بارفيه الموز بالشكولاته و اللوز و جوز الهند.. Banana ,Coconut, Chocolate and Almond Parfait

هلا والله ..

 

البارفيه parfait هو أي حلى مقدم داخل كاس ومكون من طبقات وحشوه لينه . البارفيه اللي بسويه اليوم أسهل و أسرع حلى ممكن يتسوى ومع هذا جدا لذيذ . طبقات من آنجل فوود كيك بعدين حشوة كريمية مطعمه بجوز الهند و الماسكاربوني و بعدين موز و لوز محمص و آخر شي صوص جاناش . الحلى بقدمه في كاسات صغيرة بس تقدرون بكل سهولة تسوونه في صحن كبير لو تبون.

 

المقادير :

 

لصوص الشكولاته :


١٠٠ جرام شكولاته غامقة من أحسن أحسن نوع

١٠٠ جرام قشطة خفق

ملعقة كبيره شراب ذرة

ملعقة صغيرة زبده على حراره الغرفة

 

للبارفيه :

 

نص علبة حليب جوز هند ( تقريبا ٣/٤ كوب )

ملعقة صغيرة من خلاصة جوز الهند (إختياريه)

٣/٤ كوب جبنة ماسكاربوني

٤ ملاعق كبيره سكر

رشة ملح

شرايح من كيكة الآنجل فود كيك زي اللي سويت هنا

موزتين كبار مقطعه شرايح نحيفه . أهم شي هنا الموز يكون مستوي مررررره يعني بدت تطلع عليه نقط سوداء

١/٤ كوب لوز شرايح محمص

 

* حليب جوز الهند هنا ماله بديل ، يفضل تستخدمون حليب جوز الهند السايل اللي يجي في علب.

* الماسكاربوني بعد ضروري هنا ، الكيري أو الفيلادلفيا أو غيرها بتعطي طعم شوي حامض ، موب الشي اللي أدور هنا.

* لو ماعندكم آنجل فوود كيك أستخدموا أي كيكة ثانيه حتى لو كيك جاهز من السوبرماركت أو حتى كيك فشل عليكم

* الشكولاته تكلمت عنها هنا إذا ما يعجبكم طعمها لحالها لا تحطونها مع الحلى !


 

الطريقة :

 

أول شي نسويه هو إننا ناخذ مقادير الصوص حق الشكولاته ونسوي فيه جاناش ، الطريقة في الموضوع . هذا صوص شكولاته جدا لذيذ تقدرون تستخدمونه زي الهيرشي أو غيره بس بيكون لذيذ.

 

chocolate sauce

 

الحين في قدر صغير نطبخ حليب جوز الهند على غليه جدا خفيفه إلين يتبخر ويثقل إلى ثلث الكمية الأصلية تقريبا بعدين نحط خلاصة جوز الهند لو كنا بنستخدم. نخليه يبرد في الثلاجه إلين نحتاجه . الطبخ بيخلي طعم جوز الهند واضح وقوي بإنه يبخر المويه وبكذا يركز النكهة أكثر.

 

coconut cream

 

الحين في صحن خلط نخلط الماسكاربوني مع السكر و الملح إلين ينخلطون زين بعدين نبدأ نضيف من خليط جوز الهند شوي شوي مع الخلط إلين يوصل للطعم اللي نبي.

 

mascarpone cream

 

 

الحين تقريبا خلص الحلى باقي بس نركبه على بعض .. في كاسات بارفيه ( أو أي كاسات ثانيه ) ، نرص شوي كيك بعدين شوي من الحشوة بعدين طبقة جاناش خفيفه بعدين موز بعدين لوز محمص وبعدين طبقة كيك وكذا .. نقدر ناكله علطول أو أحسن بعد ندخله الثلاجه ساعة عالأقل عشان النكهات تتمازج .

 

parfait

 

coconut chocolate almond and banana parfait

 

chocolate , banana parfait

 

banana parfait

 

 

coconut parfait

39 comments

Skip to comment form

    • غير معروف on 2 ديسمبر, 2012 at 8:12 م
    • رد

    شيف شراب الذرة هو شراب الجلوكوز !! ولا شي ثاني
    يجي زي العسل لونه ابيض

    1. نفس الوظيفة بالضبط و بديل مثالي له بس موب نفس الشي ….

    • غير معروف on 9 سبتمبر, 2012 at 11:01 ص
    • رد

    مرحبا توب شيف جربت البارفيه وكان روووووووووعة بكل معنى الكلمة وطبقته بحذافيره طلع بياخد العقل أول لقمة حسيت حالي بهاواي ……تاني لقمة حسيت أني صرت بفرنسا ان شاء الله بيعيشوا ايديك وعلى فكرة لحد الآن مافي طبق جربته من المدونة الا كان أكثر من رائع

    1. بالعافية ….

  1. شيف ماشاء الله عليك انت رائع مافي زيك اثنين على هل الردود السريعه والمفيده
    يارب اشوفك من نجاح الي نجاح اكبر شكرا شيف

    1. آمين يارب … ومشكورة على كلامك

  2. معليش عندي سوال ايش هيه جبنه الساكاربوني ووين القاها واذا مالقيتها اقدر ابدلها بجبنه ثانيه
    وشكرا

    1. جبن كريمي إيطالي.

      تلاقينها في أي سوبرماركت يبيع أشياء مستوردة.

      تقدرين تحطين فيلادلفيا أو كيري بس الطعم أبدا موب صاير نفس الشي

    • Roaa on 5 يوليو, 2012 at 8:56 م
    • رد

    مرحبا توب شيف
    حبيت استفسر منك عن الكب كيك والميني كب كيك الموجود في المحلات يكون مره مويست هل يستخدمو الكيك العادي زي اللي نستخدمه او سبونج كيك ؟؟؟
    وابغى اسألك لو ماعليك كلافه ايش الشي الي يعطي طراوه للكيك ؟؟
    هاذي اسئلتي وشكرا لسعه صدرك ،،

    1. السبونج كيك عمره ما يكون رطب عكس فكرة ناس كثيرين. عشان كذا كثير من الوصفات تطلب منك ترشين السبونج كيك بشيره أو شي يعطيه رطوبه أو يتقطع شرايح نحيفه وينحشي أشياء رطبة زي كسترد أو كريمه أو شي ثاني. الكيك اللي يستخدمون في المحلات مافيه أي أي سر وأي أحد يقدر يسوي زيه أو أحسن منه بعد هو مجرد كيك مصنوع صح.

      مافيه شي واحد يعطي طراوه للكيك هي ترجع لكذا شي ، كيف الوصفه موزونه وكيف أنتي تلتزمين في كل خطوه منها من الخلط للتوزيع و الطبخ وحتى التبريد. لو تبين فيه كم وصفة كب كيك في صفحة الوصفات جربيهم متأكد بتعجبك النتيجة.

    • هيفا on 2 ديسمبر, 2011 at 2:31 ص
    • رد

    اليوم رحت اشتري اغراض الحلا بس وقفت عند شراب الذره لقيت واحد لونه اصفر شفاف زي لون الزيت وكتوب عليه لايت وثاني اسود ومكتوب دارك اي واحد اشتري؟؟

    🙂

    1. دايما لايت إلا إذا أنطلب غير كذا ، و الإثنين في النهايه ينفعون بس الدارك بيعطي لون ونكهة زيادة.

  3. يعطيك الف عافيه وبسويهم باذن الله تعبتك معاي 🙂

  4. شكرا لردك السريع على اسئلتي بس حبيت اتأكد خلاصة جوز الهند هي نفسها اللي نستخدمها بالاكل الهندي اللي اسمها بودرة جوز الهند ؟؟
    وسؤالي هو بما اني ابسوي الانجل كيك وبيقى كثير صفار ففكرت اسوي كريم باتسيير واصير احط طبقه من الكيك بالكاسات الصغيره فوقها الباتسيير وفراوله وكم طبقه وبالاخير صوص البلسمك المطبوخ قريته بمدونتك وحسيته لذيذ هل تحس هذي النكهات تتناسب ؟؟ عشان بيوم واحد اقدر اسوي نوعين حلا بالموز والفراوله 😉

    1. لا خلاصة جوز الهند تجي سايلة تقريبا زي الفانيلا السايلة والنكهات الثانيه السايلة زي الموز و اللوز وغيرها.

      النكهات رهيبة مره مع بعض ، فانيلا ، فراولة و بلسمك من ألذ النكهات مع بعض ترى. أهم شي الباتسييه ما يكون ثقيل أكثر من اللازم هنا المشكلة اللي حاولي تتفادينها ، أفضل شي تخففينه بشوي كريمة مخفوقه بحيث طعمه وقوامه ما يكون طاغي على الثانين.

    • هيفا on 29 نوفمبر, 2011 at 4:18 ص
    • رد

    صح وحبيت اسألك عن تارت الموز انا ناويه اصلحه ان شاء الله بقوالب صغار ينفع قبل بيوم ولاحلاته دافي واسفه لوكثرت اسئله

    1. تارت الموز ينفع قبل بيوم بدون مشاكل ، إذا تبينه دافي سخنيه شوي.

    • هيفا on 29 نوفمبر, 2011 at 4:08 ص
    • رد

    حبيت الحلا كثير خصوصا اني من عشاق الموز وجوز الهند بس حبيت اسألك هل ينفع اصلحه قبل بيوم لعزيمه ؟؟
    وشكرا لابداعاتك متابعتك من شمواه وتبعتك هنا مدونتك هذي مرجعي للطبخ “

    1. ينفع تسوينه قبل بيوم بس بيجمد الجاناش و الكيك في الثلاجه ويجيك القوام غريب شوي. يمديك تسوين كل مكون قبل بيوم وتجمعينهم قبل التقديم بكم ساعة هذا أفضل حل.

    • الأمـل on 2 يوليو, 2011 at 5:48 م
    • رد

    يسلم ايدينك رووعه وان شاء الله اجربه ماقصرت

    • ABEER on 18 يونيو, 2011 at 3:16 م
    • رد

    كم جرام حليب جوز الهند والجبنه؟

    1. ما تحتاجين الوزن هنا في السوائل الحجم و الوزن بنفس الدقه ، الفرق يكون في المواد الجامده بس.

    • غير معروف on 18 يونيو, 2011 at 3:09 م
    • رد

    ينفع اسوي مع الموز فراوله؟ اقصد يطلع حلو
    طبعا اذا جربته
    وع فكره شراب الذره ما عندي ، انت استخدمته عشان ايش؟

    1. إذا الفراوله طازه وطعمها حلو موب حامض بيطلع رهيب. ماجربته بس موز مع فراوله يمشون مع بعض و الفراوله رهيبه مع الماسكاربوني ومع جوز الهند ومع الشكولاته مفروض تضبط.

      شراب الذرة شوفي موضوع الجاناش شرحت وش فايدتها معه.

    • j0j0 on 29 مايو, 2011 at 2:02 م
    • رد

    wo0o0o0o0ow mashallh 3leek o0 rby shy jmeel o0 al_wa9fh 7eel shlaah <<yslmo0

  5. بارك الله فيك ابدعت

    • ABEER on 12 مايو, 2011 at 2:26 م
    • رد

    السلام عليكم شيف 🙂
    كيف حالك
    انا لما اسوي التشوكلت تطلع مره غامقه مو مثلك فاتحه.
    كم كاس يكفي للكميه اللي حطيتها؟

    1. وعليكم السلام ..

      أستخدمي شكولاته أفتح شوي بس ..

      الكمية اللي سويت تسوي ٤ كاسات شوي كبيرة

  6. الطبخه مررره حلووه ..

    الى الأمام ..^_^

    • بوسأم on 1 مايو, 2011 at 5:21 م
    • رد

    يعطيك ألف عافية. من يومك شغلك شغل بروفيشنال
    سؤال حليب جوز الهند نفسه إلي يجئ بقوطي معدن و لا فيه غيره؟ أنا عاده استخدم هذا إلي بقوطي معدن مع الأكلات الصينية و لا الهندية

    1. هلا والله …

      بالضبط هو نفسه

  7. الجاناش حكـآآآآية ،، ابي اذوقه منك
    بصرآحه شغلك مررررررررررره مرتب ونظيف والي يقلقني التدقيق مره مره
    احس اعصابي مشدووده وانا اقرآ ب اطباقك بس ارجع واقول ماعليها كلام
    ويـآآآرب اشوف بدال الشيف اسامه لانك عن جد مبدع

    1. هلا والله ….

      ههههه حلوه أعصابك مشدودة .. هدي ترى مرررررره سهلة الشغلة … بإختصار شديد :

      تقطعين شكولاته وتحطينها بصحن ، تسخنين كريمة وتحطينها فوقها ، تخلينها دقيقتين بعدين تحركينهم مع بعض إلين تعطيك صوص .. هذا الجاناش ..

      الموز موز هههه تشرينه جاهز وتقطعينة …

      الكيك بعد تقدرين تشرينه جاهز أو تستخدمين أي كيك قديم عندك …

      الحشوة عاد أتفه شي .. تغلين حليب جوز هند إلين يثقل وتحطين عليه سكر و ماسكاربوني وتصبينهم في القوالب على شكل طبقات …

      هذا الحلى بكل بساطة .. التفاصيل الثانيه هذي هي اللي تسوي الفرق بين واحد يسوي الحلى ويطلع لذيذ معه وواحد يسويه ويطلع عادي مع العلم إنها نفس الوصفة ونفس الحلى . سويي الحلى مرتين ومره أستخدمي موز مستوي ميه في الميه ومره سوييه بموز عادي وشوفي الفرق كيف يطلع بينهم . التفاصيل هذي هي اللي الناس يسمونها “نفس” في الأكل هي مجرد تفاصيل دقيقة مالها علاقة بنفس ولا موهبة ولا ذوق … فكري فيها كذا.

  8. يسلمو دياتك توب شيف مية المية الوصفة وما في كلام بس بالنسبة لحليب جوز الهند في اله اسم تاني ولا كيف

    1. لا هو حليب جوز هند ومختلف عن مويه جوز الهند !! أنتبه .

  9. تسلم ايدك على الحلو
    بس انا ماافضل وجود الموز بالحلويات فقط لوحده او سلطة فاكهة 🙂

    اجربه بنوع اخر من الفواكه

    شكرا

    1. هلا والله …

      الناس أذواق .. بس أشوف الموز هنا ماله بديل مافيه شي بيعطي نفس الطعم اللي الموز بيعطيه .

    • nora on 13 أبريل, 2011 at 11:12 ص
    • رد

    والله ياعليك قهوه بعد ماشاء الله تشربها بالعافيه
    طيب مايجي بطريقه ثانيه غير الموز مع اني من عشاقه بس
    ماقد تخيلت أكله في حلا

    1. حطي أي فاكهة تشوفين إنها تنفع حلى .. إذا تاكلين موز ومعجبك البارفيه وين المشكلة إنك تجربينهم مع بعض ؟ وش أسوأ شي ممكن يصير ؟

اترك تعليقاً

لن ينشر بريدك الإلكتروني.

%d مدونون معجبون بهذه: