«

»

مارس 23 2011

حشوة كبدة الدجاج .. Chicken Liver Filling

هلا والله ..

 

اللي ماقد في حياته جرب كبدة دجاج ما أظن فيه تطبيق أحسن من هذا . كبدة الدجاج عكس ما ناس كثير يعتقدون طعمها أخف بكثير من كبدة الغنم أو غيرها ، غير كذا أنعم وفيها حلاوة خفيفه.

 

المقادير :

 

تقريبا ١٥٠ جرام كبدة دجاج

نص بصله وسط مقطعه صغار

فصين ثوم مقطعه شرايح نحيفة

كوب سبانخ مغسول

ملعقتين كبار زبده

بيضه

أعشاب حسب الرغبة ( أي أعشاب متوفره ، أنا أستخدم بقدونس وزعتر بري)

ملح وفلفل

 

 

الطريقة :

 

في حال كانت الكبده موب منظفه ننظفها بإننا نشيل الشحم اللي عالأطراف و العرق اللي بين الفصين لو كان موجود. بعدين نقطعها قطع كبار بحيث تصير كلها نفس الحجم.

 

chicken liver

 

كبدة دجاج

 

الحين نسخن مقله على حراره أعلى من وسط بشوي ونخليها تسخن شوي بعدين نحط شوي زيت و ملعقة كبيره زبده ونطبخ الكبده فيها مع ملح وفلفل إلين تتحمر الكبده من كل الجهات . نهدي النار بعدين نحط البصل و الثوم ونطبخهم شوي معها . الحين نحط السبانخ و الأعشاب ونطبخها إلين تذبل بس بعدين نطفي النار ونحط باقي الزبده.

 

ننقل الكبده للوح تقطعي ونخليها تبرد شوي بعدين نفرمها بالسكين فرم خفيف . آخر شي نذوقها ونعدل الملح والفلفل بعدين نخلط البيضه معها.

 

chicken liver

 

كبدة دجاج

 

 

 

تورتيليني بحشوة كبدة الدجاج مع صوص الزبدة البنيه بالبلسمك .. Chicken Liver Tortellini with Balsamic Brown Butter Sauce :

 

الحشوة هذي تمشي بشكل رهيب مع عجينة الباستا المصنوعه بحنطة سوداء buckwheat . تلاقون الطريقة في موضوع الباستا الطازه .

 

نسويي تورتيليني (أو أي شكل تحبون) زي ما شرحت في الموضوع ونحشيها بحشوة الكبده.

 

بعدين نطبخ الباستا زي ما شرحت في الموضوع و إحنا نطبخ الباستا نسوي صوص الزبده البنية.

 

نذوب أصبع زبده على حراره وسط ونخليه إلين يبدأ يقلب بني ( موب أسود ! بس بني ) بعدين نطفي النار ونحط ملعقتين كبار خل بسلمك أو أكثر أو أقل حسب الرغبة ورشة بارمزان بعدين نحط عليها الباستا ونقلبها مع الصوص ونقدمها ونزينها بزيادة بارمزان ..

 

 

brown butter

 

زبدة بنية مع بلسمك

 

chicken liver tortillini

 



 



عن الكاتب

Top Chef

2 comments

  1. samahertariq

    i can’t wait to cook this for my hubby
    am huge fan of chicken liver the egyptian style
    i will try this asap

    1. Top Chef

      it won’t disappoint you

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: