هلا والله ..
البارفيه parfait هو أي حلى مقدم داخل كاس ومكون من طبقات وحشوه لينه . البارفيه اللي بسويه اليوم أسهل و أسرع حلى ممكن يتسوى ومع هذا جدا لذيذ . طبقات من آنجل فوود كيك بعدين حشوة كريمية مطعمه بجوز الهند و الماسكاربوني و بعدين موز و لوز محمص و آخر شي صوص جاناش . الحلى بقدمه في كاسات صغيرة بس تقدرون بكل سهولة تسوونه في صحن كبير لو تبون.
المقادير :
لصوص الشكولاته :
١٠٠ جرام شكولاته غامقة من أحسن أحسن نوع
١٠٠ جرام قشطة خفق
ملعقة كبيره شراب ذرة
ملعقة صغيرة زبده على حراره الغرفة
للبارفيه :
نص علبة حليب جوز هند ( تقريبا ٣/٤ كوب )
ملعقة صغيرة من خلاصة جوز الهند (إختياريه)
٣/٤ كوب جبنة ماسكاربوني
٤ ملاعق كبيره سكر
رشة ملح
شرايح من كيكة الآنجل فود كيك زي اللي سويت هنا
موزتين كبار مقطعه شرايح نحيفه . أهم شي هنا الموز يكون مستوي مررررره يعني بدت تطلع عليه نقط سوداء
١/٤ كوب لوز شرايح محمص
* حليب جوز الهند هنا ماله بديل ، يفضل تستخدمون حليب جوز الهند السايل اللي يجي في علب.
* الماسكاربوني بعد ضروري هنا ، الكيري أو الفيلادلفيا أو غيرها بتعطي طعم شوي حامض ، موب الشي اللي أدور هنا.
* لو ماعندكم آنجل فوود كيك أستخدموا أي كيكة ثانيه حتى لو كيك جاهز من السوبرماركت أو حتى كيك فشل عليكم
* الشكولاته تكلمت عنها هنا إذا ما يعجبكم طعمها لحالها لا تحطونها مع الحلى !
الطريقة :
أول شي نسويه هو إننا ناخذ مقادير الصوص حق الشكولاته ونسوي فيه جاناش ، الطريقة في الموضوع . هذا صوص شكولاته جدا لذيذ تقدرون تستخدمونه زي الهيرشي أو غيره بس بيكون لذيذ.
الحين في قدر صغير نطبخ حليب جوز الهند على غليه جدا خفيفه إلين يتبخر ويثقل إلى ثلث الكمية الأصلية تقريبا بعدين نحط خلاصة جوز الهند لو كنا بنستخدم. نخليه يبرد في الثلاجه إلين نحتاجه . الطبخ بيخلي طعم جوز الهند واضح وقوي بإنه يبخر المويه وبكذا يركز النكهة أكثر.
الحين في صحن خلط نخلط الماسكاربوني مع السكر و الملح إلين ينخلطون زين بعدين نبدأ نضيف من خليط جوز الهند شوي شوي مع الخلط إلين يوصل للطعم اللي نبي.
الحين تقريبا خلص الحلى باقي بس نركبه على بعض .. في كاسات بارفيه ( أو أي كاسات ثانيه ) ، نرص شوي كيك بعدين شوي من الحشوة بعدين طبقة جاناش خفيفه بعدين موز بعدين لوز محمص وبعدين طبقة كيك وكذا .. نقدر ناكله علطول أو أحسن بعد ندخله الثلاجه ساعة عالأقل عشان النكهات تتمازج .
39 comments
Skip to comment form ↓
غير معروف
2 ديسمبر, 2012 الساعة 8:12 م (UTC 3) Link to this comment
شيف شراب الذرة هو شراب الجلوكوز !! ولا شي ثاني
يجي زي العسل لونه ابيض
Top Chef
2 ديسمبر, 2012 الساعة 8:39 م (UTC 3) Link to this comment
نفس الوظيفة بالضبط و بديل مثالي له بس موب نفس الشي ….
غير معروف
9 سبتمبر, 2012 الساعة 11:01 ص (UTC 3) Link to this comment
مرحبا توب شيف جربت البارفيه وكان روووووووووعة بكل معنى الكلمة وطبقته بحذافيره طلع بياخد العقل أول لقمة حسيت حالي بهاواي ……تاني لقمة حسيت أني صرت بفرنسا ان شاء الله بيعيشوا ايديك وعلى فكرة لحد الآن مافي طبق جربته من المدونة الا كان أكثر من رائع
Top Chef
9 سبتمبر, 2012 الساعة 2:12 م (UTC 3) Link to this comment
بالعافية ….
ريم
19 يوليو, 2012 الساعة 11:59 م (UTC 3) Link to this comment
شيف ماشاء الله عليك انت رائع مافي زيك اثنين على هل الردود السريعه والمفيده
يارب اشوفك من نجاح الي نجاح اكبر شكرا شيف
Top Chef
20 يوليو, 2012 الساعة 3:49 ص (UTC 3) Link to this comment
آمين يارب … ومشكورة على كلامك
ريم
18 يوليو, 2012 الساعة 11:09 م (UTC 3) Link to this comment
معليش عندي سوال ايش هيه جبنه الساكاربوني ووين القاها واذا مالقيتها اقدر ابدلها بجبنه ثانيه
وشكرا
Top Chef
19 يوليو, 2012 الساعة 1:56 ص (UTC 3) Link to this comment
جبن كريمي إيطالي.
تلاقينها في أي سوبرماركت يبيع أشياء مستوردة.
تقدرين تحطين فيلادلفيا أو كيري بس الطعم أبدا موب صاير نفس الشي
Roaa
5 يوليو, 2012 الساعة 8:56 م (UTC 3) Link to this comment
مرحبا توب شيف
حبيت استفسر منك عن الكب كيك والميني كب كيك الموجود في المحلات يكون مره مويست هل يستخدمو الكيك العادي زي اللي نستخدمه او سبونج كيك ؟؟؟
وابغى اسألك لو ماعليك كلافه ايش الشي الي يعطي طراوه للكيك ؟؟
هاذي اسئلتي وشكرا لسعه صدرك ،،
Top Chef
5 يوليو, 2012 الساعة 10:38 م (UTC 3) Link to this comment
السبونج كيك عمره ما يكون رطب عكس فكرة ناس كثيرين. عشان كذا كثير من الوصفات تطلب منك ترشين السبونج كيك بشيره أو شي يعطيه رطوبه أو يتقطع شرايح نحيفه وينحشي أشياء رطبة زي كسترد أو كريمه أو شي ثاني. الكيك اللي يستخدمون في المحلات مافيه أي أي سر وأي أحد يقدر يسوي زيه أو أحسن منه بعد هو مجرد كيك مصنوع صح.
مافيه شي واحد يعطي طراوه للكيك هي ترجع لكذا شي ، كيف الوصفه موزونه وكيف أنتي تلتزمين في كل خطوه منها من الخلط للتوزيع و الطبخ وحتى التبريد. لو تبين فيه كم وصفة كب كيك في صفحة الوصفات جربيهم متأكد بتعجبك النتيجة.
هيفا
2 ديسمبر, 2011 الساعة 2:31 ص (UTC 3) Link to this comment
اليوم رحت اشتري اغراض الحلا بس وقفت عند شراب الذره لقيت واحد لونه اصفر شفاف زي لون الزيت وكتوب عليه لايت وثاني اسود ومكتوب دارك اي واحد اشتري؟؟
Top Chef
2 ديسمبر, 2011 الساعة 3:52 ص (UTC 3) Link to this comment
دايما لايت إلا إذا أنطلب غير كذا ، و الإثنين في النهايه ينفعون بس الدارك بيعطي لون ونكهة زيادة.
هيفا
30 نوفمبر, 2011 الساعة 4:08 ص (UTC 3) Link to this comment
يعطيك الف عافيه وبسويهم باذن الله تعبتك معاي
هيفا
30 نوفمبر, 2011 الساعة 3:21 ص (UTC 3) Link to this comment
شكرا لردك السريع على اسئلتي بس حبيت اتأكد خلاصة جوز الهند هي نفسها اللي نستخدمها بالاكل الهندي اللي اسمها بودرة جوز الهند ؟؟
وسؤالي هو بما اني ابسوي الانجل كيك وبيقى كثير صفار ففكرت اسوي كريم باتسيير واصير احط طبقه من الكيك بالكاسات الصغيره فوقها الباتسيير وفراوله وكم طبقه وبالاخير صوص البلسمك المطبوخ قريته بمدونتك وحسيته لذيذ هل تحس هذي النكهات تتناسب ؟؟ عشان بيوم واحد اقدر اسوي نوعين حلا بالموز والفراوله 😉
Top Chef
30 نوفمبر, 2011 الساعة 3:31 ص (UTC 3) Link to this comment
لا خلاصة جوز الهند تجي سايلة تقريبا زي الفانيلا السايلة والنكهات الثانيه السايلة زي الموز و اللوز وغيرها.
النكهات رهيبة مره مع بعض ، فانيلا ، فراولة و بلسمك من ألذ النكهات مع بعض ترى. أهم شي الباتسييه ما يكون ثقيل أكثر من اللازم هنا المشكلة اللي حاولي تتفادينها ، أفضل شي تخففينه بشوي كريمة مخفوقه بحيث طعمه وقوامه ما يكون طاغي على الثانين.
هيفا
29 نوفمبر, 2011 الساعة 4:18 ص (UTC 3) Link to this comment
صح وحبيت اسألك عن تارت الموز انا ناويه اصلحه ان شاء الله بقوالب صغار ينفع قبل بيوم ولاحلاته دافي واسفه لوكثرت اسئله
Top Chef
29 نوفمبر, 2011 الساعة 4:48 ص (UTC 3) Link to this comment
تارت الموز ينفع قبل بيوم بدون مشاكل ، إذا تبينه دافي سخنيه شوي.
هيفا
29 نوفمبر, 2011 الساعة 4:08 ص (UTC 3) Link to this comment
حبيت الحلا كثير خصوصا اني من عشاق الموز وجوز الهند بس حبيت اسألك هل ينفع اصلحه قبل بيوم لعزيمه ؟؟
وشكرا لابداعاتك متابعتك من شمواه وتبعتك هنا مدونتك هذي مرجعي للطبخ “
Top Chef
29 نوفمبر, 2011 الساعة 4:48 ص (UTC 3) Link to this comment
ينفع تسوينه قبل بيوم بس بيجمد الجاناش و الكيك في الثلاجه ويجيك القوام غريب شوي. يمديك تسوين كل مكون قبل بيوم وتجمعينهم قبل التقديم بكم ساعة هذا أفضل حل.
الأمـل
2 يوليو, 2011 الساعة 5:48 م (UTC 3) Link to this comment
يسلم ايدينك رووعه وان شاء الله اجربه ماقصرت
ABEER
18 يونيو, 2011 الساعة 3:16 م (UTC 3) Link to this comment
كم جرام حليب جوز الهند والجبنه؟
Top Chef
18 يونيو, 2011 الساعة 8:25 م (UTC 3) Link to this comment
ما تحتاجين الوزن هنا في السوائل الحجم و الوزن بنفس الدقه ، الفرق يكون في المواد الجامده بس.
غير معروف
18 يونيو, 2011 الساعة 3:09 م (UTC 3) Link to this comment
ينفع اسوي مع الموز فراوله؟ اقصد يطلع حلو
طبعا اذا جربته
وع فكره شراب الذره ما عندي ، انت استخدمته عشان ايش؟
Top Chef
18 يونيو, 2011 الساعة 3:16 م (UTC 3) Link to this comment
إذا الفراوله طازه وطعمها حلو موب حامض بيطلع رهيب. ماجربته بس موز مع فراوله يمشون مع بعض و الفراوله رهيبه مع الماسكاربوني ومع جوز الهند ومع الشكولاته مفروض تضبط.
شراب الذرة شوفي موضوع الجاناش شرحت وش فايدتها معه.
j0j0
29 مايو, 2011 الساعة 2:02 م (UTC 3) Link to this comment
wo0o0o0o0ow mashallh 3leek o0 rby shy jmeel o0 al_wa9fh 7eel shlaah <<yslmo0
طبخ
25 مايو, 2011 الساعة 8:33 م (UTC 3) Link to this comment
بارك الله فيك ابدعت
ABEER
12 مايو, 2011 الساعة 2:26 م (UTC 3) Link to this comment
السلام عليكم شيف
كيف حالك
انا لما اسوي التشوكلت تطلع مره غامقه مو مثلك فاتحه.
كم كاس يكفي للكميه اللي حطيتها؟
Top Chef
12 مايو, 2011 الساعة 5:02 م (UTC 3) Link to this comment
وعليكم السلام ..
أستخدمي شكولاته أفتح شوي بس ..
الكمية اللي سويت تسوي ٤ كاسات شوي كبيرة
exactly
4 مايو, 2011 الساعة 8:08 ص (UTC 3) Link to this comment
الطبخه مررره حلووه ..
الى الأمام ..^_^
بوسأم
1 مايو, 2011 الساعة 5:21 م (UTC 3) Link to this comment
يعطيك ألف عافية. من يومك شغلك شغل بروفيشنال
سؤال حليب جوز الهند نفسه إلي يجئ بقوطي معدن و لا فيه غيره؟ أنا عاده استخدم هذا إلي بقوطي معدن مع الأكلات الصينية و لا الهندية
Top Chef
1 مايو, 2011 الساعة 6:51 م (UTC 3) Link to this comment
هلا والله …
بالضبط هو نفسه
ريم
20 أبريل, 2011 الساعة 12:26 ص (UTC 3) Link to this comment
الجاناش حكـآآآآية ،، ابي اذوقه منك
بصرآحه شغلك مررررررررررره مرتب ونظيف والي يقلقني التدقيق مره مره
احس اعصابي مشدووده وانا اقرآ ب اطباقك بس ارجع واقول ماعليها كلام
ويـآآآرب اشوف بدال الشيف اسامه لانك عن جد مبدع
Top Chef
20 أبريل, 2011 الساعة 3:27 ص (UTC 3) Link to this comment
هلا والله ….
ههههه حلوه أعصابك مشدودة .. هدي ترى مرررررره سهلة الشغلة … بإختصار شديد :
تقطعين شكولاته وتحطينها بصحن ، تسخنين كريمة وتحطينها فوقها ، تخلينها دقيقتين بعدين تحركينهم مع بعض إلين تعطيك صوص .. هذا الجاناش ..
الموز موز هههه تشرينه جاهز وتقطعينة …
الكيك بعد تقدرين تشرينه جاهز أو تستخدمين أي كيك قديم عندك …
الحشوة عاد أتفه شي .. تغلين حليب جوز هند إلين يثقل وتحطين عليه سكر و ماسكاربوني وتصبينهم في القوالب على شكل طبقات …
هذا الحلى بكل بساطة .. التفاصيل الثانيه هذي هي اللي تسوي الفرق بين واحد يسوي الحلى ويطلع لذيذ معه وواحد يسويه ويطلع عادي مع العلم إنها نفس الوصفة ونفس الحلى . سويي الحلى مرتين ومره أستخدمي موز مستوي ميه في الميه ومره سوييه بموز عادي وشوفي الفرق كيف يطلع بينهم . التفاصيل هذي هي اللي الناس يسمونها “نفس” في الأكل هي مجرد تفاصيل دقيقة مالها علاقة بنفس ولا موهبة ولا ذوق … فكري فيها كذا.
بلال
17 أبريل, 2011 الساعة 3:37 م (UTC 3) Link to this comment
يسلمو دياتك توب شيف مية المية الوصفة وما في كلام بس بالنسبة لحليب جوز الهند في اله اسم تاني ولا كيف
Top Chef
17 أبريل, 2011 الساعة 4:01 م (UTC 3) Link to this comment
لا هو حليب جوز هند ومختلف عن مويه جوز الهند !! أنتبه .
Top Chef
14 أبريل, 2011 الساعة 4:32 م (UTC 3) Link to this comment
تسلم ايدك على الحلو
بس انا ماافضل وجود الموز بالحلويات فقط لوحده او سلطة فاكهة
اجربه بنوع اخر من الفواكه
شكرا
Top Chef
14 أبريل, 2011 الساعة 4:38 م (UTC 3) Link to this comment
هلا والله …
الناس أذواق .. بس أشوف الموز هنا ماله بديل مافيه شي بيعطي نفس الطعم اللي الموز بيعطيه .
nora
13 أبريل, 2011 الساعة 11:12 ص (UTC 3) Link to this comment
والله ياعليك قهوه بعد ماشاء الله تشربها بالعافيه
طيب مايجي بطريقه ثانيه غير الموز مع اني من عشاقه بس
ماقد تخيلت أكله في حلا
Top Chef
13 أبريل, 2011 الساعة 12:50 م (UTC 3) Link to this comment
حطي أي فاكهة تشوفين إنها تنفع حلى .. إذا تاكلين موز ومعجبك البارفيه وين المشكلة إنك تجربينهم مع بعض ؟ وش أسوأ شي ممكن يصير ؟