… Ask me

سيتم إغلاق صفحة الآسك هذي بسبب فتح صفحة جديدة للآسك هنا. ياليت لو يتم تحويل جميع الأسئلة للصفحة الجديدة.

 

شكرا

13,212 comments

Skip to comment form

    • Anonymous on 7 March, 2011 at 11:26 pm

    السلام عليكم
    اذا جيت اسوي الكوليه بالفراوله المثلجه
    هل اترك الفراوله لحد ما تصير بحرارة الغرفه وبعدين اطبخها؟
    او يصلح وهي بالثلج؟
    واذا حبيت الفراوله قطع (بدون الخلاط) يصلح تكون باي فيلينج؟

      • Top Chef on 8 March, 2011 at 6:17 am
        Author

      وعليكم السلام …

      لا لا ما يحتاج أبد علطول من الفريزر حطيها في القدر ..

      الكوليه صوص في الأساس مفروض يكون ناعم .. إذا قصدك باي فيلينج إنه فعلا باي فيلينك يعني حشوة لباي لأ !! مليان مويه وبيخلي العجينة رطبة .. إذا قصدك إنه باي فيلينج يعني بديل للعلب فيعتمد صراحة علي الإستخدام ..

    • Anonymous on 7 March, 2011 at 9:25 am

    اهلا توب شيف اختي تعشق الكوكيز وسوت طريقتك اللي في شمواه ومره مستانسه فيها وكلن عاجبه الا انا
    والسبب احس فيه عيبين : اقرب لطعم البيتي فور منه للكوكيز والثاني انه لما تاكله تحس المكونات ماتداخلت ببعض كيف اشرح لك يعني احس بطعم ملح وفتات الكوكيز يعني تحسه مدري كيف ان شاءالله فهمت مع ان هي ماشيه على خطواتك بالتمام مادري وش الخطأ اللي وقعت فيه هل هو الخلط بما انها مره جربت يدوي ومره خلاط ؟!
    وشكراً تعبناك معنا..

      • Top Chef on 7 March, 2011 at 2:37 pm
        Author

      هلا والله ..

      أقرب للبيتي فور ولا لأ هذا كله تكلمت عنه في الموضوع .. أرجع و أقول الموضوع ماكان الهدف منه إني أعطي وصفات كوكيز وبس أنا عطيت كل شي الواحد يحتاجه إنه يغير في القوام ويخليه زي ما هو يبي .

      بالنسبة للملح هذا طبيعي في الكوكيز وشخصيا بالعكس أحب هذا الشي و أحط حتى ملح بحري خشن أحيانا عشان يبان أكثر ويسوي تباين مع حلاوة الكوكيز .. تقدر ما تحط ملح بس الطعم بيكون شوي ضعيف .

    • Anonymous on 7 March, 2011 at 8:22 am

    السلاااام عليكم
    بغيت اسألك اللي تفرشها في صواني الخبز عندك وش هي؟ ووين القاها
    وش تفرق عن ورق الزبدة>>انا في جدة

      • Top Chef on 7 March, 2011 at 2:34 pm
        Author

      وعليكم السلام ..

      هذي يسمونها سلبات .. هي سجادة مصنوعة من سيليكون ما يلصق عليها أي شي .

      ورق الزبده عبارة عن ورق مغطى بسيليكون يعني بالضبط نفس الشي .. الفرق بينهم هو إن هذي تستخدم أكثر من مره غير إنها تجي على حجم الصينية بالضبط .. أنا أستخدمها لأني أشوفها أريح من ورق الزبده اللي إذا قصيتيه يكون ملفوف وما يثبت في الصينية زين .. تلاقينه في جده في تافولا أو أي محل كيك

        • Anonymous on 7 March, 2011 at 3:00 pm

        شكرا على الرد

    • Anonymous on 7 March, 2011 at 6:39 am

    شيف الخبز هذا وشلون طلع اسود؟ وممكن الطريقة لاهنت؟
    http://img688.imageshack.us/img688/8797/96518463.jpg

      • Top Chef on 7 March, 2011 at 6:44 am
        Author

      من الصوره صعب بالضبط أحكم …

      بس هو في الغالب يا إنه خبز ألماني غامق .. هذا خبز ألماني مصنوع بعجينة حامضة و من كذا نوع حبوب ومخبوز وقت طويل إلين يصير كذا .. أو إنه خبز عادي بس مخلوط معه حبر حبار عشان يلونه ويعطيه طعم خفيف .. يمكن يكون شكولاته بس ما أعتقد الشكولاته تعطي لون زي كذا ….

    • Anonymous on 6 March, 2011 at 11:53 pm

    يصلح اسوي الكيك بدون خلاط ؟ يعني بس اخلط بملعقه

      • Top Chef on 7 March, 2011 at 4:32 am
        Author

      تقدرين بس موب بملعقة و بعض الأنواع بتتعبين شوي..

      مثلا لو الكيك يستخدم الطريقة الكريمية يعني تخلطين زبدة مع سكر وتخلطين إلين يصير كريمي وفكرتي تسوينها بيدك بخفاقة بيض بتتكسر يدك خصوص إذا منتب متعوده عالخلط كذا.

      لو الكيك يستخدم طريقة المفن يعني تخلطين المواد السايلة مع بعض و الجامده مع بعض بعدين تحركين هذا سهل إذا ماكان أفضل بعد تسوينه بدون مكينة. أهم شي أستخدمي خفاقة حقت بيض أو ملعقة كبيره لا تستخدمين ملعقة صغير.

      لو فكرتي فيها .. الناس يسوون كيك من ٢٠٠ سنة أو أكثر كيف كانوا يخلطون وقتها ؟

    • Anonymous on 6 March, 2011 at 11:49 pm

    شيف انت تستخدم اكواب ايكيا للفرن !! كيف اعرف ان الكوب او الصحن يدخل للفرن

      • Top Chef on 7 March, 2011 at 4:29 am
        Author

      في الغالب البورسلان صالح للفرن ، في الغالب بعد بتلاقين مكتوب عليه من تحت إذا تقدرين ولا لأ .. الجزاز ماينفع يدخل الفرن إلا إذا كان بايركس .

    • Anonymous on 6 March, 2011 at 11:34 pm

    شيف ممكن طريقة كيك تمر ؟
    والله يجزاك الجنه ويحقق لك ماتتمنى والله يوفقك في دراستك وتوصل للي تحلم فيه

      • Top Chef on 7 March, 2011 at 4:25 am
        Author

      تفضلي :

      ٢٠٠ جم تمر منزوع النوى
      ملعقة صغيرة بيكنج صودا
      200 مل مويه مغليه أو تقريبا تقريبا نص كوب + 5 ملاعق ونص
      أصبع زبده لين
      200 جم سكر بني أوزنيها مدري كم تطلع بالضبط
      3 بيضات على حراره الغرفه
      200 جرام طحين بعد أوزنيه
      ملعقتين صغار بيكنج باودر
      نص ملعقة صغيرة ملح

      أخلطي التمر مع المويه وخليهم إلين يبردون .

      سخني الفرن ل 350 .

      أدهني صحون كب كيك بزبده .

      أخلطي الزبده و السكر بخلاط إلين ينفشون شوي بعدين حطي البيض و أخلطي شوي . الحين أنخلي الطحين و البيكنج صودا و البيكنج باود على الخليط و أخلطي بملعقة شوي شوي . حطي التمر و أخلطي زياده . الحين صبي الخليط في صحون المفن أو الكب كيك ودخليها الفرن إلين يطلع منها عود نظيف 35-45 دقيقه .

      الصوص :

      150 جم زبده يعني أصبع ونص
      250 جم سكر بني غامق
      300 مل قشطة خفق

      ذوبي الزبده و السكر مع بعض على حراره وسط إلين يبدأ السكر يذوب . شيلي الخليط من الحراره وحطي الكريمه و رجعيها عالنار إلين تبدأ تغلي . صفي الخليط و أحفظيها في الثلاجه . هذا صوص بتر سكوتش يمشي مع أشياء كثيييير .

      تقدرين تحطين شوي من الصوص في الصحون حقت المفن وبعدين تحطين الخليط حق الكيك فوقها وتقلبينها بعد ما تطلع من الفرن تصير زي الكريم كاراميل .

      طبعا هذي الطريقة تمشي للكيك بس هي في الأساس بودنج التمر إذا برد صار كيك بس نصيحه جربيه أول ما يطلع من الفرن

    • Anonymous on 6 March, 2011 at 3:05 pm

    هل ضرب العجينة يساعد على نفشة الفطائر

      • Top Chef on 6 March, 2011 at 3:17 pm
        Author

      مدري عن ضرب ؟ بس العجن ضروري …

      الفكرة ومافيها إن الخبز بأنواعه له زي الهيكل داخله . هذا الهيكل بينحبس فيه هواء من الخميره وهذا اللي يخلي الخبز ينفش. الهيكل هذا يصير أقوى مع العجن ، لو كان الهيكل ضعيف الهواء اللي يطلع من الخميرة بيطير في الجو ماراح ينحبس داخل الخبز وينفشه.

    • soso cake on 6 March, 2011 at 1:56 pm

    السلام عليكم انا ودي اعمل كب كيك وازينو بنفس طعم الجناش بس القى صعوبة في التزيين عشان الجناش سائل وانا مابغى اخفقو مابغي كريمي وودي بشكولاتة وبس نفس اللون الغامش لو خفقتو طبيعي بيفتح اللون
    وسؤالي الثاني بالنسبة للكريمة الي منزلها في الماكرون وكاتب تنفع للزبنة الكب كيك انا عملتها مرة وحده وطلعت جدا روعة بس المرات الثانية ماني عارفة غلطي وين صارت تفصل ولما اعملها حشوة للماكرون تنقط الزبده وماهي راضية تزبط معايا ووين يكون الغلط بالمعني سويتها اول مره وطلعت روعة وسوري على الاطاله ومشكور مقدما

      • Top Chef on 6 March, 2011 at 2:12 pm
        Author

      وعليكم السلام …

      أقري موضوع الجاناش وموضوع البتر كريم (اللي هنا في المدونة) فيهم كل الأجوبة على أسئلتك ..

      http://topchefcooks.com/2011/02/11/swiss-meri/
      http://topchefcooks.com/2011/02/11/buttercream/
      http://topchefcooks.com/2011/01/22/chocolate-ganache/

    • Anonymous on 6 March, 2011 at 11:53 am

    مساء الخير توب شيف …
    عندي وصفه باوند كيك موجود فيها كاكاو طبيعي وانا ماعندي الا العادي هل ممكن ابدل بالعادي ولا ممكن تخرب على الباوند ؟؟؟

    http://www.cookiemadness.net/2006/06/chocolate-sour-cream-buttermilk-bundt-cake/

      • Top Chef on 6 March, 2011 at 1:37 pm
        Author

      مساء النور …

      هو هنا فيه شي يعوض نقص الحموضة اللي هو الساور كريم و اللبن فإن شاء الله مافيه مشكلة من ناحية الرفع بس هي كلها تعتمد على هو كيف حسب المكونات حقته لو كان حاسب الشكولاته إنها تساعد في الرفع يمكن الكيكة ما تطلع بنفس النفشة… جربي وشوفي بس زي ماقلت إحتمال بسيط ما تطلع بنفس النفشة عن لو أستخدمتي كاكاو طبيعي

    • Anonymous on 6 March, 2011 at 8:14 am

    شيف يعطيك العافيه ..
    ايش ميزه زيتون كالاماتا عن الانواع الثانيه … يمكن اعرفه من الوصف ؟؟؟
    اللي اعرفه من الزيتون ان في نوع اسود وصغار ودايما طعم التخليل فيه قليل ,, وفي نوع حباتع كبار ومخلل مضبوط وطعم الحموضه فيه زايده … الكالاماتا هو الثاني الحامض ؟؟؟

      • Top Chef on 6 March, 2011 at 1:28 pm
        Author

      الله يعافيك ..

      كلماتتا منطقة في اليونان .. الزيتون اللي ينبت هناك يسمونه زيتون كلماتا بس . ما فيه ميزه خاصة عن غيره هو بس نوع لا أكثر ،الزيتون يختلف عن بعض بأشياء كثير زي طرق الحفظ و المنطقة اللي جاء منها. فيه آلاف الأنواع من الزيتون وصعب تختصرينهم بتقسيمين بس يا صغير وضعيف أو كبير وحامض !؟ نوعية الزيتون حقت الكلاماتا هي اللي ثابته بس طرق الحفظ حقته تختلف عشان كذا طعمه ممكن يجيك أحيانا مايل للحموضة و أحيانا للملوحة و أحيانا شي بينهم ..

    • Anonymous on 6 March, 2011 at 8:06 am

    السبونج كيك ايوه اعمله للسويس رول وكمان اسويه للتورتات

    مشكلتي الاساسيه انها تهببط بعد خروجها من الفرن..

      • Top Chef on 6 March, 2011 at 1:42 pm
        Author

      هذي طريقة ممتازة و الحلو فيها إنها بالوزن يعني أدق من الأكواب .

      http://www.shamoa.com/vb/showthread.php?t=32021

      مشكلة إن الكيك تطيح معك لها أكثر من سبب .. يمكن حرارة الفرن موب مضبوطة عندك ، هذا واحد من أكبر أسباب فشل الكيك وخصوصا السبونج كيك كونه شوي حساس للحرارة …

      السبب الثاني هو إحتمال إنك بردتيه بسرعه في مكان فيه تيار هواء قوي ( غرفة بمكيف قوي مثلا ) .. جربي تحطين الكيك في مكان بعيد عن أي تيار وشوفي ..

    • Anonymous on 6 March, 2011 at 7:23 am

    الله يسعدك ياشيف سويت الملوخية زي ماقلت بالخلاط وطلعت تهببببببببببببببل
    دعيت لك وانا اتغدى

      • Top Chef on 6 March, 2011 at 1:13 pm
        Author

      بالعافية على قلوبكم

  1. مو لاقية ال comments فين يكون طالعت في الصفحة حقت البحث كلها

      • Top Chef on 5 March, 2011 at 10:01 pm
        Author

      هنا شوفي :

      http://img850.imageshack.us/img850/3710/screenshot20110305at956.png

      فوق في الخط الأسود فيه خانة search wordpress.com هنا تكتبين البحث

      بتطلعلك هذي الصفحة وشوفي وين خيار الكومينت :

      http://img695.imageshack.us/img695/4127/screenshot20110305at957.png

      1. اويك شفتها بس في مدونتي لانه هنا يطلع له كله عربي ومافي الخيار هذا

        اعذرني اشغتلك معاي

    • Anonymous on 5 March, 2011 at 7:12 pm

    سؤال

    لو ابغى ابحث في الاسئلة في المدونة لازم اكون مسجلة في نفس الموقع؟

    طيب لو ابغى اسجل لازم يكون فيه مدونة لي يعني؟

    وشكرا لاني مرة باتعب عشان اوصل لاجوبةا لاسئلة القديمة

      • Top Chef on 5 March, 2011 at 7:24 pm
        Author

      هو المفروض تقدرين تسوين بحث عادي ويطلعلك بس البحث حقهم ضعيف مره إلا إذا أستخدمتي البحث حق الناس المسجلين هذا يسمحلك تدورين حتى في الردود. دورت حل للمشكلة هذي للحين ما لقيت شي، المشكلة ما أقدر أدخل السكربت حق جوجل مانعين عشان يخافون من الدعايات …

      عندك حلين الأول إنك تسجلين و أعتقد بيعطونك عنوان وكذا بس خليه فاضي موب شرط تسوين فيه شي .. و الحل الثاني إنك تدورين في جوجل بس تحددين إنه يدور في الموقع هذا بس … عشان تسوين كذا تحطين كلمة site: بعد كلمة البحث وتكتبين الموقع اللي تبين .. مثلا لو بدور على كلمة pasta في المدونة حقتي أكتب كذى في جوجل:

      pasta site:topchefcooks.com

      1. سجلت وبرضو ما رضي يبحث ايش الحظ دا

          • Top Chef on 5 March, 2011 at 9:40 pm
            Author

          سويي بحث من خانة البحث اللي فوق .. ماراح يطلعلك نتايج أول شي عشانه بس يدور في المواضيع ما يدور في الردود بعدين أختاري comments وعيدي وبتلاقينه دور في الردود …

    • أماني on 5 March, 2011 at 4:38 pm

    تسلم ياشيف ماقصرت وشاكرة وممنونة جدا لسرعة ردك 🙂 ..

    • أماني on 5 March, 2011 at 3:52 pm

    وشيف علبة حليب جوز الهند حجمها ؟؟

    أسفة بس هذا صج أخر سؤال 🙂

      • Top Chef on 5 March, 2011 at 4:36 pm
        Author

      علب الحليب تجي تقريبا ٤٠٠ مل أعتقد أصلا كلها حجم واحد

    • Anonymous on 5 March, 2011 at 3:46 pm

    مساك الله بالخير ممكن تعطيني درجات الحرارة للشوكولاته عشان تطلع تلمع وقاسيه ومشكور متعبينك معنا

      • Top Chef on 5 March, 2011 at 4:34 pm
        Author

      مساك الله بالنور و السرور …

      المسألة أعقد شوي من بس حرارات …

      عموما للشكولاته الغامقة :
      سخنيها إلين ١٢٠ فهرنهايت .
      خليها تبرد إلين ٨٤ فهرنهايت
      بعدين سخنيها مرة ثانيه إلين ٨٩ – ٩١

      بعد ما تسوين كل هذا تختبرينه بإنك تمسحين شوي شكولاته على ورقة زبده وتشوفين إذا طلعت تلمع أو لأ .. في حال طلعت تلمع حلو في حال ما طلعت لازم تعيدين نفس العملية من جديد …

      عموما الموضوع شوي طويل وصعب والله أشرحة بالتفصيل هنا وبدون صور .. بس إن شاء الله راح أحاول أتكلم عنه بالصور ..

    • Anonymous on 5 March, 2011 at 3:36 pm

    طيب شيف سويت كب كيك جوز الهند وكان رائع بس الكمية كانت اكثر من 24 قالب ؟

      • Top Chef on 5 March, 2011 at 4:29 pm
        Author

      حسب حجم الملعقة وكم مليتي الأكواب

    • أماني on 5 March, 2011 at 3:14 pm

    سؤال أخير ، واسفة ياشيف خالد على الطوالة بهالموضوع بس جد ابيها تضبط باذن الرحمن …

    انت كاتب ملعقة كبيرة وصغيرة يعني ايهم بالملاعق القياسية يريت تكتب لي اختصارهم المكتوب على الملاعق القياسية …

    وبالنسبة للوز احمصه واطحنه ولا لأ ؟

    وشكرا شيف ..

    • أماني on 5 March, 2011 at 3:14 pm

    سؤال أخير ، واسفة ياشيف خالد على الطوالة بهالموضوع بس جد ابيها تضبط باذن الرحمن …

    انت كاتب ملعقة كبيرة وصغيرة يعني ايهم بالملاعق القياسية يريت تكتب لي اختصارهم المكتوب على الملاعق القياسية …

    وبالنسبة للوز احمصه واطحنه ولا لأ ؟

      • Top Chef on 5 March, 2011 at 4:26 pm
        Author

      الملاعق الصغيرة اللي هي ملاعق شاهي . tea spoon (tsp)
      الملاعق الكبيره اللي هي ملاعق طعام table spoon (tbsp)

      اللوز ما يحتاج تحميص .. في الطريقة مكتوب حطيه في خلاط مع سكر و أطحنيه شوي

    • Anonymous on 5 March, 2011 at 2:40 pm

    السلام عليكم
    اذا ممكن طريقة الشكشوكة بالضبط
    وجزاك الله خير مقدما

      • Top Chef on 5 March, 2011 at 4:24 pm
        Author

      وعليكم السلام …

      أخفقي البيض بشوكة إلين يختفي البياض .

      بعدين سخني مقله على حرارة هاديه مع شوي زيت أو زبده وأطبخي فيها أي نكهات تحبين مع الشكشوكة (بصل ، كراث ، طماط ، فطر ، بقدونس .. إلخ ) .. بعدين حطي البيض وحركية بالملعقة طول الوقت إلين يثقل شوي بعدين حطي الملح و الفلفل ..

        • Anonymous on 6 March, 2011 at 5:39 am

        الف شكر على الرد
        انا اسويها كذا مع بصل وطماط بس زوجي يقول مو زي اللي في المطاعم 🙁

          • Top Chef on 6 March, 2011 at 1:12 pm
            Author

          الشكشكوكة مفروض تجيك لينة وكريمية وبدون أي كتل كبار.. بس يمكن زوجك يحبها شوي مسويه أكثر أطبخيها على حرارة أعلى وخليها تتلون شوي يعني حركي أقل .

          • Anonymous on 6 March, 2011 at 2:26 pm

          الف شكر عالرد

    • Anonymous on 5 March, 2011 at 2:38 pm

    القاعدة إن البيتزا تخبز على حرارة عالية ومعروف علميا إن الهواء الحار يرتفع فوق يعني أحر مكان في الفرن أعلاه وليس أسفله وهذا نقراه حتى في كتالوجات الأفران فإذا حطينا البيتزا تحت الحرارة اللي تجيها حرارة لهب تحرق ماهي حرارة منظمة زي أعلى الفرن مع إني جربت أحطها تحت على صاج حديد زي ماقترحت عوضا عن الحجر وطلعت جدا رائعة وأنا أول أخبزها في أعلى الفرن على أعلى حرارة ولا تطول بعد ونفس الشيء ممتازةبس ماكنت أخاف تنحرق زي هذي فإيش رايك الله يسلمك
    ياليت الله يعطيك العافية تعطينا طريقة مضبوطة للكيك بالزيت أدري بالزبدة أحلى بس إذا كان لأطفال وبشكل مستمر فودي يكون زيت أصح شوي

      • Top Chef on 5 March, 2011 at 2:54 pm
        Author

      أهاااااا ،، سؤال حلو ….

      بس فيه شي نسيتيه وهو إننا في البيتزا ما نعتمد بس على حرارة الهواء عشان نطبخ البيتزا حرارة الهواء المحيطه هي اللي بتطبخ البيتزا من فوق بس من تحت الحرارة كلها بتجي بالتوصيل سواء من الحجر أو الصينية . لو حطيتي البيتزا فوق بتتحمر أسرع صح بس ماراح تستوي من تحت ولا راح تصير تقرمش زي ما نبي. طريقة حطت البيتزا تحت صعب تحرق البيتزا إلا إذا غفلتي عنها وقت طويل مره.

      سويي كيك بيتي كروكر عادي … أشوف إنه ممتاز إذا بالزيت لأن حق البيت ينشف أسرع .

    • أماني on 5 March, 2011 at 11:23 am

    يعطيك العافية شيف ماقصرت ..

    بس شنو يعني جوز هند محلى “هو ينباع جاهز” ولا أنا احليه بسكر الوصفة اللي راح اخلطة مع اللوز ؟؟ لاني ماعمري شفته !!!
    والفانيلا يصير استخدم الفرش ولا لأ ؟

    وهل ينفع أستخدم اوراق الكب كيك بالصينية المفن لاني اخاف تلصق ويخترب … وشنو ممكن ازينها على الوجه بذوقك ولا هي رهيبة سادة لاني على مدحك ودي اسوي كمية واهديها لناس غاليين علي وودي ازينها إذا ينفع 🙂

    والمطعم الايراني اللي قلت لك عنه اسمه شبستاني اللي بفندق كراون بلازا بالكويت أكله لذييييذ ..

    وانتظر طريقة الفروزن يوغت بفارغ الصبر .. ومشكور ويعطيك العافية يالعلا …

      • Top Chef on 5 March, 2011 at 2:12 pm
        Author

      جوز الهند المحلى ينباع جاهز زي جوز الهند العادي بس مكتوب عليه محلى . إذا ماعندك أستخدمي جوز هند عادي.

      يصير تستخدمين فريش أكيد ….

      وأوراق الكب كيك ينفع تستخدمينها في صحون المفن عادي ..

      هي رهيبة سادة بس لو بتزينينها زينيها .. سويي جاناش أو بتر كريم .. ساده أو طعميهم بأي نكهة لو تبين .

      • Anonymous on 6 March, 2011 at 5:59 am

      فعلا ممتاز مطعم شبستاني .. ذقته شي رائع < واناافضل الطبخ الايراني

    • Anonymous on 5 March, 2011 at 9:26 am

    السلام عليكم شيف
    كيف حالك؟ ان شاالله تمام
    انا بدي اعمل زي اللي في الصوره هادي
    http://up.shamoa.com/uploads/images/shamoa-eb8e132c75.jpg
    هل في خطوات او طريقه معينه امشي عليها او زي ما هوا متوقع؟؟
    يعني لما اسيح الشوكولاته وكدا ولا الفراوله اخليها على درجة حراره الغرفه عادي ولا من التلاجه احسن؟؟
    والشي التاني
    انا عملت تشوكليت لولي بوب كيك زي كدا
    http://up.shamoa.com/uploads/images/shamoa-87613a74b1.jpg
    اخدتو من مدونة اجنبيه
    ومشيت عالوصفه كويس وكلو مشي تمام بس بعد فتره وهيا برا تبدأ تطيح من المصاصه
    ايش السبب؟؟ من حرارة الجو اللي عندنا هنا في جده؟ ولا انا غلطت فشي وما سويتو صح؟
    وشكرا شيف تعبتك معايا

      • Top Chef on 5 March, 2011 at 2:07 pm
        Author

      وعليكم السلام و الرحمة …

      الصور ترى ماطلعت …

        • Anonymous on 5 March, 2011 at 2:22 pm

        الصور مره تانيه
        http://www.yenra.com/chocolate-covered-strawberries/
        الصورة التانيه
        http://2.bp.blogspot.com/_eWMrD-Jtxj0/TFkijDXiSGI/AAAAAAAAAE8/6ert3ZhGals/s1600/pop+cake+9.jpg

        يارب يفتح معاك
        واذا ما فتح ترا الصوره الأولى فراوله مغمسه في شوكولاته بس مو فوندو لا شوكولاته جامده
        والتانيه لولي بوب كيك

          • Top Chef on 5 March, 2011 at 2:40 pm
            Author

          بالنسبة للشكولاته تقدرين تغمسينها عادي … بس ماراح تكون الشكولاته تلمع وقاسية .. إذا تبينها تلمع وقاسيه لازم تسوين حركة بإنك تسخنينها لحرارة معينة بعدين تبردينها لحرارة معينة بعدين تسخنينها مره ثانيه لحرارة معينة ثانيه ..

          الكب كيك والله ما أدري الصراحة .. بس أتوقع في الغالب من الرطوبه .

    • Anonymous on 5 March, 2011 at 8:54 am

    معليش أخوي أزعجتك بسؤالي عن المرق مرتين والله ارسلته مرتين وكله يقول لي حصل خطأ وجاية ناوية أعيد السؤال بس ربي ستر وشفته أعذرني ‏
طيب ‏
إذا ‏
أطلقت ‏
اصبع ‏
زبدة ‏
تقصد ‏
113‏ غ
‏ ا
للي ‏
في ‏
كب ‏
جوزالهند ‏
طيب ‏
شيف ‏
معروف ‏
إن ‏
الهواء ‏
الحار ‏
يرتفع ‏
فوق ‏
وعليه ‏
يكون ‏
أحر ‏
مكان ‏
في ‏
الفرن ‏
أعلاه ‏
وإذا ‏

    حطينا ‏
البيتزا ‏
تحت ‏
تصير ‏
حرارة ‏
لهب ‏
ماهي ‏
حرارة ‏
لنتظمة ‏
فبسرعة 
تنحرق 
مع ‏
إني ‏
جربت 
طريقتك ‏
جدا ‏
رائع
    ة بس ودي أعرف
الله ‏
يديم ‏
عليك ‏
الصحة ‏
والسعادة

      • Top Chef on 5 March, 2011 at 2:05 pm
        Author

      هلا والله …

      أصبع الزبدة اللي أقصد ١١٣ جرام .

      مافهمت السؤال الثاني ..

    • Anonymous on 5 March, 2011 at 7:03 am

    الله يعطيك العافية .. بس والله داخ رآسي مدري الأسئلة و الاجابات كيف مترتبة ؟؟
    هل أبدأ من تحت و الا من فوق O.o

    معليش سؤال ثاني شخصي :
    هل تخصص دراستك برا هو الطبخ ؟
    و هل انت سعودي :$ ؟

      • قاطة معك ههههه on 5 March, 2011 at 8:48 am

      ابدأي من تحت عشان الترتيب بس مو شرط لانه كل سؤال منفصل عن الثاني
      ايه تخصصه برا الطبخ وبعييييييييد تماما >>مانيب قايلة عشان التشويق ههههه وعشان تسألين مرة ثانية وش تخصصك

      ايه سعودي >>وبرضووو ماراح اقول من وين عشان ترجعين تسألين

      ههههههههههههههه سوري شيف عالقطة بس قلت اساعدك باللي افلح فيه :$

        • Top Chef on 5 March, 2011 at 1:59 pm
          Author

        ههههههه بالضبط زي ماقالتلك …

    • Anonymous on 5 March, 2011 at 3:08 am

    السلام عليكم شيفنا
    عساك طيب

    شيف ابي طريقتك للسبونج كيك… ماااااا عمري سويتها الا تطلعليي قاسيه وتهبط بعد ما اطلعها من الفرن

      • Top Chef on 5 March, 2011 at 1:58 pm
        Author

      وعليكم السلام و الرحمة …

      وش بتسوين فيها ؟ يعني قصدي تبينها لسويس رول ولا لإيش بالضبط ؟

    • أماني on 4 March, 2011 at 5:24 pm

    ماتقصر يالغلا …
    الروبيان اللي وصفته لك اكلته بمطعم ايراني …
    والكب كيك بجوز الهند دامه منك ربي يحفظك اكيد رهيب وانتظر طريقته ، وانتظر طريقة الفروزن يوغت بإذن الرحمن …
    وشاكرة تعبك ووقتك يالغلا …

      • Top Chef on 4 March, 2011 at 11:55 pm
        Author

      والله الربيان ما عرفته … ما قد ذقت شي زي كذا بمطعم إيراني ؟

      الكب كيك :

      الشكولاته :

      ٣/٤ كوب لوز مقشر
      كوب ونص سكر
      2 أكواب جوز هند محلى ( نارجيل )
      كوبين وربع طحين
      ١/٢ كوب بودرة كاكاو
      ملعقة كبيره بيكنج باودر
      ملعقة صغيره بيكنج صودا
      نص ملعقة صغيرة ملح
      ٦٠ جرام شكولاته مرة أو في أسوأ الحالات غامقة .. مرة يعني فيها أكثر من ٨٠٪ كاكاو بتلاقين مكتوب عالعلبة .
      أصبعين وربع زبده
      ٤ بيضات على حرارة الغرفة
      علبة حليب جوز هند سايل .
      ملعقتين صغار فانيلا سايلة أو ملعقة صغيره بودرة

      سخني الفرن على ٣٥٠ وأدهني صحون مفن .

      في خلاط مولينكس . أخلطي اللوز و ١/٢ كوب من السكر إلين يصير شوي بودرة . حطي عليهم كوبين جوز هند و أفرميهم شوي زياده . حطي الخليط في صحن و أخلطي عليه الطحين ، الشكولاته ، البيكنج باودر و البيكنج صودا و الملح .

      ذوبي الشكولاته في حمام مائي ( أو الميكروييف لو تبين ) .

      الحين بخلاط .. أخلطي الزبده مع كوب السكر الباقي إلين يصير كريمي . بعدين أضيفي البيض بيضه بيضه وبعدين الشكولاته الذايبه . أضيفي نص خليط الطحين و أخلطي إلين يبدأ ينخلط معه ( على أقل سرعة ) . بعدين أضيفي حليب جوز الهند و الفانيلا بعدين باقي الطحين .

      وزعي الخليط في الصحون ودخليه الفرن حوالي ٢٥ دقيقه أو إلين يطلع منها عود نظيف . خليها تبرد تماما .

      هذى الكب كيك رهيييييييييييييب لا يفوتك صدق رهيب

        • Anonymous on 17 March, 2011 at 7:56 am

        شيف اصبعين وربع زبده تقصد اصبع ابو 100 غ والا اللي برا ابو 113 غ
        ومو كانه كثير !!
        جيت بسويه بس صدمتني كمية الزبده : (

          • Top Chef on 17 March, 2011 at 4:40 pm
            Author

          ١١٣ داااااااااااااااايما

          الكمية مضبوطه لا تخافين .. أنتي تحسينها كثيره لأن أغلب الوصفات تسوي نص الكمية اللي هنا .. عشان كذا تحسين الزبده كثيره مره ..

  2. لا لحقت عليه كويس جربته , بس قلي كيف احفظه , سالت وحدة فلسطينية وقال زيك في مويته والبديل تقول اغلي موية وملح ومستكا شوي وبرديه وصبيه عليه

      • Top Chef on 4 March, 2011 at 11:53 pm
        Author

      هي أبخص أجل …. الملح في المويه يكون تقريبا ٢٠٪ بالوزن كونه هو اللي بيحفظ الجبن ..

    • Anonymous on 4 March, 2011 at 4:14 pm

    متى طريقة المرق الله يعافيك دبحونا بالماجي

      • Top Chef on 4 March, 2011 at 4:19 pm
        Author

      هلا والله …

      أختي قلتلك .. حاليا شوي مضغوط في الوقت و الموضوع مهم ويبيله تفرغ شوي .

    • Anonymous on 4 March, 2011 at 4:10 pm

    أتمنى تستعجل ةبننزيل طريقة المرق بدل هالماجي اللي ذبحونا به

  3. كبيت مويتها 🙁 طلع فيها ريحة وكبيتها

      • Top Chef on 4 March, 2011 at 4:00 pm
        Author

      اللي أعرفه الجبنه هذي تخرب بسرعة .. تأكدي إن الجبن بعد موب خربان ..

  4. شيف عندي جبنة نابلسية كيف احفظها وهل احطها بالثلاجة ؟

      • Top Chef on 4 March, 2011 at 2:54 pm
        Author

      زي ما شريتيها .. خليها في علبتها مغلطية بالموية حقتها زي الجبنة البيضاء .. بعدين في الثلاجة .

    • أماني on 4 March, 2011 at 5:53 am

    السلام عليكم ياشيف خالد عساك بخير وصحة وعافية يالغلا …

    أخوي بغيت اعرف طريقة لربيان بصلصة حمرا بس فيه طعم سويت شوي ” طعم يشبه طعم الكاتشب شوي وحلاوته ” مخلوط مع عيش بسمتي مشخول ..

    لو سمحت أبي طريقة الفروزن يوغت “Frozen Yoght” لاني أموووت فيه 🙂 …

    وإذا عندك طريقة كب كيك الشوكولاته بالشوكوليت تشبز تبعت كافيه كولومبوس …

    شكرا ويعطيك العافية يالغلا ..

      • Top Chef on 4 March, 2011 at 11:17 am
        Author

      وعليكم السلام و الرحمة ..

      الربيان اللي تقصدين صيني على ما أعتفد ؟

      الفروزن يوجرت بنزله بعدين إن شاء الله مع كم موضوع ثاني خاص بالإسكريم لأن فيه أكثر من شغله مهم تعرفينها قبل تسوينه.

      كافيه مجيانوس والله ماذقت حقهم ما أعرف كيف طعمه بس فيه كب كيك بجوز الهند رهيب لو تبين .

    • Anonymous on 3 March, 2011 at 6:36 pm

    صحيح موية الكادي تعطي الرز نكهة لذيذة زي حق المطابخ ؟

      • Top Chef on 3 March, 2011 at 7:29 pm
        Author

      سمعت بس ماقد جربت .. جربي وشوفي ..

    • Anonymous on 3 March, 2011 at 3:22 pm

    طيب الخرشوف شيف تقصد القلب ولا الاوراق ؟؟

      • Top Chef on 3 March, 2011 at 3:25 pm
        Author

      القلب .. يجي معلب جاهز ما يحتاج تشرين خرشوف وتقشرينه.

    • Anonymous on 3 March, 2011 at 1:47 pm

    شيف الله يعافيك ابي طريقة المندي باللحم

      • Top Chef on 3 March, 2011 at 2:04 pm
        Author

      هلا والله …

      للأسف مالم يكن عندك حفرة وفيها حطب أي شي تسوينه مايكون مندي … المندي المندي لازم طعم الدخان حق الحطب.

        • Anonymous on 3 March, 2011 at 5:01 pm

        طب ما عندي حفره ولا حطب وامي متوحمه عالمندي وما تحب حق السوق برأيك ايش العمل!!
        مو لازم طعم الحطب بس شي اسمو وصفة مندي
        مرات ماما لما تطبخ وتبغى طعم الفحم تحط قطعة فحم على قصدير وفوق الرز وتغطيه ما ينفع
        انا ترا ما افهم للطبخات دي بس امي مصره وطلبت مني اسألك تبغى وصفه أصلية من غير تحريف
        انا ما اعرف اسوي ولا قد سويت ولقيت كم وصفه بس ما اضمنها
        يا رب تلاقيلي حل عشان ارضي امي

          • Top Chef on 3 March, 2011 at 5:15 pm
            Author

          هلا والله ….

          هي هنا الفكرة تبين وصفة أصلية من غير تحريف لازم حفرة ولازم حطب ! الطبخ موب بس لستة مقادير نخلطها مع بعض .. عموما تقدرين تسوين لحم لذيذ في البيت أنا ماعندي حفرة ولا عندي حطب و طول عمري أسوي لحم في الفرن ويطلع رهيب بس هو موب مندي .

          جيبي لحم غنم أو لو عندك أحسن بعد تيوس بعدين حطي عليه تتبيله مكونه من : ثوم ، ملح وفلفل أسود ، كركم ، كمون ، كزبرة ، ليمون أسود ، دارسين و قرنفل و ليمون و شوي صلصة طماط وزيت .

          أدهني اللحم بهذي التتبيلة وخليه كم ساعة في الثلاجة يتتبل بعدين طلعيه وخليه على حرارة الغرفة ساعة.

          الحين شغلي الفرن على ٤٠٠ وبعد ما يحتر حطي اللحم على صينية فرن و أطبخيه إلين يتحمر اللحم من برا بعدين نزلي الحراره ل ٣٥٠ وخليه يكمل طبخ إلين يستوي من داخل …

    • suha on 3 March, 2011 at 7:04 am

    صباح الخيرر

    كيفك ان شالله بخيرر

    امس دقت في ابل بيز شي مررررة لزيزز

    اللي هوا ديب ال السبانخ والخرشوف بالجبنة

    كيف يتعمل ؟؟؟؟؟؟

      • Top Chef on 3 March, 2011 at 1:58 pm
        Author

      هلا والله …

      أنا بخير دامك بخير إن شاء الله ..

      ديب السبانخ والخرشوف عرفته رهيييييب ..

      ١١٠ جرام تقريبا جبن فيلادلفيا على حرارة الغرفة
      علبة خرشوف معلب مقطعه صغاااار
      فص ثوم مفروم
      ١/٢ كوب بارمزان
      ربع كوب سبانخ مقطع
      ١/٢ كوب ساور كريم
      ١/٢ كوب مايونيز

      سخني الفرن على ٣٥٠ ..

      أخلطي كل المواد مع بعض وحطيها في صحن يدخل فرن وحطيه في الفرن تقريبا نص ساعة أو إلين الطبقة اللي فوق تبدأ تتحمر.

        • Anonymous on 3 March, 2011 at 3:11 pm

        اممم شهيتوني عليه … ايش يتقدم معاه ؟؟؟؟

          • Top Chef on 3 March, 2011 at 3:12 pm
            Author

          هو ديب .. يعني تورتيا مقليه أو قطع توست محمصه أو كراكرز أو حتى خضار مقطعه .

          • suha on 3 March, 2011 at 7:58 pm

          هوا كان جاي معاها ناتسوز

          بس أنا كنت أكلو لوحدو مرة لزيييييييييييييييز
          ما اتخيلت أنو كذا الشبانخ لزيزة لازم تجربي

    • afaf on 3 March, 2011 at 4:40 am

    في الميرانغ الايطالي كم درجة حرارة الشيرة بالمئوي
    يعني هي قبل الغليان او بعده
    لاني سويته مباشره بعد الغليان كبيت الشيره وطلع رهيب

    الحاجه الثانيه
    انا قريت موضوع الباستا في مكان ثاني وكان الاسلوب رائع ومختصر ومليااااااااان وصفات
    السؤال ليش ما نزلت الوصفات في هذا الموضوع ما دام انها جاهزه مجرد نسخ ولصق؟

      • Top Chef on 3 March, 2011 at 5:07 am
        Author

      حرارة الشيرة ١١٥ تقريبا يعني بعد الغليان.

      هو موب مسألة رهيب أو لأ بس لاتنسين مهم إننا نطبخ الشيرة للحراة الصح عشان نعقم البيض وعشان نثبت المرانج.. هذا السبب اللي يخلينا نستخدم مرانج إيطالي ! الثبات و التعقيم يعني ما يحتاج ثلاجه .. لو ما تمت هذي الإثنين وش الفايده إننا نسوي إيطالي ؟

      بالنسبة لموضوع الباستا .. بنزل كل شي إن شاء الله .. بس لازم تعرفين الوصفات ما تهمني !! موب هدفي أبدا من المدونة إني أنزل أكبر عدد وصفات ..

    • Anonymous on 2 March, 2011 at 10:51 pm

    هو ماكان قاسي يعني قاسي قالب كامل بالعكس يوم قلبته ما صار كامل يعني طاح على وجهة هههه”خسارة ليتي صورته لك كان يمكن صار الوصف اسهل

    مو متماسك الجوانب . بعدين المقدار كان على مقاس كوبين بس والاثنين نفس الشي. طيب تتوقع ان حجم الكوب له دخل في الموضوع مثلا ؟؟؟

    الشوكولاتة البيضاء كيف اقدر الونها اصفر واحمر واخضر كذا يعني فهمت علي هالحين ؟؟؟

      • Top Chef on 3 March, 2011 at 12:14 am
        Author

      حجم الكوب .. الفرن وحرارته .. شكل الكوب حتى كلهم لهم دخل .. كيف بتفرق مدري لأني مدري وش المشكلة بالضبط ..

      فاهم عليك إنها شكولاته بيضاء وإنك بتلونينها .. بس وش قصدك بالضبط ؟ قصدك تذوبينها وتلونينها ؟ ولا قصدك تسوينها قوالب وتلونينها ؟ عموما أنا أشوف اللون و الطعم لازم يمشون مع بعض (رأيي بس !) .. يعني لو قصدك مثلا تذوبين شكولاته بيضاء سادة وتحطينها خضراء أحس مدري بس كذا كأنها لعبة تصير .. بس مثلا لو كانت قوالب شكولاتة بيضاء محشية مربى توت مثلا وحطيتي خط أحمر عليها بس كذا ممكن ..

        • Anonymous on 4 March, 2011 at 6:18 am

        شكلك مافهمت الي ابيه بالضبط

        انا هدفي الون الشوكولاتة عشان حفلة اطفال عندي قوالب اشكال وفيها اعواد مثل حلاوة ابو عود وابي احط فيها شوكولاته والونها للاطفال عرفت علي ؟؟؟

          • Top Chef on 4 March, 2011 at 11:14 am
            Author

          يعني قوالب فهمت عليك …

    • Anonymous on 2 March, 2011 at 6:13 pm

    مساء الخير

    اليوم طبقت وصفة المولتن كيك وطلع فاشل جدا لانه اول شي الوجة متشقق والوسط لين بس ماقدرت اقلبه ويوم رجعته الفرن ثاني طلع الوسط متماسك وبعد انقطع من النص يعني نصه انقلب والنص الثاني ثابت في الكوب

    طبعا كل الي قلته بالتفصيل طبقته لكن الفرق الي سويته اني غلفت الاكواب بطبقة من الزبدة وعليها طبقة من الكاكاو البودرة . يا ترى هذا سبب فشلة باعتقادك اولا ؟؟؟ يمكن يكون سبب ثاني درجة حرارة الفرن كانت 180 تقريبا

    سؤال ثاني اذا تسمح لي ابي طريقة الميراج و البتر كريم الايطالي <<فرحانة حدي اليوم وصل الميزان من الامازون يوصل درجة اعلى درجة حرارة فيه 400

      • Top Chef on 2 March, 2011 at 6:43 pm
        Author

      اللي فهمته إن المولتن كان ممتاز بعدين رجعتيه الفرن وخرب وعيا يطلع من القالب .. إذا أستوى المولتن طلعيه مدري عن الوقت … لو ماطلع من القالب دوري ليش يمكن ما دهنتي زبده زييين لأن كل نقطة لازم تكون مدهونة وبزبدة دافيه موب ذايبة … الشكولاته ما أعتقد تخرب المولتن ولو إني أشوف مالها داعي ..

      الميرانج الإيطالي و البتر كريم خليهم بعدين بنزلهم في موضوع مفصل إن شاء الله.

        • Anonymous on 2 March, 2011 at 7:22 pm

        هو ماكان ممتاز لاني حطيت سكين على الجوانب عشان اطلعه لكن لقيت ان المولتن تجمع على السكين عرفت ان الجوانب مازالت لينة تحتاج وقت اطول لكن رجعتها الفرن وصار الوسط متماسك مو سايل مثل ما المفروض يكون الزبدة طرية ماكانت سايحة ولا باردة ورجعت الاكواب الثلاجة لين خلصت من المولتن وحطيته فيها وعلى الفرن ايه صح نسيت اقول ان ما كان فيها قبة مجرد مافتحت الفرن هبطت على طول وكان الوجة متشقق هذا بعد ماعرفت ليش ؟؟؟

        وش الاحتمالات الي ممكن تكون عشان اتحاشاها المرة الجاية

        سؤال جديد وشلون ممكن الون الشوكولاته البيضاء لاني حاولت مرة الونها بالوان على شكل جيلاتين وطلعت كانها نقط وما كان شكلها تمام

        اذا تعرف طريقة اكون شاكرة

          • Top Chef on 2 March, 2011 at 9:37 pm
            Author

          القبة تطلع في الغالب إذا خلطتي بقوة أكثر من اللازم .. هو صار راح تتكون قبة بس موب مفروض تكون كبيرة …

          والله مدري إلى الحين ما شفت شي غريب ؟ لقيتية ما أستوى ورجعتيه ولقيتيه أستوى بزيادة يمكن بس رجعتيه وخليتيه أكثر مما هو يحتاج أو إن الحبة اللي جربتي تطلعينها كانت ما أستوت بس الباقي مستوي. عموما لو كذا قلبته عالصحن موب ضروريه أهم شي لا تطبخينه أكثر من اللازم لأنه بيصير قاسي مره.

          تلونين شكولاته بيضاء ؟ مافهمت ؟

    • Anonymous on 2 March, 2011 at 4:20 pm

    الله يعطيك الف عافيه شيف …
    الله لا يهينك .. ممكن لو سمحت تترجم لى الطريقه لان ترجمه قوقل مافهمت منها شي خصوصا انها تكلمت عن درجه الحراره واهميتها والترجمه تطلع لي ملخبطه 🙁 ….
    http://wendyinkk.blogspot.com/2010/05/swiss-meringue-buttercream.html

      • Top Chef on 2 March, 2011 at 4:42 pm
        Author

      منزل سلسلة مواضيع عن هذا الشي :

      هذا المرانج السويسري:
      http://topchefcooks.com/2011/01/27/swiss-meringue/

      وهذا البتر كريم السويسري :
      http://topchefcooks.com/2011/02/11/swiss-meri/

      وهذا البتر كريم بأنواعه كلها :
      http://topchefcooks.com/2011/02/11/buttercream/

    • Anonymous on 2 March, 2011 at 3:21 pm

    اها
    طيب …يعني لازم احولها للمليلتر؟

    الشيف حاطة صورة وهي تقيس الزيت بالجرام… عشان كذا استغربت..

    هذا الرابط
    http://master-pastry.com/wp-content/uploads/2009/06/make-swiss-roll.pdf

      • Top Chef on 2 March, 2011 at 4:20 pm
        Author

      لا ليش تحولينها ؟ خلاص إذا عندك ميزان أوزني وخلاص ..

    • Anonymous on 2 March, 2011 at 9:53 am

    السلام عليكم توب شيف ..

    انا عندي باذنجان كثير وابغى طبق من عندك غير عن المصقعه والمتبل , اذا ممكن ..

      • Top Chef on 2 March, 2011 at 2:03 pm
        Author

      وعليكم السلام ….

      تقدرين تشوينه وتقطعينه مع أكلات كثير زي الفتات مثلا …

      تقدرين تخللينه لو تبين بعد .

      تقدرين تحطينه مع البيتزا رهيب معها .. باستاتا .. صياني .. يعني الخيارات ما تخلص ..

      عموما لو تبين طبق واحد بس جربي تسوين بارمجانا الباذنجان ..

      البارمجانا سهلة ورهييييييبة بعد هي عبارة عن باذنجان مع صوص طماط وفوقه موزاريلا ..

      أول شي تسوينه هو إنك تقطعين الباذنجان بالطول بحيث يكون عندك شرايح عريضة شوي تقريبا زي الستيك. الحين رشي عليها ملح وفلفل بعدين غطسيها في طحين بعدين بيض بعدين بقسماط مخلوط معه جبن بارمزان .

      سخني شوي زيت زيتون و أقلبي الباذنجان إلين يتحمر الوجهين بعدين حطيه على ورق نشاف ..

      الحين سويي صوص الطماط الأساسي ( إذا ما عندك الطريقة بنزلها قريب إن شاء الله أو دوريها في موضوع الباستا) بعدين حطي شوي صوص على صينية بعدين الباذنجان بعدين شوي صوص فوق الباذنجان بعدين موزاريلا و شوي بارمزان ودخليها فرن ٣٧٥ إلين تذوب الجبنة وتبدأ تتحمر .

        • Anonymous on 2 March, 2011 at 2:13 pm

        يعطيك العافيه ربي يحفظك ..
        ياليت تعطيني طريقة تخليله اذا لذيذ لان ماسبق ذقته 🙂

          • Top Chef on 2 March, 2011 at 6:40 pm
            Author

          الباذنجان المخلل رهيييييب …

          قطعي الباذنجان عيدان زي البطاطس تقريبا بعدين رشي عليها ملح وقلبيها فيه وحطيها في صفاية بلاستك. خليه نص ساعة عشان الملح يشرب الرطوبة الزايدة و المراره من الباذنجان ( لو كان الباذنجان اللي عندك صغير ما يحتاج ) .

          الحين أشطفي الباذنجان بالمويه عشان تشيلين الملح الزايد بعدين حطيه بين منديلين رول وخليه يجف زيييين. الحين سويي سائل التخليل بإنك تخلطين جزأ خل مع جزئين موية يعني لو أستخدمتي كوب خل حطي كوبين مويه. نوعية الخل راجعتلك بس يفضل تستخدمين خل عنب أو تفاح وبعدي عن الخل الأبيض ماله طعم. أغلي سائل التخليل مع ورق غار وشوي فلفل أسود كامل و شوي كزبرة وكمون كاملة بعدين حطي الباذنجان و أطبخيه ٣ دقايق تقريبا. حطي فصوص ثوم في مرطبان نظيف بعدين حطي عليها شوي زيت زيتون بعدين حطي الباذنجان فوقها وبعدين سائل التخليل إلين يوصل لأعلى شي. قفلي المرطبان وخليه على حرارة الغرفة إلين يبرد بعدين حطيه في الثلاجه عالأقل أسبوع يتخلل. كليه في خلال ٣ أسابيع تقريبا .

    • afaf on 2 March, 2011 at 9:24 am

    السلام عليكم
    بالنسبه لتارت الليمون بالميرانغ انت قلت في الحشوه (الكسترد)ثلاث بيضات (كامله)ما ادري اتوقع ان الكاسترد لازم صفار فقط

    الحاجه الثانيه لو عندك طريقه مضبوطه للسكونز

    وجزاك الله خييير

      • Top Chef on 2 March, 2011 at 1:57 pm
        Author

      وعليكم السلام ..

      الكسترد أي خليط من بيض ومنتج ألبان .. فايدة البيض هو إنه يمسك الخليط يعني هو اللي بيثقله (طبعا مع أشياء ثانية زي الطعم و اللون ) .. ممكن عمل الكسترد من صفار بس ، بياض بس ، أو الإثنين ….

      السكونز هنا بستخدم طريقه خلط يسمونها طريقه البسكوت ههه

      سكونز

      كوبين طحين
      ١/٤ كوب سكر
      ملعقتين صغار بيكنج بودر
      ١/٤ ملعقة صغيره ملح
      ١/٣ كوب زبده باااااااااااارده أو ٧٥ جرام تقريبا
      بيضه
      ملعقة صغيره فانيلا
      ١/٢ كوب قشطة خفق + شوي زياده لمسح الوجه

      سخني الفرن ل ٣٧٥ وبعدين غطي صينية فرن بورق بارتشمن

      في صحن أنخلي الطحين و السكر و الملح و البيكنج باودر . بعدين قطعي الزبده صغار وحطيه عليهم . الحين أفركي الزبده بالطحين شوي شوي بدون ما تذوبين الزبده بحراره ييدك . إلين يكونلك كتل زبده حجم حبه الحمص تقريبا

      في صحن ثاني أخلطي القشطه و البيض و الفانيلا . الحين حطي السوائل وحركي شوي بس إلين تنخلط لا تكثرين خلط أبدا !!!

      أعجني العجينه بيدك ٥ أو ٦ مرات بس ! موب أكثر من كذا لاحظي قلت مرات مو دقايق ههههه

      أفردي العجينه لدائره حجمها حوالي ١٨ سم بعدين بقطاعه قطعي دوائر منها . أو لو تبين أفرديها على شكل مربع و أستخدمي قطاعه مربعه وكذا ما يضيع عجين كثير

      حطي اللي تقطعينهم عالصينيه بعدين أدهنيهن بشوي قشطه . وبعدين دخليهم الفرن حوالي ١٥-١٨ دقيقه أو إلين يطلع منها عود نظيف

    • Anonymous on 2 March, 2011 at 8:42 am

    يالله على مواضيع الباستا… الله يعطيك الف عافيه.. خلاص قررت اشتري الة الباستا بإذن الله

    شيفنا ابسألك ليه بعض الوصفات تتكتب المفادير السائلة بالجرام؟ وهل بتطلع مضبوطه لو قستها بالجرام مو بالملليتر؟

      • Top Chef on 2 March, 2011 at 1:52 pm
        Author

      هلا والله …

      الوزن في أي شي دايما مضبوط .. بس السوائل ممكن تنقاس بالأحجام عادي ..

      السبب اللي يخلي بعض الوصفات تنكتب بالوزن هو إن الوصفات حقت الطباخين وخصوصا في الحلويات و الخبز و المعجنات مكتوبة على شكل نسب بالوزن بالنسبة للطحين. يعني مثلا وصفة خبز تلاقينها مكتوبة زي كذا :

      طحين ١٠٠٪
      موية ٧٧٪
      خميرة ١٪

      هذي مثلا وصفة خبز فرنسي .. لاحظي بس مافيه كميات ! لو أستخدمنا ١٠٠٠ جرام طحين نستخدم ٧٧٠ جرام مويه وكذا .. لو كنا نستخدم حجم مستحيل نسوي نفس الشي . إستخدام وصفات زي كذا يسهل عليهم يسوون أي كمية خبز يبون ويكبرون ويصغرون الوصفة بسهولة شديدة .

      السؤال هو كيف بتسوين التحويل من جرام لميللي ميتر ؟ مثلا ٣٠ جرام زيت تساوي كم ملي ؟ كل سائل له كثافة غير (وزن / حجم ) المويه كثافته ١ يعني تقدرين تحسبين كل جرام بمللي بس باقي السوائل صعب.

    • Anonymous on 2 March, 2011 at 8:09 am

    مسا الخير توب شيف
    لما اعمل السويس مارينج تقريبا قد ايش ياخد وقت عشان يوصل لمرحلة منقار الطير
    انا عملت سويس مارينج بتر كريم ونسيت هادي المرحله يعني شلتو من عالنار قبل بس انو كان ابيض (انا شفتو سار ابيض قلت خلاص لازم اشيلو) فسار مرررره سايل وما غيرت الراس حق الخلاط خليته زي ما هوا (الخفاقه)
    حطيتو في التلاجه لأنو جاني احباط بس لما رجعتلها لقيتها سارت تقيله شويه ولما طليت تحتها لقيت كلها مويه ما ادري ليش بس فصلت
    كبيت المويه الزايده وشويه كد بدأت تتكون نقط بيضا وسارت محببه
    ما عرفت اتصرف رميتها
    مررره انعدمت الكريمه و فشلت فشل ذريع مع انها كانت طعمه
    احس انو الكريمات عموما من اصعب الأشياء اللي ممكن تتصلح لو خربت صح

      • Top Chef on 2 March, 2011 at 1:43 pm
        Author

      مساء النور …

      من الموضوع :”نختبر الخليط بإننا نلمس المرانج ، المفروض ما يكون فيه أي أثر للسكر يعني إذا فركنا الخليط بين أصابعنا ما نحس بالسكر و حرارة الخليط مفروض تكون شوي دافيه”. كذا تختبرين الخليط عالحمام المائي.

      بعد ما تطلعينه من الحمام المائي لازم تخفقينه إلين يوصل مرحلة المنقار. بعدين بعد ما يوصلها تبدين تسوين البتر كريم بإنك تغيرين الراس وتحطين الزبده شوي شوي.

      الفصل طبيعي لإنك وقفتي في النص .. أنتي ما كملتي المرانج حقك …

      في الحلويات و المعجمات عموما مافيه طريقة لتصليح الخرابات .. كيكة طاحت خلاص مافيه حل طاحت نفس الشي ينطبق عالتغطيات .

        • Anonymous on 3 March, 2011 at 1:34 pm

        ضروري اغير الراس ما ينفع اقلب بالمبسطه
        لانو ضايع عشان كدا ما غيرتو اول..
        شكرا يعطيك العافيه شيف

          • Top Chef on 3 March, 2011 at 2:02 pm
            Author

          هو أفضل شي .. مبسطة صعب شوي لازم كل شي يكون بسرعة .. و الراس حق الخفق راح تتعلق الزبده فيه ماراح تتوزع زي ما نبغى .

    • ^^ on 1 March, 2011 at 5:09 pm

    يعطيك العافية توب شيف…. ابغي طريقه لكب كيك الفانيلا و كب كيك الشوكوليت بس تكون ما تكون ببودرة الشوكولاة

    • Anonymous on 1 March, 2011 at 4:18 pm

    ممكن طريقة حلاو القطن او غزل البنات؟مشكوووور

      • Top Chef on 1 March, 2011 at 4:30 pm
        Author

      لازم مكينة خاصة ..

Comments have been disabled.

%d bloggers like this: