Return to صفحة الأسئلة

العجانه

Home Forums صفحة الأسئلة العجانه

This topic contains 1 reply, has 2 voices, and was last updated by  Top Chef 6 years ago.

Viewing 2 posts - 1 through 2 (of 2 total)
  • Author
    Posts
  • #3183

    المشتاقه للجنان.

    باايش تنصحني ياشيف ابي عجانه لكميه قليله حاليا لاني مبتدئيه وابي اجرب انواع من العجين مثل الخبز وممكن اواجه عجين يكون قاسي وجزاك الله خير.

    #3185

    Top Chef
    Keymaster

    هلا والله …..

    الصراحة ماشفت السوق بشكل موسع عشان أقدر أفيدك بالتحديد في اللي تحتاجين بس عموما فيه ماركتين مسيطرة عالسوق : كيتشن إيد وكينوود.

     

    عن نفسي مجرب الإثنين ومجرب الكيتشن إيد الصغيره الضعيفة بعد يعني أقل شي عندهم (في بيتي في كندا أول) و  مجرب أقوى وأكبر كينوود (لبيت أهلي هنا في السعوديه) وصراحة أفضل الكيتشن إيد وكل من سألني قلتله نفس الكلام.

     

    أشوف الكيتشن إيد أفضل كتصميم (معدن كامل عكس الكينوود اللي أغلبها بلاستك، غير إن كل الإضافات تركب من مكان واحد ما فيها ستميه مكان مختلف للإضافات زي الكينوود)، تاخذ مساحة أقل في نظري، مافيها مشكلة الحركه السريعة في البداية اللي موجوده في الكينوود بإن الخلاط يبدأ بسرعه بعدين يبطأ للسرعه المطلوبه و اللي الصراحة جدا جدا مزعجة.

     

    إذا ماعندك نيه تسوين عجاين بكميات كبيره مره أو تسوين عجاين قاسيه بشكل دائم زي البريتزل و البيجل و الباستا مثلا أو تستخدمين عدة ملحقات فأستخدمي أرخص نوع تلاقينه بدون أي خوف. أنا كان عندي أضعف كيتشن إيد لي في البيت وماقد يوم واجهت أي أي مشكلة فيها مع العلم إني كنت أستخدمها لفرد الباستا وفرم اللحم بعد.

     

    إذا تبين قبل فترة شفت في متجر المينا (وكيل كيتشن إيد) كيتشن إيد ب ٢٢٠٠ لونها أحمر أو أبيض، سعرها ممتاز أحس. متجر المينا في الخبر و الرياض بس فلو كنتي في جده مالك إلا تافولا هو اللي يبيعها أو شوفي الكينوود بعد ممتازه ما أقول فيها شي بس لو خيروني بختار الكيتشن إيد خصوصا إن السعر موب ذاك الفرق أبدا.

Viewing 2 posts - 1 through 2 (of 2 total)

The topic ‘العجانه’ is closed to new replies.