… Ask me

سيتم إغلاق صفحة الآسك هذي بسبب فتح صفحة جديدة للآسك هنا. ياليت لو يتم تحويل جميع الأسئلة للصفحة الجديدة.

 

شكرا

13,212 comments

Skip to comment form

    • Anonymous on 10 October, 2012 at 7:48 pm

    اهلين، عادي اسوي التيراميسو قبل يوم؟ ولا يصير رخو ؟

      • Top Chef on 10 October, 2012 at 7:59 pm
        Author

      التيراميسو دايما رخو من داخل ؟ هو ما يكون مهري يعني البسكوت ما يكون متفتت بس هو ما يكون بسكوت بسكوت … يمديك تسوينه قبل بيوم أكيد …

    • Anonymous on 10 October, 2012 at 6:14 pm

    فيه سبب معين لعدم حبك للتشيز كيك البارد هل هو طريقة غير أصلية مثلا أم شئ شخصي؟
    بالنسبة للمولتن لا أملك صحون ولي رغبة شديدة في عمله خصوصر بعدما ذقته عند دومينيز بيتزا مقرمش من الخارج وسائل من الداخل وطعمه غني جدا بالشوكولاتة سأعمله في صينية الميني كب كيك المعدن أي انه يجب قلبه فهل يفيد رش سكر بودرة بعد الزبدة لمنع الالتصاق طبعا لا يمكن أكله مباشرة من الصينية:)

      • Top Chef on 10 October, 2012 at 7:58 pm
        Author

      لا هو مجرد شي شخصي. موب كره ، يعني موب شي ما أستسيغه أبدا ومستحيل آكله بس موب شي بختار آكله الصراحة.

      السكر ما يمنع الإلتصاق للأسف ناس كثير فاهمين الشي هذا خطأ. السكر ينحط أحيانا على أطراف صحون السوفليه عشان يعطي طبقة مقرمشة خارجية خصوصا مع شي لين زي السوفليه (المولتن موب سوفليه لا تلخبطين !!)… حق دومينوز ولا شي جنب اللي تسوينه في البيت ….

        • Anonymous on 11 October, 2012 at 12:21 pm

        يعني أجرب عمله في الصينية بعد دهنها جيدا بالزبدة؟

          • Top Chef on 11 October, 2012 at 1:03 pm
            Author

          قلتلك من أول جربي على مسؤوليتك مقدر أضمنلك أي شي

    • Anonymous on 10 October, 2012 at 6:07 pm

    ههههه توقعتك تفولي اذا ما حبيته خلاص ههههه .. بس انا قاعده حاليا

    اغير نظامي الغذائي واحاول ادخل فيه خضروات غريبه علينا مثل الافوكادو والبروكولي والهليون وهالاشياء

    والافوكادو جدا مفيد وما يحتاج طبخ ولويه عشان كذا منشنه عليه 🙂

    طيب الاسلبينق تبع الجواكومولي اذا سمحت يا شيفنا….

      • Top Chef on 10 October, 2012 at 7:55 pm
        Author

      إذا جربتي وما أعجبك محد يقدر يلومك خلاص هو شي ما أعجبك ؟ إذا كنتي تشوفين الطعم مقزز مستحيل ترجعين تذوقين مره ثانيه بس ترى كثييييير من الأشياء يسمونها acquired taste يعني طعم تتعودين عليه. يعني أول مره يمكن تشوفينه عادي بس موب شي مرررره لذيذ ، ثاني مره ، ثالث مره ، رابع مره يصير أطعم شي عندك ههههه فجربيه كذا مره يمكن تغيرين رايك. الجواكامولي موجود سويت موضوع كامل عنه في المدونة سويي بحث فوق وتلاقينه.

    • ر و ز on 10 October, 2012 at 5:33 pm

    يسعد مساك شيف خالد
    ابغي اسالك عن طريقه عصير احبه كثير وحاولت اسويه ماطلعت نفس الطعم
    ستربري بنانا كولادا مو متاكده من الاسم
    وسالت عن مكوناته قالوا لي
    كريمه جوز الهند وشرائح اناناس وموز وفرواله ورمان
    ممكن تقول لي الطريقه الصحيحه وايش المكونات ويعطيك العافيه

      • Top Chef on 10 October, 2012 at 7:53 pm
        Author

      ما أعرف الصراحة ماقد ذقته … بس هو عصير لا راح ولا جا .. أخلطي من المكونات اللي قلتي بالنظر وبعدين ذوقي وعدلي حسب الرغبة ..

    • ر و ز on 10 October, 2012 at 5:14 pm

    مررراحب شيف خالد شكرا لمجهودك ولوقتك ممكن
    تعطيني طريقه كريمة الطبخ حقت الباستا دورتها مالقيتها
    وانت شيف محترف اتمني لك التوفيق

      • Top Chef on 10 October, 2012 at 7:52 pm
        Author

      هلا والله …

      موجوده في موضوع كامل إسمه صوصات الكريمة …

    • Anonymous on 10 October, 2012 at 3:18 pm

    مرحبا شيف
    ابغا اسوي لازانيا رول بحشوة البولنيز بس ما ادري اذا يليق انو الصوص الي فوق الرولات يكون صوص الطماطم الاساسي؟
    وشي ثاني الحشوة افردها على كل الشريحة بطولها وبعدها الف ولا احط حشوة كثيرة في بداية الشريحة فقط واكمل لف؟ 

      • Top Chef on 10 October, 2012 at 7:52 pm
        Author

      خلينا من الإسم … هي كانيلوني ماراحت ولا جت … شوفي طريقة لف الكانيلوني وسويي نفس الطريقة بالضبط.

      الصوص ممكن صوص طماط أساسي أكيد بس لو علي بستخدم صوص طماط مع باشاميل زي ما سويت في الكانيلوني بالضبط.

    • هدى on 10 October, 2012 at 10:45 am

    صباح الخير شيفنا

    ياكثري واسالتي بس ماعليه تحمل تكفير ذنوب هههه

    الشاورما اللحم اسويها نفس طريقة شاورما الدجاج والا كيف واستخدم اللحمه نفس نوعية لحم الهمبرقر والا من اي جزء

    لان ودي اشتريها مره وحده هي والهمبرقر واجربهم

    الله يرضى عليك ويجزاك خير مقدما

      • Top Chef on 10 October, 2012 at 11:29 am
        Author

      صباح الخيرات …

      اللحم ممكن بنفس طريقة الدجاج اهم شي استخدمي قطع بنفس حجم صدور الدجاج تقريبا

      .. لا طبعا !!! اللحم استخدمي كتف او ظهر غنم .. قطع اللحم حقت البرجر بتجيك زي الجلد او طبختيها كذا

    • Anonymous on 10 October, 2012 at 8:35 am

    سلام شيفنا ويسعد صباحك

    انا جربت الافوكادو كذا مره وسويته ديب … بس ما استسغته

    ودي بوصفه على ذوقك تحببني فيه

    والف شكر لجهودك

      • Top Chef on 10 October, 2012 at 10:02 am
        Author

      هلا والله ….

      إذا ما تحبينه ما تحبينه ههههه وش بتسوين ؟ عن نفسي أشوف الجواكمولي مع تورتيا تشيبس كافيه تغير رأي أي شخص …

    • Anonymous on 10 October, 2012 at 1:27 am

    أهلا شيف
    عندي كمية مهولة من دبس السكر
    اقتراحات للاستخدام ؟

      • Top Chef on 10 October, 2012 at 2:28 am
        Author

      أكتبي دبس في البحث فوق وشوفي بيطلعلك في كذا موضوع وشوفي بعد صفحة الوصفات فيها وصفتين أعتقد تستخدم الدبس .. طبعا هو فكري فيه كمادة حلوه لذيذه حطيه مع أي شي تبين تعطينه حلاوه ونكهة عميقة زي في تتبيلات أو خلطات سلطة مثلا

    • Anonymous on 9 October, 2012 at 10:56 pm

    يعطيك العافيه

    و مشكور على جهودك و تعبك

    من ناحية ترجمة قوقل انا اكيد حاولت فيها و الله

    و الموضوع مو ترجمه ترجمه اكثر من انه توضيح لاني فهمت اغلبها بدون حتى قوقل بس مثل ما قلت لك

    فيه كم نقطه ما فهمتها و بعطيك مثال ( كمية الفانيلا في المقادير و ايضاً في الطريقة ( vanilla chips the salt ))

    و جزاك الله خير

      • Top Chef on 10 October, 2012 at 2:26 am
        Author

      بخصوص الترجمة ياليت بس تفهمين سببي في رفض ترجمة الوصفات . صارت كثير ورفضت أترجم الصراحة وعندي سبب …

      أنا فاتح هذي الصفحة لأسئلة الطبخ والترجمة حتى لو كانت لوصفة أشوف إنه مالها أي علاقة بأسئلة الطبخ ، إن الواحد يطلب مني أترجم شي ما يختلف عندي أبدا عن واحد داخل عرض يطلب مني أفهمه شي في الرياضيات مثلا ؟ هذا هو سبب رفضي للترجمة وأتمنى تتفهمينه وما تاخذين الموضوع بشكل شخصي أو شي.

      بالنسبة للوصفة هي ما تطلب فانيلا هي تطلب وايت تشوكلت تشيب اللي هي زي التشوكلت تشيب حقت الكوكيز بس بالشكولاته البيضاء واللي أحيانا يسمونها فانيلا تشيبس بس …أستخدمي أي شكولاته بيضاء مقطعه بدالها.

        • Anonymous on 10 October, 2012 at 3:17 am

        مشكور اخوي

        انا والله فاهمه قصدك و مقدره موقفك و عارفه انت ليش فاتح هالمدونه و ايش هدفك منها
        لاني متابعه لك مرررره و استفدت منك كثيييير و اطبق كل شي تعلمته منك و فعلا تكون النتيجه رائعه

        بس في المقادير مكتوب (( 1 cup vanilla or white chocolate chips ))

        و ((or)) هي اللي خلتني اسال و لان ما عندي خلفيه عن هذا النوع من الشكولاته اكيد ما فهمت
        وكنت حابه اطبقها صح لان من جد مشتهيتها و نفسي اتعلمها

        عموما مشكور و يعطيك العافيه

    • Anonymous on 9 October, 2012 at 10:21 pm

    يعطيك العافية شيف
    في صور لآكلات حاطتها بالتويتر مو موجودة بالمدونة ياترى حتنزلها

      • Top Chef on 10 October, 2012 at 2:20 am
        Author

      إن شاء الله … كل شي أصوره أصوره بنية موضوع في راسي بس أحيانا أحب أخلي المواضيع إلين أغطي مواضيع مهمة ثانية قبله بشكل جيد

    • Anonymous on 9 October, 2012 at 7:47 pm

    السلام عليكم .. فيه وصفة خذتها من موقع أمريكي طالبين tablespoon melted cacao butter
    ايش الكوكو بتر بالضبط؟ وشكرا لك

      • Top Chef on 9 October, 2012 at 9:22 pm
        Author

      وعليكم السلام و الرحمة ….

      الكوكو بتر هي زبدة الكاكاو (أقري موضوع الشكولاته إذا تبين تفهمين كل شي عن الشكولاته شرحت الكوكو بتر بالتفصيل هناك). هي منتج ينباع زي الشكولاته بالضبط بس مدري إذا متوفر هنا أو لأ ؟ هو غالبا لإستخدام المحترفين أكثر شي.

    • Anonymous on 9 October, 2012 at 7:17 pm

    هل يوجد اختلاف بين القرع الأمريكي والقرع العادي

      • Top Chef on 9 October, 2012 at 9:19 pm
        Author

      أكيد فيه إختلاف بين أنواع القرع كلها وفيه أنواع جدا كثيرة. بين القرع العادي اللي نعرف و الأمريكي الفرق الأساسي في النكهة و الطعم. النكهة مختلفة وطعم القرع العادي حالي أكثر من الأمريكي وأقل تعقيد بنظري. فيه أنواع قرع ثانيه يكون فيه فرق كبير في القوام بس بين الإثنين هذي الفرق بسيط.

    • Anonymous on 9 October, 2012 at 7:15 pm

    هل يمكنك وضع طريقة تشيز كيك البارد العادية (بدون بيض ولا فرن) كما اريد السؤال عند عدم وجود صحون سوفليه سيراميك هل يمكن عمل مولتن كيك بصينية الكب كيك أو ميني كب كيك المعدن بعد دهنها جيدا بالزبدة ولك جزيل الشكر

      • Top Chef on 9 October, 2012 at 9:17 pm
        Author

      الصراحة ما أحب هذي الطريقة في التشيز كيك أبدا …..

      المولتن بصحون الكب كيك ما أعرف الصراحة ؟ أعتقد ممكن بس هو جدا حساس فمقدر أقولك إيه بشكل أكيد. هي بتنفع أكيد لو بتاكلينها من الصحن مباشره بس إذا ناوية تقلبينها هنا الخوف بس.

    • طارق on 9 October, 2012 at 6:51 pm

    بالنسبة للسينامون ماهي الحدود المسموح فيها بالتجريب للحشوة يعني هل ممكن نعمل حشوات بالتمر او التين المجفف .

      • Top Chef on 9 October, 2012 at 9:14 pm
        Author

      مافيه حدود …. الحدود هي حدود خيالك بس …. طبعا ممكن …

    • Nora on 9 October, 2012 at 3:26 pm

    مرحبًا شيف..

    بحثت بالمدونة عن مواضيع عن القهوة ولم أجد شيئًا!!
    مع أنك من محبي القهوة و قرأت لك ردود تتحدث عنها بشغف.
    فهل سيكون لنا نصيب بها هنا (:

      • Top Chef on 9 October, 2012 at 9:14 pm
        Author

      أكيد إن شاء الله ….

      ناوي على أشياء كثييييير في المدونة بس الوقت ، الوقت الوقت هو المشكلة …. كتابة المواضيع تاخذ مني جهد ووقت الصراحة وعشان كذا ما تنزل المواضيع بسرعة بس هدفي إني أشرح كل شي أحبه متعلق بالأكل …

    • Haya on 9 October, 2012 at 2:23 pm

    لو سمحت طريقة الكريم بروليه ، وشكراً

      • Top Chef on 9 October, 2012 at 9:10 pm
        Author

      آآآآسف جدا عالتأخير بس والله كنت في الجامعه وبعدها شغل وكذا ….

      بعد آسف جدا على اللخبطة هي فعلا موب موجوده ؟ كثير ناس يقولون جربنا اللي في صفحة الوصفات و أتذكر إنها هناك ههههه

      هذا موضع قديم لي عن الكريم بروليه جدا سهل …

      http://msa6el.mbc.net/vb/tt68278.html

    • Anonymous on 9 October, 2012 at 11:45 am

    http://www.joyofbaking.com/barsandsquares/CreamCheeseBrownies.html
    كيفك شيف امبارح عملت هاي الوصفه براوني كريم تشيز
    بس خربت معي ومش عارف ايش السبب ؟؟ بس لاحظت قوام البراوني تبعي سائل وتبعهم جامد اكثر
    الفرن قال 160 ل 30 دقيقه وانا استغربت طلعتها بالوقت بس طلعت مش مستويه وزي السيرلاك هههه قلت ممكن تجمد برا تركتها ساعه وضلت متل ما هي ؟؟ قلت خلص خربانه خربانه خليني ارجعها الفرن وبرضو النتيجه نفسها
    شيف الله يخليك قلي الغلط بالفرن ارجع اعيد الوصفه واغير درجه حراره الفرن

      • Top Chef on 9 October, 2012 at 9:11 pm
        Author

      ما أعرف عن الوصفة لأني ما جربتها بس هم يقولون خليها تبرد تماما في الثلاجه كم ساعة أو طول الليل قبل التقطيع فأعتقد هي مفروض تكون شوي لينه وتجمد في الثلاجه بعض أنواع البراوني كذا.

      دايما في الوصفات لا تمشين عالوقت بالضبط أمشي عالدلائل اللي يكتبون إن الأكل يستوي عندها، الوقت دايما تقريبي.

    • Anonymous on 9 October, 2012 at 12:58 am

    شيف ايش مواصفات الخوخ الجيد ؟ وومكن يكون قاسي بس من جوا جيد؟

      • Top Chef on 9 October, 2012 at 4:35 am
        Author

      الفواكه بتقولك إذا إستوت. الخوخ لازم يكون رطب ، لين بس بدون ما يكون مهري، حلو ، موب حامض وأهم أهم شي يكون عطري يعني فيه ريحة خوخ واضحة …

      قاسي مره ما أتوقع …

    • Anonymous on 9 October, 2012 at 12:35 am

    السلام عليكم..

    أخوي ممكن طريقتك في عمل العدس أيا كان نوعه؟؟
    و هل عندك وصفات بالعدس على الطريقة الهندية؟؟

    و بعد ممكن طريقة الصوص إللي مع الشاورما؟؟

    و أشكرك مقدما..

      • Top Chef on 9 October, 2012 at 4:58 am
        Author

      وعليكم السلام و الرحمة …

      فيه ملايين الطرق لطبخ العدس … إن شاء الله إذا وصلت لموضوع البقوليات بأعطي أمثلة أوضح و أكثر …

      هذي طريقة الدال الهندي أو بعد مره ثانيه هي وحده من طرق الدال الهندي :

      بانتشماييل دال (معناها دال ال ٥ أنواع لأن في الأصل يستخدم ٥ أنواع عدس بس أستخدمي أي تشكيلة متوفرة)

      نص كوب + ملعقتين كبار عدس مشكل (أحمر ، أصفر ، أخضر أو أي أي تشكيله موجوده ، لو تبين سويه بنوع واحد أو نوعين بعد ما يفرق القوام ماراح يكون مختلف بس زي إذا كان أكثر من نوع).

      ١/٢ ملعقة صغيرة كركم

      سمن أو زيت

      بصلة مقطعه صغار

      حبة فلفل أحمر مجفف

      ١/٢ ملعقة صغيرة كمون حب

      حبتين قرنفل

      فصين ثوم مقطعه صغار

      ١/٢ ملعقة صغيرة بودرة فلفل حار

      ملعقة صغيرة جارام ماسالا (شوفي الطريقة في المدونة ، لا تستخدمين اللي مطحون جاهز)

      حبة طماط مقطعه

      تقريبا ملعقة كبيره كزبرة مفرومة

      ملح وفلفل وليمون حسب الرغبة

      ……………………………………………..

      أفردي العدس في صحن وتأكدي إن مافيه أي حصى أو أغصان شجر بعدين حطيه في صفايه وأغسليه زين.

      حطي العدس في صحن وغطيه بمويه بارده وخليه ينقع فيها ٢٠ دقيقة تقريبا …

      صفي العدس من موية النقع بعدين حطيه في قدر مع كوبين ونص تقريبا مويه ونص كمية الكركم. شغلي النار عليه وخليه يطبخ على غليه جدا خفيفه إلين تقريبا يستوي بعدين حطي عليه تقريبا ملعقة صغيرة ملح وخليه يكمل طبخ إلين يصير العدس جدا جدا لين تقريبا ٢٠ – ٢٥ دقيقة. متى ما لقيتي المويه حقت السلق قلت كثير زيدي المويه شوي.

      والعدس يطبخ أطبخي باقي الأشياء. في قدر صغير سخني السمن وبعد ما يحتر أطبخي البصل فيه مع رشة ملح إلين يذبل ويبدأ يقلب ذهبي ، حطي الثوم و الفلفل المجفف و الكمون و القرنفل و الفلفل المطحون و الجارام ماسالا وباقي الكركم وقلبيهم إلين تطلع ريحتهم لا أكثر. الحين حطي الطماط وأطبخيه إلين تصير لينه.

      حطي خليط الطماط على العدس بعد ما يستوي وخليهم يوصلون غليه ، عدلي القوام بإنك تزيدين مويه حسب الرغبة. الحين ذوقي الدال وعدلي الملح و الفلفل و الليمون و البهارات حسب الرغبة بعدين حطي الكزبرة …

    • shada on 9 October, 2012 at 12:14 am

    شكرا كتير عالاجابة سؤالي الثاني كان عن وصفة التشيز كيك يالاوريو كانت الوصفة فيها بسكوت اوريو.. هلا البسكوت بنشيل منو الحشوة اللي جواه ولا بنخليها

      • Top Chef on 9 October, 2012 at 4:29 am
        Author

      على راحتك بس عن نفسي بشيله

    • Anonymous on 9 October, 2012 at 12:02 am

    السلام عليكم

    الله يجزاك خير اذا عندك فكره عن طريقة Cinnamon Crunch

    هذي صوره لها :

    http://perfectionisnthappy.files.wordpress.com/2011/02/bagel.jpg

    وهنا وصف لها من موقع Panera Bread :

    http://m.panerabread.com/#!/menu/bakery_menu/bagels_&_spreads/freshly_baked_signature_bagels/

    او حتى شي مشابه لها في حال ما عندك خلفيه عنها

    و مشكور على جهدك

    جزاك الله خير

      • Top Chef on 9 October, 2012 at 4:23 am
        Author

      وعليكم السلام و الرحمة ….

      ماعندي الصراحة أي أي أي خلفية عنها بس شكلها لذيذة…

        • Anonymous on 9 October, 2012 at 7:26 pm

        يعطيك العافيه

        من ناحية لذيذه فهي لذيييييذه

        بعد ردك بحثت عنها بالنت و لقيت طريقه بس ما ادري اذا صحيحه او لا بس بجرها ان شاء الله

        لكن اذا ممكن تساعدني و تترجم و تشرح لي المقادير و الطريقه لاني فيه كم نقطه ما فهمتها

        هذا الرابط :

        http://panerabreadathome.blogspot.com/2012/09/cinnamon-crunch-bagels.html

        و جزاك الله خير

          • Top Chef on 9 October, 2012 at 9:21 pm
            Author

          الله يعافيك ….

          معليش بس أرجو إنك تعذريني أنا ما أترجم وصفات ، عندك ترجمة جوجل لو تبين …

    • هدى on 8 October, 2012 at 10:20 pm

    مسااك خير اخوي

    زينت الشاورما على طريقتك خورافيه والله العظيم انا مبطله اكلها من برا من زمان لاني لاحظت اني كل ما اكلتها تعورني معدتي احسها ثقيله وزيت

    بس طريقتك غييييير قسم اني بطني مليان بس ابي اكل زود هههههه

    وسويت الصوص بعد اللي قلت وحطيته معها وطلع حلو

    جعلك بالفردوس ووالديك يارب والله يوفقك

    عندي سؤال لاهنت

    الملاعق المعياريه عندي فيها ثنتين مكتوب عليها رقم واحد و١٥ مل والثانيه بعد رقم واحد وخمسه مل ايهم اللي تقصدون بالوصفات وكيف افرق بينهم

    واسمحلنا غثيناك باسالتنا بس وربي ادعيلك

      • Anonymous on 9 October, 2012 at 12:22 am

      ممكن طريقة الصوص

        • Top Chef on 9 October, 2012 at 4:30 am
          Author

        كله في صفحة الوصفات بس مدري الصراحة زي صوص تقصد بالضبط ؟

      • Top Chef on 9 October, 2012 at 4:22 am
        Author

      بالعافية على قلبك ….

      الملاعق المعيارية إذا طلبت الوصفة ملعقة صغيرة أو اللي يسمونها ملعقة شاهي هذي تكون ٥ مل … وإذا طلبت الوصفة ملعقة كبيرة أو ملعقة طعام هذي تكون ال ١٥ مل.

    • Anonymous on 8 October, 2012 at 10:14 pm

    مساء الخير ..
    ايش رايك في زيت النخيل ؟؟؟ وماهو ترتيبه بين الزيوت من ناحيه الصحه ؟؟؟

      • Top Chef on 9 October, 2012 at 4:21 am
        Author

      لذيذ جدا وأشوفه يعطي أكل جنوب شرق آسيا نكهة ثانية.

      من ناحية الصحة هو زيت عالي الإشباع يعني له تأثير على الكوليسترول واللي بيأثر على أمراض القلب تقريبا زي الزبدة. نسبة الإشباع حسب ما أتذكر أقل من الزبدة بس تظل عالية مقارنة بالزيوت النباتيه الثانيه (زيت جوز الهند نفس الكلام ينطبق عليه إلا هذاك مشبوع أكثر من الزبدة على ما أعتقد). بغض النظر هو أفضل بكثير صحيا من المارجرين أو الكريسكو اللي فيها زيوت متحولة.

        • Anonymous on 9 October, 2012 at 6:39 am

        الله يعطيك العافية يارب فدتني كثييير ..
        عندي وحده مريضه كوليسترول ولما تأكل نوتيلا تتعب كثييير …
        اتاااريه مثل الزبدة مليان دهون مشبعه ..
        لانه كان اول مكون على علبه النوتيلا ففكرت انه من الزيوت الرديئة ..

          • Top Chef on 9 October, 2012 at 9:05 pm
            Author

          هو يستخدم لأنه جامد على حرارة الغرفة ولأنه ما يخرب (يعني عمر أطول لعلب النوتيلا بدون ما يحتاجون يكتبون عليه يحفظ في الثلاجه).

    • غاده on 8 October, 2012 at 9:53 pm

    السلام عليكم شيف خالد
    ابحث عن وصفة تشيزكيك ساده لو سمحت
    وياليت تشرح لي ليش بعض انواع التشيز تحتاج حمام مائي وبعضها لا

      • Top Chef on 9 October, 2012 at 4:16 am
        Author

      وعليكم السلام و الرحمة ….

      هذي وصفة تشيز كيك القرع بالبهارات.

      http://topchefcooks.com/2010/12/07/spiced-pumpkin-cheesecake/

      أقريها و أمشي على نفس الخطوات اللي كاتب بالضبط. لو تبين تشيز كيك ساده سويي زي المقادير حقت هذي الوصفة :

      http://msa6el.mbc.net/vb/tt67941.html

      بس الخطوات أمشي عاللي فوق. هم نفس الشي بالضبط الخطوات موب ذاك الفرق بس اللي فوق شارح أفضل وتركت بعض الخطوات اللي ماراح تأثر كانت موجوده بس كضمان.

      ……………………………………………………..

      ليش بعض التشيز كيك يستخدم حمام مائي وبعضه لأ ؟

      الكسترد بأنواعه يحتاج الحمام المائي لأنه يعتمد على بروتين البيض للتثقيل وبروتين البيض (زي ما شرحت بموضوع مقدمة عن طبخ البيض) حساس جدا للحراره ففروقات الحرارة البسيطة ممكن تسبب إنه ينطبخ في أماكن أسرع من أماكن وهذا بيسبب تشيز كيك ناشف ومحبب وغالبا مشقوق من فوق. الحمام المائي ينظم دخول الحرارة للكسترد وبكذا ينطبخ الكسترد بسرعه أبطأ بس بشكل منتظم أكثر وهذا يعني بيض مطبوخ أقل يعني كسترد أنعم بكثير وبدون أي تشققات.

      بعض أنواع التشيز كيك والكسترد عموما تضيف شكل من أشكال النشا عالخليط (خبز ، طحين ، نشا ذرة وحتى الشكولاته) وهذا تسوي فرق جدا جدا كبير. النشا يمنع بروتين البيض ينطبخ أكثر من اللازم بسهولة يعني كأنه حماية للتشيز كيك وعشان كذا هذي الأنواع من الكسترد ممكن تنطبخ بدون حمام مائي وماراح تنشق ولا راح تكون ناشفه زي الأنواع اللي بدون النشا. طبعا كشكل هي ممتازه وكطعم هي أفضل من تشيز كيك عادي مطبوخ خطأ بس هي ولا شي جنب التشيز كيك العادي اللي بدون نشا ومطبوخ في حمام مائي . النشا يعطي التشيز كيك نكهة غير وقوام جاف أكثر.

      طبعا فيه سبب ثالث وهو الجهل أو الإهمال. كثير من الوصفات هي خطأ ببساطة وممكن تتحسن كثير لو تسوت بحمام مائي.

    • Top Chef on 8 October, 2012 at 9:13 pm
      Author

    تنزل إن شاء الله … لا تخافين …

    • Anonymous on 8 October, 2012 at 9:10 pm

    أخي الفاضل لقد وعدتني منذ شهر رجب أنك ستنزل طريقة الوافل البلجيكي لكنك حتى الآن لم تنزلها وقد جربت العديد من الوصفات المترجمة لكن لم أجد الطريقة المضبوطة لحد الآن
    فأرجو أن تتكرم علي وتخبرني بها
    دعواتي لك بالتوفيق دائما

    • SHADA on 8 October, 2012 at 7:18 pm

    مرحبا, عندي سؤالين
    الاول: كم سعة الكوب اللي بتستخدمو للحلويات ( مثلا من cl ماء)
    و الثاني حشوة الاوريو المستخدم بالتشيز كيك بتشيل منو الحشو ولا بتخليه ?

    و شكرا

      • Top Chef on 8 October, 2012 at 7:45 pm
        Author

      الكوب المعياري ٢٤٠ مل ml أو ٢٤ سل cl

      مافهمت الصراحة السؤال الثاني ؟

    • Layla on 8 October, 2012 at 6:26 pm

    السلام عليكم
    اولا اشكرك يا شيف على هذي المدونة الرهيبة والمعلومات المنوعة اللي تدخلنا عوالم الطبخ
    سؤالي عن الهمبرجر المنزلي خصوصا دايما الاحظ انه ينكمش عندي بشدة اثناء القلي او الشوي هل السبب هو النار العالية؟ او في سبب اخر ؟ يا ريت يا شيف تعطيني لهالمشكلة واذا ممكن وصفة جيدة للهمبرجر وشكراااا

      • Top Chef on 8 October, 2012 at 7:42 pm
        Author

      غالبا تطبخينه أكثر من اللازم …

      شوفي هنا كلللل شي عن البرجر شرحته وهذي طريقة البرجر المثالي برأيي …

      http://topchefcooks.com/2011/02/13/burgers/

    • bandr on 7 October, 2012 at 8:04 pm

    السلام عليكم ورحمة الله وبركاته ….

    أولا حاب أشكرك على وصفاتك الأكثر من رائعه
    ثانيا يا شيف إذا جبنة الفيليدلفيا مو متووفره إيش ممكن أستبدلها لأني حااب أجرب وصفة التشيز كيك

      • Top Chef on 7 October, 2012 at 8:09 pm
        Author

      اي جبنة كريمية زي كيري تنفع. بس الطعم بيكون مختلف شوي.

    • Anonymous on 7 October, 2012 at 6:37 pm

    سلام …
    بالنسبه للبيض المسلوق …
    اذا كنت ابغى البيض المسلوق للفطور مثلا .. وماعندي وقت …
    ممكن اسلق البييض من الليل .. واخليه في مويه السلق لحد الصباح …
    بدون مايتأثر او يتغير …

      • Top Chef on 7 October, 2012 at 6:40 pm
        Author

      وعليكم السلام و الرحمة ….

      نزلت موضوع طويل عريض عن كل كل كل شي يخص البيض المسلوق ومن ضمنها الحفظ.

    • Anonymous on 7 October, 2012 at 5:51 pm

    مرحبا شيف
    ممكن طريقة شوربة المشروم بالكريما؟
    وفوصفة خبز الدخن هو اقرب للمافن والكيك ؟
    وكوبلر الخوخ ابغا ابدله بالتفاح بس التفاح اقسى من الخوخ فايش التغيير الي اسويه؟

      • Top Chef on 7 October, 2012 at 6:18 pm
        Author

      هلا والله ….

      شوفي صفحة الوصفات فيه شوربة الفطر بالشعير (رهيبة) أو شوفي شوربة الدجاج سويي نفس الشي بالضبط مع هذي التعديلات :

      شيلي الدجاج (إلا لو تبينه بس ما يحتاج).
      ضيفي علبتين فطر مقطعه صغار. حمري الفطر أول شي بعدين كملي في الوصفة عادي. في الطحن لك الخيار يا تطحنينها كامله يا تسوين زي ما أحب أسوي وتطحنين نصها بس بحيث يكون فيها قطع خضار وفطر باقيه.

      ………………………….

      خبز الدخن خبز سريع أقرب ماله المفن تقريبا ….

      ………………..

      إذا التفاح أقسى من الخوخ وش الشي اللي نسويه عشان يطلع ألين ؟ أقري الموضوع شرحت كل شي هناك.

    • Anonymous on 7 October, 2012 at 12:00 pm

    ممكن لو سمحت طريقة البروست في الفرن صدور دجاج او دجاجة مقطعة وشكرا

      • Top Chef on 7 October, 2012 at 3:00 pm
        Author

      بالعادة البروست مقلي وصراحة القلي يصعب الموضوع كثير ولو إن الفرق في الطعم يستاهل برأيي. البروست حق الفرن جدا سهل ونفس الطريقة ممكن تستخدمينها للسمك ترى .. فيه كذا طريقة موب طريقة وحده بس هذي طريقة سهلة وتعطي شي رهيب دايما.

      شغلي الفرن على ٤٥٠.

      خذي الدجاج ورشيه بملح وفلفل أسود عالوجهين. جيبي طحين وأخلطي معه أي بهارات تحبين (أبدي بثوم بودرة ، بصل بودرة ، بابريكا ، فلفل حار ، أوريجانو بس يمديك تحطين أي خلطة بهارات تحبين أو حتى تكتفين بملح وفلفل). غطسي الدجاج في الطحين وهزيه عشان تشيلين الطحين الزايد. غطسي الدجاج بعدها ببيض وبعدها ببقسماط أو أي تغطية ثانيه تحبين زي كورن فليكس أو حتى كنافة لو تبين.

      جيبي صينية فرن وحطي فوقها شبك تبريد (زي ما سويت في موضوع البتر تشيكن) أدهني الشبك حق التبريد بشوي زيت وحطي الدجاج فوقه ودخلي الدجاج الفرن إلين يصير ذهبي من برا ويستوي من داخل.

    • Anonymous on 7 October, 2012 at 12:12 am

    السلام عليكم ورحمة الله .

    اخبارك,علومك . وش الدنيابك .

    ياطويل العمر سويت سيرش وبحث طويل عن حلويات بالتين مالقيت شي ناسب مزاجي.

    تذكرتك وتذكرت كم وصفة لك جربتها وكانت عال العال ,”خصوصاً تشيز كيك القرع ” هالحين عاد ابي منك هذه الخدمة لاهنت ,ومشكور مقدماً ..

      • Top Chef on 7 October, 2012 at 12:46 am
        Author

      شوفي صفحة الوصفات تلاقين مربى التين و السمسم. سويي المربى وحطيها فوق تشيز كيك ساده مع قطع تين زيادة فوق للزينه.

      سويي صحن جبن ، صحن الجبن موب فطور بس صحن الجبن في الطبخ الأوروبي يكون كورس قبل الحلى … جيبي عدة أنواع جبن (جبنة ماعز ، جرويير ، إمنتال ، تشيدر أو أي جبن ممتاز أو تشكيلة أجبان متوفرة) ، قدميهم في صحن مع المربى و كراكرز أو قطع خبز ….

      ملفيه تين … شوفي ملفيه الفستق في المدونة سويي نفس ما سويت بعجينة الفيلو. حطي طبقة جبن ريكوتا (مخلوط مع شوي سكر مطحون للتحلية) على ورقة فيلو بعدين شرايح تين بعدين ورقة فيلو ثانية وعيدي نفس الشي. آخر طبقة رشيها بسكر مطحون بدال الفوندانت السايل. زيني الصحن لو تبين بمربى التين وقطع تين مشويه ….

        • Anonymous on 7 October, 2012 at 12:56 am

        مشكور وماقصرت والله يعطيك العافية . الي ابيه ان الفاكهة ماتفقد خواصها او شكلها بالكامل .

          • Top Chef on 7 October, 2012 at 1:31 am
            Author

          حطيتلك كذا خيار فيه كذا ؟

          لا تعقدينها كل الحلويات اللي قلت فوق سهلة وكل واحد طعمه أروع من الثاني بس جربي …

    • Anonymous on 6 October, 2012 at 5:24 pm

    مرحباً شيف ممكن وصفه الماكرون بالفستق وشكرا على الوصفات الاكثر من رائعه

      • Top Chef on 6 October, 2012 at 6:09 pm
        Author

      هلا والله …

      شرحت طريقة الماكرون بجميع وأي نكهة تجي على بالك في موضوع الماكرون

    • هدى on 6 October, 2012 at 1:26 pm

    مرحبا شيف خالد

    ان شاءالله بخير

    عندي استفسار عن الشاورما لاهنت

    الحين لاجيت اشويه بالفرن امسحه بمناديل ورقيه زي اي طريقة شوي والا احطها مع تتبيلتها وكم تقريبا يبيله بالفرن عشان مابيه ينشف

    وجعلك بالجنه لو عندك طريقه للخبز حق الشاورما ودي اسويه بالبيت اكتبها لي لاهنت

    وبعد ياشيف ورق الكاري دورته كثيييير ماحصلته فيه بديل والا اقدر اسوي بدونه

    وبسالك سؤال بس لاتضحك علي خخخخ

    يصلح احط مع الشوكولاته الخام لاسيحتها جيلاتين اذا يصلح كيف الطريقه واذا مايصلح استر ماواجهت ههههههه

    واسمحلي ابثرتك باسالتي عساك ع القوه والله يسعدك دنيا وآخره

      • Top Chef on 6 October, 2012 at 3:52 pm
        Author

      الشاورما أمسحيها عشان تتحمر.. أكره الأوقات في الطبخ لأنها ما تعلم شي !!! تعلمي تحكمين على أستواء الأكل بنفسك. الوقت موب مقياس لإستواء الأكل أبدا ….. الدجاج يستوي إذا أختفى اللون الوردي من داخل لا تخلينه أكثر من كذا ولا أقل من كذا وبيطلع دايما لين ورطب.

      خبز الشاورما أسوي خبز عربي عادي.

      ورق الكاري للنكهة … إذا ما لقيتيه تأكدي إن الطعم بيكون مختلف بس تراه متوفر وموجود كثير خصوصا في بقالات الهنود.

      وش الهدف اللي تبين توصلينه من حطة الجيلاتين مع الشكولاته ؟ وش المشكلة اللي تبين تحلينها أو القوام اللي تبين تطلعين فيه من هذي الفكرة ؟

        • هدى on 6 October, 2012 at 6:28 pm

        تسلم ياشيف على ردك الله يرضى عليك ماقصرت

        والجيلاتين ابي اضيفه عشان تتماسك الشوكولاته وماتسيح

          • Top Chef on 6 October, 2012 at 7:28 pm
            Author

          عشان الشكولاته ما تسيح لازم تتعلمين تذوبينها صح يعني تسوينلها عملية يسمونها tempering بإنك تسخنينها لحرارة معينة بعدين تبردينها لحرارة معينة وبعدين ترجعين تسخنينها مره ثانية لحرارة معينه. هذي هي العملية اللي يستخدم كل المحترفين.

          غير الذوبان في اليد أبيك تذوقين الشكولاته الي مذوبه عادي ولاحظي طعمها. لاحظي بالأصح صوتها إذا أنكسرت لاحظي إن مالها صوت يعني ما تقرمش إذا أنكسرت زي لوح شكولاته شاريته من السوبرماركت. الموضوع موب بس إن الشكولاته ما تذوب الموضوع أكبر من كذا ، الموضوع هو كيف تسوين شكولاته بطعم ولون وشكل مثاليه وهذي تحتاج العملية المعقدة اللي شرحت فوق.

          الجيلاتين ما ينفع يستخدم هنا لسببين. أول سبب هو إن الجيلاتين يثقل السوائل اللي أساسها مويه. الشكولاته أساسه أبدا موب مويه هو خليط كاكاو وسكر وزبدة كاكاو (أقري موضوع الشكولاته عشان تفهمين الشكولاته وتركيبها بشكل أفضل) بالعكس المويه تخربه وتخليه يتكتل. السبب الثاني هو إنه حتى لو كان أساسه مويه ، الجيلاتين يذوب على حرارة الجسم يعني حرارة يدك وعشان كذا حتى لو كان ينفع هو ماله أي فايده لأنه بيذوب بيدك ؟

    • bshaier on 5 October, 2012 at 10:32 am

    مشكور ياشيف يعطيك العافية بسويها كوليه ان شاء الله

    • Emi on 5 October, 2012 at 8:59 am

    مرحبا شيف ..
    كيف الحال ؟! ان شاالله أمورك تمام
    بدي اسأل عن الرويال آيسنغ له أكثر من شهر في الثلاجة عادي استخدمه ولا أعمل غيره

      • Top Chef on 5 October, 2012 at 2:38 pm
        Author

      ماراح أخليه الصراحة أكثر من ٣ أسابيع. طعمه يتغير شوي بس إذا لقيتي طعمه عادي أستخدميه

    • Anonymous on 5 October, 2012 at 2:06 am

    مرحبا شيف
    بسوي دجاج بصوص المحار وبسوي جنبه نودلز وابغاها تكون طعمها حيادي يعني مايغلب على نكهة الدجاج ، اذا عندك طريقة لو سمحت؟

    وطريقة صوص الحمر الي يجي مع السمك او المقلية؟

    سويت وصفة ستيك بكريما وجبنة وخردل باودر بس طلع الطعم جيد بس في نكهة قوية زي الطحينة بالزبط
    المقدار كان ٥٠٠ جم لحم عليهم نص كوب كريما ٢٠٠ جم شيدر ملعقة صغيرة خردل باودر
    تتوقع الطعم من كمية الخردل ولا من مرار الجبن ؟

      • Top Chef on 5 October, 2012 at 5:24 am
        Author

      في الأكل الآسيوي إذا تبين شي حيادي تاكلين رز ساده أو تحطين النوودلز ساده وفوقها الدجاج بصوص المحار. إنك تسوين نوودلز مع صوص وجنبها دجاج بالمحار ما يمشي …

      صوص الحمر هو ببساطة شديدة حمر منقوع في مويه حاره ومصفى. كمية الحمر للموية هي اللي بتحدد قوة الطعم حطي حسب ما تبين. تقريبا ٤ ملاعق كبيرة مويه لكل ملعقة كبيره معجون تمر هندي بداية حلوه.

      ما أعرف الصراحة …. لازم أذوق عشان أعرف الغلط وين هل هو في الصوص ، في الطريقة أو في التطبيق ؟ أي واحد منهم ممكن يكون منه المشكلة …

    • رائد on 5 October, 2012 at 12:52 am

    السلام عليكم
    كيفك شيف..لو سمحت بدي منك استشارة شخصية
    أنا هاوي طهي من تلات سنين وخريج حقوق
    المهم اني دبرت شغل في مطعم سنترو الاردن وهذه اول مره بشتغل بمطعم ولسه ماتحدد شو الوظيفة بالزبط
    المطعم رح يفتح بعد عشرين يوم وانا رح اشتغل بالفرع الجديد
    بدي اسئلك هل في اشيا اخدها بالاعتبار قبل الدوام؟؟ يعني اتعلم اشيا اكتر أو اخد معلومات في شي؟

      • Top Chef on 5 October, 2012 at 5:20 am
        Author

      وعليكم السلام و الرحمة …..

      والله زيي زيك ترى هههههه آخر واحد تاخذ منه نصايح أنا …. بالتوفيق في شغلك إن شاء الله ….

      إذا فيه شي تعلمته وضروري تهتم فيه هو شيين :

      ١ـ خلك مرتتتتب وخل منطقتك مرتبة ونظيفة طول الوقت و أشتغل في مكانك بس !. حط دايما صحن تحط فيه الزبالة وصحن تحط فيه الشي اللي راح تشتغل عليه وصحن تحط فيه الشي اللي خلصت من تجهيزه . خلك مرتب بالطريقة اللي تعجبك بس أهم شي كل شي يكون مرتب ونظيف طول الوقت. لاتقول مثلا بقطع الحين وأرتب إذا خلصت .. أشتغل بنظافة وخلك مرتتتتب …

      ٢ـ تعلم وتدرب على مهارات السكين … ولو إنه شي راح تتعلمه غصب عنك هناك مع أول كم يوم شغل بس برضه حلو تكون عارف أسامي القطع ومتدرب عليها ..

        • رائد on 5 October, 2012 at 11:10 am

        شكرا كتير شيف ♥♥♥

    • ام صبا on 5 October, 2012 at 12:47 am

    بليزز شيف

    سويت الماكرون وفشل
    مدري وش السبب كل شي نفس الي قلت ولاكن الفرن عندي مئوي موفهرنهيت
    كم أحطه وقت والدرجة
    تحطمت

      • Top Chef on 5 October, 2012 at 5:17 am
        Author

      أنزلي تحت وشوفي كم وحده فشل معها مليون مره إلين ما ضبط … هو موب شي سهل أبدا !!!

      ما تدرين وش السبب هنا المشكلة شوفي شكله وهو خربان وش كانت مشكلته ؟ وش الشي اللي خلاك تشوفينه وتقولين هذا موب ضابط ؟ شوفي وش المشكلة وشوفي حلها في الحلول اللي حاط فوق ولو موب موجود الحل فوق أكتبيلي هنا كيف طلع معك و أحاول أشوفلك الحل ….

      المئوي والفهرنهايت هي مجرد معايير مختلف لنفس الحرارة ؟ ما يفرق إذا فرنك كذا أو كذا أهم شي تحطينه عالحرارة الصحيحة.

      325 فهرنهايت تعادل ١٦٢ مئوي

    • نجلا on 4 October, 2012 at 9:13 pm

    معليش الاسكلوب عند محلات الاسماك في البنقله

      • Top Chef on 4 October, 2012 at 9:41 pm
        Author

      ما قد شفته الصراحة هناك بس مدري

    • نجلا on 4 October, 2012 at 8:42 pm

    انت نزلت في تويتر صوره انيلوتي بالبنجر مع سكالوب مشوح طريقتها موحوده في المدونه دورتها مالقيتها وقطعت اللحمه البيضه اللي فوقها ايش هي ذقته مرا في مطعم حاطها مع سلطة سيزر كانت لذيذه وصفتها لخوي بعدين قال جيب اسمها وانا اشتريها لك معليش الكلام علي بعض ما اعرف احطت فواصل

      • Top Chef on 4 October, 2012 at 8:55 pm
        Author

      اللحمة هذي هي السكالوب …

      الوصفة موجودة :
      http://topchefcooks.com/2011/03/20/beet-root-and-ricotta-filling/

    • bshaier on 4 October, 2012 at 6:53 pm

    السلام عليكم
    شيف ابي اسوي مربى رمان للتشيز كيك
    شلون اسويه ؟

      • Top Chef on 4 October, 2012 at 8:00 pm
        Author

      وعليكم السلام و الرحمة …

      مربى ما أعرف ، قد سألتني وحده عنه قبل فترة وهذا كان ردي بالضبط :

      ” ماقد سويته الصراحة ولا قد فكرت فيه أصلا ! فكرة حلوه. المشكلة هي إني ما أعتقد الرمان يتسوى مربى بسهولة أعتقد بيحتاج بيكتن Pectin إضافي عشان يجمد. البيكتن هي ماده تشبه الجيلاتين تقريبا بس نباتيه هي موجودة في كل نبات بكميات مختلفه ، إذا طبخنا الفواكه مع سكر تطلع هذي المادة في المويه اللي يسحبها السكر من الفواكه وإذا برد السائل يجمد ويكون المربى اللي نعرفه بس فيه فواكه مافيها كمية بيكتن طبيعية كافيه وتحتاج أحيانا زيادة بيكتن على شكل بودرة.”

      إذا تبينها لتشيز كيك ليش ما تسوين كوليه رمان ؟ موجودة الطريقة في المدونة في موضوع “صوصات الفواكه”

    • Anonymous on 3 October, 2012 at 6:09 pm

    ممكن تشرح لي كيف اشتري بلح البحر الطازج ومن فين ترا اكله في المطاعم ويعجبني ولا ادي كيف اجيبه

      • Top Chef on 3 October, 2012 at 8:32 pm
        Author

      تفضلي هنا شرحت كل شي عنه :

      http://topchefcooks.com/2011/05/15/mussels-leeks-saffron/

    • reema on 3 October, 2012 at 1:54 pm

    السلام عليكم ,
    حابه اسألك سؤال .. وش اللي يخلي الكيك فيه لمعه ؟
    هل هو الزبده او وشو بالضبط ؟
    ولاهنت :*

      • Top Chef on 3 October, 2012 at 8:41 pm
        Author

      وعليكم السلام و الرحمة …

      حسب هل قصدك في التغطية من فوق ولا الكيك نفسه.

      إذا التغطية هذي موضوعها طويل هي تعتمد على حسب نوع التغطية.

      إذا الكيك فلون الكيك بيعتمد على شيين أساسية : أول شي رطوبة الكيك نفسه وثاني شي نفس درجة اللون في الكيك. الكيك الرطب غالبا يكون رطب للدرجة اللي الرطوبة تعكس النور فيبان لامع ما يكون باين جاف. كيف تخلين الكيك رطب هذا عاد موضوع جدا طويل وبإختصار شديد هي ترجع للوصفة اللي تستخدمين وتطبيقك لها بنجاح. درجة اللون بتعتمد على أشياء كثير أهمها حموضة الخليط اللي تستخدمين. كل لون يتفاعل ويطلع بطريقة غير عند درجات حموضة مختلفة. مثلا اللون الأحمر في الطبخ يبان أحمر غامق وفاقع إذا كان في وسط حمضي. عشان كذا لاحظي وصفات الريد فيلفت كيك مثلا دايما وسطحها حمضي يعني يكون فيها ساور كريم أو زبادي أو خل أو أي شي حامض. الشكولاته في المقابل على العكس تماما. الشكولاته تبان سوداء غامقة إذا كان الوسط قاعدي وتبان على حمار تقريبا إذا كانت في وسط حمضي.

      السببين اللي فوق هي اللي بتطلع التأثير النهائي على شكل ولمعة الكيك ..

    • أم رهف on 3 October, 2012 at 11:13 am

    صباح الخير شيف…
    في الماكرون ..1-هل في فرق أو تأثير بين استخدام السكر المطحون بالبيت والمطحون جاهز لوجود النشا ..
    2-حشوة الكراميل المملح مره وحده طلبته منك و عطيتها بتر كريم بالكراميل ومو حاط ملح.. س :هل الملح أحسن نضيفه في الوصفه واللا ما يحتاج إذا إيه متى ينحط وقد ايش؟
    شككككرا لك

      • Top Chef on 3 October, 2012 at 12:57 pm
        Author

      صباح النور …

      ١ـ طبعا فيه فرق … لا تستخدمين سكر مطحون في البيت موب عشان النشا لأنه مستحيل مستحيل توصلين لنفس النعومة حق المطحون جاهز.

      ٢ـ هو بتركريم كراميل مملح ، الملح يجي من الصويا صوص.

    • Anonymous on 3 October, 2012 at 9:13 am

    انا قريت موضوع البيض اكثر من مره
    سؤالي كان عن الماكرون
    كيف اعرف نسبة دقيق اللوز بالنسبه للبياض
    وهل ينفع او ان الماكرون حساس لازم استخدم بياض طازج ؟

      • Top Chef on 3 October, 2012 at 12:55 pm
        Author

      قلت في الموضع إن كل بودرة مرانج بتلاقين من ورا كم تخلطين معها مويه عشان ترجعينها بياض بيض عادي. أخلطي زي ماهو مكتوب بعدين أوزني زي ما كتبت في وصفة الماكرون بس… بودرة المرانج تتعاملين معها بالضبط زي بياض البيض.

    • Anonymous on 3 October, 2012 at 7:38 am

    مرحبا ممكن طريقة بلح البحر بالليمون والزيت وهل ينفع استعمل بلح مجمد؟

      • Top Chef on 3 October, 2012 at 12:54 pm
        Author

      المجمد إذا كنتي ذقتي الصدقي الطازج بتعرفين إنه ما يستاهل وبعيد تماما عن الحقيقي.

      جدا سهل …

      سخني شوي زيت زيتون و أطبخي فيه شوي شالوت shallot أو بصل مع رشة ملح إلين يذبل ، بعد ما يذبل حطي فص ثوم مقطع شرايح وبعد ما تطلع ريحة الثوم حطي عالخليط تقريبا كوب واين أبيض (منزوع كحول) أو حتى مويه وعصير نص ليمونه وبعدين حطي بلح البحر وغطي القدر. أطبخي بلح البحر إلين يفتح بعدين رشي بقدونس عالوجه وزيادة زيت زيتون وبس …

    • Anonymous on 3 October, 2012 at 6:55 am

    السلام عليكم ورحمة الله وبركاته
    من بعد اذنك شيف ممكن اعرف المكان اللي درست فيه الطبخ
    لاني هاوية وابغى اطور نفسي بالمجال اللي لقيت نفسي فيه

      • Top Chef on 3 October, 2012 at 12:51 pm
        Author

      وعليكم السلام و الرحمة …

      زيي زيك والله مادرست شي ؟

Comments have been disabled.

%d bloggers like this: