… Ask me

سيتم إغلاق صفحة الآسك هذي بسبب فتح صفحة جديدة للآسك هنا. ياليت لو يتم تحويل جميع الأسئلة للصفحة الجديدة.

 

شكرا

13,212 comments

Skip to comment form

  1. شيف اذكر سألتك إذا أقدر اعمل ام علي بالجلاش بعد ما انشفه بالفرن وقلت لي أيه , طيب انشفه ولا احمره ؟ احط له زيت أو كذا بس وياليت تعطيني طريقة ام الله يسعدك ابي اعملها بعد شوي لا تتأخر علي .

      • Top Chef on 21 February, 2011 at 5:46 am
        Author

      نشفيه بس عشان يشرب الكسترد زين .. حطيه في صينيه في فرن ٣٠٠ إلين يصير ناشف مره بدون زيت أو شي.

      http://www.shamoa.com/vb/showthread.php?t=7678

    • Anonymous on 21 February, 2011 at 2:23 am

    هلا والله

    انت تقول ليش هذا الي فكر في جمع المكونات وصلح هذا الحلى ؟؟؟

    صحيح انا خلفيتي بالطبخ والمطبخ الاجنبي خفيفة شوي لكن الي اعرفة ان كل طباخ مبدع عنده وصفة خاصة فيه كلهم مو بس واحد فيهم

    مثلا تذكر “البفالوفا ” هذا قصته راقصة البالية الي ذكرتها زارت فرنسا والشيف حب سوي لها طبق خاص وجديد فطلع بهذا الطبق وسمى على اسمها

    يعني جاب شي جديد ادري انه مايقارن بالكيكة لكن مثلك عارف الناس وابداعاتها تختلف انا متاكده انه قبل يطلع بالوصفة هذه جرب كثير وكثير بعد عشان طلع بهذه النتيجة

    كونك شيف وكون انك تبي يكون لك طبقك الخاص وكون مميز لازم تبدع صح في اخراجها

    في شيف يقول اهم شي طلعت بشي خاص وبس وفي ناس لا تبي شي يسوى انه يكون خاص فيه مو حي الله طبق

    الا بخصوص الوصفة اخر شي تقول شوكولاته صح؟؟ اكيد مو موس ؟؟؟ لانه لو شوكولاته وشلون راح يجي معك وتحته كريمة اكيد راح تصير حكاية عشان يقطعها ولا؟؟؟

      • Top Chef on 21 February, 2011 at 3:10 am
        Author

      شكلك ما فهمتي وش أقصد ..

      اللي أقصده إن المكونات وحده في كل الأكلات .. قلتي البافلوفا كمثال بس هذا نفس اللي أقول بالضبط .. اللي أخترع البافلوفا موب هو اللي أخترع المرانج ولا هو اللي أخترع الويب كريم وطبعا موب أول واحد فكر يحط فواكه مع مرانج وويب كريم بس مع بعض صارت بافلوفا .. هو ماجاب شي جديد هو بس جمع مكونات مع بعض وسوا طبق جديد .. هذا الشي يصير دااااايما بس هل ينتشر وينشهر هذا الطبق ولا لأ هذا موضوع ثاني …

      أنا أكثر شي يزعجني هو موضوع “الوصفه” كثير ناس يحسبون إنه لازم يكون فيه ورقه مكتوب فيها كل شي بالتفصيل عشان تعرفين تطبخين بس هذا كلام خطأ .. لو عرفتي كم شي تقدرين تدخلين المطبخ وتشوفين وش فيه عندك وتسوين فيه شي من راسك ببساطه .. الناس يطلعون بوصفات خاصه فيهم طول الوقت ترى سواء تكون وصفه خاصه ١٠٠٪ أو تطوير لوصفه ثانيه في النهايه هي نسختك أنتي عن الشي هذا وخاصه فيك .

      الكيك اللي أقصد يجي طبقة كيك بعدين ترشين شيره ، بعدين بتر كريم بعدين طبقة كيك بعدين شيره بعدين جاناش بعدين طبقة كيك بعدين شيرة بعدين بتر كريم بعدين طبقة كيك وشيره وأخيرا شكولاته مذوبه ( بس طبعا مذوبه صح يعني تذوبينها لحراره معينه بعدين تبرديناه لحراره معينه بعدين تسخنينها لحراره معينه مره ثانيه عشان تصير تلمع ) تصبينها عالوجه وتتزين في الغالب بأوراق الذهب هههه هذي الكيكه كذا تكون بالضبط بالضبط …

        • Anonymous on 21 February, 2011 at 3:58 am

        بالعكس فهمت عليك تمام بدليل عطيتك مثال على البفالوفا هو اخترع الشكل والاخراج ما جاب شي من عنده

        هذا الي اقصده انك تطلع بشي جديد من اشياء موجوده اصلا حواليك في المطبخ وتكون بشكل وطعم واخراج جديد بالكامل بس

        شكل الشوكولاته مدري بس اتذكر شفت نفس الشكل هذا في برنامج يسوي حلويات ويسوي موس ويصبه فوق اللحويات ويكون بهذا الشكل فجاء في بالي انه موس

  2. سوري تشف , بس أنا متحمس جدا لموضوع البيتزا ,
    لما بحثت عن الحجر بالنت طلعت لي انواع كثير : Gourmet , Ceramic ,..
    وأحجامها متفاوته , لكني انصدمت انها مو ثخينه احسها نحيله شوي .., ف أخاف أشتري الحجر الغلط
    ياليت توضح لي عنه أكثر , أو تعطيني صورة له ؟

    http://underbid.com/merchant/learningandeducation/product/760-1572143/IRWG1902/Ironwood_Gourmet_3916_Square_Pizza_Stone.html?ref=base

    http://www.google.com/products/catalog?q=pizza+baking+stone&hl=en&biw=1280&bih=685&um=1&ie=UTF-8&cid=5150773166188933381&ei=WN9hTfHVL9PpgQfkxICzAg&sa=X&oi=product_catalog_result&ct=result&resnum=10&ved=0CJ0BEPMCMAk4Hg#

      • Top Chef on 20 February, 2011 at 11:17 pm
        Author

      والله ما أعرف .. هو بيكون مكتوب عليه حجر بيتزا وبس … وغالبا سيراميك .. سمكه بيكون من سانتي إلى سانتي ونص تقريبا موب أكثر .. لو كان أسمك بيحتاج وقت طويييل عشان يحتر بس بيمسك حرارته أحسن … بس الإثنين بيأدون نفس الغرض .

    • Anonymous on 20 February, 2011 at 7:36 pm

    اذا ممكن ابغي طريقه لصوص الكشري
    ابيه مضبوووووط لو سمحت يا مبدع

      • Top Chef on 20 February, 2011 at 11:13 pm
        Author

      هلا والله …

      والله فيه ناس إختصاصهم الكشري … بيعرفون أحسن مني … تفضلي كثير يمدحون في هذي الوصفه :
      http://www.shamoa.com/vb/showthread.php?t=333&highlight=%DF%D4%D1%ED

    • Anonymous on 20 February, 2011 at 4:25 pm

    ممكن وصفة لكريمة الطهي محتارة فيها

      • Top Chef on 20 February, 2011 at 6:16 pm
        Author

      وشي كريمة الطهي ؟ أول مره والله أسمع فيها ؟

    • Anonymous on 20 February, 2011 at 4:14 pm

    http://r3s3p.blogspot.com/2009/03/creme-caramel.html

    مرحبا

    سويت الوصفة اللي فوق وطعمها كان ممتاز وكانت كريمة بدون تحبيب او خشونة تذوب في الفم مثل الايس كريم

    لكن المشكلة انهااتكسر سطحها بعد ما قلبتها

    وانا مشيت على الوصفة بالملي

    لكني لم حطيت السكر المحروق وبرد اتكسر في نفس الصينية ما اعرف ليش وكنت اسمعه يتكسر وصار شكله كانه زجاج مشطوب

    والشي الثاني انه الصينية كانت كبيرة شوية على المقادير

    فيا ريت تعطيني السبب لاني مو حابة اغير الوصفة بس اتفادى الاخطاء

      • Top Chef on 20 February, 2011 at 6:16 pm
        Author

      اللي يخليها ناعمه وكريميه هو إنك سويتيها صح وما طبختيها أكثر من اللازم بس … الوصفه مالها دور كبير من هذي الناحية .. التنفيذ هو الأهم .

      الكريم كاراميل يتكسر في حالتين .. يا إنك ما فكيتي الأطراف صح أو إنك ( وهو الغالب في العاده ) حاولتي تفكينها من القالب وماكانت بارده تماما أو كان الكسترد مطبوخ أقل من اللازم . الكسترد يكمل طبخ وهو يبرد بس لو مابرد صح أو ما أنطبخ للحراره الكافيه إن البيض يتجمد عندها ماراح يكون قوي وبيكون سهل يتكسر .

      الكاراميل بيتكسر طبيعي عشان فرق الحراره . الكاراميل بالضبط بالضبط زي القزاز ( حتى في التركيب الكيميائي موب بعيد كلهم نفس الفكرة ) . القزاز عبارة عن بلورات كوارتز ( رمل تقريبا ) ذايب و الكاراميل بلورات سكر ذايبه . لو سخنتي الجزاز بعدين بردتيه علطول وش يصير فيه ؟

        • Anonymous on 20 February, 2011 at 6:45 pm

        انا مررت طرف سكين فاكهة على طرف الصينية وانفصلت بسرعة معايا ما تعبتني

        في الفرن تركتها 45 دقيقة في الفرن وساعة على رخامة المطبخ

        وانا تركتها قبل ما اقلبها تقريبا 12 ساعة او اكثر في الثلاجة فانا اعتقد اني تركتها تنطبخ الوقت الكافي لانها لم خرجت من الفرن كانت تهتز من الوسط شوية

        طيب تنصحني بايش المرة القادمة ؟

        اتركها ساعة في الفرن مثلا؟

        وشكرا

          • Top Chef on 20 February, 2011 at 10:52 pm
            Author

          الوقت عمره ما يفيد .. خلي الوقت عالجنب و أفصخي ساعتك إذا دخلتي المطبخ … أمشي على الدلائل اللي تقولك إن الشي جهز أو لأ .. ٤٥ دقيقه وقت كافي أو لأ ما أدري ما أقدر أعرف صراحة .. هي صح المفروض تعرفين بالنظر بإنك تهزين الكسترد وتشوفين كيف يهز .. يمكن كان يهز أكثر من اللازم يعني كان يبغاله كم دقيقه زياده .. لاحظي كم دقيقه بس ما كان يحتاج كثير .. هذا واحد من الأسباب بس إلى الحين منيب متأكد إذا كان فعلا مطبوخ أقل من اللازم أول لأ …

          سويه زي ما سويتي المره هذي … بس خليه أطول شوي و إن شاء الله تختفي المشكلة .

    • Anonymous on 20 February, 2011 at 2:12 pm

    شيف , أنا حاليا متواجد بأمريكا
    وودي أصلح بيتزا طعمه , ممكن أعرف من وين أقدر احصل ع حجر كويس ؟ إيش هي مواصفاته ؟ ومن واين الاقي العصاة هذي تبع البيتزا الي دخلها بالفرن ؟

    كمان حاجه , السميد المستخدم خشن ولا ناعم ؟
    وهل حرارة الفرن 500 مع الحجر تكفي ؟ , وهل لازم ندهن الحجر بزيت زيتون مثلا قبل مانحط البيتزا عليه ؟

    شكرا جزيلا..

      • Top Chef on 20 February, 2011 at 6:06 pm
        Author

      هلا والله ….

      الحجر موجود في أي أي أي محل مطابخ … مدري عن أمريكا أنا في كندا بس أعتقد تلاقينه في وول مارت وكذا أكيد هو شي متوفر يعني موب شي نادر هناك .

      العصا حقت الفرن بعد متوفرة في كل محل مطابخ دور على pizza peel وهم بيعلمونك بالضبط .

      السميد حق العجينة ناعم يكون .

      حرارة الفرن تكون على أعلى شي يوصله فرنك .. ما تفرق مع الحجر في النهايه كلهم بيوصلون نفس الحراره .

      الحجر ما يندهن بأي دهن أو أي شي !! أي دهن ينحط عليه بينحرق بثواني ويطلع أسود ومر .

    • Anonymous on 20 February, 2011 at 1:03 pm

    شيف … يسعد مساك ..
    حبيت اسوي هالمافن بس احترت في السكر هل هو ناعم بودره ولا ناعم ( الحبيبات الناعمه ) .. لاني اشوفه نخلهم يعني بودره صح الحبيبات ماتنخل صح !!!!

    http://rouxbe.com/recipes/2693-apple-streusel-muffins/text

      • Top Chef on 20 February, 2011 at 6:03 pm
        Author

      هذا سكر كاستر .. يجي ناعم مقارنة بالسكر الخشن بس موب ناعم زي البودرة .

        • Anonymous on 20 February, 2011 at 7:26 pm

        الله يستر عليك انا شفت وصفة الاخت وعجبتني مرة لاني احب احط فواكهة في الاكلات الي اسويها

        بس في شغلة مافهمتها زين . في الخطوة الاولى حط السوايل مع معض

        الخطوة الثانية حط الجوامد مع بعض

        الخطوة الثالثة حط كميات من الزبدة والدقيق والسينبون والسكر مع بعض هذه هنا مافهمت ليش وش الفايدة منها ؟؟؟

        يعني اضافها على الخلطة بعدين ولا هذه تغطية ولا وش بالضبط

        لو تتكرم وتشرحها لي اكون شاكرة لك

        في سؤال ثاني هل تقصد في الابداع والشطارة ان الشخص يكون عنده وصفة معينة ويغير فيها من حيث النكهة ؟؟ ويصير عنده نكهات مختلفة من اساس واحد

        ام الشطارة ان الواحد يبدع في وصفة من نفسة ويكون لها مقاديره الخاصة به ؟؟؟

          • Top Chef on 20 February, 2011 at 11:10 pm
            Author

          هذي الخلطة اللي فوق يسمونها شتروزل . هي تنحط فوق خليط المفن .. هذي بتصير شي يقرمش فوق المفن بعدين .. طبعا هي موب بس للمفن تنحط مع أشياء كثير وحتى ممكن يتسى منها زي قشرات تارت ..

          كل الإثنين ينطبق عليهم نفس الكلام أصلا هم موب بعيدين عن بعض لو فكرتي فيها شوي .. مثلا خذي أي أكله أي أي أكله في العالم وبتلاقين إنها خليط من كم مكون رئيسي وكل واحد له طريقة طبخ غير ..

          مثلا لو أخذنا كيكة يسمونها أوبرا كيك ( مالها علاقة بأوبرا المذيعة ) .. هذي الكيكة عبارة عن طبقات كيكة إسفنجيه بنكهة اللوز مغرقة بشيرة قهوة + بتركريم فرنسي مطعم بقهوة + جاناش شكولاته و آخر طبقة شكولاته ذايبة عادية …

          http://hardiannazief.com/IMG/Mar/opera.jpg

          هذي الكيكة كيكة مستقلة و اللي أخترعها أخترع شي جديد بس كل مكون لها مكون معروف وكل الناس يعرفون يسوونها .. بس الصعب من وين يكون لك عقل إنك تفكر في هذي المكونات الأساسيه مع بعض وبالترتيب المعين .. أي شيف لو قلتيله مكونات الكيكه هذي بيعرف يسويها بدون إعتماد على وصفة الشخص اللي أخترعها … لاحظي مكوناتها تعتمد على أشياء يعني الطباخ بيعرف يسوي كيكه إسفنجيه وبعد يعرف كيف يطعمها بأي نكهة يبي في مثل حالتنا هنا باللوز .. الطباخ أكيد لازم يعرف يسوي شيره و أكيد لازم يعرف يطعمها كيف .. في حالتنا بالقهوة .. و الطباخ بعد لازم يعرف يسوي بتر كريم فرنسي منكهة بقهوة بعد و بعد لازم يعرف كيف يسوي جاناش صح وبعد لازم يكون عنده خبره إنه يستخدم الشكولاته كتغطيه .. بس ليش مافيه إلا شخص واحد اللي فكر يجمعهم مع بعض ؟

          خلاصة الكلام .. مهما الواحد إخترع شي غالبا بيكون له أساس يرجع له .. صعب .. إذا ماكان مستحيل إن الواحد يتعلم كل الوصفات حولين العالم .. بس ممكن بسهولة الواحد يتعلم كل الطرق اللي طلعت منها هذي الوصفات ..

    • Anonymous on 20 February, 2011 at 12:21 pm

    شيف لاهنت ابي طريقة الطحينة اللي تجي في مطاعم السمك
    تجي خفيفة ولونها فاتح
    صحيح فيها دقيق؟

      • Top Chef on 20 February, 2011 at 6:02 pm
        Author

      هذي طالع عمرك خليط طحينة + زبادي + عصير ليمون + ملح وفلفل ومويه .. كم الكميات بالضبط والله ما أعرف أسويها بالتجريب بالعاده أخلي المويه آخر شي أخففها فيه . يعني حطي مثلا نص كوب طحينه مع ربع كوب زبادي مع شوي ملح فلفل و عصير ليمونه و ذوقي وعدلي حسب الرغبة .

    • عبود on 20 February, 2011 at 12:06 pm

    لاهنت طريقة رز البخاري والدجاج عالشواية ،،
    ببهاراته بالتفصيل ..

    شاكر لك

      • Top Chef on 20 February, 2011 at 6:01 pm
        Author

      هلا والله …

      الرز البخاري شفه في الرد اللي تحتك هذا توي كاتبه .

      الدجاج الشوايه :

      http://msa6el.mbc.net/vb/tt75845.html

    • Anonymous on 20 February, 2011 at 7:29 am

    ممكن وصفة الرز البخاري

      • Top Chef on 20 February, 2011 at 5:59 pm
        Author

      أطبخي بصله في شوي زيت ( أو أحسن بعد دهن دجاج ) ، بعدين حطي عليها فصين ثوم مقطعه شرايح صغيره + شوي زنجبيل + عود قرفة + شوي كمون حب + شوي كزبرة حب + هيل حب + قرنفل حب + فلفل حار و أطبخيهم شوي . بعدين حطي عليهم جزره مبشورة + ملعقة كبيره صلصة طماط و أطبخيهم إلين يذبلون . الحين حطي كوب رز بسمتي و أطبخيهم شوي بعدين صبي مرق دجاج ( تقريبا كوبين ) + نص ملعقة صغيرة ملح .. خليهم يغلون بعدين نزلي الحرارة على أقل شي وغطي القدر بمنشفة رطبه بعدين الغطاء وخليه يطبخ حسب نوع الرز اللي عندك من ١٥ – ٢٠ دقيقه . الحين طفي النار وخليه يرتاح نص ساعة تقريبا .

    • Anonymous on 20 February, 2011 at 4:02 am

    اخوي لو سمحت شرايح الفيليه المجمد كيف نسويها بالفرن صينيه وهل ممكن نشويها ولا ماتتحمل اقصد الشرايح الطويله زي الكبير وغيره

      • Top Chef on 20 February, 2011 at 5:44 pm
        Author

      شرايح الفيليه ، تذوبينها وبعدين تستخدمينها زي أي فيليه سمك …

      صينية عادي تحطينها في صينية مع النكهات اللي تبين وتطبخينها إلين تستوي وموب أكثر ؟

      الشوي ممكن بس يعتمد على نوع السمك وكيف بتطبخينه …

      موضوع طبخ السمك موضوع مهم وصعب أشرح كل شي هنا بسرعه … خليه إن شاء الله بغطيه بعدين بشكل أحسن .

    • Anonymous on 19 February, 2011 at 5:55 pm

    مساء الخيرات

    لو سمحت القى بديل لقشطة الخفق استخدمها في كور اللحم يعني بس قشطة .

    جربت احط حليب وقشطة عادية وحليب وجبن سايل بس ماطلع نفس الشي هو قريب صح بس مو راضية عنه

      • Top Chef on 19 February, 2011 at 6:44 pm
        Author

      موب كل شي له بديل … هذا واحد منها …

    • Anonymous on 19 February, 2011 at 3:13 pm

    شيف الله يسعدك ابي طريقة سمك فيلية لذيذة
    ودي مرة اجرب اسوي سمك ويطلع زين
    مع العلم ان نوع السمك حريت

      • Top Chef on 20 February, 2011 at 5:42 pm
        Author

      والله الطرق كثير .. المهم هنا هو كيف تختارين السمك وكيف تجهزينه وكيف تطبخينه .. الباقي ماله داعي إذا ما ضبطتي هذي الثلاثه أول …

      في مقله تيفال سخنيها على حراره وسط بعدين جففي الفيليه زيييييين بمناديل رول . الحين رشي الفيليه بملح وفلفل ( أو أي بهارات تحبين ) عالوجهين بعدين حطي زيت أو زبده عالمقله و أطبخي الفيليه . أطبخي الفيليه إلين يبدأ اللون يتغير من الجوانب ، إذا وصل اللون لنص الفيليه تقريبا أقلبيه الفيليه وكملي طبخ إلين يستوي السمك بس موب أكثر . تعرفيين إنه إستوى بإنك ترفعين الفيليه شوي بملعقة إذا لقيتي إن السمك بدأ يتفكك شوي يعني أستوى ولا تطبخينه دقيقه أكثر من كذا .

      الحين الصوص لو تبين ولو إن السمك ما يحتاج أي شي ترى عصره ليمون وبس بس ممكن يكون شي زي .. مايونيز مثلا هذا صوص ممتاز مع السمك ، البشاميل صوص رهيب مع السمك .. تقدرين ترشين عليها شوي زيت زيتون ممتاز مع ليمون .. يعني الخيارات هنا كثيره .

    • Anonymous on 19 February, 2011 at 1:24 pm

    لوسمحت طريقة الرز المكسيكي وهل هو يقدم مع المشويات فقط؟

    اللي يشبة البخاري

      • Top Chef on 20 February, 2011 at 5:37 pm
        Author

      هو فعلا قريب من البخاري يمكن حتى الفرق الوحيد في البهارات و الجزر بس …

      أطبخي بصله مع شوي كمون حب ، فلفل أسود ، وكزبرة في شوي زيت إلين تقلب شوي ذهبي بعدين نزلي الحراره وحطي ٤ فصوص ثوم مقطعه شرايح و حبه فلفل حار مقطعه شرايح أطبخيهم شوي بس بعدين حطي ملعقة كبيره صلصة . الحين حطي عليهم كوبين رز بسمتي مغسول و أطبخيه شوي في الزيت يمكن دقيقه تقريبا . الحين حطي مرق دجاج تقريبا ٣ أكواب ونص + ملعقة صغيرة ملح وغطي القدر زيييييين بمنشفه رطبه بعدين الغطاء حق القدر ونزلي الحراره على أقل شي. أطبخيه حسب الرز اللي عندك بياخد من ١٥ – ٢٠ دقيقه بعدين طفي النار وخليه يرتاح نص ساعة قبل تاكلينه .

    • lolitta on 19 February, 2011 at 1:04 pm

    كيفك شيف ؟
    ابي لا هنت طريقة لذيذه للدجاج مع الخضار اللي باكياس الشواء ؟!

      • Top Chef on 19 February, 2011 at 6:42 pm
        Author

      ما أستخدم الأكياس عن نفسي .. أشوفها ما تعطي قشرة تقرمش للدجاج أو غيره .

    • جوري on 19 February, 2011 at 9:23 am

    ماشاءالله مبدع
    بس حبيت تعلمنا كيف طريقة الفيلية المحشي بالجبن او البطاطس
    والصوص اللي يجي فوقه
    زي دجاج كيف ودجاج كيف روزا
    ومشكور مقدما

      • Top Chef on 19 February, 2011 at 6:35 pm
        Author

      هلا والله ….

      والله الوصفات كثير وتفرعاتها بعد كثير .. أنا الحين أركز أهم شي على الأساسيات و الباقي كله يجي معك بعدين

    • Anonymous on 18 February, 2011 at 11:57 pm

    لو سمحت انا عايلتي كبيرة ماشاء الله 7 اشخاص تبارك الله

    فبدي اعرف احسن حجم للعجانة كان عندي مثل هذه

    http://img163.imageshack.us/img163/7186/0to63192.png

    وبعد العجن اليومي في رمضان وقفت ما عاد تشتغل وانا حسيتها صغيرة علينا فابغى واحدة اكبروافضل

    ايش تنصحني ولو فيه عدة خيارات يكون افضل

    وحتى خلاط العصير بس مشكلة خلاط العصير انه لم يكون بلاستيك يتكسر من الحرارة او من الثلاج والزجاج

    لو طاح بالغلط ينكسر مدري فيه خلاط ستيل وهل هو صحي ؟

    تعبت وانا كل سنة تقريبا اوبالكثير سنتين اشتري خلاط وشكرا

      • Top Chef on 19 February, 2011 at 2:07 am
        Author

      هلا والله …

      الله يحفظهم لك إن شاء الله …

      أحسن عجانه ، الخيارين اللي عندك يا كتشن إيد kitchen aid أو كينوود kenwood شخصيا أنا جربت الإثنين وكلهم بيأدون الغرض وزياده بس كإستخدام أفضل الكيتشن إيد بكثير . فيه ناس ثانين يخالفوني الرأي بس زي ماقلت جربت الإثنين . طبعا تلاقينها بأحجام وقوات مختلفه فأختاري شي يكون كبير شوي كون أصغر حجم يمكن ما يكفيكم .

      الخلاطات فيه ستيل بس غالبا مصممه للمطاعم وشوي غالية .. من ناحية الصحة الستانلس ما يتفاعل مع أي شي تقريبا يعني ما عندك مشكلة .

      البلاستك أفضل من الجزاز برأيي بس دوري على واحد من نوعية ممتازة وبيعيش إن شاء الله معك .

        • Anonymous on 19 February, 2011 at 2:29 am

        بالنسبة لحجم العجانة كم يكون ؟

        وكم القوة ؟

        دخلت على موقع الاثنين واحترت اكثر

        هذه من كينوود
        عجبتني سعتها وقوتها

        http://www.kenwoodworld.com/uk/Products/Kitchen-Machines/Chef-and-Major/KMP77/

        بس في موقع كيتشنايد ما عرفت اطلع السعة والقوة

        لوممكن تساعدني بواحدة من عندهم اقدر اقارنها بكينود عشان اقرر وشكرا

          • Top Chef on 19 February, 2011 at 2:46 am
            Author

          ترى هذي اللي أخترتي كبييييييره مره … بتكون غاليه شوي وماراح تستخدمينها لأقصى طاقاتها .. هذي حقت مطابخ كبيره أكثر شي .. عموما مدري الصراحة عن كينوود كل دولة بتلاقين لها شي .. أنتي أهم شي شوفي السعة ماعليك من القوة لأن هذي المكاين حاسبينها صح ومصممه للكرف .. فيه ناس عندهم مكاين كيتشن إيد أكثر من ١٠ سنوات وكرف كرف .. دوري الأحجام وقارني بينهم ما أعرف والله للموديلات و الفروقات بينهم .

    • Anonymous on 18 February, 2011 at 11:26 pm

    ممكن طريقة الكسترد العادي الاصفر اللي ينحشي التارت بس بدون نكهات غير الفانليلا

    وهل ممكن استعمله لحاله كطبق حلو ؟ زي البودينج مثلا

      • Top Chef on 19 February, 2011 at 1:54 am
        Author

      هلا والله …

      كسترد لحاله تقدرين بس أحس ما يركب ؟ خصوصا هذا النوع يعني مثلا الكريم كاراميل و الكريم بروليه أضبط هنا .

      مافهمت وش تقصدين بالنكهة ؟ تبينه بأي نكهة ؟

        • Anonymous on 19 February, 2011 at 2:03 am

        طيب الكريم كرامل لوسمحت

          • Top Chef on 20 February, 2011 at 5:31 pm
            Author

          آآآسف جدا عالتأخير … قطع النت في الشقة فماصرت أدخل دايما …

          الكريم كاراميل جدا سهل ..

          كوبين قشطة خفق
          كوب حليب
          عود فانيلا أو ملعقة كبيره فانيلا سايلة
          كوب سكر
          3 صفارات بيض
          بيضتين
          رشة ملح

          1/2 كوب سكر للكراميل
          ربع كوب مويه للكراميل

          حطي الصحون في الفريزر وسخني الفرن على 300

          الحين حطي نص كوب السكر مع المويه في قدر و خليه يغلي ، أول ما يوصل غليه غطي القدر وخليه دقيقتين تقريبا بعدين شيلي الغطاء وخليه يطبخ إلين يصير لونه على ذهبي. إذا وصل لون كاراميل خفيف علطول طفي النار وصبي شوي من الكاراميل في الصحون البارده . نخلي الصحن بارد عشان يبرد الكاراميل بسرعه وما ينحرق علينا وهو في الصحن زي ما يصير دايما.

          الحين أغلي الحليب و القشطة مع عود الفانيلا لو كنتي بتستخدمين . خليه إلين يبدأ يغلي بس بعدين طفي النار علطول .

          في صحن معدني أخلطي البيض بقوه بعدين حطي السكر و الملح و كملي خلط إلين يصير لونه فاتح شوي ، حطي الفانيلا السايلة لو كنتي بتستخدمينها هنا. الحين أبدي صبي القشطة و الحليب الحار شوي شوي على البيض . الحين صبي الكسترد على الصحون اللي فيها الكاراميل وحطيها في حمام مائي ( شوفي موضوع التشيز كيك إذا ما تعرفين كيف ) . دخليها الفرن حوالي نص ساعة إلى ٤٥ دقيقه .. تعرفين إنها أستوت بإنك تهزين الصحون شوي المفروض تهز شوي في الوسط بس الأطراف تكون شوي قاسية . لا تخلينها إلين تجمد !! أكبر خطأ في الكسترد إنه ينطبخ أكثر من اللازم ..

          طلعيها من الحمام المائي وخليها تبرد شوي بعدين حطيها في الثلاجه ٤ ساعات على الأقل أو ليلة كامله أفضل . فكي الأطراف بسكين بعدين أقلبيها على صحن .

    • Anonymous on 18 February, 2011 at 8:04 pm

    السلام عليكم

    انا جربت وصفتك للتشيز كيك والطعم ماعليه كلام بس احسها محبحبه ومو ناعمه نوعا ما واخذت معي بالفرن ساعه وربع وبعدها ساعه بدون نار وش السبب تتوقع ؟

    وبخصوص جبن البارمزان والتشيدر المعتق افضل طريقه للحفظ الثلاجه والا الفريزر ؟

      • Top Chef on 18 February, 2011 at 8:45 pm
        Author

      أختبرتي التشيز كيك صح ؟ ولا مشيتي عالوقت ؟ اللي خليها محببه هو كثرة الطبخ ..

      البارمزان و التشيدر و أي جبن ثاني الثلاجه هو أفضل مكان لها .

    • هند on 18 February, 2011 at 6:52 pm

    شيف وش المقصود ب gruyere

      • Top Chef on 18 February, 2011 at 8:33 pm
        Author

      نوع جبن فرنسي

    • Anonymous on 18 February, 2011 at 3:43 pm

    مرحبا شيف

    الله يعطيك العافية يا قلبي والله متعبينك معنا . بغيت اسأل اقدر ابدل بين الزبدة بالزيت في وصفات الكيك وبالذات ولا لا؟؟

    ترى المسالة مو حمية ولا شي بس الزبدة مو دايم متوفرة عندي مثل الزيت

      • Top Chef on 18 February, 2011 at 8:33 pm
        Author

      هلا والله …

      ممكن بس صعب … حسب نوعية الكيك وطريقة الخلط ممكن ينفع وممكن لأ .. غير كذا لازم تعدلين على الوصفه لازم .. الزبده فيها مويه ودهن و الزيت ١٠٠٪ دهن .. يعني لو بتبدلين لازم تحسبين كم نسبة المويه في الزبده وتزيدينها على الوصفه وتقللين نفس النسبة من الزيت عشان تبدلين صح .. الكيك له معادلات دقيقه وصعب التبديل و التغيير. لو المشكلة في الزبده .. حطيها في الفريزر وش خسرانه .. بتعيش زي الزيت هناك .

    • Anonymous on 18 February, 2011 at 3:32 pm

    صبااااااحو الشيف
    ممكن طريقة للسوفليه بدون بيض لان فكرة اني اكل بيض ني هذي تخليني اجيب العيد في معدتي
    بليز
    لاتقول مايصلح وهو كذا
    يعني ممكن تغششني وانا اجرب هههههه
    بس بيض لااااااااااااااااااااااااااااع

      • Top Chef on 18 February, 2011 at 8:30 pm
        Author

      صباح النور …..

      مين قالك البيض موب مطبوخ في السوفليه ؟ البيض في السوفليه زي البيكنج باودر للكيك أو بالأصح زي الطحين للكيك بعد .. مافيه بديل هنا … خلي عنك معدتك و أنسي التفكير و أنتي تاكلين كثرة التفكير موب زينه .. ركزي في الطعم هذا المهم …

        • Anonymous on 18 February, 2011 at 11:50 pm

        ما اقدر
        المشكلة كنت عند وحدة ومسويته في البيت وتحمست تبيني اذوقه بس عجزت اجامل
        كلش ولا البيض >>>الله يكرم نعمة ربي

        طيب فيه شي طعمه زي السوفليه بس بدون بيض هههه
        المشكلة اني كنت لا مني رحت اي مطعم اول شي اطلبه هو وأأأأأأأأأأأألط الصحن كله قبل لا اعرف شلون يتسوى>>>الجهل نعمة هههههههههه

          • Top Chef on 19 February, 2011 at 1:57 am
            Author

          شي طعمه زي السوفليه .. ؟؟؟ ما أعتقد ….

          هو كله شي في راسك .. هذاك قلتي كنتي تاكلينه أول … بالضبط هذا اللي دايما أقوله .. الناس اللي يقولون البيض ٩٩٪ يتوهمووووون بس ..

    • Anonymous on 18 February, 2011 at 3:30 pm

    سؤال خاص شوي <<تخبر لقافة حريم ^_^

    كم لك سنة مغترب؟ ومتى حسيت انك تبي تطبخ او بمعنى حبيت الطبخ وحسيته فن بدل ماهو مجرد اكل والسلام؟؟
    لك احد صديق اخ اخت ام اي احد قريب منك تجتمع معه في حب الطبخ وتعلم اصولة ؟؟
    وش الطبخة الي تحسها تعبتك اكثر شي واخذت اكثر وقت عشان تتقنها وتضبط معك ؟؟

    وش الطبخة او الاكلة الي الى الان ما اتقنتها وتحسها معقدة ؟؟

      • Top Chef on 18 February, 2011 at 8:27 pm
        Author

      خذي راحتك وش دعوه ….

      هذي الحين رابع سنة لي إن شاء الله …

      متى حسيت إني أبي أطبخ ؟ من زمان أحب الطبخ بس ماكنت متصور أدخل في الشي لذي الدرجة يعني من اليوم اللي تخرجت من الثنوي و كنت مقبل على حياة جامعه كنت ناوي أسافر وكنت داري إني أكيد بيجي يوم وبطبخ مع الشباب وكذا .. .بس يعني كانت مسألة وناسه بس موب شي أعتمد على نفسي فيه مره … يوم كنت في السعوديه وحده من الأكلات اللي دايما أقيم المطعم الإيطالي ( أو أي مطعم تقريبا ) فيه هو الفيتوشيني ( شي مضحك الحين أشوفه صراحة ) أول مره أتذكر فكرت أسوي فيتوشيني كانت مقبوله بس كانت في مستوى أو أفضل من كثير مطاعم وبشهاده ذويقين بعد هذا غير فكرتي علطول وصرت أشوف إن أي أكلة ممكن تتسوى في البيت بنفس أو أحسن من جودة أحسن مطعم ..

      أحد أجتمع معه في حب الطبخ .. والله فيه ومافيه .. يعني فيه ناس يحبون يطبخون أعرفهم بس كل اللي يبونه تعلم وصفات معينة أكثر من تعلم كيف هذي الوصفات أنبنت ووش الأساسات اللي مطلوبه عشان تتسوى صح..

      أكثر أكله جننتني ..ههههه الماكرون طبعا .. اللي يقهر إنه أول مره أسويه في حياتي ضبط . بعدها معد ضبط ؟؟ كان شعور غريييييييب ويقهر بعد .. بس رب ضارة نافعه .. كل المشاكل تقريبا مرت علي فيه ههههه

      أكلات معقدة .. يمكن الخبز … عوامل كثييييييير تدخل فيه … صح في النهايه بيطلع خبز ينوكل بس أنا أتكلم عن خبز خبز صح .

        • Anonymous on 19 February, 2011 at 12:03 am

        انا معهم صراحة انت يمكن تفكر غير مدري
        لكن غالبا الي اشوفهم يهمهم كيف الوصفة هذه يطبقونها صح لكن يتعلمون كيف اساسها كيف ابنيها ؟؟؟
        لكن في ناس مثى تقول لك غلط تكثر الخميرة مثلا ترى تسوي كذا وكذا وغلط تقلل الشي هذا ترى يصير كذا
        هذه او ل مرة اشوف واحد يفكر كذا صراحة .

        اذا انت خبل فيك الماكرون انا خبل فيني الاتية ارت انجنيت منه ولو ان الحليب تقريبا عرفت سرة وكيف اجيب الرغوة القوية فيه واخليه ثقيل من ثاني كوب.

        لكن مالقيت الى الان قهوة ما تكون مرة كلها علقم تعور القلب من مرارتها

          • Top Chef on 19 February, 2011 at 2:26 am
            Author

          إذا وصلت للمواضيع اللي تخص الكلام اللي قاعد أقوله بتفهمين وش أقول بالضبط .. للحين ما كتبت ولا شي في المدونة أشوف إن له أهمية كبيره وتتكلم عن طرق الطبخ موب بس وصفات .. للحين ما بديت أتكلم عن الشي اللي أبي ..

          الحين بسألك سؤال بس ماقد أكلتي أكل مقلي خطأ ؟ ياشارب زيت ، يا محروق ، يا ما أنطبخ ، يا ما يقرمش … طيب وش السر هنا ؟ هل هي الوصفه ؟ هل المشكلة الوحيده هي الوصفه .. خلاص الأكله ما ضبطت أغير الوصفه ؟ ٩٩٪ خطأ القلي يكون في الطبخ ماله علاقة بالوصفه المستخدمه .. شارب زيت .. خطأ طبخ ، ما يقرمش بعد خطأ طبخ ، ناشف بعد خطأ طبخ … إلخ … طيب السؤآل هو كيف تتعلمين تقلين أي شي في راسك ؟ كيف يسير القلي شي تسوينه وأنتي مغمضه خلاص تعرفين هذا الشي ممكن ينقلي بهذي الطرق وكل طريقة كيف بتكون وكيف تنحفظ .. إلخ …

          طبقي نفس مبدأ القلي على كل شي تسوينه في الطبخ .. تكلمت معك اليوم عن كيف تعرفين إن الخبز إستوى … هذي وحده من أساسات المعجنات .. سواء كنتي تسوين خبز فرنسي أو خبز برجر أو بريوش كلها بتعرفين تختبرينها بدون الرجوع لوقت في وصفه ..

          طيب مثال ثاني .. كيف تشوحين ؟ كيف تسوين صوصات بأي نكهة تبين أو أي طعم تبين …

          هذي الأساسات لو عرفتيها ماراح تحتاجين أي وصفه في حياتك .. بتصير أهمية الوصفات إنك تاخذين منها بس الأفكار و خلطات النكهات لا أكثر الباقي كله من راسك ..

    • جوعانه خخخ on 18 February, 2011 at 2:30 pm

    مرحبا توب شيف
    مشكور على هالمدونه الرائعه , الله يعطيك العافيه

    سؤالي هنا كيف اعمل افضل صوص لسلطة السيزر ؟ حاولت كثير بس ما صار قريب للي اذوقه في المطاعم

    و شكرا جزيلا

      • Top Chef on 18 February, 2011 at 7:54 pm
        Author

      هلا والله ….

      السيزر صوص سلطة مطعم بثوم ، بارمزان ، أنشوجه (سمك) ، و صوص وستشير ومذوب مع بعض بصفار بيض.. السلطة اللي معها مصنوعه من خس عربي عكس كل الوصفات اللي تشوفينها بالخس الأمريكي … و أهم شي أهم شي هو الشابورة اللي مطعمه بالثوم … كثير ناس يسوون السيزر وينسون أهم أشياء فيها .. البيض ، الأنشوجه و البارمزان وطبعا الثوم في الخبز .. هذي هي أهم شي الدجاج ماله علاقة في السيزر .. اللي فكر يحط دجاج في الغالب عشان يخليها وجبه كامله يعني ما تصير طبق جانبي بس .. هذي طريقة السيزر الأصليه يمكن شوي غريبه بس هذي الأصليه جربيها و أحكمي …

      أخلطي صفار بيضه + فص ثوم + فيليه أو فيليهين سمك أنشوجه + عصير نص ليمونة + رشة صوص وستشير + ملعقة صغيرة خردل ديجون في خلاط إلين تصير خليط ناعم بعدين صبي عليها زيت زيتون إلين توصل للقوام الي تبين مع ملاحظة إنك كل مازدتي زيت بتصير أثقل موب العكس . ذوقي الملح و الفلفل و بس ..

      وملاحظة صغيرة أغلب المطاعم ما تسويها صح … يمديك تسوينها أطعم بألف مره في البيت …

    • Anonymous on 18 February, 2011 at 2:05 pm

    ممكن طريقة البطاطس المشوي الودجز ابغاه من بره مقرمش وجوه لين ومشكووووور

      • Top Chef on 18 February, 2011 at 7:48 pm
        Author

      جيبي بطاطس وقطعيه بالشكل اللي تبين …

      الحين صبي عليه زيت زيتون أو زبده ويفضل زبده أو عالأقل أخلطي شوي زبده معه عشان يصير يقرمش و يتلون ذهبي . بعدين قلبيه مع الدهن ورشي عليه ملح وفلفل و أي بهارات أو أعشاب ثانيه تحبين .. الروزماري و الثوم رهيبين مع البطاطس …

      حطي البطاطس في صينية فرن وخليهم مفرقين عن بعض . شغلي الفرن على ٣٧٥ من تحت وبعد ما يحتر حطي البطاطس إلين يقلب الوجه الأول ذهبي بعدين أقلبيه إلين يستوي الوجه الثاني ..

    • عفاف on 18 February, 2011 at 2:03 pm

    اهلين شيف
    الاحظ ان كثير يتكلمون عن طبخات ما شفناها هنا في المدونه
    مثل الكب كيك والكوكيز والبيتزا والبراوني
    فيا ليت تحط لي روابطهم عشان اشوفها
    وشكرا لك

      • Top Chef on 18 February, 2011 at 7:45 pm
        Author

      هلا والله …

      بنزل كل شي هنا في المدونة إن شاء الله وبشكل أنظف و أرتب ..

    • Anonymous on 18 February, 2011 at 1:04 pm

    لو سمحت ابي طريقه للزهره تكون صينيه بالفرن

      • Top Chef on 18 February, 2011 at 7:44 pm
        Author

      جربي هذي أسهل شي …

      أخلطي فص ثوم مع نص عصير ليمونه و بشر نص ليمونه وملح وفلفل وزيت زيتون . صبي الخليط على الزهرة بعدين أفردي الزهرة في صينية بحيث تكون مفرقه عن بعض يعني لا تصير الصينية صغيرة .

      الحين شغلي الفرن على ٤٥٠ ( من تحت طبعا ) وبعد ما يحتر حطي الزهرة و خليها إلين تبدأ الأطراف تقلب ذهبي . طلعيها من الفرن ورشي عليها جبن بارمزان لو تبين وبس …

    • Anonymous on 18 February, 2011 at 10:51 am

    انتظرطريقة الريد فلفلت

      • Top Chef on 18 February, 2011 at 12:32 pm
        Author

      معليش ما كنت أدري إنك تبين الطريقة … سمي :

      http://www.shamoa.com/vb/showthread.php?t=18515

        • Anonymous on 18 February, 2011 at 1:12 pm

        مشكور

        بس الطريقةفيها صبغة وانت قلت الشوكلاتة هي اللي تعطي اللون الاحمر

        يعني استغني عن الصبغة والا كيف؟

          • Top Chef on 18 February, 2011 at 1:39 pm
            Author

          جربيها بشكولاته عاديه وبتفهمين وش أقصد …

          التفاعل بين اللون و الحمض حق الشكولاته هو اللي يخلي اللون أحمر فاقع . الشكولاته ماتعطي لون أحمر للأكل ؟ غير كذا الشكولاته هنا بعد مهمة للطعم كون الشكولاته الطبيعيه طعمها أقوى من المعالجة .

    • sarahyun on 18 February, 2011 at 3:34 am

    يا هلا اخوي
    الدكتور الي ذكره لماما تبع لفصيلة دمها
    انو القمح يسبب لها سمنه
    حتى خبز النخاله ممنوعه منه
    و قال لها روحي لكارفور راح تلقي خبز الصويا
    مجمد خذي كميه و احفظيه بالفريزر
    او سوي خبز من طحين الذره
    لقينا الذره بس خبز الصويا احتسنا ما لقيناه
    حبة القمح الكامله تسبب لها سمنه
    هذا الي ذكره الدكتور ما شرح انواع ثانيه
    بس اذا فيه انواع بديله لخبز النخاله قول لي
    +
    عندي سؤال الخبز المكسيكي الي ينعمل منه التورتيلا
    هذا من طحين الذره ؟

    الدكتور ما حدد اي ماده بالزبط الي تعمل سمنه لماما
    بس ذكر لنا انها ممنوعه بشكل عام الا من الصويا و الذره

    شكرا” اخويا تعبتك معايا “^^

      • Top Chef on 18 February, 2011 at 4:09 am
        Author

      هلا والله …

      والله أجل زين إنك قلتيلي … لأن صراحة ما أعرف لهذي الأمور أفضل لو تمشين على كلام الدكتور … مدام قالك صويا وذرة بس أكيد فيه سبب ..

      التورتيا حسب يجي نوعين فيه اللي يكون بطحين وفيه اللي يكون بطحين ذرة ( طحين ذرة معالج اللي يسمونه ماسا ) … مدري إذا اللي ينباع مصنوع من وشو بالضبط بس غالبا مكتوب عليه .

    • Anonymous on 18 February, 2011 at 2:10 am

    توب شيف انا بسوي البان كيك حقك
    ينفع اسويه بالليل واخلي الخلطه في الثلاجه واذا جاء الصباح سويته ؟
    والا يخرب لو خمر وقت طويل
    وانا في استراليا ولا فيه لبن ممكن استبدله بساور كريم والا حليب ؟

      • Top Chef on 18 February, 2011 at 4:04 am
        Author

      لا والله للأسف البانكيك لازم في وقته لأن الخلطه من أول ما تخلطين السوائل مع الجوامد بتلاقين البيكنج باودر أشتغل . لو خليتيه للصباح بتلاقين الهواء كله طلع .

      تقدرين تبدلين بحليب مع شوي ليمون بس ماراح يعطي نفس النتيجة . تقدرين تستخدمين زبادي أكيد فيه عندكم بس طبعا خففيها بشوي حليب أو مويه

    • Anonymous on 18 February, 2011 at 1:44 am

    أهلين مرة ثانية ،
    امممم بس لو سويت صدر الدجاج كامل يطلع ناشف شوي
    يعني مب مثل المفروم ، المفروم يكون جوسي أكثر .
    أس ديز عندنا بالشرقية ، مدري وش أصلوه بس مب محلي = )

    – بوه وصفات برجر أجنبية ، خالطين مع الدجاج جبنة بارميزان
    ومدري بارميزان كل مااطبخها يتغيّر طعمها = /
    وأخاف أجرب يحوس الأكل ، وآخرتها ينكب

      • Top Chef on 18 February, 2011 at 2:00 am
        Author

      إذا طبختيه صح ما يطلع ناشف .. أكثر الناس تطبخ الدجاج أكثر من اللازم .. أطبخيه على حراره عاليه على أول وجه إلين يتلون بعدين الوجه الثاني وبعدين علطول شيكي شوفي من جوا وردي ولا لأ .. أول ما يروح اللون الوردي يعني أستوى … تتبيل الدجاج بتتبيله سايلة يساعد بعد وفيه حركة ثانيه بس بنزلها بعدين إن شاء الله بعد تخلي الدجاج جوسسييييي أكثر و أكثر …

      خلط البارمزان يكون عشان الطعم بس .. هو نكهة زيه زي الفلف زيه زي البقدونس .

    • Anonymous on 17 February, 2011 at 10:27 pm

    مرحبا
    ارسلت لك رساله ع الايميل من كم يوم لانه رفض يعتمد السؤال هنا !

      • Top Chef on 17 February, 2011 at 10:44 pm
        Author

      إن كان منيب واهم أرسلتي رابط مقطع فيديو على ما أعتقد ؟ بس أتذكر رديت عليك ؟ ويوم دخلت هنا لقيت بعد الرد حقك بس حذفته عشان لا يصير مكرر بس … عموما أحيانا ما تطلع الردود هنا عشان يشبته إنها دعايات بس من عندي أشوفها و أرجعها .

    • Anonymous on 17 February, 2011 at 9:44 pm

    طيب الكاكاو الطبيعي هذا فين القى له استعمالات ممكن تعطيني طرق لانه حسيت نشبة فين القى له طرق

    كيك مثلا يفضل بالزيت مش بالزبدة

    او كيف ممكن ابدل لو بدي اعمل كيك اغير البكنج بودر لبكينج صودا ؟

    وشكرا

      • Top Chef on 17 February, 2011 at 11:17 pm
        Author

      خليه لا نشبه ولا شي تلاقينه طرق بعدين …

      عموما وحده من الكيكات اللي مشهوره بالكاكاو هذا هي الريد فلفت اللي ما تكمل إلا فيه ….

      براوني يمشي ؟

        • Anonymous on 17 February, 2011 at 11:37 pm

        الريد فلفت احسن بس البرواني خايفة عشان كمية الدهن اللي فيه

    • Anonymous on 17 February, 2011 at 9:00 pm

    سؤال كنت دايما استعمل سوكلاتة نسكويك اللي فيها سكر في الكيك ويطلع لونها غامق وحلو

    دحين استعملت هرشي بدون سكر واللون فاتح وشكله مدري كيف

    قريت موضوعك تبع الشوكلاته بس ما لقيت النقطة دي لو توضحها لو سمحت

      • Top Chef on 17 February, 2011 at 9:12 pm
        Author

      النسكويك هذا خليط شراب شكولاته .. يعني زي النسكافيه بس على شكولاته .. هو شكولاته كاكاو + حليب بودرة + سكر + طبعا مواد ثانيه تحفظ الطعم و الشكل و مواد مستحلبة إلخ …. هو موب شكولاته بمعنى شكولاته صافيه .. وصراحة أستبعد تعطيك نفس قوة الطعم اللي بيعطيها الكاكو العادي .

      ليش يطلع فاتح ؟ .. الإحتمال هو إنه الكاكو حقك يكون طبيعي ما يكون معالج ( تلاقين الفرق في الموضوع ) وزي ما شفتي الكاكو الطبيعي لونه على حمار بس أول ما ينخلط مع البيكنج صودا اللي في خليط الكيك يقلب أسود . الوصفة حقتك إحتمال تكون تستخدم كاكاو معالج وعشان كذا ما طلعت زي ما تبغين .

        • Anonymous on 17 February, 2011 at 9:31 pm

        الصراحة انا شكيت انه يكون طبيعي

        دحين زاد لكن مو قادرة اجزم لاني ما عندي نوع ثاني اقارن فيه اشوف لون البودرة بني غامق مو شايفته على احمر

        هونفس هذا

        http://i.ytimg.com/vi/mEEKhcF_ABs/0.jpg

        طيب لم اكون بدي استعمله مع حليب برضو حيكون اللون فاتح ايش راح اعمل للأطفال يعني ؟

        وشكرا

          • Top Chef on 17 February, 2011 at 9:35 pm
            Author

          مكتوب عليه natural … طلع زي ما توقعت طبيعي …

          لا تستخدمينه مع حليب الطعم ماراح يتقبلونه وخصوصا أطفال بيكون حامض ، ومر ولونه أحمر … هذا خليه لبعض الكيكات اللي تطلب طبيعي ، يبيلك تشرين من النوع الثاني المعالج مكتوب عليه غالبا dutched أو dutch processed .

      • Anonymous on 17 February, 2011 at 9:46 pm

      http://musiccityfoodie.com/wp-content/uploads/2010/10/cocoa11.jpg

      شوف لونه كيف مو احمر

        • Top Chef on 17 February, 2011 at 10:24 pm
          Author

        هذا كله موب أحمر ؟؟؟ هو موب صاير أحمر فاقع بس غير لون الكاكو المعالج و الصوره حاطتهم جنب بعض يعني باين الفرق

          • Anonymous on 17 February, 2011 at 10:45 pm

          العتب على النظر

    • Anonymous on 17 February, 2011 at 8:50 pm

    عندي فول معلب مقشور

    ابغى طريقة حلوة لتقديمه

      • Top Chef on 17 February, 2011 at 9:00 pm
        Author

      معلومات أكثر الله يخليك … مقدر أعرف وش تحبين ووش ما تحبين ؟؟؟ فيه ألف مليون طريقة تقدرين تسوينه فيها .. عالأقل قوليلي وش بتقدمين معه …

        • Anonymous on 17 February, 2011 at 9:02 pm

        ابغاه فول لذيذ للفطور يعني احسن من المطاعم

          • Anonymous on 17 February, 2011 at 10:09 pm

          انتظر الفول عشان الفطور

          • Top Chef on 17 February, 2011 at 10:19 pm
            Author

          معليش عالتأخير ….

          كان قلتي تبين فول عادي .. أنا أحسبك تبين طبق غير ….

          الفول سهل .. الفول عبارة عن فول مطبوخ مع بصل وثوم وبهارات بعدين مطحون بس …. لو تبينه يصير شوي أحمر حطي صلصة و عدس .. لو تبين بعد يمديك تسوينه حب يعني بدون طحن وبعد بيكون رهيب ..

          كل علبتين حطيلها تقريبا بصله كبيره .. أطبخي البصل على حراره هاديه في شوي زيت إلين تصير شفافه وتبدأ تصير صفراء بعدين حطي الثوم و أطبخيه شوي بس . الحين حطي صلصة طماط تقريبا ربع علبة لكل علبة فول و قلبيهم مع بعض . الحين حطي الفول و البهارات اللي تبين بالمويه حقته و أطبخيه شوي . البهارات تكون على كيفك طبعا بس فلفل حار ، فلفل أسود ، ملح طبعا ، كمون ، كزبرة يمكن هذي الأساس وزيدي أو نقصي على كيفك .. ذوقي الفول إذا لقيتي إنه وصل للطعم اللي تبين طفي النار و أطحينه بخلاط بعدين قطعي عليه كزبرة و بقدونس وبس هذا الفول …

    • suha on 17 February, 2011 at 7:08 pm

    سلام عليكم

    ابغا طريقة لزيزة للخضار

    تكون في الفرن اسويها

    عندي بطاطس وفلفل رومي و جزر

    ازا في وصفتك شي غيرهم قول عادي

    اهم شي تكون في الفرن

      • Top Chef on 17 February, 2011 at 8:04 pm
        Author

      فيه مليون طريقة بس أشوف دايما في مثل هذي الحالات تسوين نوع أو نوعين بس .. أكثر ما يعني أحسن …

      مثلا الجزر ممكن تسوينه بحيث يكون مكرمل شوي بيكون رهييييييب …. البطاطس تقدرين تسوين فيها بطاطس محمره بعد حلوه بتكون أو يمديك تسوين بطاطس مشويه زي حقت المطاعم أو حتى يمديك تسوين بطاطس مشويه وتفكينها وتفرغينها وتهرسين البطاطس اللي طلعتي وتحشينها من جديد وتغطينها بجبن …

      الفلفل الرومي تقدرين تشوينه بعدين تشقرينه وتقدمينه كطبق جانبي رهيب .

      لو خلطتيهم كلهم مع بعض وحطيتيهم في صينية مع شوي زيت زيتون وملح وفلفل وثوم بعد بيكونون حلوين .. بس إذا حطيتي كل واحد لحاله وخلطتيه مع نكهة أو نكهتين بس تمشي معه تمام بيكون شي خرافي ….

        • suha on 17 February, 2011 at 8:09 pm

        توم

        اللي عندي مطحوون
        ينفع ؟

          • Top Chef on 17 February, 2011 at 9:01 pm
            Author

          المطحون أخاف ينحرق في الفرن بسرعه .تقدرين تحطينه بعد نص الطبخ .

    • Anonymous on 17 February, 2011 at 6:37 pm

    انا مااقرف من طعم البيض لاني ادخله في التيراميسو وفي الاسكريم وزي ماقلت لو مو انا اللي سويته ماكان عرفت انو فيه بيض بس في التارت اللي ذقته كان طعم الصفار مغطي على كل النكهات ماتحس انك تاكل تارت كنك تاكل صفار بيض هل ممكن الغلط من طريقتهم يعني لو سويته بنفس طريقتك مايبان طعم البيض ومشكور

      • Top Chef on 17 February, 2011 at 6:46 pm
        Author

      أوكي طعم يطغى على طعم هذا خطأ أكيد كل شي لازم يكون موزون… بس الفكره من كلامي هي إنك خليتيه مقرف يعني مرررره ما ينوكل عشان كذا أستغربت بس موب شي …

      الغلط في طريقتهم ولا لأ والله مدري ماذقت طريقتهم ما أقدر أحكم … الخطأ ممكن بس يمكن لو قلتيلهم بيقولون لك إنهم هم كذا يبونها يعني موب خطأ ؟ أنتي جربي وش خسرانه ؟؟؟ كثير جربوها و أعجبتهم وش أسوأ شي ممكن يصير ؟ صراحة مدري وش أقولك بس كأنك تقولين وصفتك لذيذة أو لأ ؟؟ لو ماكانت معجبتني ماكنت نزلتها ؟؟؟؟

    • Anonymous on 17 February, 2011 at 6:08 pm

    مساء الخير انا شفت طريقة تارت الليمون لك وكنت متحمسه اسويه واليوم كنت في مطعم بلاك اند وايت قلت خليني اطلب تارت الليمون واذوقه ماقدر اوصف قد ايش طعمه مقرف تكرم النعمه حسيت طعم صفار البيض جدا واضح كانو نئ حتى زوجي اخذ منو بطرف الملعقه واتقزز من طعمه السؤال هل لو سويته في البيت يبان طعم البيض ومشكور

      • Top Chef on 17 February, 2011 at 6:17 pm
        Author

      هلا والله …

      طعم البيض هل هو فعلا مقرف لذي الدرجة ؟ طيب إذا كان كذا ليش ناكله لحاله ؟ صراحة أشوف الناس أحيانا يتحسسون زيادة عن اللزوم في ذا الموضوع بالذات. كوني ما ذقت حقتهم مدري لأي درجة عندك يدخل الشي إن فيه ريحة بيض .. مقدر أقولك إلا جربي وشوفي .. شخصيا ما أشوف في اللي أسويها أي ريحة بيض ولو إني ما سويتها بنفسي ما كنت بعرف إن معها بيض أصلا .

      • Anonymous on 17 February, 2011 at 6:40 pm

      سويها ولا تخافين … انا فاهم اللى تقصدينه … طريقه التوب شيف فيها كميه بشر ليمون مش بسيطه خصوصا اذا بشرتي قشر اليمون في المبشره الناعمه نكهته تكون اقوى … فماراح نهائيا تحسي بصفار البيض …
      صادقه انا شفت وصفات لتارت الليمون في كذا مكان وبعضهم مقللين كميه بشر اليمون علشان كذا تلقين نكها البيض خارجه من راسك !!!

    • Anonymous on 17 February, 2011 at 4:50 pm

    المشكلة الرنامج ماله روابط غير تحميل بس من اي موقع تحمله مثل اي فيلم عادي تحط الاسم وهو يطلع لك السيزون والحلقة وانت تختار . انا قلت لك الحلقة هذه تتكلم عن الخبز بشكل عام وما ابي تشوف لقطات منه لانة في بداية كل حلقة يعلمهم وصفة او اساس لشي معين مثل الخبز وش لازم يكون ؟كيف ممكن يكون؟ وش ممكن يحشى وش لازم تكون ريحته وش اهم شي فيه ويصلح العجينة قدامهم ويخبزها ويذوقهم بعد ما تنتهي بعدين يكون عندهم test على اساسة يقيمهم مافي احد يطلع لانها مدرسة وهم دافعين قيمة الكلاس عرفت وش الفرق بين البرنامجين ؟؟ قيمة الكلاس عنده تتراووح بين 1000 الى 2000 دولار تقريبا حتى اخوي كان مرة متحمس ياخذ عنده كلاسات وهو الي دايم يطلب مني اتابع الكلاسات واتعلم منها . بس هو كذا

    المشكلة لانه يتحمل ما اقدر اعطيك هو ولا كان ارسلته لك تستاهل بس انا مقدر ههههه

      • Top Chef on 17 February, 2011 at 5:05 pm
        Author

      لقيت الحلقة أبشرك … وشفتها وطلع نفس البرنامج اللي شفت هنا عالتلفزيون ؟؟ نفس رأيي ما تغير الصراحة … البرنامج أبدا ما أعجبني …

      مدري إذا أنتي تشوفينه على أساس إنه تعليمي بس الصراحة مافيه أي شي تعليمي وصراحة حتى موب ممتع ولا له علاقه بأساسيات الطبخ أو عالأقل هذا اللي شفته من الحلقيتن اللي شفت. البرنامج درامي درجة أولى و مثال من تلفزيون الواقع لا أكثر هذا غير إن المعلومات اللي فيه ما تفيد في شي وناقصه كثير…. هل معقول أحد يتعلم أساسات الخبز في يوم وليلة ؟؟؟

      الطباخ الزعيم حقهم الفرنسي جدا منرفز بعد .. داري إنه طباخ ميشلن بس هذا ما يعني إنه مقدم ممتاز ذكرني كثير بجوردن رمزي .

      إذا مهتمه بالخبز وتبين تتعلمين صح دوري على كتاب إسمه “Bread Baking and artisan perspective” الكتاب ٣٠٠ صفحة وجدا دسم بالمعلوات ومن خباز موب طباخ ….

        • Anonymous on 17 February, 2011 at 7:43 pm

        اليوم اسولف لاخوي عنك وعن خبزك وكان عندي امس واكل البرجر الي ارسلت صورته لك المهم وريته كثير من مواضيعك ووصفاتك . قال وين ها شكلي بطب عليه واجلس عنده واتعلم منه قلت خذ بالك لا يهج الرجال ههههه

          • Top Chef on 17 February, 2011 at 8:01 pm
            Author

          ههههههه الله يحيه وش دعوه …

    • Rasha on 17 February, 2011 at 3:00 pm

    السلام عليكم

    يسعد مساك توب شيف
    حبيت استفسر منك عن طريقة تغطية الكوب كيك http://forums.graaam.com/images/images_thumbs/ad8d307adf7695ad863811b8335f273b.jpg

    و طريقة للكوب كيك بالفانيلا ،،

    ربي يسعدك ،،

      • Top Chef on 17 February, 2011 at 3:08 pm
        Author

      هذا الكب كيك …

      الفانيلا :

      أصبع ونص زبده
      كوب ونص سكر
      بيضتين
      ملعقتين صغار فانيلا سايلة
      ملعقتي ونص صغار بيكنج باودر
      ربع ملعقة صغيره ملح
      كوبين ونص طحين
      كوب وربع حليب

      سخني الفرن على ٣٧٥ .

      أخلطي الزبده و السكر إلين تصير كريميه بعدين حطي البيض و الفانيلا وأخلطيهم شوي . بعدين حطي السائل وباقي المقادير و أخلطي إلين تصير خليط متجانس . صبيها في قوالب كيك مدهونه ودخليها الفرن حوالي ٢٠ دقيقه أو إلين يطلع منها عود نظيف .

      خليها تبرد تماما قبل التقديم

      التغطية كتبت واحد من أشهر التغطيات أقري الموضوعين هذي :

      http://topchefcooks.com/2011/02/11/buttercream/
      http://topchefcooks.com/2011/02/11/swiss-meri/

    • زائره on 17 February, 2011 at 1:06 pm

    اخوي لو سمحت انا جاني مكينه قهوه هديه لها زر واحد اوف اون بس ولها ابريق زجاج وابريق المويه ومكان نحط القهوه اوكي
    ابي استفيد منها الفائده القصوى يعني وش ممكن اسوي فيها انواع القهوه ووش افضل قهوه استعمل وهي شارين معها فلاتر ورق هل هي ضروري ولا لا
    قهوتي الي جربت ماكسويل هاوس امريكيه بس ماحسها تكون ثقيله لاخفيفه زي الشاي مدري وش الغلط والتركي كيف اسويها بها لاهنت

      • Top Chef on 17 February, 2011 at 2:08 pm
        Author

      هلا والله ..

      هذي مكينة قهوة أمريكيه أو مقطره تسوي قهوة أمريكيه بس . القهوة الأمريكيه تجيك بالضبط زي ماقلتي زي الشاهي بس شوي أثقل وتنشرب بكميات كبيره زي الشاهي بعد . ما تقدرين تسوين كبتشينو أو قهوة تركيه بهذي المكينة .

      الفلاتر حسب المكينة اللي عندك ، بعض المكاين يجي معها فلاتر معدن تتغسل وبعضها لأ لازم تشرين فلتر ورق . أفضل قهوة هذا سؤال له مواقع كامله ههههه .. أنتي وش تحبين و الأهم وش متوفر حولينك ..

    • Anonymous on 17 February, 2011 at 11:22 am

    سؤالين

    المهلبية كيف طريقتها ؟ اللي بالنشا ابغى المقادير طبعا ما اقصد البودينج

    والشي الثاني اللين الفيتال واللين الاكتيفيا هل تنفع تنحط في طبخات فيها لبن زي الاطباق الهندية؟ وغيرها

      • Top Chef on 17 February, 2011 at 2:03 pm
        Author

      هلا والله …

      المهلبيه ما أعرف والله …

      الأكتيفيا و الفيتال ما أعتقد بتسوي مشاكل لو أنطبخت بس منيب متأكد صراحة .

    • Anonymous on 17 February, 2011 at 6:26 am

    في وصفة الايدام مكتوب نشوح بصلة مقطعة صغار مع حبة ما فهمت اش حبة وياليت اذا فية موقع اجنبي فية ايدامات تعطيني الرابط

      • Top Chef on 17 February, 2011 at 1:48 pm
        Author

      والله علمي علمك إسألي صاحبة الموضوع هي اللي بتعرف … مواقع فيها إدامات كثير والله أكتبي في جوجل STEW وشوفي وش يطلعلك .

    • Anonymous on 17 February, 2011 at 6:16 am

    عندي روبيان مجمد وحابة اعملة مقلي ممكن وصفة

      • Top Chef on 17 February, 2011 at 1:46 pm
        Author

      أسهل شي ….

      ذوبيه في الثلاجه إلين يذوب تماما . بعدين نشفيه بمنديل زين .

      الحين تقلينه عادي ، فيه ألف طريقة بس أحس أسهل شي و غالبا هو اللي تقصدين بإنك تاخذين طحين وتحطين معه ملح وفلفل أسود و أي بهارات ثانيه تحبين . أنا أحط بودرة ثوم وشوي فلفل حار تكفي . الحين غطسي الربيان في الطحين وشيلي الطحين الزايد بعدين غطسيه في بيض بعدين في بقسماط و أقليه على زيت حار إلين يقلب ذهبي شوي بس . لا تخلينه يطول في الطبخ لأن هذا أكبر خطأ في طبخ الربيان وهو اللي بيخليه ناشف

    • sarahyun on 17 February, 2011 at 5:21 am

    اهلن اخوي
    طيب حبيت اسأل فين القا خبز الصويا
    سواء جاهز او مجرد طحين
    ثاني شي
    ماما ممنوعه من القمح عشان كذا الدكتور عطاها خيارين
    الي هو خبز الصويا او خبز طحين الذره
    احنا لقينا طحين الذره
    بس ما لقينا الصويا عشان كذا انا مركزه في اسألتي عنه

    شكرا” اخوي

      • Top Chef on 17 February, 2011 at 1:44 pm
        Author

      ما أعرف والله علمي علمك … الطحين غالبا تلاقينه في محلات الصحة وكذا زي جي إن سي وذي الأماكن ، الحين كثير سوبرماركتات صاروا يحطونها بعد. طيب هذي الخيارات الوحيدة يا صويا يا ذرة ؟ يعني مثلا طحين رز ، طحين دخن وهذي الأنواع ما تصلح ..

      في حالة الخبز اللي بدون طحين تقدرين تسوينه بس بعد في الغالب يحطون نوع حبوب مليان بروتين معه زي الدخن مثلا . الحين المشكلة أنتي بس تبين خبز بدون جلوتن ولا فيه شي ثاني ؟

    • Anonymous on 16 February, 2011 at 9:50 pm

    البصل في طريقه حشوه السبانخ محموس والا بس مقطع بدون حمسه ؟

    وسؤال شاطح شوي 😀

    الاجانب كيف ياكلون اللحم وهو نص استواء والا نيء مثل الكبه النيه مثلا ؟
    مايضرهم ؟

      • Top Chef on 16 February, 2011 at 10:13 pm
        Author

      اللي تحبين … تبين تحمسينه شوي أحمسيه تبينه قوي خليه عادي …

      مين قال بس الأجانب ؟؟ كل العالم ما ياكلون اللحم إلا كذا … بالنسبة للأمراض اللحم و السمك و البط وتقريبا كل شي إلا الدجاج وبعض الطيور الثانيه زي الديك الرومي مامنهم خطر كبير إنها تنوكل نية أو شبه نية إذا كان الحيوان سليم أصلا الدجاج إستثناء لأن فيه بكتيريا تعيش في الدجاج .. يعني محد ياكل مثلا سمك قديم ( قديم يعني أكثر من يومين ممكن يسمى قديم ) ويقول ما يضر .. لو الستيك مجهز ومحفوظ صح خطر الإصابع شبه صفر ….

      فيه أشياء كثير الناس ما يعرفونها عن الستيك المطبوخ كامل أو الويل دون … أول شي تدرين إن المطاعم ( كل المطاعم بدون أي إستثاء ) يستخدمون أسوأ و أقدم قطع للويل دون … السبب يقولك إن الطبخ بيذبح أي بكتيريا فيها و السبب الثاني هو إن اللي بياكل ويل دون ماعنده سالفه هههههه ما يفرق أصلا فليش نخسر فيه قطع ممتازه … هذا الكلام صدق ترى كللللل المطاعم تسوي كذا .

      http://topchefcooks.com/2010/12/03/skirt-steak-fajita/

    • Anonymous on 16 February, 2011 at 7:44 pm

    السلام عليكم ،
    حلوو موضوعك عن البرجر ، بس المشكلة إني مااكل لحم = )
    وبرجر الدجاج اللي أسويه ، عافته نفسي من ملل طعمه :
    امم لو تعرف برجر اس ديز ، هذا ألذ برجر دجاج ذقته ، وكل ماألف من راسي مايضبط معي مثله
    ممكن تعلّمني عن طريقة أسوي بوه برجر دجاج حلو = )

    يعطيك العافية

      • Top Chef on 16 February, 2011 at 8:18 pm
        Author

      وعليكم السلام …

      والله شوفي برجر برجر دجاج يعني لحم مفروم ماقد سويته في البيت لأني أصلا ما أحبه . بس يمديك تسوين برجر رهييييب بس موب مفروم يعني صدر دجاجه كامل يا تشوينه يا تقلينه وبيطلع معك رهيب خصوصا لو سويتي الخبز حق البرجر .

      المطعم اللي تقولين ما أعرفه والله ولا ذقت البرجر حقهم عشان كذا ما أدري وش شكل اللي تقصدين بالضبط .

    • Anonymous on 16 February, 2011 at 6:41 pm

    صلحت الكوكيز والحمد لله طلع مثل كوكيز ايكيا 🙂 ..(الله يجزاك خير )
    بس مره قريت لك (اذا كنت بسويه بشوكولاطه ماله داعي احط سكر بني ..ليش؟؟

      • Top Chef on 16 February, 2011 at 6:59 pm
        Author

      هلا والله ….

      بالعافية على قلبك …

      السكر البني ضروري في حالة كنتي مستخدمه بيكنج صودا كونه هو اللي بيشغلها بدون السكر البني ما ينفش الكوكيز …

      بس في حالة كنتي مستخدمه شكولاته ، الشكولاته حامضة وبتشغل البيكنج صودا .. يعني صح هي موب ضرورية هنا بس هذا موب معناه إنها خطأ تنحط فيه أكثر من سبب عشان نحط سكر بني في الكوكيز .. أرجعي للموضوع إذا تبين معلومات أكثر.

    • Anonymous on 16 February, 2011 at 6:06 pm

    اولا مو اول مرة ادخل مطبخ ولا اول مرة اعجن

    الطحين بالضبط حطيته ولا زودت عليه ابد وكانت بعد العجن حلوة يعني تلصق خفيف وفعلا خليتها لين تضاعف حجمها وبعدين قسمتها حسب الوزن بعد مثلك وخليتها لين تضاعفت تقريبا ودخلتها فرن حامي ورشيت في قاع الفرن ماء وخليتها لين تحمرت من اعلى واسفل وبعد خليتها ترتاح قبل اشتغل عليها

    يعني اذكر قلت لوحده هنا الوصفة امشي عليها مثل ماهي وانا مشيت مثل الألف ولا غيرت شي ابد المقياس بالكاس المعياري . الاختلاف الوحيد ولا اعتقد انه هو سبب الخربطه هذه كلها ماء سلق البطاطس ما اضفته اضفت ماء عادي لان الشغالة الله يصلحها كبت الماء بس هذا التغيير الوحيد

    بعدين كأني حسيت انك زعلت يوم قلت اكلك دسم ؟؟؟

    يا اخوي لا تزعل يكفي اني اطبق لك وامدح وصفاتك ولو ما عبجتني وكنت مرتاحة لها واثق في ذوقك ما كان كل يوم لقيتني هنا مرتزة

    لكن لفت انتباهي دسامة وصفاتك .ولا تزعل امسحها في ذي اللحية ولك حبة خشم ولا تزعل ^_*

      • Top Chef on 16 February, 2011 at 6:21 pm
        Author

      تصير مع ناس أفهم مني ومنك … كوني قلت فيه خطأ مايعني إني أقصد إنك أول مره تدخلين مطبخ صدقيني مهما تعلمتي عن الخبز و المعجنات دايما فيه شي ما تعرفينه .. تذكري دايما إن معاهد الطبخ يدرسون تخصصين ..طبخ عادي .. وطبخ حلويات أو معجنات !! لو ماكان عالم ثاني خاص وكبير ومتشعب ماكان حطوه في قسم لحاله ….

      والله الصراحة إيه زعلت يوم قلتي أكلي دسم .. موب لأن أكلي موب دسم أو غيره ، زعلت لأني منزل وصفات كثير و أنتي تختارين الدسم فيها بعدين تقولين ليش دسم ؟ شي غريب يعني …

        • Anonymous on 16 February, 2011 at 6:38 pm

        لا غريب ولا شي تبي اعد لك كم وصفة طبقت الى الان ؟؟؟

        مابين وصفات انت مسويها ووصفات كتبتها لاحدهنا او حتى انا طلبتها

        ماقصدت ابد اني اضايقك والله <<<شكلك زعول الله يستر

        بس من صرت اطبق وصفاتك يخلص كرتون الزبده عندي ههههههه

        مع انه كان يجلس ما ينقص منه شي الا وين ووين

        عاد خلاص سماح النوبة دي توبة ما عاد ازعلك .حبة خشم وارسلت لك وش تبي بعد ؟؟

        وش تبي رضاوة امر تدلل مالك الا الي يرضيك

          • Top Chef on 16 February, 2011 at 7:03 pm
            Author

          هلا والله ….

          حصل خير عموما … منيب زعول والله بس إذا زعلت بتعرفين ههههه ما أحب أخبي شي إذا شي ضايقني بقول يمكن أكون فاهم غلط ….

          ما يامر عليك عدو .. أنا والله نسيت السالفه هو نقاش حاد لا أكثر …

Comments have been disabled.

%d bloggers like this: