بس ولا راح اختارة

    والاصفر مااعرف ايش نكهتة

    #3132

    Top Chef
    Keymaster

    الله يبارك بعمرك …

     

    الموضوع جدا سهل بس موضوع تعود لا أكثر.

     

    طبعا فيه فروقات بينهم وكبيره بعد خصوصا الأخضر. في التبديل حسب وش دوره في الطبخة.

    هم كلهم يبدأون خضر للمعلوميه وعشان كذا الأخضر بالذات أعتبريه نوع منفصل عنهم هو فلفل غير ناضج.

     

    الأخضر له نكهة “عشبية” زي ريحة العشب اللي توهم قاصينه تقريبا وطعم مر (بشكل خفيف) وفيه نكهة خاصة فيه بسبب وجود مركب كيميائي يعطيه هذا الطعم.

     

    باقي الألوان (الأحمر و الأصفر و البرتقالي وحتى بنفسجي مسود) كلها فلافل ناضجة ولها نكهة مختلفة شوي. هذي الفلافل مافيها المركب اللي يعطي الفلفل الأخضر نكهته ولا فيها المراره المربوطة فيه. هذي الأنواع بتلاحظين إنها حلوه أكثر (بدرجات مختلفة فالأحمر أكثرها حلاوه) ولها نكهة قريبة من بعض.

     

    في الطبخ، الأحمر بالذات ويجي بعده الأخضر لهم أهمية جدا جدا كبيره. في مطبخ البحر المتوسط و المطبخ اللاتيني (الأسباني والمكسيكي ودول جنوب أمريكا) الفلفل الأحمر ينحط مع البصل و الثوم في الأهمية. يعني هو واحد من الخضروات اللي يبدون فيها الطبخات. وطبعا الفلفل الأحمر المشوي له آلاف آلاف الإستخدام عندهم. الفلفل الأخضر يستخدم بنفس الطريقة في المطبخ حق ولايات معينه في أمريكا وفي بعض دول الكاريبي.

     

    باقي أنواع الفلفل مالها هذي الأهميه وبشكل عام ممكن تتبدل بدال بعض وفي أغلب الأحيان تستخدم للون أكثر من أهميتها للطعم يعني ممكن يستخدم مثلا أحمر بس ، بس ينطلب أصفر وبرتقالي معه للون أكثر من الطعم.

     

    بإختصار شديد، الأخضر يفضل ما تبدلينه بشي ، الأحمر يفضل دايم تستخدمينه إذا إنطلب وباقي الألوان ممكن تبدلينها بدال بعض عادي. لو أضطريتي تبدلين الأحمر بدليه بأي شي إلا الأخضر كونه مختلف تماما عنهم.

     

Viewing 2 posts - 1 through 2 (of 2 total)

The topic ‘الفلفل الملون والفرق بينهم ؟؟’ is closed to new replies.