… Ask me

سيتم إغلاق صفحة الآسك هذي بسبب فتح صفحة جديدة للآسك هنا. ياليت لو يتم تحويل جميع الأسئلة للصفحة الجديدة.

 

شكرا

13,212 comments

Skip to comment form

    • Anonymous on 1 March, 2011 at 3:43 pm

    شيف كيف الرز يجي فيه بكتيريا؟ بعد مايطبخ يعني؟ وش ممكن يصير لاسمح الله؟

      • Top Chef on 1 March, 2011 at 4:30 pm
        Author

      ياليتني ما قلت شي …

      الرز فيه براعم حقت نوع بكتيريا. هذا شي طبيعي الثوم فيه نفس الشي و الهواء فيه و الخبز فيه وكل نوع أكل في العالم فيه بكتيريا وحتى على جلدك فيه بكتيريا..

      البراعم هذي مع الطبخ تنشط وتتحول لبكتيريا بالغة زي ما تقولين هذي البكتيريا إذا قعدت في مكان دافي وقت طويل تنتج غاز يسبب تسمم بس.. الرز لحاله مامنه ضرر .. الرز المطبوخ مامنه ضرر .. لو سخنتي الرز مره بعد ما عندك مشكلة .. بس لو سخنتيه مره بعدين حطيتيه في الثلاجه بعدين سخنتيه ورجعتيه في الثلاجه هنا فيه إحتمال تمرضين. زي ما قلت هي مسألة إحتياط بس موب كل مره تاكلين رز مسخن أكثر من مره بتمرضين…

        • Anonymous on 1 March, 2011 at 6:10 pm

        ههههههههههههههههههههههه

        هذا الي يقولون عليه يا من شرى له من حلالة علة

        يا بطني والله اني ضحكت لين بطني صارت توجعني هههههههههههههههههههههه

        الا على عندي لك سؤال بخصوص الميرانيغ

        اذا حطيت عليه السكر من البداية ولا انتفش زين وش ممكن اسوي فيه يعني وش ممكن استخدمه فيه غير انه ميرانغ <<اعرف اني ممكن اسوي منه ايستنج ويطلع ممتاز لكن للاسف اخوي مسوية ولا كان عنده خلفية ان السكر على دفع وانه لازم ينفش شوي قبل اضيف السكر هالحين يبي استخدام له غير الي قلت لك اذا ممكن طبعا

        وشاكرة لك رحابة صدرك ودمت بود

          • Top Chef on 1 March, 2011 at 6:21 pm
            Author

          كونك حطيتي السكر وخفقتيه خلاص ما تقدرين ترجعين زي ماكان .. كل هذا شرحته في موضوع المرانج الفرنسي إذا إنخفق البيض البروتين يتغير وما يرجع زي ماكان أبدا ! … حتى آيسنج موب شرط يضبط تحتاجين مرانج مضبوط ما يكون محبب هنا. مدري بس جربي تسوين كرات ثلج أو ماكروون هذي يمكن أسلم شي.

  1. طيب عندي سؤال , ليه قلت سلطة ؟ ثم ضحكت !!

      • Anonymous on 1 March, 2011 at 4:25 pm

      وانا برضو ابي اعرف ليش ضحك ههههه قاطة معكم

      • Top Chef on 1 March, 2011 at 4:26 pm
        Author

      هههههههه لا موب قصدي كذا .. بس السؤال من جد ما عرفت وشلون أجاوب عليه ؟ قلت وش تقصد بالضبط ؟ الصوص تحت ولا فوق ولا وشو بالضبط ؟ زي اللي يقول كيف نغلي المويه ؟

  2. شيف عملت صوص السيزر زي ما قلت , طيب اصبه على الخس الأمريكي وايش احط معاه ؟ الخبز كيف طريقته وجبنه البارميجان ابشرها فوقه ؟ هل اضيف دجاج او كيف ؟ ضروري الحين لأني بقدمها

      • Top Chef on 1 March, 2011 at 3:31 pm
        Author

      خس عربي موب أمريكي …

      سلطة ؟ هههه مدري وش أقول ؟ حطي خس في صحن و حطي شوي من الخلطة فوقها وقلبيهم مع بعض وشوفي هل تحتاج زيادة خلطة ولا لأ بس …

      الخبز تقطعين خبز قديم مكعبات وترشين عليه ملح وفلفل و فص ثوم مقطع صغار وتقلبينهم مع بعض . تحطينه في صينية فرق كبيره في فرن ٣٥٠ إلين يتقمر شوي .

      البارمزان أبشريه فوق السلطة أو حطيه شرايح نحيفة مره على راحتك …

      الدجاج ما يحتاج بالعكس أشوفه يخرب السلطة برأيي …

    • Anonymous on 1 March, 2011 at 12:56 pm

    توب شيف امس لقيت وصفه لبتر كريم ايطالى نفس الطريقه العاديه بس استبدال البياض بالصفار … واستغرت !!!! وكمان اضافت معها نوتيلا في الاخير … تهقي تصلح الطريقه اسويها بنفس فكره السويسري بدون شيره لان ماعندي ميزان ؟؟؟

      • Top Chef on 1 March, 2011 at 1:27 pm
        Author

      هذا فرنسي .

      الفرنسي لازم ميزان ولازم شيره .

    • زائره on 1 March, 2011 at 3:29 am

    سلام
    الحين تقول الرز مايقعد في الثلاجه اكثر من يوم ولا يجي فيه دود
    من جد
    طيب والملوخيه ينفع نسخنها من البراد ولا فيها مشكله
    يسلمو

      • Top Chef on 1 March, 2011 at 4:16 am
        Author

      الرز مايجي فيه دود .. هي بكتيريا يعني ما تشوفينها.

      الملوخية ما فيها مشكلة إن شاء الله إلى ٤-٥ أيام في الثلاجه عادي .

    • Anonymous on 1 March, 2011 at 1:20 am

    سلام شيفنا

    وانا افرا وصفة.. فيه شي ما فهمته… ما ادري وش يقصد فيها..
    هذا المكتوب :

    The baking pan I use has a size of 30×33 cm. If
    your baking pan has a different size, you need to
    scale the amounts of all ingredients accordingly.
    For example, if you use a 40×40 cm baking pan,
    you will need to multiply all the amounts with:
    1.6= (30 * 33) : (40 * 40)

    شلون طلعت هالنتيجه 1.6 ووش يقصد فيها ؟وزن جميع المقادير؟

    وشكرا

      • Top Chef on 1 March, 2011 at 4:15 am
        Author

      وعليكم السلام …

      هو حسبها بنسبة وتناسب .. يعني الصينية ال ٤٠ أكبر من ال ٣٠ ب ١.٦ مره … أقسمي ١٦٠٠ على ٩٩٠ ويطلعلك .

      تضربين كل الأوزان بنفس العامل.

    • زائره on 28 February, 2011 at 11:25 pm

    مساء الخير اخوي
    الله ييسر امرك و يحفظك من عيال الحرام وبنات الحرام
    بغيت اسالك كيف ينطبخ الرز البني جربت كم مره ويطلع قاسي وسامج
    هل ننقعه ولا وكم الماء وكيف نخليه نثري مو معجن
    ومشكور اخوي والله ينفع بك ويجزاك خير

      • Top Chef on 1 March, 2011 at 4:12 am
        Author

      مساء النور و السرور …

      الرز البني زيه زي الرز العادي بالضبط .. لازم بس تعرفين وقت الطبخ المطلوب ونسبة المويه هذا أهم شي. النقع و الغسل موب السبب في فشل أو نجاح الرز.

      كمية المويه للرز في الرز البني ، جزئين ونص إلى ثلاث أجزاء مقابل كل جزأ مويه .. يعني لو حطيتي مثلا كوب رز حطي كوبين ونص إلى ثلاث أكواب سائل. كم بالضبط محد يعرف كل رز غير وعمر الرز بعد بيفرق .. جربي أول مره بكوبين ونص مثلا وشوفي إذا لقيتيه ناشف شوي المره الجايه زيدي وكذا إلين تتعلمين نوعية الرز حقك كم يبيلها تقريبا.

      حطي السائل المستخدم مع الرز و كل شي تبين ثاني بالضبط زي أي رز في قدر وخليه يوصل غليه . بعدين غطي القدر زييين وطفي النار وحطي القدر في فرن مسخن على ٣٥٠ حوالي ٤٥ – ٥٠ دقيقة أو حسب ماهم كاتبين عالكيس. خليه يرتاح ١٠ دقايق عالأقل بعدين فكي الغطاء وكليه .

    • Anonymous on 28 February, 2011 at 7:57 pm

    ممكن طريقة للربيان تكون صينية ما تفرق معاي اي شي المهم لذيذة

    وبالنسبة للرز الصيني نستعمل رز طويل الحبة او قصير الحبة انا شفت طريقتك في شمواه والرز ما يتكسر لم يتقلب وهو بارد؟

    وياريت كمان طريقة شوربة الذرة الصينية اللي فيها بيض

      • Anonymous on 1 March, 2011 at 5:17 am

      اذا ممكن تجاوبني عشان الغداء

      • Top Chef on 1 March, 2011 at 1:23 pm
        Author

      هلا والله …

      هذا الربيان بالكاجو وممكن تسوين نفس الشي بلحم أو دجاج :

      الصوص :

      1/2 كوب مرق دجاج
      ملعقتين صغار نشا
      1/4 كوب صوص هويسان
      ملعقتين كبار صويا
      ملعقة صغيرة زيت سمسم .

      أخلطي المقادير مع بعض وخليها عالجنب .

      للطبخة :

      كوب كاجو غير مملح
      ملعقتين كبار زنجبيل مفروم
      فصين ثوم مقطعه
      3 أكواب خضار مشكلة حسب الرغبة
      تقريبا 350 جرام ربيان مقشر ومنظف

      سخني مقلة كبيره على حرارة عاليه ، حطي شوي زيت و أقلي الكاجو مع الثوم و الزنجبيل إلين تطلع ريحتهم تقريبا 30 ثانية . حطي الخضار و أقلبيهم شوي بعدين حطي شوي مويه وغطي القدر . خليه يطبخ إلين الخضار تصير مستويه بس لسا تقرمش شوي تقريبا 3 دقاق . حطي الربيان و الصوص وخليهم يطبخون إلين يقلب الربيان برتقالي ويثقل الصوص شوي . بس …

      ——————————————————–

      الرز الصيني أي واحد بالضبط اللي تقصدين ؟ هل تقصدين الرز الصيني العادي المطبوخ بالبخار ؟ ولا تقصدير الرز المقلي ؟

      ——————————————————

      الشوربة :

      ٣ أكواب مرق دجاج
      علبة ذرة حجمها ٢٥٠ جم اللي يكون مكتوب عليها كريمد creamed corn تلاقينها في السوبرماركت.
      علبة ذرة كاملة
      كوب دجاج مطبوخ ومقطع
      ملعقة كبيره نشا
      ملعقتين كبار مويه
      بياض بيضتين
      بصل أخضر

      حطي المرق و الذرة المطحونه و الذرة الكاملة و الدجاج في قدر و خليهم يطبخون على غلية خفيفه . أخلطي النشا و المويه مع بعض بعدين صبيهم على الشوربة و خليهم يطبخون إلين تثقل ويروح طعم النشا . ذوقي الشوربة وعدلي الملح و الفلفل (فلفل أبيض) و السكر لو أحتاجت. أخفقي بياض البيض شوي بعدين حطيه عالشوربة و أطبخيها إلين تبدأ تطلع زي الرغوة عالشوربة .. وبس

    • Top Chef on 28 February, 2011 at 5:41 pm
      Author

    هلا والله…

    هو ما تقدرين تسوين بطاطس زي المقليه بالضبط بالضبط هذي شي وهذي شي ..

    جيبي بطاطس وقطعيه بالشكل اللي تبين …

    الحين صبي عليه زيت زيتون أو زبده ويفضل زبده أو عالأقل أخلطي شوي زبده معه عشان يصير يقرمش و يتلون ذهبي . بعدين قلبيه مع الدهن ورشي عليه ملح وفلفل و أي بهارات أو أعشاب ثانيه تحبين .. الروزماري و الثوم رهيبين مع البطاطس …

    حطي البطاطس في صينية فرن وخليهم مفرقين عن بعض . شغلي الفرن على ٣٧٥ من تحت وبعد ما يحتر حطي البطاطس إلين يقلب الوجه الأول ذهبي بعدين أقلبيه إلين يستوي الوجه الثاني

    • 7elm.. on 28 February, 2011 at 4:59 pm

    يعطيك العافية توب شيف .. بليز ابغى طريقة لشوي البطاطس فالفرن سواء أصابع أو حلقات ويكون محمر ولذيذ زي المقلي بالزيت … سويته اكثر من مرة .. مرة طلعت أطرافه نااااشفه كأنه نايلون وبالقوة ينوكل لأني تركته يتحمر .. ومرة ثانيه طلعته قبل لا يتحمر وطلع كأنه مسلوق ..

    • Anonymous on 28 February, 2011 at 2:58 pm

    أو هل ممكن أعمل ميني كب كيك و أعمل جاناش شكولاتة بيضاء مطعمة بالراسبري ؟

    • Anonymous on 28 February, 2011 at 2:52 pm

    شف عندي راسبري توت العليق الأحمر مثلج
    ابغى وصفة تكون واضحة فيها طعم التوت

    فكرت أعمل ميني كوب كيك بيتي كروكر هل ممكن اخلط التوت معه ؟
    واغطها بشوكولاتة بيضاء اش رايك ,, أدري يمكن متعجبك ,, لكن أنا بعملها هدية والناس تعجبهم هالحركات

    أو إذا عندك فكرة ثانية يطلع فيها طعم الرازسبري

    عندي سؤال جدا مهم اليوم اكتشفته ,, حسيت ان الطبخ عالم
    عملت فول اخضر مطبوخ لكن مااحب التقليدي يعني ثم و كزبرت لازم مع الفول
    حطيت فلفل اسود ,, بهارات أحس في شي ناقص حسيت انه لو نعرف كيف نستخدم البهارات أو كيف نظهر طعم الخضار حسيته علم ! م شي سهل ابدا !

    اخرى جبنة مسكربونه ,, اش هي ؟ أنا اكره شي اسمه كر ولافشكيري وأنواع الجبن السايل ,,, احسها عفريت

    بس جزاك الله خير

      • Top Chef on 28 February, 2011 at 3:35 pm
        Author

      هلا والله …

      توت مثلج يعني مفرز قصدك الظاهر ؟ عموما في مثل هذي الحالة أي تطبيق يحتاج إنه يحافظ على شكله كنسلي عليه كون الشكل بعد التذويب بيتغير …

      ليش ما تعجبني ؟ بالعكس فكرة جدا رهيبة .. التوت الأحمر رهيب مع الشكولاته الغامقة و البيضاء وخصوصا مع البيضاء تكون رهيبة معها. بس اللي يمكن ما يعجبني هو فكرة إنك تغطين الكب كيك بالشكولاته صراحة شكله يكون كيف أشرحلك تعيس كذا الشكولاته تجيك ما تلمع وملامح الكب كيك كلها ما تبان لو شفتيها غير إني ما أشوفها بتفرق كثير في الطعم. خلي تغميس الأشياء في شكولاته لتطبيقات ثانيه .. مثلا لو سويتي سكونز أو كوكيز هنا ممكن حلو إنك تغمسينها بشكولاته ذايبة. مدري هو شي شخصي ما يعجبني بس لأني أشوف فيه أكثر من طريقة توصلين لنفس النكهة أو أحسن بعد وبنفس الوقت شكل حلو.. مثلا لو سويتي تغطيه جاناش بشكولاته بيضاء و شكلتيها بقمع عالكيك بيكون أجمل بألف مرة .. لو بعد سويتي بتر كريم عادي وطعمتيه برازبري بيعطي نفس الطعم. مفن بعد ممكن .. بانكيك بعد ممكن لو تبين .. وافل و فرينش توست بعد ممكن وتقدرين تسوين منها كوليه وتحطينه على ألف شي ثاني بعد زي تشيز كيك مثلا ..

      الرازبري حلو بعد مع الأطباق المالحة زي السلطات أو صوصات لطيور زي البط و الحمام.

      بخصوص الفول .. أنتي شرحتي بالضبط الإبداع و الفن و الخبرة في الطبخ … تطبيق وصفه بالحرف ما أشوف إنه فن صراحة خطوات وتمشين عليها وين النفس ووين الفن في الموضوع ؟ مفروض إذا الوصفه مكتوبه صح ومافيه عوامل خارجة عن إرادة الواحد إنها تضبط ! مافيها لا فن ولا نفس ولا هم يحزنون … الفن هو زي ماقلتي … كيف تذوقين وتفكرين وش يمشي هنا ووش ما يمشي .. للأسف هذا الشي الوحيد اللي ماله معادلات أو طرق تدرسينها .. هذا شي الواحد يتعلمه بنفسه. وكل ما طبخ أكثر كل ماصار أحسن فيه … شي ثاني بعد وهو إن هذا الكلام عام على كل النكهات موب بس الأشياء اللي في دولاب البهارات ! كثير أكلات مافيها بهارات أبدا هي تعتمد على جودة المكونات وكيف تنطبخ صح بس .. مثلا الدجاج المسلوق يمشي مع نكهات غير الدجاج المشوي .. لاحظي مافيهم بهارات ! دجاج مشوي مقابل دجاج مسلوب إختلفت بس طريقة الطبخ .

      الماسكاربوني جبن كريم إيطالي .. هو تقريبا أقرب شي له الفيلادلفيا .. بس الماسكاربوني أحلى و أنعم و أدسم منها .

        • Anonymous on 28 February, 2011 at 6:31 pm

        جزاك الله خير

        اجابة وافية تمام

        اذا الكب كيك ينخلط مع راسبري وفوقه جاناش ,, هو الكب كيك حجمه صغير جدا

        أنا قرأت الجاناش لكن سؤالي على فرض شوكولاتة بيضاء 5 اجزاء وجزء كريمة هذه بس للتغطية ولا تنفع اشكلها بقمع ؟

        طيب كم نسبة الراسبري للكرمت والشكولاتة ؟

          • Top Chef on 28 February, 2011 at 6:42 pm
            Author

          5 أجزاء شكولاته بيضاء لكل جزأ كريمة هذي بتعطيك جاناش ثقيل ماينفع ينخفق بس ينفع يتسوى فيه طلاء أو جليز.

          أنتي وش نوع الجاناش اللي تبين تزينين الكيك فيه ؟ الجاناش الخفيف ممكن تستخدمين فيه قمع وتشكلين فيه أشكال وكذا .. أو تقدرين تسوين جاناش مخفوق بعد وتسوين نفس الشي .. لو بتسوين جاناش ثقيل هذا ينصب عالكيك وهو حار وبيسويلك زي الجليز .

          نسبة الراسبري ما أعرف .. أهرسيها شوي وحطي وذوقي . حسب أنتي كم تبين قوتها تكون .

    • Anonymous on 28 February, 2011 at 10:32 am

    مساء الخير شيف …
    ممكن تعطينا طريقه ديب مميز يتقدم مع الشيبس ؟؟؟؟

      • Top Chef on 28 February, 2011 at 11:19 am
        Author

      والله مع شبس ما أدري .. ما أحس يحتاج وصراحة ماقد جربت شي وطلع شي يستاهل.

    • Anonymous on 28 February, 2011 at 7:06 am

    شيف انا سبق سالتك عن خل العنب الابيض …
    ولقيت في وصفه ثانيه red wine vinegar يعني هذا خل العنب الاحمر !!!
    ويعطيك الف عافيه غلبناك معانا … بس ماممعنا الا الله ثم انت نسالك عسى الله يجزاك الجنه …

      • Anonymous on 28 February, 2011 at 8:12 am

      وشيف هل يقوم واحد منهم مقام الاخر ولا لازم اشتريهم الاثنين

      • Top Chef on 28 February, 2011 at 11:19 am
        Author

      إيه هذا خل عنب أحمر …

      يقوم مكان الثاني ولا لأ .. حسب .. بس عموما لأ لأن كل واحد له طعم مختلف تماما عن الثاني وهو في النهاية نكهة زي ما إني أشتري فلفل حار وفلفل أسود بس مافيه أحد يحل محل الثاني هذا غير وهذا غير،

      • Anonymous on 28 February, 2011 at 3:10 pm

      هههههه أختي كانت جايبتلنا من أمريكا صوص للسلطات بعد ماخلص باقي معلقة فيه كلنا خلنا نشوف مكوناته ,, انصدمنا لن فيه red wine vinegar

      و جلنا خلاص كبوه حرام ههه

      طلع خل عنبـ زين اللي عرفنا والله العلم نور

    • Anonymous on 28 February, 2011 at 6:07 am

    سلام شيفنا … يعطيك العافيه

    فيه وصفه فيها مقادير بيض ,وصفار بيض بالجرام والاونصه… تدري كم تساوي من حبه ؟وشكرا

    Egg 200 g – 7 oz
    Egg yolk 40 g – 1.4 oz

      • Top Chef on 28 February, 2011 at 11:16 am
        Author

      والله حسب الدقة المطلوبة أحيانا لازم تمشين بالوزن وبعد حسب حجم البيضه .

      عموما عندنا هنا في كندا .. البيض المقاس الكبير وزنه ٥٠ جم بدون القشر . ٣٠ جرام بياض و ١٨ جرام صفار

    • Anonymous on 28 February, 2011 at 2:27 am

    شيف بغيت أسأل عن حشوة جوز الهند للحلويات .. هي تقريبا تشبه حشوة الرافاييلو … كيف أقدر أسويها فالبيت ؟

      • Top Chef on 28 February, 2011 at 11:13 am
        Author

      أنا سويتها حشوة ماكرون بكسترد .

      تفضلي :

      كوب سكر
      ١/٣ كوب نشا ذرة
      كوبين حليب
      علبة حليب جوز هند تقريبا ٤٠٠ مل . أقصد هنا العلب المعدن تلاقينها في السوبرماركت موب البودرة .
      ٦ صفارات بيض

      أغلي الحليب وحليب جوز الهند إلين يوصل شبه غليه بس .

      وهو يغلي أخفقي السكر مع النشا وصفار البيض وحركيهم إلين يصير لون الصفار أصفر باهت .

      الحين صبي الحليب الحار على خليط الصفار شوي شوي في البدايه بعدين كبيه كله مع التحريك طبعا .

      رجعي الخليط للقدر و رجعيه على نار هاديه مع التحريك المستمر إلين يغلي .

      بعد ما يغلي خليه دقيقه تقريبا يطبخ عشان يروح طعم النشا بعدين شيلي الخليط وصفيه بصفايه على صحن معدني .

      حطي الصحن المعدني بحمام ثلجي إلين يبرد الخليط تماما بعدين حطي طبقه نايلون على الوجه وحطيه في الثلاجه ٤ ساعات على الأقل

  3. شيف تسلم يدينك عملت السمكات ملح وفلفل وكمون وكزبرة ناشفة ومع الطحين والنشا ثوم باودر وبابريكا ثم قليته .. ولا أروع يا بطل .

      • Top Chef on 27 February, 2011 at 5:47 pm
        Author

      بالعافيه على قلبك .

    • Anonymous on 27 February, 2011 at 1:55 pm

    http://www.eb6ainiya.com/wp-content/uploads/2010/12/IMG_2991-630×420.jpg

    هذا دجاج كندو وهو قطع دجاج من غير عظم في صوص ثقيل وفيه حلاوة شوية مرشوش بالسمسم

    وقدرة قادر

    عبارة عن كريم كرامل في الاعلى وكيك في الاسفل تكون خليط واحد وتنفصل في الفرن ومنها جا الاسم

    http://www.palvoice.com/forums/showthread.php?t=216829

    هذه واحدة من الطرق

    انا كنت بدي اعرف لو لها اصل في الحلى لانها مو داخلة مزاجي احسها تخبيص

    وبدي اعرف في النهاية كمان كيف طعمها

    واذا ممكن فاكرة انك نزلت طريقة الميلفي بس مو عارفة الاقيها ولو ممكن تعطيني طريقة الكسترد اللي فيها بالتفصيل لو سمحت

      • Top Chef on 27 February, 2011 at 3:51 pm
        Author

      أهااااا ….

      هذا يسمونه هنا جينيرال تسو .. هههه ذا الصينيين على كيفهم الظاهر ..

      والله الكيكة هذي مدري عنها صراحة ماقد شفتها أو سمعت عنها …

      الملفيه :

      6صفارات بيض
      ٣/٤ كوب سكر
      ٦ ملعق كبيره نشا
      رشه ملح
      ٣ أكواب حليب كامل الدسم
      عود فانيلا أو ملعقة كبيره فانيلا سايله . طبعا أي نكهة تنفع محد قال إنه بس فانيلا .

      أبدي أول شي بإنك تسخنين الحليب مع عود الفانيلا لو بتستخدمينه . لو منتب مستخدمه عود لا تحطين الفانيلا الحين . سخني الحليب إلين يبدأ يغلي بس يعني تبدأ تطلع بلالين عالجنب .

      الحين والحليب يغلي أخفقي صفار البيض مع السكر والملح بقووووه إلين يصير فاتح . بعدين حطي النشا وأخلطيه معهم شوي .

      بعدين أبدي صبي الحليب بالتدريج .. أول شي طبعا تصبين ملعقة كبيره وتخلطينها زين .. بعدين ملعقة ثانيه وتخليطينها زين .. وكذا …. بعد ما تبدين تحسين إن خليط البيض صار شوي دافي حطي كل الحليب مره وحده و أخلطيه زييييين .

      الحين رجعي الخليط لقدر نظيف وأطبخيه على حرارة هاااااااديه وطول الوقت تقريبا حركيه بالخفاقه حقت البيض لاتوقفين فترات طويله ولا راح يتكتل عليك وتكرهين نفسك . أول ما يبدأ يغلي خليه حوالي دقيقتين عشان تشيلين طعم النشا منه . بعدين علطول أنقلي الخليط لصفايه وصفيه زين كونه يمكن يكون فيه كتل .

      الحين عشان خطر تسمم .. حطي الصحن اللي فيه الكسترد الحار في حمام ثلجي وحركيه من فترة لفترة . مهم جدا إنك تبردين الكسترد بسرعه عشان كذا نستخدم حمام ثلجي . بردي الكسترد بعدين أنقليه للثلاجه وغطيه بنايلون بس يكون على وجه الكسترد موب عالصحن بس عشان ما يطلعلك قشره بعدين . خليه يبرد زييييين قبل تستخدمينه

      هذا اللي فوق هو الكسترد حقه ….

      القشرة تسوينها من بف بيستري . تفردين البف بيستري عادي بعدين تخرمينها بشوكه . حطيها على صينية ودخليها الفرن حسب الحراره المكتوبه على علبه البف بيستري و أطبخيها إلين تبدأ تتلون بس . خليها تبرد بعدين حطي الكسترد ( بعد ما يبرد طبعا ) فوق القشرة .

      آخر شي التغطيه أو الفوندانت حقها :

      كوب سكر بودره
      ملعقتين كبار زبده مذوبه ومبرده
      ملعقتين كبار حليب
      رشة ملح
      ملعقتين كبار شكولاته بودره …

      تخلطين الزبده مع السكر و الحليب بخلاط إلين يكونلك خليط سايل . الحين خذي ربع الخليط و أخلطي معه الكاكاو .

      أدهني الوجه الأخير حق الملفيه بالفوندانت . بعدين سويي خطوط بالعرض بالفوندانت الشكولاته .آخر شي بسكين وصلي بين الخطوط العرضيه عشان تعطيك الشكل المعروف حق الملفيه .

      بس هذا الملفيه ….

      خليه يبرد في الثلاجه يمكن نص ساعة قبل تاكلين عشان تتمازح النكهات .

      ——————————————-

      الدجاج …

      الصوص :

      ملعقة صغيرة زيت سمسم
      ٤ ملاعق صغيرة نشا
      ٤ ملاعق صغيرة سكر
      ٥ ملاعق صغيرة خل رز
      ٦ ملاعق كبار صويا خفيفه
      ١/٢ كوب مويه

      للدجاج :

      نص كيلو صدور دجاج
      بيضه
      ملعقة كبيره نشا

      باقي الأغراض

      فلفل حار أحمر حسب الرغبة
      ملعقة كبيره زنجبيل
      ٣ فصوص ثوم مقطعه صغار
      ٤ حبات بصل أخضر
      سمسم

      ————

      أخلطي مقادير الصوص وحطيها على جنب …

      الحين أخلطي النشا مع البيضه و قلبي الدجاج فيهم .

      سخني الزيت و أقلي الدجاج إلين يصير يقرمش من برا ..

      طلعي الدجاج وحطيه على ورق عشان يشرب الدهن … وكبي أغلب الزيت وبقي بس شوي عشان نطبخ الفلفل و الزنجبيل و الثوم ..

      الحين أطبخي الزنجبيل و الثوم و الفلل إلين تطلع ريحتهم شوي بعدين شيليهم لو ما تبين طعمها قوي …

      رجعي الدجاج و صبي الصوص عليه و أطبخيه معه شوي بعدين طفي النار و رشي حلقات البصل الأخضر و السمسم .

        • Anonymous on 27 February, 2011 at 4:55 pm

        مشكور

        طيب لو كنت بدي اسويها قطع صغيرة لكل واحد اسهل من التقطيع اقطعها قبل الخبز صح؟

        وكمان لو بدي اسويها لمناسبة ثاني يوم هل تخرب لو سويتها من الليل؟

          • Top Chef on 27 February, 2011 at 5:46 pm
            Author

          تبين تقطعينها بعد الخبز أو قبله ما يفرق كثير .. لو قطعتيها قبل الخبز حاولي بسرعه كون العجينة بتذوب و أنتي تقطعين فيها ..

          لو بتسوينها قبلها بفترة ما ينفع تركبين كل شي . سويي القشرة و الكسترد قبلها بيوم بس ركبيهم على بعض قبل الأكل بكم ساعة بالكثير .

    • Anonymous on 27 February, 2011 at 12:34 pm

    الله يجزاك الجنة ووالديك
    شلون طريقة سندويتشات كودو وياليت بالتفصييييييييييييييييييييل خطوة خطوة

      • Top Chef on 27 February, 2011 at 3:41 pm
        Author

      هلا والله …

      والله قلتها كثير و أرجع أقول .. تقليد مطعم معين موب فايدك شي … دايما في التقليد الواحد ينسى إنه يدور طعم أحسن ويبدأ يدور أقرب طعم للمطعم …

      المطاعم كونها مطعم ما تعني إن اللي تسويه أطعم شي ممكن ؟! ليش أقلد مثلا همبرجر ماله أي أي أي طعم زي حق ماك ؟؟؟ المطاعم ما يسوون أكلهم لأنه أطعم هم يسوونه لأنه أرخص ولأنه سريع وعملي هذا اللي يهمهم …

      عموما بالنسبة لكودو صراحة ماقد هضمته .. وأشوف أي شخص يقدر يسوي أحسن بمليون مره ..

        • Anonymous on 27 February, 2011 at 4:17 pm

        الله يجزاك خير طيب عطني طريقة تكون الذ منه 🙂
        انا عيالي ماياكلون الا هو وابي اعرف طريقتهم >>انا مييييييييييح في معرفة مكونات الاكل عشان كذا ابي اعرف

          • Top Chef on 27 February, 2011 at 5:40 pm
            Author

          أوكي .. وش ما ياكلون بالضبط ؟

        • Anonymous on 28 February, 2011 at 1:35 am

        يعني لو بيدهم كان غداهم كل يوم سندوتشات كودو
        فـــ لو تتكرم تعطيني طريقة مقاربة لطعمه لاني ابيه شغل بيت اضمن

        وجزاك الله خير

          • Top Chef on 28 February, 2011 at 11:09 am
            Author

          هو كان قصدي ساندوتش دجاج غير ..

          عموما تبين شي زي الكودو .. شوفي موضوع الفهيتا هنا :
          http://topchefcooks.com/2010/12/03/skirt-steak-fajita/

          سويي التتبيلة هذي وتبلي الدجاج فيها …

          بعدين طلعي الدجاج ونشفيه بمنديل زيييييين . الحين سخني أكبر مقلة عندك على أحر شي وخليها تسخن شوي بعدين حطي شوي زيت و صدور الدجاج بدون أي تحريك إلين يتلون الوجه الأول وبعين الوجه الثاني. أقطعي حبة دجاج من النص عشان تتأكدين إنها أستوت وإنه مافيها لون وردي بعدين شيلي الدجاج وخليه يرتاح شوي.

          الحين سويي خلطة الفلفل بالضبط زي ما سويت في الفهيتا.

          جيبي خبز يكون لذيذ .. لو عندك وقت وقدرتي تسوين خبز البرجر اللي نزلت بيكون رهيب هنا بس سوي على شكل زي الصامولي موب شكل برجر. بس زي ماقلت الخبز مهم.

          أدهني الخبز من داخل بشوي مايونيز أو أحسن بعد ساور كريم . بعدين حطي خسة . قطعي الدجاج و أخلطيه مع حشوة الفلفل و البصل و أحشي الساندوتش فيهم .

    • gh on 27 February, 2011 at 11:45 am

    الكوكيز ممكن أفرزنه بعد الطبخ ؟

      • Top Chef on 27 February, 2011 at 12:09 pm
        Author

      هنا فيه كل شي :

      http://www.shamoa.com/vb/showthread.php?t=31588

  4. السلام عليكم
    ماشاء الله من افضل المدونات العربيه في هذا المجال
    اتمنى انو يستمر العطاء و نشوف اكثر من باب الشغف و الحماس
    ويعطيك العافيه

      • Top Chef on 27 February, 2011 at 12:08 pm
        Author

      وعليكم السلام و الرحمة ..

      حياك الله أخوي سلطان … ومشكور على كلامك …

      الشغف و الرغبه موجوده .. بس مين يلاقي الوقت والله هو المشكلة .

    • Anonymous on 27 February, 2011 at 7:29 am

    وش الحل مع السكر البني اذا جمد

      • Top Chef on 27 February, 2011 at 12:06 pm
        Author

      هو بالعاده مفروض ينحط في علبه تتقفل بإحكام مع السيراميك حقه كذا ينباع زي الحجر حق حفظ السكر البني . الحجر هذا تنقعينه في مويه شوي بعدين تحطينه مع سكر متكتل وبيفك .. حل ثاني إنك تحطين قطعه خبز أو تفاح بس لازم تغيرينهم كل كم يوم .

    • Anonymous on 27 February, 2011 at 5:44 am

    اذا ممكن طريقة دجاج الكندو الصيني

    وكمان بدي اسالك عن رأيك في كيكة قدرة قادرة هل ذقتها قبل كدا ؟

    وايش تفسيرك لانفصال خليط الكيك عن الكريم كراميل؟

    ولو عندك وصفة مضمونة لها اكون شاكرة

      • Top Chef on 27 February, 2011 at 12:04 pm
        Author

      والله للأسف ما أعرف الكيندو .. مدري وشو أصلا ؟ لو تعطيني وصف شوي للطعم و الشكل يمكن أقدر أساعدك …

      وكيكة قدرة قادر بعد أول مره أسمع فيها …

    • Salma on 26 February, 2011 at 4:44 pm

    http://www.hayah.cc/forum/imgcache/46457.png

    • Salma on 26 February, 2011 at 4:41 pm

    اهلا شيف
    انا اقصد الي كذا
    http://www.qaym.com/image/1975/8053.jpg

    اتوقع مشوية اهي

      • Top Chef on 26 February, 2011 at 9:15 pm
        Author

      أها .. هذي بطاطس بالفرن عاديه ..

      سهلة مره .. أغسلي البطاطس زين . بعدين خرميها في كذا مكان بالشوكة . الحين رشي عليها شوي زيت وشوي ملح وحطيها في فرن ٣٧٥ بس إلين ما تدخل فيها شوكة بسهولة بس ..

      لو تبين بعدين أحشيها على كيفك .. سوي علامة + بالسكين من فوق بعدين أفتحيها وحطي الحشوة اللي تبين زبدة ، جبن ، ساور كريم أو أي شي ثاني تبين ..

    • Anonymous on 26 February, 2011 at 4:39 pm

    هلا والله ..
    شكرا لك توب شيف على جميع وصفاتك اللذيذه لكن عندي سؤال عن حشووة البتي فور زي حقت المحلات بحثت عنها لكن ما شفت شي اكثر الناس تحشيها بمربى او شوكلت قلت مالها الا توب شيف …
    ويعطيك الف عافيه

      • Top Chef on 26 February, 2011 at 9:13 pm
        Author

      هلا والله ….

      والله ما أعرف الصراحة .. ما أتذكر قد ذقت بيتي فور من محل ..

  5. شيف البيض مقطع انصاص , كانت الطباخة بتستخدمه كزينة فوق الرز وما جو الضيوف وصارت الكمية كبيرة , ممكن تنحفظ ولا لا ؟

    وإذا عندك طريقة لعيش السرايا هات مشكوراً

      • Top Chef on 26 February, 2011 at 2:35 pm
        Author

      تقدرين تفرزينه .. بس ما أشوف إنها تستاهل صراحة .. لها ألف إستخدام .

      تقدرين تقطعينها صغار وتسوين فيها سلطة بيض .

      تقدرين تقطعينها وتسوين منها صوصات وخلطات سلطة كثير زي صوص الثاوسند آيلند مثلا .

      تضيفينها مع أي شي من باستات و رز وصياني وغيرها .

      يمديك حتى تخللينها على ما أعتقد ..

      تقدرين بعد تسوين فيها مقبلات رهيبه يسمونها ديفلد إجز .. شيلي الصفار من الأنصاص و أهرسيه شوي . بعدين حطي عليه شوي مايونيز و كراث مقطع صغاااار وشوي ملح وفلفل أبيض و خردل ديجون شوي بس .. أهرسيهم زين بعدين أرجعي صبيها داخل البيضه .. رشي شوي بابريكا عالوجه وقدميها كطبق مقبلات .

    • Salma on 26 February, 2011 at 11:08 am

    هلا شيف .. زي بطاطس لندن اذا تعرفه

      • Top Chef on 26 February, 2011 at 2:28 pm
        Author

      بطاطس لندن قصدك مطعم معين ولا قصدك التشبس اللي مع السمك حقهم ؟

    • كوكيزة on 26 February, 2011 at 8:26 am

    اطلعت على موضوع الكوكيز وسويت طريقة الكوكيز اللين .. جيدة لكن مشكلتها فيها نفشة من داخل زي الكيك والمشكلة الثانية إني ممكن أستمتع بأول حبة وحبتين .. بعدين أحس بالشبع وتنسد نفسي عن الباقي

    أبي أعدل على الطريقة بحيث أحصل على الصفات التالية :
    – لين
    – من داخل ما أبي فيه نفشة زي نفشة الكيك .. يعني ما يكون فيه فراغات كثيرة وكبيرة من داخل وبنفس الوقت لين ومستوي
    – وزنه ثقيل ومش خفيف
    – آكل منه إلى ما لا نهاية بدون ما أحس بالشبع

    كيف ؟

      • Anonymous on 26 February, 2011 at 9:40 am

      ههههههه يعليك شرووط !!!!!!!!! الله يعينك شيف ؟؟

      • Top Chef on 26 February, 2011 at 2:27 pm
        Author

      ههههههه من جد الله يعينني …

      والله الصراحة مدري … الكوكيز ماكان منفوش .. ولا كان فيه فتحات كبيره أصلا لأن الكوكيز عمره ما يجي كذا ولا كان بعد زي الكيك .. وزنه ثقيل ولا خفيف هذي مازلت أحاول أفك شفرتها صراحة .. أما الأخيره هذي اللي صدق مدري وش أقول لأني مدري وش اللي يخلي شخص ينغث من أكله ؟ الكوكيز كلها دهن وسكر طبيعي تنغثين لو كانت كبار ؟

      على ما أعتقد تبين كوكيز زي حق العلب .. لين بس أقرب للبسكوت منه للكوكيز .. هذا مصنوع من مارجرين ويمكن هذا اللي يخليها ما تغث .. سكر أقل و كمية طحين لزبده أكبر وهذا يخليها موب كذا ثقيلة على قولتك …

        • كوكيزة on 26 February, 2011 at 2:49 pm

        شكرًا للإجابة
        المشكلة في بالي كوكيز معين ينباع في أحد المحلات وهذي مواصفاته
        فأبي أوصل لنفس الطعم والمواصفات
        ينفع أستبدل جزء من الطحين بالسميد ؟
        لأني أحس الكوكيز هذا فيه طعم مكوّن غير الدقيق العادي
        ممكن سميد أو بسكوت مطحون

          • Top Chef on 26 February, 2011 at 3:33 pm
            Author

          جربي وشوفي … مع إني أستبعد لأن السميد لو إنحط ماراح يـأثر على قوام الكوكيز ككل هو بيكون زي قطع تقرمش داخله بس .. بس جربي وشوفي يمكن تكتشفين شي جديد …

    • زائره on 26 February, 2011 at 4:09 am

    شيف الله يجزاك الجنه ويحرم والديك عن النار عندي كم سؤال
    تعرف المحمره الي تجي مع المقبلات وهي جبن حار ولونه احمر شوي كيف اسويها
    2 ابي اسوي اسياخ كباب واسباخ اوصال دجاج بدون عظم واشويها كيف ووش الجزء المناسب من الدجاج وبايش اتبلهم
    3سؤال محششين شوي بس تحملني
    تعرف القريض هو شي زي الحمص بس ناشف يجيبونه اهلنا لا راحوا للعمره وحنا صغار زي المكسرات كذا
    هل يمديني اسوي منه قريض بتر على وزن بنت بتر ولا لا واذا ايه كيف واذا لا ليه
    وسوري ع الاطاله

      • Top Chef on 26 February, 2011 at 5:22 am
        Author

      هلا والله …

      آآآمين وياك و الجميع إن شاء الله ..

      المحمره مالها علاقة بالجبن .. هذي فلفل .. المحمرة تسوينها بإنك تشوين فلفل أحمر بارد على عين الغاز أو في الفرن إلين يقلب أسود من برا بعدين تقشرينه بعدين تحطينه في الخلاط مع جوز و شوي ليمون ودبس رمان و ثوم وملح وفلفل و بقسماط وتخلطين بعدين تحطين زيت زيتون آخر شي .

      الظاهر هذا حمص على ما أعتقد .. فاهم فكرتك و هي في محلها أحييك على تفكيرك صراحة .. بس مدري تضبط ولا لأ جربي وشوفي .. بس عموما الحمص مافيه دهن وهذا اللي يخلي البيت بتر بينت بتر الدهن اللي في المكسرات .

      الدجاج كل شي فيه ينشوي .. تحبين الفخذ أشوي الفخذ ، تحبين الصدر أشوي الصدر لو تبين أشوي الجناح بعد … التتبيلة أي تتبيله تنفع .. لو تبين تتبيلة شيش طاووق .. حطي زبادي وليمون وكم بهار شرقي زي الهيل و الفلفل الحار و الملح و الفلفل و الكمون مثلا تكفي أحس .. بس زيدي ونقصي على كيفك ..

    • كوكيزة on 26 February, 2011 at 3:51 am

    إيش أستخدم للكوكيز .. طحين كويتي أو طحين دبي “بر” أو أخلط نوعين مثلاً ؟
    أبي اسم طحين معروف عندنا بالسعودية لأن الأنواع اللي ذكرتها في موضوع الطحين ما أعرف أسماءها المتعارف عليها بالأسواق عندنا

    إذا استخدمت طحين كويتي يصير الكوكيز مثل الكيك .. هش وخفيف وأنا ما أبي يصير كذا .. أبيه يصير ثقيل

    ينفع أستخدم طحين دبي مثلاً وأحمسه شوي على النار ؟

      • Top Chef on 26 February, 2011 at 5:16 am
        Author

      شوفي موضوع الطحين حقي عشان تعرفين الفرق بين أنواع الطحين ..

      إسم طحين مقدر أعطيك لأني حتى أنا مدري وش الطحين اللي أهلي يستخدمون في السعوديه .. بس قد جربت أكثر من نوع وكلها أدت الغرض .

      الطحين الكويتي و السعودي و الإماراتي هذي كلها تتكلم عن مصدر الطحين بس . بس مالها علاقة بنوعيته .. مالها علاقة بكمية البروتين اللي في الطحين هذا يمكن أكثر شي يأثر ..

        • كوكيزة on 26 February, 2011 at 5:42 am

        طيب وش اللي يثقّل الكوكيز ؟
        لأني أستخدم زبدة ومع ذلك يصير الكوكيز خفيف من ناحية الوزن
        مش مثل اللي في الكوفيات

        ألذ كوكيز ذقته كان طعمه قريب من طعم التشيز كيك .. هل من المحتمل إنهم استخدموا فيه بسكوت شاي مطحون بدال الطحين ؟ أو هذا احتمال مستبعد ؟

          • Top Chef on 26 February, 2011 at 2:19 pm
            Author

          هلا والله ..

          معليش بس للحين ما أستوعبت وش معنى كوكيز ثقيل ؟ الكوكيز في أغلب المحلات هو كوكيز عادي ترى مافيه حركه غريبه أو شي جديد ..

    • عفاف on 26 February, 2011 at 1:02 am

    كم يجلس الميرانغ الايطالي في الثلاجه ما يخرب؟
    كم تجلس كريمة الخفق بعد الفتح؟

    ويا ليت توعدنا بموضوع مفصل عن القهوه في اسرع وقت
    ومشكور ما تقصر

      • Top Chef on 26 February, 2011 at 5:13 am
        Author

      يخرب بمعني إنه يصير غير صالح للأكل بيطول إلين يوصل هذي المرحلة .. بس هو راح يطيح حسب الجو اللي محطوط فيه يمكن يقعد معاك يوم ويمكن أكثر …

      الكريمة حسب النوعية .. اللي في السعوديه يكتبون عليها ٣ أيام بعد الفتح .. اللي عندنا في كندا هنا شهر تقريبا .

      فيه إن شاء الله موضوع عن القهوة بيجي .. بس أخلص كم موضوع قبله بعدين إن شاء الله .

    • Anonymous on 25 February, 2011 at 6:26 pm

    http://rouxbe.com/recipes/130-lomo-saltado/preview

    توب شيف يعطيك العافيه ايش استبدل النبيذ الابيض في هالوصفه … والله يجزاك الجنه يارب ..

      • Top Chef on 26 February, 2011 at 5:06 am
        Author

      بس هذي ما معها نبيذ أصلا ؟ هذا اللي معها خل عنب أبيض .

        • Anonymous on 26 February, 2011 at 6:19 am

        white wine vinegar =النبيذ الأبيض الخل
        ؟؟؟

          • Top Chef on 26 February, 2011 at 2:21 pm
            Author

          خل العنب ينكتب عالعلب برا كذا .. خل نبيذ العنب الأبيض أو الأحمر .. الخل مصنوع من نبيذ أصلا وعشان كذا ينكتب كذا .. بس الخل مافيه كحول هو بس خل . خلاصة الكلام الوصفه هذي مامعها نبيذ معها خل بس متأكد .

    • tahani on 25 February, 2011 at 3:57 pm

    الله يعافيك فيه طريقة سينابون معها لبنه سواء في الصوص أو في الحشوة؟

      • Top Chef on 26 February, 2011 at 5:05 am
        Author

      عندي طريقة سينابون بدون لبنة أضنلك إنها لذيذه .. مع لبنة ما أعرف والله ..

    • رغد on 25 February, 2011 at 2:01 pm

    عندي ميرانغ بودره بياض وسكر وفانيلا مجرد اضيف الماء الساخن فقط
    هل عندك خلفيه عنه
    وهل يغنيني عن الميرانغ العادي
    يعني استخدمه مع السوفليه واشياء ثانيه عادي؟

      • Top Chef on 25 February, 2011 at 2:08 pm
        Author

      هلا والله …

      المرانج البودرة ممتاز كونه معقم . هو ممتاز للزينات حقت الكيك اللي تحتاج مرانج بس تبين تحتفظين فيها وقت طويل . مثلا الرويال آيسنج يستخدم فيه أحيانا بياض بيض . بس بياض البيض يخرب معناها إن الشي اللي تسوينه فيها ماراح يعيش وقت طويل بس لو أستخدمتي بودرة مرانج يمديك تخلينه وقت طويل بدون خوف .. نفس الكلام ينطبق على المارزبان بعد …

      بس للسوفليه و الكيكات المرفوعه بمرانج يفضل تسوينها بمرانج أفضل .. خلي البودره للتطبيقات اللي يكون البيض ني .

  6. شيف البيض اذا كام مسلوق اقدر احفظه ؟

      • Top Chef on 25 February, 2011 at 1:55 pm
        Author

      إيه ..

      بدون تقشير حطيه في الثلاجه بيقعد أسبوع لو كان مطبوخ كامل . لو كان نص طبخ كليه في خلال يوم بالكثير .

      لو قشرتيه حطيه في صحن فيه مويه بارده وحطيه في الثلاجه مغطى بالمويه بيقعد أسبوع بعد بس غيري المويه كل يوم .

    • اماني on 25 February, 2011 at 10:12 am

    معليش تعبتك
    يا ليت تعطيني طريقة الاسبريسو والقهوه الفرنسيه
    بدون مكاين قهوه لان ما عندي
    وجزاك الله خيييييييييير

    • اماني on 25 February, 2011 at 10:09 am

    وش الفرق بين صوص التوفي وصوص الدولتشي دي لتشي

    في الطعم والقوام

      • Top Chef on 25 February, 2011 at 1:52 pm
        Author

      ذوقيهم وتعرفين …..

      التوفي طعمه كاراميل أقوى .. الدولتشي دي ليتشي تقريبا تقريبا طعمه حلاو بقر .. طعمه فيه نكهة كاراميل بس أضعف شوي وكيف أشرحلك مدري بس غير .

      القوام أنتي تتحكمين فيهم حسب الطريقة اللي سويتي وحراره الخليط .

    • Anonymous on 25 February, 2011 at 10:05 am

    اهليييييييييييين شيف
    ياليت تعطيني طريقة الاسبريسو والقهوه الفرنسيه
    وشكررررررررررررررررررررررررررررررررررررررررررررا

      • Top Chef on 25 February, 2011 at 1:50 pm
        Author

      هلا والله …

      الإسبريسو فيها كلام كثير .. غير إنك تحتاجين مكينه وطاحونه بعد …

      القهوة الفرنسيه وش قصدك فيها ؟ تصدين اللي يسمونها الفرينش بريس اللي لها زي المكبس ؟

    • Anonymous on 25 February, 2011 at 9:56 am

    كيف الحال شيف

    بصراحة مع ان كثير تجارب ماضبطت تمام لكن التجربة بحد ذاتها متعة وانجاز خاصة مثلا لما نعم اكلت فرنسية مثل

    سوف ليه ؟
    بصراحة اتوقع لو استخدمت شوكليت 70% بتطلع اكييد اطعم
    ثاني شي القبة طلعت نفس عندك لكن عادي بعد ما يطلع من الفرن تنزل ؟
    أنا دهنته زبدة لكن يبدو طلعت زيادة شوي وبعض الاطراف لزقت طرف القبة ماأدري من السكر والزبدة يمكن .

    الطعم مو كثير لكن ان شاء الله مرات قادمة يضبط

    لكن عندي ملاحظة الخليط عندي طلع سائل م جامد وماسك نفسه !! عملت مقاديرك تمام تمام !! أو انه مااستوى مثلا ؟

    و جزاك الله خير

    بنت أختي تسألني طيب متى يدرس ؟؟

    صحيح تذكرت أعذرني عشان لا أكتب ألف رد بجمع اسئلتي مرة واحدة

    ممكن نعمل جناش من شوكولآه بيضاء ,, و تنعمل تغطية لكيكة ؟؟ وتكون تغطية سميكة منسابة ؟
    اذكر مرة نيرمين اللي بفتافيت عملت جناش و خلطت معاه شراب ذرة و عملت منه عجينة

      • Top Chef on 25 February, 2011 at 1:49 pm
        Author

      هلا والله …

      لا تستعجلين على تعلم شي زي السوفليه .. بكون صريح معك بس السوفليه واحد من أصعب الأشياء اللي تسوينها في البيت ! .. مهما حسيتي إنك تعرفين تسوين سوفليه إلا يطلعلك شي يخليك تتنحين وين الغلط هههه ؟؟ أكثر شي يرعب الطباخين هو السوفليه ..

      السوفليه بعد ما يطلع علطول بيهبط .. كل هذا كتبته في الموضوع .. بس يعني مفروض يقعد ماسك شكله عالأقل دقيقتين كذا .

      طرف القبة عادي لو لصق شوي يعني موب مشكله كبيره .

      خليط السوفليه ما يكون سايل !!! خليط السوفليه ما يكون كيك ولا يكون سايل هو يكون زي ماقلت قبل أقرب شي له السيريلاك تقريبا .. هههه إذا كان سايل فهو ما طبخ كفايه ويمكن هذا اللي خلاه يطيح .

      جاناش تغطيه طبعا ممكن .. بعد حطيت الطريقة بموضوع الجاناش ..

      مدري والله عن نرمين .. بس شكل اللي سوت فوندانت وطعمته بجاناش ..

        • Anonymous on 27 February, 2011 at 4:20 am

        والله طلع ماشي حاله السوفليه

        أنا اقصد الخليط قبل قبل مايضاف له الميرانج يكون جامد مره ؟ أنا طلع معي سائل م كثير جامد !

        النتيجة كانت أوكيه لكن اسفل الطبق في شي يكون جامد والباقي زي السريلاك

        بس حلو التجربة

    • Hanaa on 25 February, 2011 at 8:48 am

    يارب ينزل طريقة ساندويتش البانيني يارب

      • Top Chef on 25 February, 2011 at 1:40 pm
        Author

      هههههههه صبر جميل و الله المستعان …

    • عفاف on 25 February, 2011 at 7:40 am

    سؤال ثاني يا شيف
    البستو اقدر احط نوع المكسرات جوز
    وهل الجوز يتحمص
    في الوصفات اللي تطلب جوز البيكان اقدر احط الجوز العادي؟
    وجزاك الله خييييييييييير

      • Top Chef on 25 February, 2011 at 1:38 pm
        Author

      البستو أي نوع مسكرات ممكن .

      الجوز يتحمص لو تبين ليش لأ ..

      البيكان و الجوز كل واحد له طعم مختلف .. صح يمكن ما تخرب الوصفه هي راح تطلع ويمكن تطلع نفس الشكل بعد بس هل الطعم بيكون نفسه لأ طبعا .. زي مادايما أقول هل بتكون أحسن .. هل البيكان أحسن من الجوز بعد لأ هي بس غييييير .

        • Anonymous on 25 February, 2011 at 2:53 pm

        اش هو البستو ؟؟
        اذكر كتبت شي عن الجرجير ينعمل بستو كيف ولشو استخدامه ؟

          • Top Chef on 25 February, 2011 at 3:22 pm
            Author

          البيستو صوص إيطالي تقريبا .. هو خليط من مكسرات مع أساس زي البقدونس أو الريحان أو الطماطم أو زي شي ثاني مع بارمزان وزيت زيتون مخلوط إلين يصير زي المعجون هذا البيستو … راح أتكلم عنه بتفصيل أكثر قريب إن شاء الله .

          إستخداماته في أي شي تحسينه بيكون لذيذ معه .. ماله إستخدام واحد أو إثنين .. هو صوص ، ديب ، نكهة أو حتى إضافه

    • Anonymous on 25 February, 2011 at 6:32 am

    السلام عليكم ورحمة الله وبركاته
    لو سمحت ياشيف ابي وصفة شوربة الاستاكوزا
    واذا فيه وصفات للاستاكوزا سهلة ممكن تكتبها؟
    وطريقة شوربة فواكه البحر
    بالتفصيل لاااااااااااااااهنت

      • Top Chef on 25 February, 2011 at 1:36 pm
        Author

      هو فيه أكثر من طريقه تسوين شوربة ستاكوزا ..

      هذي جدا لذييييييييذة وهي تمشي بأي نوع قشريات ربيان ، كراب ، ستاكوزا أو حتى خليط منهم .

      هذي طريقة بسك ربيان .

      ٣/٤ كيلو ربيان غير مطبوخ ومقشر .. طبعا القشر ماترمينه !! خليه راح نسوي منه مرق ربيان هنا .
      أصبع زبده
      زيت زيتون
      حبتين كراث هندي .. يختلف عن الكراث العادي كثيييير عموما تلاقينه في كل سوبرماركت يجي طويل وعريييييض . نستخدم الجزأ الأبيض منه بس . نقطع الجزأ الآخضر ونرميه . بعدين الجزأ الأبيض نقطعه بالطول ونغسله زييييين بعدين نقطعه شرايح .
      ٣ حبات كرفس مقطعه حلقات
      ٢ حبة جزر مقطعه نفس الكرفس
      ورقة غار
      قشر نص برتقاله .. القشر نبيه قطعه كبيره لا يكون مفروم ناعم مره
      ملعقتين كبار معجون طماط
      ملعقة كبيره خل عنب + ١/٤ كوب مويه
      ٣ ملعقت كبيره طحين
      ٤ أكواب قشطة خفق
      ملح وفلفل
      كراث عادي للزينة مع عصير ليمون

      نسخن ٣ ملعقت زيت زيتون بعدين نذوب الزبده معها على حرارة وسط .. نحط عليهم قشر الربيان بس القشر !! و الكراث و الكرفس و الجزر ومعجون الطماط وورق الغار و قشر البرتقال ونطبخهم إلين تلين الخضار شوي حوالي ١٠ دقايق . الحين نصب عليهم الخل مع المويه ونحرك زييييييين إلين يتبخر كل المويه . الحين نحط الطحين ونحركه حوالي دقيقتين. الحين نحط المويه ونخليها تطبخ على غليه خفيفه حوالي ٢٠ دقيقه .. نحط القشطة ونتأكد إن الحرارة ما تزيد عن غلية جددددا خفيفه ونخلي الشوربة تطبخ زياده ٢٠ دقيقه . نصفي الشوربة في قدر ثاني ونذوق الملح و الفلفل . الحين نرجع الشوربه لغليه خفيفه بعين نحط الربيان بعد ما نقطعه قطع كبيره لو كان كبير مره نخليه يطبخ حوالي دقيقتين أو إلين ما يقلب لونه برتقالي .. ( لا تخلين الربيان يطبخ أكثر من كذا عشان ما يصير قاسي ) .. قدمي الشوربه مع الليمون و الكراث عالوجه .
      أوكي الشوربة وعرفتها هذي إسمها بيسك .. هي نوع من الشوربات البحرية الثقيلة بس بعد اللذييييييييييييييذه … الشوربه الثانيه ماعرفتها والله .. و الربيان بعد ماعرفته لا هو و لا الصوص .. هذي طريقة بيسك ربيان رهييييييييييييييييبة وإنشاء الله أحسن من حقت المطعم بعد لأني ذقت كثير في مطاعم بس هذي كانت شوي غير … ٣/٤ كيلو ربيان غير مطبوخ ومقشر .. طبعا القشر ماترمينه !! خليه راح نسوي منه مرق ربيان هنا . أصبع زبده زيت زيتون حبتين كراث هندي .. يختلف عن الكراث العادي كثيييير عموما تلاقينه في كل سوبرماركت يجي طويل وعريييييض . نستخدم الجزأ الأبيض منه بس . نقطع الجزأ الآخضر ونرميه . بعدين الجزأ الأبيض نقطعه بالطول ونغسله زييييين بعدين نقطعه شرايح . ٣ حبات كرفس مقطعه حلقات ٢ حبة جزر مقطعه نفس الكرفس ورقة غار قشر نص برتقاله .. القشر نبيه قطعه كبيره لا يكون مفروم ناعم مره ملعقتين كبار معجون طماط ملعقة كبيره خل عنب + ١/٤ كوب مويه ٣ ملعقت كبيره طحين ٤ أكواب قشطة خفق ملح وفلفل كراث عادي للزينة مع عصير ليمون نسخن ٣ ملعقت زيت زيتون بعدين نذوب الزبده معها على حرارة وسط .. نحط عليهم قشر الربيان بس القشر !! و الكراث و الكرفس و الجزر ومعجون الطماط وورق الغار و قشر البرتقال ونطبخهم إلين تلين الخضار شوي حوالي ١٠ دقايق . الحين نصب عليهم الخل مع المويه ونحرك زييييييين إلين يتبخر كل المويه . الحين نحط الطحين ونحركه حوالي دقيقتين. الحين نحط المويه ونخليها تطبخ على غليه خفيفه حوالي ٢٠ دقيقه .. نحط القشطة ونتأكد إن الحرارة ما تزيد عن غلية جددددا خفيفه ونخلي الشوربة تطبخ زياده ٢٠ دقيقه . نصفي الشوربة في قدر ثاني ونذوق الملح و الفلفل . الحين نرجع الشوربه لغليه خفيفه بعين نحط الربيان بعد ما نقطعه قطع كبيره لو كان كبير مره نخليه يطبخ حوالي دقيقتين أو إلين ما يقلب لونه برتقالي .. ( لا تخلين الربيان يطبخ أكثر من كذا عشان ما يصير قاسي ) .. قدمي الشوربه مع الليمون و الكراث عالوجه

      الوصفات بنزلها إن شاء الله هذا الأسبوع … في موضوع الباستا .

        • Anonymous on 25 February, 2011 at 5:44 pm

        الله يجزاك كل الخير
        بحول الله اجربها في اقرب وقت واقولك النتيجة

    • عفاف on 25 February, 2011 at 6:21 am

    اهلين شيف
    اذا جيت اسوي بلح الشام (عجينة الاكلير) وبغيت اقليها اول دفعه في القلي كويسه والثانيه بعد
    وبعدين يبدا الزيت يسوي رغاوي على الوجه لدرجة اني ما اكمل قلي
    اخذ باقي العجينه وادخله الفرن (اكلير عادي)
    فسؤالي وش سبب الرغوه اللي تطلع وهل ممكن اتفاداها؟

      • Top Chef on 25 February, 2011 at 1:34 pm
        Author

      شكلها حرارة الزيت .. و أنتي تقلين كل ما تحطين أكل حرارة الزيت تنزل .. فيه إحتمالين يا إن كمية الإكلير اللي كنتي تحطين كانت كثيره مره وهذا نزل حرارة الزيت أكثر من اللازم .. أو إنك حطيتي كمية قليلة بالنسبه للزيت وهذا خلا حرارته ترتفع أكثر من اللازم … كل الإثنين ممكن تسوي الخطأ ..

    • Salma on 25 February, 2011 at 2:50 am

    السلام عليكم
    شيف كيف طريقة البطاطس المشوي ..
    اهو مشوي وتالي ينهرس

    وعادي نستخدم فيه اي نوع بطاطس

    ومشكور شيف

      • Top Chef on 25 February, 2011 at 1:31 pm
        Author

      هلا والله …

      مافهمت وش تقصدين …

      بطاطس مشوي قصدك بالفرن زي حق الستيك ؟ ولا قصدك يكون محمر ؟

      وقصدك بينهرس إنه ينهرس ينهرس يعني يسوونه ماشد بوتيتو ؟

    • Anonymous on 24 February, 2011 at 11:28 pm

    سؤال

    ليش الدجاج المفروم يطلع طعمه مو لذيذ؟

      • Top Chef on 25 February, 2011 at 1:29 pm
        Author

      هلا والله …

      مدري عن وش تقصدين بمو لذيذ ؟ .. هل قصدك إن طعمه ما ينوكل مقزز ولا قصدك إنه ما يكون زي ما أنتي تبينه ؟ هل قصدك إنه فرق عن اللحم اللي يكون رهيب مفروم ؟ مافهمت والله بالضبط وش تقصدين .

    • غادة . on 24 February, 2011 at 10:05 pm

    ما فهمت علي
    انو ترتب المعلومة وتحددها ما يعني بالضرورة إنها تكون ناقصة أو ما يكون فيها توضيح أو تشديد على مسألة معينة منها
    +
    أنا ما قلت إنك أنت اللي تحسسني معنى إنك إنت اللي تتقصد تعطيني هالاحساس
    أنا قلت : يمكن سبب عدم قدرتي على إكمال القراءة لك إنو أنا أحس بكذا لما أقرأ لك بس مو هذا السبب أصلا
    عموما جهدك وحرصك على التفاصيل ودقتك واضح جدا ومشكور
    وأشدت فيك في بداية حديثي
    ولو ما كنت أرغب في الاستفادة منك ومن معلوماتك الثرية ما كنت تعنيت وكتبت لك
    +
    أعتذر على أسلوبي لأنه ما كان لبق

      • Top Chef on 24 February, 2011 at 10:32 pm
        Author

      هلا والله …

      بالنسبة لترتيب المعلومه أنا أشوف إنها مرتبه ووضاحه وفي نفس الوقت شامله .. وقبل ما أكتب تراني أسوي زي نقاط وش راح أكتب وكيف راح أفصل هذي النقطة وهذي النقطة ووش المعلومات اللي في الأخير أبغاها توصل بالتحديد .. يمكن مشكلتك إنك ما تبين هذا الكم من المعلومات دفعه وحده ؟

      عموما في حالة كان كلامك في محله أو لأ زي ماقلت قبل ما أقدر أغير أسلوبي. هذي طريقتي في الكتابه ما أعرف غيرها.

    • Anonymous on 24 February, 2011 at 9:46 pm

    عندي كرنب وكنت حابة اعمل محشي وغيرت رأيي ولا حابة اعمل كول سلو

    عندك طبق خفيف ويكون فيه حموضة وسهل اهم شي ؟

    وشكرا

      • Anonymous on 24 February, 2011 at 10:49 pm

      مازلت انتظر

      • Top Chef on 24 February, 2011 at 11:09 pm
        Author

      تقدرين تسوينه شوربه أو سلطة هذا يمكن أسهل شي ..

        • Anonymous on 24 February, 2011 at 11:14 pm

        طيب ممكن طريقة السلطة

        الشوربة ما قد مر علي شي عدل الصراحة

        عندك وصفة؟

          • Top Chef on 25 February, 2011 at 1:28 pm
            Author

          آسف عالتأخير …

          السلطة عادي أستخدميها زي الخس .. صح شي ثاني نسيته يمديك تخللينه لو تبين …

          الشوربة .. شوربة الكرنب رهيبه خصوصا مع البيكون و البازلاء …

          حطي ١٠٠ جرام بيكون تقريبا في قدر وغطيه بمويه بارده و أسلقيه يمكن ٥ دقايق . راح يطلع زي الرغوه شيليها كل شوي . بعد ٥ دقايق طفي النار وصفيه. بعدين خليه يبرد وقطعيه مكعبات صغيره .

          الحين ذوبي شوي زبده بعدين أطبخي فيها حبة بصل مقطعه صغار إلين تذبل. بعدين حطي عليهم حبتين بطاطس مقطعه مكعبات صغيره و أطبخيها شوي في الزبده . الحين حطي ٥ أكواب مرق دجاج ، موب ماجي ، مرق دجاج مع ورقة غار وشوي ملح وفلفل . أطبخيهم إلين يستوي البطاطس بعدين هدي النار شوي وحطي نص راس كرنب مقطع شرايح و أطبخيه ٥ دقايق تقريبا . آخر شي شيلي ورقة الغار و أطحي الشوربة بخلاط بعدين رجعيها للقدر وعدلي الثقل و الملح و الفلفل .. تعدلين الثفل بإنك تزيدين مرق لو أحتاجت أو تخلينها تطبخ شوي لو كانت خفيفه أكثر من اللازم .. آخر شي تضيفين البيكون وبس .

    • غادة . on 24 February, 2011 at 9:41 pm

    آسفة ترا ما انتبهت انه كلامي المفروض يكون في خانة الاتصال بنا
    فـ تعامل معه بما يناسبك

    • غادة . on 24 February, 2011 at 8:53 pm

    أول شيء مرحبا بيك
    وأحييك على ثقافتك الأكثر من جيدة فيما يبدو
    أما ثانيا ما أدري شلون أقولها لك
    يعني بقدر ما معلوماتك ووصفاتك ثرية ومفيدة ومهمة خصوصا للهاوين لشغلات الطبخ ومحبي التغيير والتنويع والإطلاع على الجديد والغير تقليدي في هالمجال اللي أنا منهم طبعا
    إالا إنو في كل مرة أقرأ لك يجيني غثيان
    بجد والله
    ثم أضطر أقفل صفحتك ولا أستفيد منك شيء
    فكرت كثير في السبب 🙂
    لأني مش عارفة سبب هالحاالة الغريبة
    في الأول قلت يمكن لأنك تحسسني إني ميح في هالمجال فـ أكره نفسي وأكره التعلم كله من وراك هههههه << يمديك على التحليل
    لأني دائما تصير معي أحاسيس وأحتاج أحللها والدافع الرئيسي لها اللي أحيانا ما يكن واضح < قصة حياتها 😀
    طبعا استبعدت هالاحتمال لأني أقرأ لغيرك كثير وأستفيد منهم وأحب أتعلم فـ مش معقول ما يصير هالشعور إلا معك
    أخيرا توصلت إن المشكلة في أسلوبك اللي أنا في هالرسالة قاعدة أسوي مثله 😀
    وهو تحديدا إنك ما تختصر السالفة وتحطها في نقاط واضحة
    أحسك تسولف كثير كثير + إنك تعيد وتزيد في معلومة أكثر من مرة أحيانا أثناء كتابتك لطبخة وحدة
    فـ يعني شف لك حل علشان أقدر أستفيد منك 😀

      • Top Chef on 24 February, 2011 at 9:21 pm
        Author

      وش أقولك ؟

      لازم تعرفين شي .. أنا مين أستهدف و أنا أتكلم ؟ أنا أستهدف الناس اللي زيي أنا أحب أتعلم بطريقه و هذي الطريقه هي اللي أشرح فيها.. أوكي أقدر أقول تسلق الباستا في مويه كثيره وملح بدون زيت … بدون ما أكتب 3 فقرات عن الموضوع صح ولا لأ .. بس السؤآل ليش تمشين على كلامي ؟ وش الشي اللي يخليك تثقين إن كلامي صح ؟ .. إلى يومك لو قريت كلام لشخص بدون ما يكون فيه سبب مقنع ما أمشي عليه … مثلا فيه حركه يقولك إذا طبختي الأخطبوب تحطين فلينه في المويه ؟؟؟ لو كتبت هذا الكلام في المدونه هل بتمشين عليه ؟ وليش ؟ . كثيرين نفس الشي .. وش الشي اللي يخليك تقولين هذا الكلام صح أو خطأ بمجرد قرآة من النت ؟ النت فيه كلام كثير كيف تفرقين بين المعلومه الصحيحه و الخطأ ؟ عندك حلين يا إن الشخص يوفر دليل أو تفسير أو إنك تجربين .. تبين تجربين كل شي في النت الله معك …

      لو أبي أحسس أحد إنه ميح في شي ما يحتاج أعلمه كيف يسويه صح ؟ … يكفي أرميلك كم مسطلح جديد وروحي دوري معناها … بس عمري ما رفضت أجاوب على سؤآل في أي موضوع أو أوفر كل اللي تحتاجينه عشان تنجحين في وصفه ؟

      عموما أسلوبي هو معلومات في معلومات ودسامه معلومات أكثر و أكثر وتفسير لكل شي ليش ووش راح يصير إذا ماصار وكيف كل شي يصير إذا أمكن بعد .. مع التشديد على النقاط اللي تكون مهمه وناس كثير يتجاهلونها لأنها ما دخلت مزاجهم …. شخصيا هذي المتعة بعينها و أنبسط و أنا أقرأ شي زي كذا ..

      تغيير أسلوب كتابتي كأني أقولك غيري خطك … بس أنتي حره في إختيار تقرين لمين …

        • Anonymous on 25 February, 2011 at 9:44 am

        عذرا على التدخل

        أنا مع الشيف احب إذا أحد اعطى معلومه وه واثق منها عشان يفيد الناس يوضحها

        ماشاء الله كم مرة صار الشيف مكرر بياض البيض ينخفق في ستانلس ,, أوه أنا الحمد لله تقلت المعلومة للناس بنفس الطريقة عشان يفهمه م مجرد كله لنا كذا !!

        وله ان في بعد المعلومات احبها تفصل اكثر حتى لو تفسير علمي الناس تختلف

Comments have been disabled.

%d bloggers like this: