… Ask me

سيتم إغلاق صفحة الآسك هذي بسبب فتح صفحة جديدة للآسك هنا. ياليت لو يتم تحويل جميع الأسئلة للصفحة الجديدة.

 

شكرا

13,212 comments

Skip to comment form

    • Anonymous on 24 February, 2011 at 8:47 pm

    عندي بياض بيض مش مقسم ولا ادري حق بيضة

    كمية كبيرة

    ايش ممكن اعمل فيه ولا كيف ممكن احفظه

      • Top Chef on 24 February, 2011 at 8:52 pm
        Author

      ههههه بياض البيض يمكن أكثر شي في العالم تكلمت عنه هنا ….

      هذا المرانج وفيه طريقه التفريز والتذويب .
      http://topchefcooks.com/2010/12/16/french-meringue/

      هذا تغطية كيك
      http://topchefcooks.com/2011/02/11/swiss-meri/

      هذا مرانج ثاني تحتاجينه للتغطيه
      http://topchefcooks.com/2011/01/27/swiss-meringue/

      هذا حلى ثاني زي البسكوت من بياض البيض
      http://topchefcooks.com/2011/01/28/mixed-fruit-pavlova/

      حلى ثاني
      http://topchefcooks.com/2011/01/05/french-macaron/

      حلى ثاني
      http://topchefcooks.com/2011/01/05/french-macaron/

      حلى ثالث
      http://topchefcooks.com/2010/12/23/%D8%A7macaroon/

      حلى رابع
      http://topchefcooks.com/2010/12/19/snowballs/

      وهذا بس نص في الميه من الأشياء اللي تقدرين تسوين ببياض البيض

        • Anonymous on 24 February, 2011 at 8:56 pm

        بس مشكلتي ما ادري هو حق كم بيضة ولا ما يأثر!!

        ولو بدي اعمل فيه بيض الكوكو اللي هو ميرانج في الفرن بس استعمل اي ميرانج انت حاطه؟

          • Top Chef on 24 February, 2011 at 9:24 pm
            Author

          لو تبين يمديك توزنينه .. كل 30 جرام = بياض بيضه …

          بيض الكوكو تقدرين تسوين الفرنسي بس بإستخدام 4 ملاعق سكر لكلك بيضه أو السويسري

    • Anonymous on 24 February, 2011 at 8:19 pm

    مرحبا اخوي كيف الاحوال ان شاء الله بخير

    تذكر العجينة الي قلت لك ما تنفش ولا ادري وش السبب؟؟؟

    كان عندي شك 80% في الدقيق لان الدقيق عندي وعند الوالده نفسه “نفس الكيسة متقاسمينها ” لذلك كنت اشك فيها والي اكد شكي يوم قلت ان مقام الدقيق في الكيك والخبز يختلف هنا تاكدت100%

    وحتى اقطع الشك باليقين شريت دقيق جديد وخبزت عجينة عادية متعوده عليها النتجية ممتازة نفشت وطلعت مرضية جدا

    بعون الله بكرة بسوي البرجر واعطيك خبر عنها

    الله يجزاك ووالديك الجنة يا رب

      • Top Chef on 24 February, 2011 at 8:47 pm
        Author

      هلا والله ….

      زين مبروك … أحسك أرتحتي نفسيا مدري ليش ههههه

        • Anonymous on 24 February, 2011 at 9:00 pm

        ايه والله انك صادق قسم بالله انه حمل على كتوفي .اول شي لان البرجر ما ضبط وحطيت السبب فيك

        لكن يوم سويت الفطاير الي انا متعودة عليها وخربت ولا يفوتك تعب وتصليح واخرتها العجينة وقسم بالله تقل بسكوووووت يتكسر وانت تاكله شي محبط مرة لدرجة اني نص العجينة رميتها بعد ماشفت النيجية في النص الاول

        قلت والله ما تروح اجيبها اجيبها ماعندي احل المشكلة ولا ما ارتاح صدقت والله الي يبي يتعلم شي لازم يواصل ويستمر ولا ماراح يفلح ويجيد شي

        خصوصا المطبخ يبي نفس طوووووووويل وبال راااايق عشان يضبط الاكل تمام

        مثلا اذا كنت تعبانة او نفسيا مو تمام او مالي مزاج للطبخ يعني بس ابي اخلص واحط لقمة للبشر الي عندي .ماش الاكل ما يكون بنفس الجودةو لا نفس الطعم

        مدري تصير معك ولالا؟؟؟

  1. طيب كيف اعمل الطحينة وعندي توابل الى الليل , قلي وش احط

      • Top Chef on 24 February, 2011 at 8:35 pm
        Author

      الطحينه سهله :
      أخلطي طحينة + زبادي + عصير ليمون + ملح وفلفل ومويه .. كم الكميات بالضبط والله ما أعرف أسويها بالتجريب بالعاده أخلي المويه آخر شي أخففها فيه . يعني حطي مثلا نص كوب طحينه مع ربع كوب زبادي مع شوي ملح فلفل و عصير ليمونه و ذوقي وعدلي حسب الرغبة

      ملح وفلفل تكفي .. الباقي كلها زياده وش تحبين أنتي حطي مافيه قاعده معينه .. جربي مثلا كمون وكزبره وفلفل حار مستحيل تغلطين فيهم .

    • Anonymous on 24 February, 2011 at 2:34 pm

    شيف
    استغربت وسط على لنت دارك لكن غريب أحس إنها مغشوشة ,, م مكتب أي نسبة لا نسبة الكاكاو ولا نسبة السكر ,, لان من زمان لا لقيت لنت اللي تيجي بكرتون 70%

    طيب هذه مكتب عليها dark extra fine

    المكونات للاسف طلعت أول شي سكر اذكر إنك كتبت اكبر نسبة تكون مكتبة أول شي بالمكونات
    سكر كاكاو , زبدة كاكاو !

    هذه طعمها شوكولاتة درك لكن م مثل ال 70%

    تنفع للسوفليه ؟وهل ممكن اقلل من نسبة السكر في الوصفة ؟

    ثاني شي تذكر مرة سألتك عن حجم الكوب المعياري ,, يعنيلازم تلقالي حل اليوم كنت في السوق شفت أكواب معيارية
    واحد 230
    و ثاني 220

    يعني أنا خلاص وش هالاكواب ! ؟؟؟
    أنا من فترة قلتلي 250 ومشيت على كذا

      • Top Chef on 24 February, 2011 at 3:54 pm
        Author

      عرفت اللي تقصدين .. هذي موب مغشوشه هذي فعلا دارك كونه مافيها حليب بس هي خفيييييفه مره يمكن أقل درجات الدارك غالبا هي مسوقه للأكل أكثر بس تنفع للطبخ ممتازه مافيها شي.

      تنفع للسوفليه ولا لأ جربي وشوفي .. فيه ناس يسوون سوفليه بشكولاته بالحليب هي موب خطأ .. السوفليه راح ينفش وراح يضبط عادي بس هل هي الخيار الأحسن أو لأ هذي مسألة أراء شخصيه .. أنا أشوف إن طعم الشكولاته يضيع لأن حتى ال ٧٠ مع الإضافات حقت السوفليه طعم الشكولاته يكون خفيف مابالك بشكولاته خفيفه أصلا.

      حقك علي .. فعلا أنا قلت الأكواب ٢٥٠ وهي فعلا ٢٥٠ … بس فيه معايير تختلف من مكان لمكان وما توقعت فيه أحد للحين يستخدمها أو إنها أصلا موجوده عندنا .. هذي الأكواب في الغالب يابانيه أو صينيه .. الكوب المعياري الياباني يعتبرونه ٢٠٠ مل تقريبا بس للوصفات بيخرب كل شي .. دوري على واحد ٢٥٠ مل .

        • Anonymous on 24 February, 2011 at 5:03 pm

        جزاك الله خير

        خلاص ان شالله بعتمد 250 ,, ماعندي كوب لكن زجاجة الاطفال تؤدي الغرض إلى ان اجد

        مع اني من ضمن اللي شفتهم اليوم نوع الماني 230

        حبة اسال لو وضعت مع خلطة الايس كريم الاساس نكهة مانجا هل ممكن اذوب معها شوكولاتة بيضاء على سبيل المثال هل الفكرة قابلة للتطبيق ؟

          • Top Chef on 24 February, 2011 at 8:33 pm
            Author

          ما أدري والله …

          وش اللي يمنع في الإسكريم ؟ خايفه من إيش بالضبط ؟

    • Anonymous on 24 February, 2011 at 2:01 pm

    مرحبا شيف

    لو سمحت الشوكولاه 70% مثل لنت كيف ممكن أعمل منها شوكولا أخف ,, اخففها واستفيد منها واشكلها بقوالب مثلا ؟

    ثاني شي الشوكولاه البيضاء ,, عشان أعرف انها كويسة أشوف نسبة زبدة الكاكاو صح لانه مافيها اصلا كاكاو ؟

      • Top Chef on 24 February, 2011 at 3:47 pm
        Author

      هلا والله …

      تقدرين تخففين طعم الشكولاته بس هذا يكون في الحلويات يعني مثلا السوفليه اللي تسوينه بشكولاته ٧٠٪ كونه مخفف بأشياء كثير بيكون طعمه أخف .. بس لو قصدك على تخفيف إنك تخففين شكولاته عشان تسوين منها شكولاته ثانيه هذا صعب .. أقري موضوع الشكولاته وبتفهمين ليش .. الفرق بين الشكولاته ال ٨٠ و ال ٥٠ هو نسبة السكر للكاكاو بس .. أسهلك تشترين شكولاته بالدرجة اللي تحبين أو تخلطين أكثر من نوع عشان توصلين لخلطه تعجبك . بس لو زدتي مواد ثانيه زي زبده أو زيت أو غيرها تركيب الشكولاته بيتغير تماما وماراح تجمد وتثبت زي إذا كانت على طبيعتها.

      الشكولاته البيضاء أقري موضوع الشكولاته فيه كل شي تحتاجينه

  2. شيف كيفك , عندي سمك حمرا طازة وابي اقليها , عطني طريقة ووش احط معها تغميسة

      • Top Chef on 24 February, 2011 at 1:21 pm
        Author

      طريقة قلي السمك وحده .. بالسكين سويي زي الفتحات في جسم السمك إلين العظم . بعدين رشي عليها البهارات اللي تبين وبعدين أخلطي كمية طحين مع نص الكمية نشا و رشيها عالسمك و أقليه .

      التغمسيه تعتمد علي النكهات اللي بتحطين معها .. بس عموما لو تسوين خلطة طحينه حلوة تطلع .

    • Anonymous on 24 February, 2011 at 8:27 am

    مرحبا شيف

    تذكر مفن التفاح الي ارسلت وحده من البنات رابطه ؟؟؟

    اليوم سويته الي ماعجبني فيه انه مثل الكيك مو المفن الي اعرفه تتوقع من التفاح اعطاه رطوبة او من السوركريم او ايش باعتقادك ؟؟؟

      • Anonymous on 24 February, 2011 at 12:44 pm

      انا صاحبه الرابط ..
      وجربتها وعجبتني حيييييل …
      وحسيتها روعه انتي كم حطيتي تفاح ان بس طلعت مع وحده تفاحه مقشره … وترى مكتوب في الوصفه انها تعطي مافن يكون اشوي طري من جوا … وانا بصراحه اكثر شي عجبني فيها انها مو ناشفه حيل من جوا …

        • Top Chef on 24 February, 2011 at 1:18 pm
          Author

        الساور كريم و التفاح و الزيت و البيض و حتى السكر كلها تأثر في رطوبه المفن .

        المفن إذا تسوى صح مفروض يكون رطب ولين ( عشان كذا ما نخلط كثير ) .. هو بيكون رطب ولين بس بيكون ماسك في بعضه .. عكس الكيك اللي بيكون شوي يتفتت أكثر و أكثر رطوبه وليونه .

        بعض أنواع المفن تكون لينه وطريه مره وكثير ناس يمشونها على أساس إنها كيك مع العلم إنها موب كيك .. مثال شهير على هذا كيكة الجزر اللي أصلا موب كيك هي مفن حتى لو طبخناها بقالب كبير هي مفن موب كيك ..

    • Nuna on 23 February, 2011 at 12:14 pm

    السلآم عليكم اخوووي يعطيك العافيه على هالاطبآق الحلوه

    ياريت تعطيني طريقه لكريمة الكب كيك زهقت كل ما اسويها واحطها ماتتشكل معاي ؟؟ تسسسيح مره
    يطلع شكلها مو مرتب 🙁

    ولا تطلع جامده وحالييييه مره يعني ماتقدر تآكلهاا ..

      • Top Chef on 23 February, 2011 at 1:28 pm
        Author

      هلا والله …

      الله يعافيك … شوفي الفهرس عاليسار دوري “تغطيات وحشوات” هذي كلها تغطيات كيك ..

    • Anonymous on 23 February, 2011 at 11:20 am

    اش الطريقة اللي أكتب فيها الرد يطلع أكيد !! كل مرة اكتب ولا يطلع !!

      • Top Chef on 23 February, 2011 at 1:26 pm
        Author

      مافيه رد بيضيع .. أكتبيه وماعليك يطلعلي بعدين .. المشكلة إن فيه فلتر حق إعلانات يشتبه ببعض الردود وعشان كذا يوقفها إلين أوافق عليها بس.

    • عفاف on 23 February, 2011 at 10:57 am

    بغيت اسالك عن الريحان
    هل هو الريحان اللي في الشوارع اللي يطلع ورود لها ريحه
    او انه الحبق ؟

      • Top Chef on 23 February, 2011 at 1:25 pm
        Author

      هو نفسه .. الحبق شي ثاني .

        • Anonymous on 17 March, 2011 at 8:08 am

        متاكد شيف انه عادي نستخدمه ؟
        انا سمعت انه غير بس ماحسيت فرق بالريحه والشكل !!
        اللهم فرق الورد اللي يطلع

          • Top Chef on 17 March, 2011 at 4:42 pm
            Author

          الريحان يجي أنواع كثيييييييير .. بس مادامه ريحان فهو ينوكل ..

    • Anonymous on 23 February, 2011 at 10:54 am

    مرحبا
    سوال بعيد عن المطبخ 🙂
    انا ناويه اكمل ماستر ان شآء الله
    وللحين محتاره ايش اختار تخصص ، وقلت فرصه اسالك بما انك تدرس SE
    ايش رايك بالتخصص وينفع ادرسه بالماستر بعد الـ MIS ؟؟

      • Top Chef on 23 February, 2011 at 1:25 pm
        Author

      بالتوفيق إن شاء الله ….

      التخصص ممتع ومعجبني والله … بس مدري إذا بيعجبك ولا لأ .. هذا راجعلك ..

    • عفاف on 23 February, 2011 at 10:45 am

    يا ليت تعطيني طريقة البستو

    وشكرررررررررررراشكررررررررررا على تعبك معنا

      • عفاف on 23 February, 2011 at 11:15 am

      شكرا خلاص لقيت الطريقه

      • عفاف on 23 February, 2011 at 11:16 am

      شكرا خلاص لقيت طريقه البستو

  3. الانشوجة هي الي تجي في علبه زي الساردين ؟
    سويت الفوتشيني امس بالربيان وعملتها زي ماقلت لي بس طلعت شوي ناشفة هذي هي

    http://aljsad.net/imgupload/uploads//cb090bda125a6aca3ebbe183ec9be64eJPG

    http://aljsad.net/imgupload/uploads//bad6d444caae7b227142308ea38603dfJPG

      • Top Chef on 23 February, 2011 at 1:21 pm
        Author

      غالبا إيه .. بس موب شرط أحيانا تكون في علب جزاز.

      بالعافيه على قلبك …الفيتوشيني يمكن كانت تحتاج كريمه أكثر أو تخففينها بشوي مويه بس .. يمكنك خليتيها شوي عالنار وهذا ثقل الكريمة أكثر بس …

    • ساره on 23 February, 2011 at 9:15 am

    مساء الخير ..

    كيف حالك اخوي ..

    ابغى اسالك عن حاجتين الاولى .. الكريمة الحامضة الي يحطونها ابل بيز عالبطاطا المهروسة و الباستا كيف طريقتها

    الشي الثاني ..

    ابغى اسالك عن البطاطس المقلي ،، التكساس فرايز .. تحسة لين وناشف بنفس الوقت .. ماادري كيف طريقته
    كاني شفت له صور عندك .. كمان يقدم في ابل بيز .. مادري تبهرونه او يحطونه في خل ،، ايش الطريقة الله يسعدك //

      • Top Chef on 23 February, 2011 at 1:19 pm
        Author

      هلا والله ….

      الكريمة الحامضه هذي يسمونها ساور كريم تلاقينها تنباع في السوبرماركت.

      التكساس فرايز ماله سر .. التكساس فرايز بطاطس مقلي عادي زي اللي يقدمونه مع البرجر حقهم وكذا وفوقه يحطون خلطه لحم حقت التاكو وجبن بس … إذا سؤالك عن البطاطس كيف يسوونه هذا صراحة صعب في البيت بدون ميزان حراره كونه لازم ينقلي على درجتين حراره . إذا تبين يمديك تشترين بطاطس من السوبرماركت وتقلينه وبينفع نفس الشي.

      • Anonymous on 25 February, 2011 at 2:49 pm

      ماقصرت الف شكر ..

      ممكن تعطيني اسمها بالانجليش الساور كريم ..

      ياليت ترجع تنزل مواضيع في شمواه .. احنا كثير نستفيد منك ..

      بالتوفيق

        • Top Chef on 25 February, 2011 at 3:25 pm
          Author

        sour cream

        مشكورة على كلامك .. أنا وقفت أكتب في كل المنتديات … كل شي بينزل هنا أرتب و بعد أسهلك ولي في التدوير بعدين .

    • Anonymous on 23 February, 2011 at 8:10 am

    طيب شيف أنا سألت عن كيكة تناسب خطوبة
    عشان الشكل التغطية مرشملوا فوندان( أوكيه بالنسبة لك طعمها استغفر الله لكن أنا شوفها طعمها شي مقبول مقارنة بعجينة السكر العادية صمغ !!) وعشان لا تزعلالكريمة وبينج كريم مو دريم ويب ,, لا من جد طالما تعلمنا الصح بطبق الصح الواحد مشتغل وتعبان يطلع شي محترم الناس تقول اكلنا كيك ,,

    طيب إذا مو الفوندان اش ممكن يعطي شكل حلو ؟
    طيب حضرتك ذكرت كيك ابيض ,, طيب المقادير ,,, أنا ماعمر عملت كيك كنت ناوية أعمل كيك جاهز من بيتي كروكر الأبيض !!
    لكن إذا في طريقة سهلة ومضمونة بجربها قبل

    وسؤال ثاني ,, إذا ابغى اسوي الكيكة كم يمكن تجلس في الثلاجة ؟
    ابغى أعرف ارتب جدولي لاني بأعمل كيكتين ليومن مختلفين

    شي ثاني معليش بغلبك
    ابغى أعمل تشوكليت موس بأكواب صغيرة يعني تكون كمية بسيطة لكن تكون شي تشوكليت فعلا
    وأنا عندي مشكلة في استخدام الجلاتين للان مو قادرة اتحكم بالكميات يعني استخدام الجلاتين للموس غير اني أعمل جلو صح
    ابغى نصيحتك جزاك الله خير

      • Top Chef on 23 February, 2011 at 1:15 pm
        Author

      هلا والله ….

      الويب كريم لو قريتي الموضوع حقه بتلاقين إنه يحتاج ثلاجه .. عشان كذا في مثل حالتك بعدي عنه . أحسن تغطي برأيي هي الجاناش للشكولاته أو البتركريم لباقي النكهات .. البتر كريم لذيذ وما يحتاج ثلاجه وسهل بعد .
      http://topchefcooks.com/2011/02/11/swiss-meri/

      الكيك إذا بتستخدمين بتر كريم سوييه بالبيتي كروكر العادي .. صراحة أشوف طعمه ممتاز ما فيه شي وبيسهل عليك كثير و أنتي وراك ألف شي وشي .

      بالنسبة للكيك .. الكيك ما ينحفظ في الثلاجه . الثلاجه تخلي الكيك ناشف . الكيك بيعيش على حرارة الغرفه وقت طويل أو حتى الفريزر .. عموما موضوع تخزين الكيك الحين خليه بعدين كونه شوي متشعب .. بس لمثل حالتك فيه حل رهيب . سويي الطبقات حقت الكيك . خليها تبرد تماما . بعدين طلعي الكيكه من الصحن ولفيها بنايلون زييييين ، غلفي النايلون و الكيكه بقصدير وحطيها في الفريزر . هذي الحركة يستخدمونها محلات الكيك دايما . تفريز الكيك ماراح يخرب الطعم أو الرطوبه وبنفس الوقت بيخلي تزيينها سهل مره . خلي الكيك في الفريزر بيعيش وقت طويل .. الحين إذا جيتي تزينين الكيك . طلعيها من الفريزر وخليها على طاولة المطبخ تذوب من ٦- ١٠ ساعات حسب حجم الكيك …بدون ما تفكين القصدير أو النايلون ! .. بعد ما تذوب فكي التغليف وزينيها عادي زي ما تزينين أي كيك .. يعني قصي القبه و أحشيها لو تبيغين وزينيها عادي .. بتلاقين الكيك ما يتفتت عليك زي ما يتفتت بالعاده و شيل الكيك وكذا عمليه سههههله مره …

      الجيلاتين في الموس يكون عشان يثبت الويب كريم بس في حالة كان بيقعد وقت طويل في الثلاجه .. هو موب ضروري .. الكمية و القياس حق الجيلاتين شوفيه في موضوع الويب كريم ..

      متى بتسويين الموس وكم بتحفظينه في الثلجه عشان أعطيك وصفه .

        • Anonymous on 23 February, 2011 at 4:58 pm

        الحمد لله الرد طلع

        صراحة فكرة الفريزر رهيبة جدا !
        لكن هل دايما اخاف يطلع طعم للأشياء من الفريزر أو انها تكون مو مغلقة تماما

        أوكيه البتر كريم قرأته برجع اعيده مرة ثانية
        لكن تقصد بتر كريم بتي كروكر ولا الكيك ؟ إذا تقصد الكريم ممم لا مانفضله طعمه دسم

        بالنسبة للموس يمكن أعملها بنفس اليوم أو قبل بيوم لكن باعملها بكاسات صغيرة

        فكرة الكيك بالفريزر روعة !

          • Top Chef on 23 February, 2011 at 7:22 pm
            Author

          هذاك قلتي مو مغلفة تمام عشان كذا أقولك لفيها زين ولفيها بقصدير بعد ما تلفينها بنايلون.

          بتر كريم بيتي كروكر ؟؟؟؟ لا طبعا سويه بنفسك سهل ما يبيله شي …

          الموس كاسات صغيرة أو كبيره ما يفرق …

          ٢٢٠ جرام شكولاته غامقه لا تزيد عن ٧٠ ٪
          ٣/٤ أصبع زبده مقطع مكعبات
          ٣ بيضات مفصولة
          كوب قشطة خفق بااااردة
          ٥ ملاعق كبار سكر
          رشة ملح

          ………

          ذوبي الشكولاته و الزبده مع رشة الملح في حمام مائي إلين تذوب بس موب أكثر من كذا ..

          أخفقي صفار البيض إلين يصير لونه باهت وينفش شوي . أخلطي الصفار على الشكولاته و الزبده الذايبه .

          سويي مرانج فرنسي ببياض البيض مع نص السكر .

          سويي ويب كريم بالكريمه مع السكر الباقي . ثبتي الويب كريم بجيلاتين لو كنتي بتحفظينه أكثر من يوم .

          الحين أخر شي أخلطي الويب كريم و المرانج على الشكولاته شوي شوي بعد ما تنخلط قسميها على أكواب وغطيها بنايلون وحطيها في الثلاجه .

          معلومات عن الشكولاته تلاقينها في موضوع الشكولاته
          معلومات عن المرانج الفرنسي وكيف تسوينه تلاقينه في موضوع المرانج
          معلومات عن الكريمة المخفوقه وكيف تثبتينها بجيلاتين وكم تحطين جيلاتين تلاقينه في موضوع الكريمة المخفوقة .

    • Anonymous on 23 February, 2011 at 6:03 am

    مساك الله بالخير ممكن تفيدني عن الة صنع الخبز المنزلية وايش احسن الانواع لو تكرمت

      • Top Chef on 23 February, 2011 at 12:50 pm
        Author

      مساك الله بالنور و السرور …

      والله علمي علمك … ما أعرف شي عنها .

    • عفاف on 23 February, 2011 at 4:19 am

    عفوا اخوي
    البسطرمه اللي تنباع عندنا تكون مجففه بالملح وعليها طبقة بهارات سمكها نص صانتي
    وتكون برا الثلاجه واذا شريناها يقطعونها لنا شرحات زي المرتديلا
    فما ادري هذي اللي تقصد ؟

      • Top Chef on 23 February, 2011 at 4:52 am
        Author

      صح عليك …..هو فيه بسطرمه زي كذا يسمونها الظاهر بسطرمه تركيه .. هذي تكون لحم مملح ومبهر ومجفف بالهواء بدون حراره .. كل الإثنين بسطرمه .. بس هذا ما يشبه البيكون ؟

      اللي أقصد يكون زي البيكون تقريبا في إنه ينطبخ يعني موب شي ينوكل ني .. تقريبا صورته زي كذا :

      http://farm1.static.flickr.com/153/369267175_d300bc7f90.jpg

    • Anonymous on 23 February, 2011 at 3:51 am

    شكرا للرد السريع جزاك الله خير
    بس هل استخدم نفس المقادير الي حاط وبالنسبة للبيكنج باودر مااغيره للصودا ؟

      • Top Chef on 23 February, 2011 at 3:52 am
        Author

      نفس كل شي .. الشكولاته بفترض إنها شكولاته معالجة أو اللي يكون مكتوب عليها dutched هذي ما تحتاج أي تعديل.

    • Anonymous on 23 February, 2011 at 3:39 am

    لو سمحت لو أبغى أسوي الكوكيز بالطريقة الكيكي
    لكن أبغاها بالشوكولاته كيف أبدل مقدار الطحين ؟ وشكرا

      • Top Chef on 23 February, 2011 at 3:41 am
        Author

      بدلي كمية من الطحين ببودرة كاكاو

    • عفاف on 23 February, 2011 at 3:07 am

    معليش ابو الشباب نسيت اسأل عن الفرق بين البسطرمه والبكون (اذا ما كنت غلطانه باسمه)
    وحاجه ثانيه
    كيف نقدر نسوي الطحينه السائله في البيت
    ومشكور على تعبك معنا

      • Top Chef on 23 February, 2011 at 3:26 am
        Author

      البسطرمه و البيكون فرق كبير بينهم .. كبير كبير بعد … البسطرمه لحم مخلل .. البيكون لحم مملح ومدخن .. هذا واحد غير كذا القطع اللي يجي منها هذا وهذا تختلف إختلاف كبير .

      الطحينه سمسم محمص مطحون مع زيت سمسمس … حمصي السمسم وحطيه في خلاط مع شوي زيت سمسم و أخلطي إلين يصير ناعم

    • عفاف on 23 February, 2011 at 12:28 am

    اهلين شيف

    عندي لك اسئلة اختبار جاوب عليها هههههههه

    مالفرق بين :
    خردل الديجون والخردل العادي
    الكب كيك والمافن
    الكريم شانتيه وكريمة الخفق
    الكوكيز والبسكويت

      • Top Chef on 23 February, 2011 at 12:47 am
        Author

      هلا والله …

      الخردل يسوونه بإنهم يضيفون مويه حاره على بذور الخردل . هذي العمليه تبدأ تفاعل وهو اللي يطلع قوة الخردل كل ما قعد أكثر كل ما صار حار أكثر .. بعد ما يوصل للحراره المطلوبه يحطون حمض عشان يوقف العمليه هذي ويثبت على الحرارة هذي. آخر شي يا ينوكل الخردل زي ماهو ويصير خردل خشن أو ينطحن ويصير خردل ناعم.

      خردل ديجون نوع مميز من الخردل مصنوع في مدينة ديجون في فرنسا ومن شجر الخردل اللي هناك. اللي يميزه غير كذا هو إن الحمض المستخدم هنا عشان يوقف التفاعل هو عصير العصروم أو الحصروم اللي هو عصير العنب اللي ما ينفع يسوون منه خمر لأنه يكون حامض. كل هذي العوامل هي اللي تعطي خردل ديجون طعمه الخاص اللي صعب تلاقينها في أي خردل ثاني.

      الخردل العادي ( الأصفر ) .. هذا منتج صناعي .. نفس العمليه بس بنوع خردل عادي و يوقفون التفاعل بحامض عادي زي الخل الأبيض مثلا.

      فيه أنواع خردل ثانيه غير الإثنين هذي بس خردل ديجون مشهور بس .. ولا فيه أكثر من نوع من أكثر من منطقه وكل واحد له طعم غير.

      الكب كيك و المفن لو تبين أسهل شوفي وش يشتركون فيه .. وهو إن شكلهم قريب من بعض بس !!! الباقي كله مختلف تماما .. الكب كيك كيك بس صغير ، المفن خبز سريع قريب للوافل و البانكيك أكثر من الكب كيك .. الكب كيك حلى بينما المفن موب شرط يكون حلى هو خبز.. نسبة الدهن و السكر للطحين في الكب كيك أكبر بكثير منها للمفن. طريقة الخلط في الكب كيك هي الطريقة الكريميه ( الزبده مع السكر أول بعدين البيض بعدين الطحين ) بينما في المفن طريقة خلط المفن هي ” طريقة المفن ” ( الجوامد لحال و السوائل لحال ونجمعهم مع بعض ) .

      في الطعم الكيك مفروض يكون رطب وطري .. بس المفن غالبا بيكون أقسى وشوي أنشف .. غير كذا المفن ممكن ينصنع بأكثر من نوع طحين عشان يزيد الألياف بس الكب كيك الليونه و الطعم هي الهدف الأول فيه .

      الكوكيز و البسكوت وش يختلفون يعتمد على وش تقصدين بالبسكوت .. فيه أكثر من نوع بسكوت وتختلف من بلد لبلد .. اللي في أمريكا يسمونه بسكوت في بريطانيا يسمونه سكونز … بس عموما الكوكيز مختلف عنهم كثير .. في الكوكيز أنتي تاكلين زبده أو دهن و الطحين موزع داخلها عشان يمسكها بس .. في البسكوت العكس تقريبا هو اللي يصير.

      http://topchefcooks.com/2010/12/11/whipped-cream/

      هذا رابط موضوع الويب كريم وفيه شرح للكريم شانتيه .

    • Anonymous on 22 February, 2011 at 11:55 pm

    ممكن ابغى كيكة تكون من جواتها بيضا مرة وما تكون ناشفة زي الاسفنجية تكون ناعمة وطرية

    مرة جربت واحدة بالليمون وكانت حلوة بس الوصفة ضاعت

    ما يهمني تكون بليمون او لا المهم تكون بيضا وطرية

      • Top Chef on 23 February, 2011 at 12:50 am
        Author

      الفانيلا :

      أصبع ونص زبده
      كوب ونص سكر
      بيضتين
      ملعقتين صغار فانيلا سايلة
      ملعقتي ونص صغار بيكنج باودر
      ربع ملعقة صغيره ملح
      كوبين ونص طحين
      كوب وربع حليب

      سخني الفرن على ٣٧٥ .

      أخلطي الزبده و السكر إلين تصير كريميه بعدين حطي البيض و الفانيلا وأخلطيهم شوي . بعدين حطي السائل وباقي المقادير و أخلطي إلين تصير خليط متجانس . صبيها في قوالب كيك مدهونه ودخليها الفرن حوالي ٢٠ دقيقه أو إلين يطلع منها عود نظيف .

      خليها تبرد تماما قبل التقديم

        • lolitta on 27 February, 2011 at 2:19 pm

        جربت كيك الفانيلا
        اتعب وانا اقول لذييييييييييييييييذ
        اخواني من اول لقمه ياكلون ويقولون يمممممي
        يذوب بالفم وطعمه يجنن
        بس عندي سوال ليه طلع بالكيك من فوق زي نقط بنيه؟ من السكر مثلا انه ماذاب !!
        راح اعتمد الوصفه مع تقليل السكر الى كوب عشان حسيته حالي شوي
        ربي يسلمك ويحرم يدينك عن النار

          • Top Chef on 27 February, 2011 at 3:38 pm
            Author

          بالعافيه عليك ..

          تقليل السكر بيخليه ناشف أكثر .. السكر موب بس حلى في الكيك ..

    • Anonymous on 22 February, 2011 at 9:22 pm

    هل اقدر استعمل الواكس بيبر ” ورق الشمع” مثل ورق الزبدة والبيرشمنت ؟ في الفرن للكيك والكوكيز وغيره

      • Top Chef on 22 February, 2011 at 9:35 pm
        Author

      ما يفضل .. ورق الشمع من إسمه هو ورق عادي مغطى بشمع . الشمع يذوب ويلصق في الأكل ويعطيه طعم شمع.

        • Anonymous on 22 February, 2011 at 9:37 pm

        طيب هو لايش يستعمل؟

          • Top Chef on 22 February, 2011 at 10:23 pm
            Author

          حفظ الأكل كونه يمنع الرطوبه .. زي حفظ الكوكيز وبعض الخضار و الأجبان وكذا .. غير كذا على ما أعتقد ممتاز للطبخ في الميكروييف .

    • ساره on 22 February, 2011 at 6:56 pm

    توب
    ماعندك رصيد في الفيس بوك ؟؟؟

    سؤال بعيد عن الطبخ هههههههه اعذرني

      • Top Chef on 22 February, 2011 at 7:02 pm
        Author

      هلا والله ….

      فيه بس خاص شوي ..

    • maryam9 on 22 February, 2011 at 6:45 pm

    بغيت اسألك عن كريمة لتزيين الكب كيك .. وياليت تكون خفيفة الطعم وبنفس الوقت متماسكة ، يعني لما اسويها بشكل معين ماتخرب بسرعه او تذوب

      • Top Chef on 22 February, 2011 at 7:01 pm
        Author

      هلا والله …

      هذا الجاناش

      http://topchefcooks.com/2011/01/22/chocolate-ganache/

      وهذي كريمة الزبده بأنوعها :

      http://topchefcooks.com/2011/02/11/buttercream/
      http://topchefcooks.com/2011/02/11/swiss-meri/

    • Anonymous on 22 February, 2011 at 6:16 pm

    ممكن وصفة Lomo Saltado

      • Top Chef on 23 February, 2011 at 1:02 am
        Author

      اللومو سالتادو أكله ستيك مشوح مع صوص آسيوي شوي ورز وبطاطس …

      سويي رز أبيض عادي …

      بعدين سويي بطاطس في الفرن أو مقليه لو تبين .. في الفرن سهل تطلع معك تقرمش ..

      جيبي بطاطس وقطعيه بالشكل اللي تبين …

      الحين صبي عليه زيت زيتون أو زبده ويفضل زبده أو عالأقل أخلطي شوي زبده معه عشان يصير يقرمش و يتلون ذهبي . بعدين قلبيه مع الدهن ورشي عليه ملح وفلفل و أي بهارات أو أعشاب ثانيه تحبين .. الروزماري و الثوم رهيبين مع البطاطس …

      حطي البطاطس في صينية فرن وخليهم مفرقين عن بعض . شغلي الفرن على ٣٧٥ من تحت وبعد ما يحتر حطي البطاطس إلين يقلب الوجه الأول ذهبي بعدين أقلبيه إلين يستوي الوجه الثاني ..

      الحين اللحم …..

      قطعي حبتين فلفل رومي شرايح بأي لون تحبين . وقطعي حبتين طماط قطع صغار و بصله أجنحة وفصين ثوم شرايح .

      الحين جيبي تقريبا نص كيلو ستيك بقر سواء فيليه ، سيرلوين ، ستريب ستيب .. اللي يعجبك وقطعيه شرايح .. بعدين جففيها زييين بمناديل .

      سخني مقله كبيره يفضل ستانلس أو حديد على أعلى شي ، خليها تسخن شوي بعدين حطي شوي زيت و اللحم . رشي ملح وفلفل على اللحم وخليه لا تحركينه كثير عشان يتحمر زين . بعد ما يتحمر اللحم من كل مكان شيليه على صحن ونزلي الحراره شوي . زيدي زيت لو تحتاج شوي زيت بعدين حطي البصل و إطبخيه إلين يبدأ يذبل بعدين حطي الفلافل و أطبخيهم إلين يذبلون شوي بعدين حطي الطماط و الثوم و أطبخيهم إلين تبدأ مويه الطماط تطلع . الحين نسوي الصوص بإننا نخلط عليهم ملعقتين كبار صويا + ربع كوب خل عنب بعدين نرجع اللحم مع المويه اللي نزلت منه . الحين نخلط البطاطس اللي حمرناها و نزينها بكزبره .. آخر شي نقدمها مع الرز .

    • Anonymous on 22 February, 2011 at 5:46 pm

    عندي افوكادو

    لكنها قاسية يعني لم اضغط عليها ما تنضغط شوي

    كم انتظر عليها برا الثلاجة

      • Top Chef on 22 February, 2011 at 5:49 pm
        Author

      http://topchefcooks.com/2010/12/05/guacmole-dip/

    • Anonymous on 22 February, 2011 at 4:16 pm

    تسلم اخوي
    مادري يمديني افوح الحليب بدون مكينه ع الفرن يعني

      • Top Chef on 22 February, 2011 at 5:26 pm
        Author

      لا تخلين أحد يعطيك أي أي معلومه غير … بس كبتشينو بدون مكينة مستحيييييييييييييييل . الرغوة هذي موب بس شكل .. عمليه تفويح الحليب بالمكينة تنفش الحليب .. الحليب بينفش ينفش !! بتشوفين الحليب يتضاعف حجمه مرتين أو ثلاث لو تبين .. هذي النفشه الخفيفه هي اللي تعطي الحليب حق الكبتشينو القوام الثقيل عكس الحليب المغلي العادي … طبعا الخلاط و المكاين اللي تسويلك رغوة عالوجه وكذا هذا بس بتسويلك رغوة عالوجه بس مالها أي علاقة بالكبتشينو.

    • Anonymous on 22 February, 2011 at 3:47 pm

    خوي لو سمحت كيف نفوح الحليب للكبتشينو وايش نوع الحليب

      • Top Chef on 22 February, 2011 at 3:56 pm
        Author

      أي حليب ينفع كل ماقل الدسم كل ماصار أسهل يتفوح بس أقل طعم .

      فكي البخار وطلعي المويه المتجمعه في الماصوره بعدين قفلي البخار . الحين حطي الراس حق العصا داخل الإبريق تحت آخر شي تحت وفكي البخار علي أقوى شي . أبدي نزلي الإبريق شوي شوي إلين يوصل الراس حق العصا عند وجه الحليب تقريبا وتبدين تسمعين صوت تس تس خفيف .. خلي الراس عالوجه إلين ينفش الحليب للدرجة اللي تبين أو يسخن للحد حقه .. إذا صار الحليب حار لدرجة إنك صعب تلمسين طرف الإبريق طفي البخار علطول .. لا تسخنين الحليب أكثر من كذا !

    • Anonymous on 22 February, 2011 at 2:00 pm

    ممكن كذا طريقة لسلطة الجرجير

    او طرق ثانية استعمل فيها الجرجير عندي كمية

      • Top Chef on 22 February, 2011 at 2:12 pm
        Author

      مين قال لازم ينوكل ورق ؟

      فكرتي تسوين فيه بيستو ؟ أو حطيه عالبيتزا آآآخر شي يعني أول ما تطلعينها من الفرن حطي الجرجير وهو بيذبل شوي بس ، بس بيحافظ على طعمه . تقدرين تفرمينه وتتبلين فيه أشياء ، خصوصا الدجاج و الربيان حلوين معه … تقدرين تحطينه داخل الساندوتشات وخصوصا الأشياء اللي فيها لحم زي الروست بيف مثلا رهيب معها …

    • Anonymous on 22 February, 2011 at 11:30 am

    مرحبا شيف

    لو تكرمت مفن التفاح احط عليه شوتلز قبل ادخله الفرن صح ؟؟؟

      • Top Chef on 22 February, 2011 at 2:05 pm
        Author

      إيه تحطينه فوق الخليط

    • ندو on 22 February, 2011 at 7:40 am

    مرحبا شيف
    ممكن اعرف اللحم المقدد عباره عن وشو
    وايش استخدماته ؟؟؟؟

      • Top Chef on 22 February, 2011 at 2:02 pm
        Author

      هلا والله …

      اللحم المقدد و الله أعلم هو البيكون .. البيكون في الأساس طريقة لحفظ اللحوم … ياخذون قطع لحم مليانه شحم ، بعدين يملحونها مع بهارات بعدين يدخنونها .. النتيجة قطعه لحم جدا لذيذه من طعم البهارات و الملح و الدخان وبنفس الوقت تعيش وقت طيييييييل بدون ما تخرب. مع الطبخ الشحم بيذوب و اللحم يبدأ يصير يقرمش.

      الإستخدامات كثيره .. سواء هو نفسه بإنك تاكلينه مع ساندوتش مثلا أو فطور أو كذا أو إنك تستخدمين نكهته عشان تدخلين نكهة حلوه عالأكل أو حتى تستخدمني الشحم كأساس لنكهات كثير .

  4. تسلم يدينك على ام علي واذا انت موجود الان عطني طريقة السيزر سلد بالدجاج

      • Top Chef on 22 February, 2011 at 1:58 pm
        Author

      هلا والله …

      الله يسلمك بس عاد وش دعوه ما سويت شي أشكري صاحبه الوصفه …

      هذا السيزر :

      السيزر صوص سلطة مطعم بثوم ، بارمزان ، أنشوجه (سمك) ، و صوص وستشير ومذوب مع بعض بصفار بيض.. السلطة اللي معها مصنوعه من خس عربي عكس كل الوصفات اللي تشوفينها بالخس الأمريكي … و أهم شي أهم شي هو الشابورة اللي مطعمه بالثوم … كثير ناس يسوون السيزر وينسون أهم أشياء فيها .. البيض ، الأنشوجه و البارمزان وطبعا الثوم في الخبز .. هذي هي أهم شي الدجاج ماله علاقة في السيزر .. اللي فكر يحط دجاج في الغالب عشان يخليها وجبه كامله يعني ما تصير طبق جانبي بس .. هذي طريقة السيزر الأصليه يمكن شوي غريبه بس هذي الأصليه جربيها و أحكمي …

      أخلطي صفار بيضه + فص ثوم + فيليه أو فيليهين سمك أنشوجه + عصير نص ليمونة + رشة صوص وستشير + ملعقة صغيرة خردل ديجون في خلاط إلين تصير خليط ناعم بعدين صبي عليها زيت زيتون إلين توصل للقوام الي تبين مع ملاحظة إنك كل مازدتي زيت بتصير أثقل موب العكس . ذوقي الملح و الفلفل و بس ..

      وملاحظة صغيرة أغلب المطاعم ما تسويها صح … يمديك تسوينها أطعم بألف مره في البيت …

    • Anonymous on 22 February, 2011 at 6:40 am

    ههههههههههه

    ما عليك خلاص انا رح اجرب واشوف وش يطلع معي

    الكعك فوامه فاسي وفلايكي عكس الكيك

    ثانكس اني وايز

    • Anonymous on 22 February, 2011 at 6:32 am

    ابي طريقة العجينه يعني

    شلون اخليها زي قوام الكعك.. ومكوناتها الاساسيه بطاطس مهروسه ودقيق
    وشكرا

    • Anonymous on 22 February, 2011 at 6:30 am

    ابي طريقة العجينه يعني

    شلون اخليها زي قوام الكعك.. ومكوناتها الاساسيه بطاطس مهروسه ودقيق

      • Top Chef on 22 February, 2011 at 6:32 am
        Author

      والله ما أعرف .. عطيني إسم للشي و يمكن أعرف بس كذا من الوصف صعب والله .. هذا حلى ولا طبق رئيسي ولا وشو بالضبط ؟ ووش الفرق بين الكيك و الكعك ؟

    • Anonymous on 22 February, 2011 at 6:05 am

    سلام شيف… عساك بخير وسعاده

    سؤالي معليش ما ادري وش يبي بس تحملنا

    انا ابغى اسوي كعك بالبطاطس.. عندي كريمه خفق وجبن وحليب وبطاطس ودقيق ,, فكرت اسوي فيهم كعك

    ابي القوام يطلعلي قاسي نوعا ما.. يعني مو زي الكيك ابيه زي الكعك

    وسلامتك

      • Top Chef on 22 February, 2011 at 6:15 am
        Author

      هلا والله …

      والله مافهمت المطلوب بالضبط ؟

    • Anonymous on 22 February, 2011 at 2:24 am

    توب ابغى طريقه بطاطس مشوي بالفرن وشكرا

      • Top Chef on 22 February, 2011 at 5:58 am
        Author

      جيبي بطاطس وقطعيه بالشكل اللي تبين …

      الحين صبي عليه زيت زيتون أو زبده ويفضل زبده أو عالأقل أخلطي شوي زبده معه عشان يصير يقرمش و يتلون ذهبي . بعدين قلبيه مع الدهن ورشي عليه ملح وفلفل و أي بهارات أو أعشاب ثانيه تحبين .. الروزماري و الثوم رهيبين مع البطاطس …

      حطي البطاطس في صينية فرن وخليهم مفرقين عن بعض . شغلي الفرن على ٣٧٥ من تحت وبعد ما يحتر حطي البطاطس إلين يقلب الوجه الأول ذهبي بعدين أقلبيه إلين يستوي الوجه الثاني ..

    • Anonymous on 22 February, 2011 at 1:12 am

    ممكن سلطة الافوكادو

    والسلطة اليونانية

      • Top Chef on 22 February, 2011 at 6:02 am
        Author

      سلطة الأفوكادو ؟؟؟؟؟ مافيه سلطه معينه إسمها سلطة أفوكادو … بس عموما الأفوكادو لذيذ مع سلطات كثير تقدرين تدخلينه عليها..

      جربي هذي للأفوكادو كبدايه .. قطعي الأفوكادو شرايح نحيفه .. وقطعي طماط شرايح نحيفه بنفس السمك تقريبا .. رصيهم ورى بعض بعدين أعصري عليهم ليمون وزيت زيتون وشوي أوريجانو ..

      السلطة اليونانية :

      قطعي مجموعه فلافل ( أحمر ، أصفر ، أخضر ) .. مع خيار و بصل أحمر وشوي ورق نعناع وزيتون يوناني يفضل كلمتا .. آخر شي قطعي عليهم جبنه فيتا .. ولازم فيتا بدونها ماصارت سلطة يونانيه ..

      الخلطة سويها بإنك تخلطين جزأ خل عنب مع 3 أجزاء زيت زيتون وشوي أوريجانو ورشه ملح وفلفل .. أخلطيهم مع بعض زيين بعدين رشيها شوي شوي عالسلطة .

        • Anonymous on 22 February, 2011 at 8:07 am

        بدون طماطم؟!

          • Top Chef on 22 February, 2011 at 2:04 pm
            Author

          هههه معليش نسيت .. إلا بطماط السلطة اليونانيه .. عموما لا تدقيين كثير ترى فيه أكثر من ألف سلطة يونانيه .. يعني هي سلطة عاديه بنكهات يونانيه زي الأوريجانو و الفيتا بس ..

    • Anonymous on 21 February, 2011 at 7:31 pm

    في طريقة ثانية ممكن اكل فيها الكورن فليكس بانواعه رز شوفان ذرة غير عن الطريقة التقليدية بالحليب؟

    سواء كفطور او كحلو او مالح ؟؟

      • Top Chef on 21 February, 2011 at 7:54 pm
        Author

      تقدرين تستخدمينه كإضافه للحلويات مثلا أو حتى كتغطيه للقلي أو الصياني لو تبين عشان يعطي شوي قرمشة .

    • Anonymous on 21 February, 2011 at 7:21 pm

    اوك راح اجرب بكرة خميرة ودقيق جديد وابلغك وش صار معي

    لاني صراحة مرة انقهرت على البرجر وكنت اتوقع ان البلى من الوصفة او شي ناقص انت نسيته <<سهواً

    بس عجينتي ؟؟؟ كانت صدمة كبيرة

    عموما مشكور يا قلبي ما تقصر كفيت ووفيت

    بس ليش موقف الدقيق يختلف بين الكيك والعجين ؟؟

      • Top Chef on 21 February, 2011 at 7:52 pm
        Author

      لا تنسين مويه الصحه .. كونك قلتي عند أمك نفس الشي .. إحتمال إحتمال ولو إنه ضعيف بس إحتمال تكون عسوره المويه هي السبب أقطعي الشك باليقين وشوفي .

      http://www.shamoa.com/vb/showthread.php?t=20329

      أقري الموضوع وركزي على نقطة الجلوتن .

    • Anonymous on 21 February, 2011 at 7:04 pm

    اش تنصح يا شيف أعمل كيكة تنفع حفلة ملكة وخطوبة ؟

    شي رهيب ,, وشي ينفع انها تتزين بالفوندان

    ,, اثق برأيك شيف

      • Top Chef on 21 February, 2011 at 7:48 pm
        Author

      فوندانت = طعم أستغفر الله ….. غالبا مثل هذي الكيكات تكون شكل بس موب طعم أو عالأقل هذا اللي ذقته للحين … عشان تسهل عليك التزيين وكذا سويي كيك قوي شوي زي الكيكه الصفراء مثلا .

    • شوكولانا on 21 February, 2011 at 5:24 pm

    اخوي توب شيف ممكن اعرف وين الاقي السكر البني بالسعوديه
    بحثت لقيت سكر شاي مكعبات او سكر قطع كبيره ماانطحنت ومااتوقع اقدر ادقها او اطحنها

    ياليت تساعدني ؟

    سواء بني غامق او فاتح

      • Top Chef on 21 February, 2011 at 5:42 pm
        Author

      والله غريبه صراحة .. أنا دايما ألاقيه في السوبرماركتات مالقيت أي مشكله فيه ؟ بتلاقينه في قسم السكر في الغالب .. أحيانا يمكن على حظك يكون مخلص بس لو سألتيهم بيعرفون .

        • Anonymous on 21 February, 2011 at 5:50 pm

        او احيانا يكون في قسم الحمية متوفر وبكثر بعد

      • Anonymous on 21 February, 2011 at 6:00 pm

      هي دايما على حسب المنطقه صح والله مالومك من جد غصب ينوجد .. بس شوفي اذا عندك هايبر ببنده بتلقينه لا محاله

    • Anonymous on 21 February, 2011 at 4:30 pm

    مساك الله بالرضى والعافية

    اخبار الجو ان شاء الله تحسن ؟؟؟

    سلمك الله ابي احطك في اختبار واشوف تحله او لا ^_^

    تذكر يمكن خبز البرجر الي صلحته وكان لونه غريب <<<اتحدى تنساه هههه

    عرفت ان المشكلة في العجينة لاني سويت فطاير اليوم حتى الشغالة تقول ليش كذا دايم منتفشة تقل وساده من كبرها اليوم تحلف علي بالضبط ترتفع للنص بس يعني ما تتضاعف لا لنص المشوار وتوقف

    المهم اذا خبزتها مرة مرة ما تصير مثل العالم

    طبعا رحت اختبر الخميرة ولو انها جديده لكن قلت مو مشكلة اجرب وفعلا حطيت ملقعة اكل خميرة على ملعقة اكل سكر وتقريبا ثلث كوب ماء . في اقل من خمس دقايق اشتغلت تمام وبعد 15 دقيقة فاضت من الكوب

    يعني تشتغل وحية ولا فيها شي

    قلت يمكن الدقيق بس الدقيق يوميا اسوي منه كيك ولا احلى منه رهيب مافيه اي عيب هش وطري وحلو مرة

    هالحين السؤال وش تتوقع السبب ؟؟؟جاوب صح ولك مني تذكرة للسعودية ^_^<<<< ترى تمزح لا تصدق هههه

      • Top Chef on 21 February, 2011 at 5:41 pm
        Author

      يوم أقول الخبز أصعب شي ما كذبت … هو فعلا أصعب شي و الدليل مثل حالتك …. هل المشكلة في الوصفه ؟ في القياس ؟ في الكميات ؟ في المكونات ؟ في التنفيذ ؟ في البيئة ؟ في الفرن ؟ وين المشكله هنا ؟؟؟؟؟؟؟؟؟ ههههه حليها …

      إختبار الخميره اللي سويتي ما يدل على شي .. الخميرة عبارة عن ملايين البكتيريا يمكن يكون عايش منها ١٠ ٪ أو ٩٠ ٪ وكلها راح تعطي رغوة ؟ كيف تعرفين الخميره هذي شغاله صح ولا لأ ؟

      ما أعرف وش السبب بالضبط فيه أكثر من سبب وحتى لو كنتي دايما تسوين بنفس الطريقة موب معناه إنه مستحيل يتغير شي …

      الطحين راح يشرب مويه بنفسب مختلفه حسب بيئة المطبخ وعمر الطحين هذا واحد ..يعني لو الوصفه مكتوب كوب طحين مع كوبين مويه موب شرط هذي الكمية دايما تكون صح أحيانا لازم تزيدين مويه أو طحين عشان توصلين للوصف المكتوب في الوصفه . مثلا بيقولك بيطلع عجينة رطبه ولينه وتلصق شوي وطلع عندك عجينة شوي قاسيه وموب لينه تروحين تزيدين شوي مويه وتعجنين إلين توصلين للوصف اللي مكتوب …

      الخمرية يمكن تكون ضعيفه أو يمكن إنك تحطينها في مكان حار شوي أو تستخدمين مويه شوي حاره عليها وبكذا تموت .. أو يمكن العكس .. يمكن الخميره مافيها مشكله بس مطبخك شوي بارد وهذا بيخليها ضعيفه وراح تنفش بس راح تاخذ وقت شوي .

      العجن يمكن ما يكون كافي .. وبدون عجن كافي الخبز ما ينفش أو ينفش بس ما يمسك نفشته يعني علطول يطيح ..

      كحل أول جربي تسوين شي بنوعية طحين جديده وبخميرة جديده وشوفي وش يصير معك … ومن هنا أبدي شيلي العوامل هذي وحده وحده .. كذا تحلين المشاكل …

        • Anonymous on 21 February, 2011 at 6:05 pm

        لحظة انا قلت اني سويت كيك وتعرف ان الكيك حساس اكثر من اي شي وكان ممتاز بنفس المقاييس الي اسويها يعن يمغمضة انفذها مو محتاجه

        حتى العجين نفس الشي ولا كان المطبخ بارد ولا شي تعال هنا ودك تفتح المكيف ترى بالسعودية وتخبر الجو بالغربية كيف.

        طيب لو قلت ان خميرتي فيها بلا او دقيقي مثلا. اخر الاسبوع الماضي سويت عجينة في بيت الوالدة ونفس الشي

        اقسم بالله لي في المطبخ عمر فوق 15 سنة يعني مو جديده على العجن بس هذا الشي جديد بالمرة

        اعرف ان العجينة تعتمد على الملمس عشان كذا ما اقيس الماء او السايل ابد اخذ بالملمس والعجن باليد ولو ان عندي عجانة لكن احب يدي افضل واعجنها وقت كافي .

        ابي اشتر يبكرة دقيق جديد واشوف يمكن يكون من الدقيق لان مو معقول الماء او الزيت او السكر هم السبب ادري الماء ييمكن يكون حار يخرب او بارد يبطئ

        لكن اضمن لك كان ممتاز جدا وهذا شي حريصه عليه تمام .

        تدري عاد طارت عليك التذكرة ههههه

          • Top Chef on 21 February, 2011 at 6:49 pm
            Author

          الطحين في الكيك وفي الخبز له دورين مختلفات تماما … كونه سوالك كيك رهيب موب شرط يسوي نفس الشي في الخبز و العكس صحيح .

          لك ١٥ سنة على عيني وعلى راسي … بس المسألة ما تنحل كذا …

          صح شي ثاني .. بفترض إنك تستخدمين مويه من المغسله عادي … جربي تسوينه بمويه صحه …

    • Anonymous on 21 February, 2011 at 4:03 pm

    لو سمحت ممكن بديل لخل الارز … وممكن توصف لي نكتهة ويكون قريب لايش لوسمحت ؟؟؟

      • Top Chef on 21 February, 2011 at 5:30 pm
        Author

      خل الرز يختلف عن باقي أنواع الخل شوي .. هو يجي حموضته أخف من باقي أنواع الخل و فيه نوع من الحلاوه شوي .. النكهة صعب أوصفها لازم تذوقينها بنفسك عشان تعرفين وش طعمه .. بالنسبة للبدائل قلتها كثير بس موب دايما الشي له بديل يعتمد على دور المكون في الأكله .. عشان كذا دايما أحب أشرح دور كل مكون في كل أكله بحيث تعرفين بعدين إذا جيتي تبدلين وش البدائل الممكنه .

      لو كان مثلا الخل للسوشي .. لا تخلين أي أحد يعطيك أي معلومه غير هذي .. .بس سوشي بدون رز سوشي خاص وبدون خل رز موب سوشي !!! لو كان الخل عشان صوص مثلا بإنك تذوبين بقايا الطبخ هنا فيه مجال للتبديل .. زي ماقلت هي تعتمد على دور المكون في الأخير .

        • Anonymous on 21 February, 2011 at 7:17 pm

        طيب سؤال انا عندي خل الارز الياباني

        لكن حسيته ننفس طعم الخل الابيض بس ريحته اخف

        كيف كذا؟

          • Top Chef on 21 February, 2011 at 7:50 pm
            Author

          ذوقيهم جنب بعض …

    • Anonymous on 21 February, 2011 at 3:40 pm

    السلام عليكم

    لو تكرمت الكبتشينو والاتية ارت فرقهم فقط في طريقة السكب صح

    يعني الاول يكون القهوة اول بعدين الحليب الثانية العكس ويكون صح القهوة على حافة الكوب حتى ما يتسرب تحت لا يكون بعد الرغوة على طول صح ؟؟

      • Top Chef on 21 February, 2011 at 3:53 pm
        Author

      وعليكم السلام …

      اللي بيضبط اللاتيه آرت يضبط يسوي المشروبات الأساسيه صح أول بعدييييييييييييييين يفكر في اللاتيه آرت إذا القهوة ماكان طعمها صح وش الفايده من الرسمه ؟ .. هو موب مشروب إسمه لاتيه آرت هو بس إسم عام للرسم على القهوة .

      اللاتيه = إسبريسو + حليب مفوح + شوي رغوة .. الطعم هنا طعم حليب ثقيل شوي مع نكهة قهوة خفيفه .

      الكبتشينو عبارة عن ثلث الكوب إسبريسو وثلثه حليب مفوح وثلثه رغوة . الطعم كريمي مع نكهة قهوة واضحة

      اللاتيه لو أنرسم عليه و الكبتشينو لو أنرسم عليه ما يغير إن هذا كبتشينو في الأخير وهذا لاتيه في الأخير ! الفرق بس في الرسمه …..

      في الإثنين الإسبريسو تكون تحت وينصب الحليب عليها . الفرق هو في كيف تفوحين الحليب للكبتشينو ولللاتيه .

    • Anonymous on 21 February, 2011 at 3:13 pm

    ممكن طريقة كوكتيل الروبيان والا مدري ايش اسمه جمبري مع صوص وردي

    وممكن لو عندك طريقة لسلطة يدخل فيها الربيان كمان لو سمحت

      • Top Chef on 21 February, 2011 at 3:37 pm
        Author

      كوكتيل الربيان …

      أسلقي الربيان في مويه مملحه على غليه خفييييفه إلين يقلب برتقالي بس ! لا تخلينه أكثر من كذا عشان ما يصير ناشف . وبس قدميه في كاس كوكتيل مع صوص ثاوزند آيلند أو صوص روسي .
      http://topchefcooks.com/2010/11/27/thousand-island-dressing/

      السلطة قدمي نفس الصوص اللي فوق مع الربيان و أفوكادو و منقا أو بابايا لو تحبين و بصل أحمر .. هذي سلطة رهييييبه .

    • Anonymous on 21 February, 2011 at 11:57 am

    http://rouxbe.com/recipes
    هذا الموقع رائع بمعنى الكلمة ولكن الفديوهات لا تظهر الا باشتراك ما طريقة الدفع ليصبح الفديوهات ظاهرة

      • Top Chef on 21 February, 2011 at 2:53 pm
        Author

      والله علمي علمك .. الموقع رهيب صح ، دوري عندهم غالبا يا بيكون فيزا أو باي بال

      هذا بلاش لو تبين :

      http://www.videojug.com/tag/food-and-drink

    • Anonymous on 21 February, 2011 at 10:32 am

    مرحبا هندسة

    لو سمحت مفن التفاح الي حاطة الاخت وصفته فيه كوب كريمة حامضة وهي ما تتوفر في مدينتي بشكل دايم يعني وين وين لين القاها عموما اقدر احط هنا لبنة اولا لانك ذكرت احيانا اقدر ابدل مكانها يا ترى هنا اقدر او لا

    الله يجزاك ووالديك بالجنة

      • Top Chef on 21 February, 2011 at 2:52 pm
        Author

      تقدرين تحطين لبنة أو زبادي بعد بس ماراح تكون نفس الشي .

    • عفاف on 21 February, 2011 at 10:22 am

    مرحبا شيف
    بغيتك هالمره في مهمه انسانيه
    عندي وحده فيها مرض السكر واكتشفو ان فيها برضوا حساسيه من الجلوتين
    عمرها 12سنه
    فيا ليت تعطيني وصفات خبز من دقيق الارز او الدخن او الذره
    والله يكتبه في موازين حسناتك

      • Top Chef on 21 February, 2011 at 2:51 pm
        Author

      هلا والله ..

      والله زي ماقلت لأخت ثانيه طلبت نفس الشي .. بس الموضوع هذا والله ما أعرفله شي .. اللي فهمته منها إن الخبز هذا متوفر في السوبرماركت مجمد .

Comments have been disabled.

%d bloggers like this: