… Ask me

سيتم إغلاق صفحة الآسك هذي بسبب فتح صفحة جديدة للآسك هنا. ياليت لو يتم تحويل جميع الأسئلة للصفحة الجديدة.

 

شكرا

13,212 comments

Skip to comment form

    • ريم on 12 December, 2010 at 8:31 am

    يصير اسوي كيك من غير بيض وشكرا مقدما

      • Top Chef on 12 December, 2010 at 5:48 pm
        Author

      البيض دوره في الكيك جددددددا كبير .. فيه ناس بيقولون لك ينفع .. بس النتيجة هي خبز موب كيك ! إذا تبين كيك كيك خفيف وهش ولذيذ لازم بيض. إذا تبين تسوين شي يشبه الكيك بسسس ممكن .

    • Anonymous on 12 December, 2010 at 2:45 am

    ههههههههههههههههههههههههههه

    انا لازعلت ولاشي قلت لك روحي مرحة ولا ازعل بالعكس اقبل النقاش ونفسي طويل لابعد حد ومستعده اجرب كل طريقة وكل حل ممكن .

    اما من ناحية القصدير والورق انا راح انهي النقاش مو عشان شي الا لان المدونة صارت كلها ردود بهذا الخصوص

    ههههههههههههه

    عموما راح اجرب الورق لكن لو ماعليك امر ابي اسمه لاني لقيت كم اسم ولا ادري ايهم الي تقصده ولا يهمك الويك اند الجاي اجربه واصوره لك بطريقتك ولا تزعل

      • Top Chef on 12 December, 2010 at 5:05 am
        Author

      طيب حلو … الله يصبرك علي أجل هههههههه

      تبين تجربين الورق جربيه براحتك أنا ماكانت فكرتي إن القصدير خطأ في التشيز كيك أو لأ . .. زي ماشرحتلك أنا راح أستخدم حركتك المرات الجايه اللي أسوي تشيز كيك بالصينية حقته وبالقصدير بعد ما أدهنه بعد . بس كانت الفكره إنك تقولين إنه مايلصق أبد ! بس هذي النقطة اللي كنت أبي أوضحها إن القصدير ممكن يلصق .

      الورق المقصود يسمونه parchment paper

    • Anonymous on 12 December, 2010 at 1:35 am

    سويت مخلل الفجل والصراحة عجبني رغم اني كنت خايفة وماكان عندي بذورة الكرفس و الشبت نسيت احطه

    ودحين الموية تبعت المخلل كثير

    فهل اقدر استفيد منها مثلا اسخنها واسوي فيها نوعية مخلل ثانية بنفس الطريقة؟

      • Top Chef on 12 December, 2010 at 4:59 am
        Author

      حلو بالعافيه على قلبك …

      الكرفس و الشبت هذي بس للنكهة .. نساينها راح يغير الطعم شوي بس ماراح يكون فرق كبير مره …

      موية المخلل طبعا تقدرين تستخدمينها عادي ..

    • Anonymous on 12 December, 2010 at 1:14 am

    هالحين من قال اني ظلمتك او فسرت كلامك غلط ؟؟؟؟

    يا عيوني المسألة ومافيها حبيت افيد بشي لذيذ مو مهم الوقت عندي لان المخلل معروف انه محتاج وقت مو كل شي اقدر اسوية بقوت قصير يعني نس الجودة او الطعم

    اتمنى ما يحصل بيننا نفس موضوع القصدير وورق الزبدة هههههههههههههههه

      • Top Chef on 12 December, 2010 at 1:43 am
        Author

      والله إذا تبين الصراحة .. من ردك الأخير هذا اللي فهمته .. قلتي موب فلسفة وكذا …. حسيت إنك أخذتي الموضوع بشكل شوي غير .. المخلل ممكن يتسوى بوقت قصير فرق الجوده هذا صح … و أنا آخر واحد يتكلم عالوقت في الأكل … أنا عارف إن الطريقة حقتك أفضل من الطريقة اللي عطيت اللي سألت بس السؤال هو هل كل الناس مستعدين يسوون كذا ؟ فرق المخلل هذا عن المخلل حق الثلاجه زي الفرق بين الخبز الحامض اللي يحتاج أسبوعين عالأقل عشان يتسوى وبين خبز الخميره العادي .. كم عدد الناس اللي تعرفين يسوون خبز حامض ؟ هو أحسن بس موب كل الناس تقبلهم إنهم يسوونه نفس الشي .

      مشكوره عالإفاده .. بس تراك نسيتي وش نقطتي من الموضوع كله .. فيه وحده سألت عن مخلل وأنا أعطيتها طريقة أنتي ما عطيتيها طريقة بديلة .. لو كذا كان معليش .. أنتي قلتي نصيحة لها إنها تحط تمر و بقوليات وتقلل الخل و الملح هذا كان راح يخرب الوصفه اللي كتبت ولا راح يتخلل الخيار معها .

      تخيلي إنها مشت على كلامك .. يعني أخذت وصفتي وطبقت نصايحك عليها وش كان بيصير ؟ كانت بتسوي مخلل ثلاجه بدون خل وبملح أقل … جربي تنقعين خيار في مويه وملح خفيف وتحطينهم في الثلاجه وشوفي كيف يتحول مخلل ولا لأ ؟ لا بعد ٣ أسابيع ولا ٦ سنوات راح يتحول مخلل هذا غير إن الخيار راح يعفن ١٠٠٪ كونه ما معه خل .. فهمتي وش أقصد .. هذا كل اللي يهمني أنتي نصحتيها بس نصيحتك كانت لشي ثاني …

      القصدير قصدير وورق الزبده ورق زبده لو كانوا نفس الشي ماكان سووا قصدير وورق زبده كان صاروا نفس الشي هههههه … موضوع القصدير وورق الزبده عندتي شوي عند رأيك ولا ماكان كبر زي كذا هههه .

        • Anonymous on 12 December, 2010 at 2:11 am

        اهاااااا يعني قصدك دخلت عرض في الموضوع اوك ما عندي مشاكل روحي مرحة اتقبلها لو قلتها هههههه

        بعدين انا عندت على مسألة القصدير ما شاء الله ما نقصت علي انت بعد ماسك على الورق. انت كانت لك فكرة وانا لي فكرة وكل واحد فينا كان مقتنع بفكرته واثنينا نبي نقنع بعض بالفكر الاخر .لكن مسألة مخلل ثلاجة هذه جديده يمكن لاني مافهمت انها مختلفة في المضمون توقعت انها واحد لهذا السبب قدمت مداخلة لا اقل ولا اكثر. عموما اسفه جدا جدا لو اخطأت في الفهم او النصيحة i’m so sorry

          • Top Chef on 12 December, 2010 at 2:29 am
            Author

          هههههه مو دخلتي عرض .. بس قلتي ملاحظه ماكانت صحيحه ١٠٠٪ بس … أنا من ناحيتي مافرق عندي والله بس زي ماقلت وحده سألت وأنا ملزم إني أجاوب صح خوفا من اللخبطة لا أكثر …

          أختي القصدير أرجع و أقول مالصق معك موب شرط ما يلصق مع غيرك إذا قدرتي تثبتين هذا الشي بنهي النقاش للأبد …. القصدير موب من خواصه إنه ما يلصق هي موب مسألة آراء !!! هي موب مسألة تجارب شخصيه !! هي مسألة ماده وخواصها بس ! لو قلتي لأحد الباستا ما تنسلق مع زيت وقالك إلا طول عمري أسوي كذا ؟ هل هذا حل أو إثبات ؟

          ما يحتاج تبررين ليش قدمتي مداخلتك والله خذي راحتك بس تحملي ردي هههههه أنا شفتك والله زعلتي يوم رديتي بس هذا اللي صار .. أنا وضحت كل شي في ردي عليك هناك .

    • Anonymous on 12 December, 2010 at 12:57 am

    توب ياعلنا مانذوق يومك قل امين
    اللحين اللحم لما يصير نص استواء مايصير فيه طعم غريب
    ادري بتقول لي اطرى وارطب واشوف البرامج كلها كذا بس عن جد سؤالي عن طعم الدم ماتحسون فيه والاكيف لاتتوقع سؤالي معارضه لا انا ودي اجرب بس ماادري يكون فيه طعم لحم ني مثلا والا شلون عن جد مشغلني هالموضوع

      • Top Chef on 12 December, 2010 at 4:58 am
        Author

      آآآمين يارب ….

      اللون الأحمر في اللحم هذا سببه صبغه موجوده في اللحم !! هذا موب دم !! الدم في العروق .. هذا اللون هو لون اللحم بس …

      مدري وشلون أشرح الطعم ؟ هو طعم غير ؟ أكيد أطعم ولا ماكان أكلناه ههههه ؟ لو كان رطب بس موب لذيذ ماراح ندعس على نفسنا وناكله لا تخافين هههههههه ….

      فيه أكلات كثير ترى عبارة عن لحم ني .. اللحم الني موب فكره تخوف ولا شي مقرف هو بس شي غير لا أكثر .. كل ما ينطبخ الأكل يخسر نكهات ويكسب نكهات غير … يخسر نكهاته الأصليه اللي فيه بس يكسب نكهات ثانيه من التشويح مثلا . أحيانا أنا أبغى الإثنين … البصل مثلا خل ناخذه كمثال درجات طبخ البصل تفرق من حار وحاد إلى حلو وعميق … هو نفسه البصل بس الطبخ غيره تماما …

    • Anonymous on 12 December, 2010 at 12:00 am

    مرات الدجاج لم ينطبخ نلاقي داخل لحم الدجاج وبالذات عند الفخود عروق سوداء

    كيف نقدر نتخلص منها وشكرا

      • Top Chef on 12 December, 2010 at 4:53 am
        Author

      مافيه طريقة معينه تتخلصين منها .. هذي بس عروق أنطبخت .. مافيها لا طعم ولا ريحة غريبه لا تخافين . لو تبين يمديك تشيلين اللحم من العظم وتشيلين العرق بعدين بس شوي عمليه متعبه وما تستاهل . هذا غير إننا أحيانا نحتاج العظم في الوصفه .

        • Anonymous on 12 December, 2010 at 5:08 am

        هي مشكلتها تكون مزعجة واقرب للقرف وقت الاكل خصوصا لم تكون كثيرة

        بس مرات ما تكون واضحة ما اعرف ايش السبب؟

          • Top Chef on 12 December, 2010 at 5:13 am
            Author

          هي عروق وتكون واضحه أحيانا إذا كان باقي فيها شوي دم أو مواد ثانيه .. في الحيوانات الكبيره زي السمك مثلا وغيرها هذي بعد موجوده لو شفتي فيليه سمك من جهة الجلد تلاقينها في اللحوم بعد موجوده ولو إنها كبيره عشان كذا تنشال في تنظيف اللحم غالبا .

    • Anonymous on 11 December, 2010 at 11:32 pm

    مساك الله بالخير شيف

    اولا انا ما اتكلم من راسي ولا فلسفة يوم اقول البقوليات هذهاخذتها من شيف من لبناني ونعرف وش كثر المخللات تعني لهم بيتهم على طول لاسنة موجوده فيها صح ؟؟؟

    لذلك جربتها وقلت لكذا وحده اعرفهم تصلحون مخللات وتخرب بسبب بسيط لكن يتلف المخلل كله وجربوها وفعلا نجحت . هي وش فايدتها وش عملها مدري لكن انها صحيحة وهذا المهم

    بخصوص الملح انه ضعيف من قا لاني ابيه ثقيل اصلا لانه راح ماراح يكون لذيذ ابد مجربته والخل ما افضله ابد في المخللات احس انه يخربها وفترة بسيطه ويبدأ يتلف والخضار ييهالك

    بعكس لو المحل خفيف وبدون خل يجلس مدة جدا طويلة بدون اي تاثير عليه وانا اصلحه بشكل دايم

    التمر استخدمه بدل السكر لانه متوفر دايم وما احتاج اقيس ولا شي وغير كذا ابد ما ياثر على طعم المخلل

    عموما المخلل ما ينتهي من مطبخي والكل يشهد له لذيذ جدا بدون طعم حموضة ولا ملوحة زايده ..

    اخيرا اشكر لك ذوقك على استضافتي ومداخلتي

      • Top Chef on 11 December, 2010 at 11:48 pm
        Author

      معليش بس ممكن أعرف نوع المخلل اللي تسوينه ؟ لأن تراني قلت إذا كان مخلل ثلاجه بيكون كلامك معناه كذا وإذا ماكان مخلل ثلاجه بيكون كذا .. أقري آخر ردي بتلاقين هذا الكلام …

      أنتي ما تحطين خل صح ؟ مع هذا أكيد المخلل حقك فيه حموضه ولو خفيفه ؟ من وين تجي ؟ هذا اللي يهمني لأن هذا بيفسر كل شي …

      ممكن تعطيني الطريقة بإختصار شديد عشان أفهم أكثر بعد ….

        • Anonymous on 12 December, 2010 at 12:39 am

        هلا شيف

        باختصار كتبتها لك اقيس الماء لكل كوب ملعقة اكل ملح ويفضل لو يكون خشن طبعا اعبي البرطمان بالخضار ولو تحب فلفل حار وبعد ثوم صحيح, حبة بركه وشمر يعطي طعم رهيييييييييييييييب “على قولك ”

        المهم بعد ماتبرد الماء وتصير بدرجة حرارة الغرفة اضيف الماء ارج البرطمان على خفيف اتأكد من خروج الهواء

        واقفل عليه واخليه فترة من 2-3 اسابيع طبعا يختلف من صيف الى شتاء ,وعشان يوقف تخليل ادخله في الثلاجة ويعيش لمدة سنة وجربتها مع الليمون والخيار لانها اكثر استخداماتي لهم “طبعا الخيار صحيح بدون تقطيع ”

        وبس وسلامتك ^_^

          • Top Chef on 12 December, 2010 at 1:06 am
            Author

          شفتي الله يهدينا وياك إنك ظلمتيني بردك الأول …

          هذا مخلل أصلي أكيد نكهته رهيبه وألذ من أي مخلل ثاني وحموضته بعد خفيفه وأكيد بيعيش وقت أطول بعد … بس اللي أنا كنت طوووووول الوقت أتكلم عنه وعدت كثير الكلام هذا هو مخلل الثلاجه .

          في المخلل حق الثلاجه أنتي توفرين الخل مع الخضار أو الفواكه وهو يخللها كون الخل هنا من البدايه مفروض ما يعفن لو قللتي الخل في مخلل الثلاجه راح يعفن ولو قللتي الملح بعد راح يعفن . في المخلل اللي زي حقك أنتي تحطين الخضار في بيئة مناسبة للخميرة و الخميرة ( النافعه ) تعيش في الخليط وتبدأ تنتج الخل . يعني أنتي تصنعين خل في داخل المرطبان . هنا صح البقوليات تنفع ! كون فيه نشا وسكر راح تسرع نمو الخميرة وهذا يمنع البكتيريا الضاره اللي مسؤوله عن العفن إنها تعيش في المرطبان . نفس العمليه تقدرين تسوينها بأي نشا أو حتى سكر عادي ! طحين ، نشا ذرة ، بطاطس حتى ! أو حتى مويه سلق البطاطس لها نفس التأثير ….

          التمر هنا وفي مخلل الثلاجه مازال مجرد سكر ماله دور في عملية الحفظ وراح يعطي طعم للمخلل زي ما البهارات اللي تحطين تعطي طعم هل الطعم قوي أو ضعيف هذي مسألة ثانيه.. بعد السكر بيسوي نفففففس التأثير بدون أي نقصان في الجوده .

          بالنسبة للملح أنا يوم قلت إن الملح عندها قليل ما أقصد إنها المفروض تكثر ملح أكثر من اللازم ! الملح في جميع الحالات له وزنيه بحيث ما يكون لا مالح زياده و لا أقل عالمقدار بالضبط..

          المخلل هذا صح إنه لذيذ إلا إنه معقد شوي … و بعد ياخذ وقت وفيه إحتماليه ولو بسيطه إنه يخرب في مرحلة التخليل يمكن الحركات هذي تقلل من الإحتمالية بس الإحتمالية لسا موجوده ترى … لو عندك الوقت حلو … بس لو ماعندك وتبين شي عالسريع تسوين مخلل الثلاجه اللي ياخذ يوم واحد بس بدال ٣ أسابيع وهذي كانت الوصفه اللي كاتبها لها . في مخلل الثلاجه البقوليات مالها أي دور و التمر زي ماقلت ما يضر ولا ينفع .

          أتمنى ما أكون أزعجتك بس كنت متأكد إنك فسرتي كلامي خطأ وحبيت أوضح بس .. كل شي له تفسير مافيه شي يصير بس كذا ..

    • ~ meme .. on 11 December, 2010 at 6:12 pm

    هو مو بكوكيز العادي ويجي ذايب وكذا لا

    هو يشبه اممم لمعمول البيت ( هوم ميد ) بس بدون تمر ويجي ميني صغاار

    وقريب للبيتي فور بس مو بيتي فور احلى منه

      • Top Chef on 11 December, 2010 at 6:36 pm
        Author

      والله ما أعرف هو ممكن يكون أكثر من شي بناء على وصفك ؟ ما أدري والله

    • ~ meme .. on 11 December, 2010 at 4:36 pm

    http://coffeevancouver.ca/wp-content/uploads/2008/06/cappuccino.jpg

    مثل كذا أقصد , الغالب تكون مغمسه بسكر باودر , وهشة تذوب ,,

      • Top Chef on 11 December, 2010 at 5:44 pm
        Author

      والله ما أعرف ؟ اللي في الصوره هذا شكله كوكيز عادي ؟

    • Anonymous on 11 December, 2010 at 3:10 pm

    طيب من خبرتك للدونات كم احط كوب مويه عشان تطلع ممتازة

      • Top Chef on 11 December, 2010 at 3:13 pm
        Author

      قلتلك والله ما أقدر أعرف ..

    • ~ meme .. on 11 December, 2010 at 1:21 pm

    ~ شكراً شيف على وصفة كيكة البرتقال ,,
    نفسي أجربها حالياً بس ينقصني القالب ان شاءالله يتوفر عندي قريب 🙁 ..

    ~ قطعة البسكويت المغطاة بالسكر الباودر , تقدم بـ بعض الكوفيهات و المطاعم مع كوب الكوفي كضيافة مجانية ,,
    لو كنت تعرف المكونات أو الطريقة أتمنى تفيدني فيها ,,

    وفقك الرحمَن ..

      • Top Chef on 11 December, 2010 at 2:51 pm
        Author

      هلا والله ..

      ماعرفت اللي تقصدين ؟ وريني شكلها يمكن أقدر أساعدك ؟

    • Anonymous on 11 December, 2010 at 12:30 pm

    شيف عندي طريقة دونات 5 كوب دقيق و3 بيضات وامويه حسب الحاجه؟
    كم احط؟

      • Top Chef on 11 December, 2010 at 2:50 pm
        Author

      صراحة ما أثق في وصفه زي كذا ؟

      مستحيل أي شخص في العالم يجاوبك على ذا السؤال … لو حطيتي كوبين بتعطي نتيجة ولو حطيتي ٣ بتعطيك نتيجة ثاااااااانيه ولو حطيتيت ٥ أكواب بتعطيك نتيجة بعد ثااااااااانية .. المويه و الطحين ووزنيتهم مع بعض في عجينة هي اللي تسوي فرق بين خبز فرنسي مثلا وبين خبز تشيباتا إيطالي !!! المويه واحد من أكثر الأشياء اللي تفرق في عجينة .

    • Anonymous on 11 December, 2010 at 9:16 am

    مدونه كتير مفيده يعطيك العافيه على مجهوداتك

      • Top Chef on 11 December, 2010 at 2:48 pm
        Author

      الله يعافيك .. مشكوره على مرورك

    • Anonymous on 11 December, 2010 at 8:34 am

    مساء الخير شيف ..
    اممم ممكن لو ماعليك أمر تعطيني روابط مواقع أو مدونات ( عربيه أو أجنبيه ) فيها وصفات لذيذه ؟
    وتكون مقاديرها متعارفه للكل ، لأن كذا موقع اجنبي أمر عليهم تكون مقاديرهم غريبه ومو معروفه

    الله يجزاك خير = )

      • Top Chef on 11 December, 2010 at 2:47 pm
        Author

      هلا والله …

      والله تبين أعطيك الروابط اللي عندي بس ما أضمنلك وش مكتوب فيها ؟ مكونات غريبه أو غير غريبه هذي ترجع للشخص نفسه ؟ الغريب عندك طبيعي عند غيرك ههههه و العكس صحيح ..

    • Anonymous on 11 December, 2010 at 7:58 am

    السلام عليكم…كيفكـ؟؟
    ماشاءالله تبارك الرحمن ,من ارقى لأرقى
    متى ترجع وتشرع باب المطعم
    يالعزيز بغيت ديب للسمك وخصوصا السمك المسلوق
    موفق في دراستك
    حافظك ربي<<متى بيزر عقلك وتصير اخوي

      • Top Chef on 11 December, 2010 at 2:45 pm
        Author

      وعليكم السلام و الرحمة .

      وشلون تسلقين السمك ؟ عطيني الطريقة عشان أشوفلك صوص يمشي …

    • Anonymous on 11 December, 2010 at 5:07 am

    مساء الخير
    شيف هل تتوقع ان الفرن له دور في طبخ الطبخه بشكل صحيح ؟
    ووش الاحسن من وجهه نظرك الفرن العادي والا ابو مروحه ؟؟
    وشكرا

      • Top Chef on 11 December, 2010 at 2:30 pm
        Author

      مساء النور و السرور ..

      أكيد !!! مي مسألة توقعات أو آراء هذي قاعده أساسيه ! . طبعا فيه أفران سيئة بس مافيه فرن جيد أكثر من اللازم يعني فيه أفران تغلط بس مافيه أفران بتصلح أكله ؟ إن شاء الله فهمتي وش أقصد ؟

      الأفران اللي بمروحة أفضل بكثير هذي بعد مافيها كلام . الأفران عموما يفرق فيها ، توزيع الحرارة كيف متساوي يعني هل الحرارة في الخلف زي من قدام ؟ في الجنب زي الجنب الثاني ؟ لو قد سويتي كوكيز مثلا ولقيتي إن الحبات اللي عالجنب أحترقت بس اللي في الوسط لسا ما أستوت هذا سببها ،هذا واحد . الشي الثاني يفرق بعد كم بعد الحرارة الحقيقيه عن الحرارة المطلوبه . الفرن ما يشتغل طول الوقت هو يشتغل ويطفى زي المكيف تقريبا بحيث يحافظ على الحرارة الداخليه للفرن عند الحرارة المطلوبه . المشكله هو إن أحيانا تحطين الفرن مثلا على ٣٥٠ وتلاقين إن الحرارة داخل الفرن تتراوح بين ٣٠٠ – ٤٠٠ !!! هذا فرق كبير كافي إنه يدمر شي حساس مثلا زي سوفليه ! أو يحرق كيك مثلا … الأفران الجيده بتكون مثلا ٣٠ درجة بعيدة عن الحرارة الصح … الشي الثالث هو كيف يمسك الفرن حرارته فيه أفران تسخن زين بس أول ما تحطين أكل تلاقينها بردت علطول وتاخذ وقت طويل عشان ترجع لحرارة الطبخ المطلوبه . هذا ممكن ينشف أكله أو كيكه أو حتى يخربها .

      المروحة توزع الحرارة في الفرن بالتساوي بشكل أكبر بحيث الأكل تجيه الحرارة من كل مكان ، غير كذا كون الأكل يتغطى بالحرارة بشكل أفضل هذا يسمحلك تستخدمين حرارات أقل وهذا يعني توفير أكبر للكهرب غير إن الأكل بيخلص أسرع ؟ ليش ما أفضله ؟ هههه يطبخ الأكل بالتساوي أكثر ، أسرع من العادي ، ويوفر عليك بعد ؟

    • Anonymous on 11 December, 2010 at 3:37 am

    معليش عندي سؤال

    ابغى وصفة لصدور الدجاج ما تكون هندي ولا تكون مشوية زي الاستيك ولا مقليه اللي بالبقسماط

    وعندي سؤال ثاني

    ممكن طريقة الشنتزل النمساوي

    وشكرا لك وربنا يوفقك في اختباراتك

      • Top Chef on 11 December, 2010 at 2:21 pm
        Author

      يعني صدور موب مشويه ، ولا مقليه طيب مسلوقة ؟

      الشنتزل جدا سهل ..

      تجيبين شرايح عجل ولازم عجل هنا ! . تحطين الشرايح بين طبقتين نايلون وتضربينها ضرب خفيف بالفرادة حقت العجين شوي شوي بس . هذي الخطوة تلين اللحم شوي وتخليه كله نفس الإرتفاع .

      الحين تجيبين طحين ، بيض ، وبقسماط بعد ما تخلطين معه شوي أعشاب مثل الأوريجانو مثلا . ترشين شرايح العجل بملح وفلفل عالوجهين بعدين تغطسينها بالطحين وتهزينها عشان تشيلين الزايد بعدين تغطسينها بالبيض وبعدين بالبقسماط وتحطينها عالجنب .

      الحين تسخنين مقله على حرارة أعلى من وسط بشوي . خليها تسخن يمكن دقيقه بعدين حطي شوي زبده وزيت وخليهم إلين تذوب الزبده . كمية الدهن هنا مفروض تكون كافيه إنها تغطي المقله وشوي زياده . حطي اللحم و أطبخيه إلين يقلب أول وجه شوي ذهبي بعدين أقلبيه عالوجه الثاني وكملي طبخ . الشنتزل ماراح ياخذ ثواني في الطبخ ترى ! ٤ دقايق يمكن بالكثييييييير . أول ما يتلون الوجه شيليه وخليه يرتاح دقيقه بعدين كليه مع عصرة ليمون .

        • Anonymous on 11 December, 2010 at 11:17 pm

        ممكن مسلوقة او ممكن تكون مرق اوايدام

          • Top Chef on 12 December, 2010 at 4:49 am
            Author

          أوكي .. تقدرين تسوين أول شي صوص الطماط الأساسي تلاقينه في موضوع الباستا ١ .

          بعدين تسخنين مقلة على حرارة أعلى من وسط بشوي وتخلينها تسخن دقيقتين يمكن . الحين رشي ملح وفلفل على وجهين الدجاج بعدين حطي شوي زيت في المقله . الزيت مفروض يغطي قاع المقلة شوي بس يعني ما يكون كثير ! بس يغطيها بطبقه خفيفه . الحين حطي الدجاج و خليه لا تحركينه يمكن ٤ دقايق أو إلين تلاقين الوجه الأول أستوى بعدين أقلبيه وأطبخي الوجه الثاني إلين يستوي . الحين حطي الصوص حق الطماط ونزلي الحرارة شوي . خليه يطبخ إلين يستوي الدجاج من جوا بس لا أكثر ! . بعدين خلي الدجاج يرتاح في صحن حوالي ٥ دقايق قبل التقديم ..

          بالعاده صدور الدجاج ما تستخدم في السلق كونه مافيها شحم ولا هيب قاسيه أصلا زي الفخذ مثلا هي موب خيار جيد للسلق .

        • Anonymous on 11 December, 2010 at 11:25 pm

        كنت بدي اسالك كمان بالنسبة للحمة العجل من اي مكان ؟

          • Top Chef on 12 December, 2010 at 4:50 am
            Author

          العجل هنا كونه مطرى … ممكن تستخدمين قطع شوي ناشفه مثل الرجل مثلا أو إذا تبين أشتري ستيك عجل من الظهر أو الضلع . في العاده بتلاقين في السوبرماركت شرايح خاصه بالعجل تجي نحيفه ..

    • Anonymous on 11 December, 2010 at 1:47 am

    فين بقية الاسئلة مو ظاهرة عندي

      • Top Chef on 11 December, 2010 at 2:03 am
        Author

      موجوده ما تروح هي . بس قسمتها على صفحات عشان تتحمل الصفحات أسرع بس . أنزلي تحت وتلاقين زي مكتوب عليه older comments هذا بينقلك للصفحة اللي بعدها وكذا .

    • njoodh on 10 December, 2010 at 3:47 pm

    ماشاء الله مدونة تفتح النفس
    ربي يوفقك

    خالد ولاعليك امر ..
    شف هالرابط
    http://makeandtakeblog.com/2010/11/27/soft-pretzels/

    ابي اللون كيف اخلية كذا ؟
    مرة سمعت بحورية المطبخ تدهن الخبر نسكافية !!
    ومقدار مضبوط للعجينة .. والف شكر

      • Top Chef on 10 December, 2010 at 6:29 pm
        Author

      آآآمين وياك و الجميع إن شاء الله …

      مدري إذا كنتي قريتي موضوع الكوكيز حقي ولا لأ ؟ بس خلاصة الكلام هي إن العجاين القاعديه تتلون أفضل من الحمضيه . الحل هنا هو إننا نسلق البريتزل شوي في مويه مع بيكنج صودا ( كونه قاعدي ) هذا بيغير حموضه وجه العجينه ويعطيك لون غامق وبنفس الوقت قشرة خفيفه .

      تلاقين طريقة بالتفصيل الممل في الآسك حقي …

    • Anonymous on 10 December, 2010 at 1:38 pm

    مساء الخير خيو:

    في الاول بسأل كم سؤال بعدين بطلب منك تقفل الجها وتروح تذاكر خلص اختبارات ارجع لنا ترى ماراح نروح جالسين لكن الاختبارات ماترجع ابد بليز بليز بليز عشان تجيب درجات حلوة مثل وصفاتك

    هالحين عاد ابي اسأل لكن حتى لو ماجاوبت عاد يمو مشكلة احتريك .
    اول شي السوفيلة انا ماجربته قبل لا طبخ ولا اكل فما اعرف طعمه هل هو يشبة طعم الحلى الي في المدونة عندك الي حطيته داخل البيضات ؟؟<<<ماتحفظ ابد

    بياض البيض الي يبقى عندك بعد الوصفات وش تسوي فيه غالبا ؟؟؟

      • Top Chef on 10 December, 2010 at 6:25 pm
        Author

      هلا والله …

      لا تخافين إن شاء الله .. أنا أدخل البلوج إذا فضيت بس ترى يعني موب شي لاااازم بسرعه دايما …

      السوفليه يختلف كثير عن الحلى اللي داخل البيضه هذاك كسترد هذا سوفليه … السوفليه أقرب شي له هو السيريلاك تقريبا وأفضل لو تذوقينه قبل عشان تعرفين كيف طعمه الأصلي مفروض يكون .

      بياض البيض وصفار البيض أحطهم في قوالب ثلج بحيث كل صفار أو بياض بيضه يكون في مكعب واحد، أخليهم يجمدون ، بعدين أنقلهم لكيس وأخليهم فيه . لو جيت أستخدمهم أخليهم في الثلاجه طول الليل ويكون خلاص رجع زي ماكان . طبعا هذي تنفع لكل إستخدامات البيض إلا إنك تاكلينه يعني تسوين بيض أومليت مثلا أو كذا ماراح يكون جيد . بس لو بتسوين مرانج أو كسترد أو مايونيز فيهم أو بتحطينهم مع عجينه أو كذا عادي .

    • Anonymous on 10 December, 2010 at 9:49 am

    مسا الخير / صباح الخير
    ياليت ولاعليك امرو لو كنت فاضي انك تحط كل طبخاتك اللي نزلتها في المنتديات في البلوق وماتكتفي فقط بالجديد على اساس يكون مرجع وتفكنا من ملاحق المنتديات << عجز بعيد عنك :$

      • Top Chef on 10 December, 2010 at 10:10 am
        Author

      صباح الخير …

      إن شاء الله هذا اللي بيصير .. بس حاليا زي ماقلت والله شوي مشغول بالدراسة … ما يكفي أنقل المواضيع كتدوينات وخلاص لازم أفصلها شوي بحيث تصير أسهل بعدين في البحث و الفهرسه وكذا .. هذا اللي مأخرني صراحة .

    • Amola on 10 December, 2010 at 6:24 am

    أنا سألتك لأني اشوف الحركه دارجه بين الحريم ..جد والله 🙂
    يعني لما تسألها كيف تقلي الدجاج ويطلع حلو ومستوي تقول اسلقه نص استوواء وبعدين اقليه
    فقلت يمكن لو نسلقه بحليب زيادة الخير خيرين 🙂

      • Top Chef on 10 December, 2010 at 6:42 am
        Author

      صح .. السلق قبل القلي أو قبل التحمير حركه منتشره كثير .. بس برأيي أكبر خطأ وحركه غييييير ضروريه وتضيع كثير من طعم الدجاج في المويه أصلا بدال ما تركزها زي في حاله التحمير مثلا .

    • Amola on 10 December, 2010 at 6:00 am

    مررااااحب….
    قبل شويا كنت أتابع برنامج ..والشيف قبل لاتقلي قطع الدجاج طبخته ف حليب سائل وشويا ملح عشان يصير طرري م جوا..اشرااايك بالطريقه………!!

      • Top Chef on 10 December, 2010 at 6:12 am
        Author

      كون الأكل مطبوخ في سائل ما تعني إن السائل هذا دخل الأكل بالضبط ! بالعكس ! السائل اللي في الأكل مع الحراره بيطلع منه … لو جربتي وسلقتي صدر دجاج أو أكلتي صدر دجاج أو ربيان مسلوق أو أي شي ثاني بتفهمين وش أقصد . السر في تجهيز الدجاج صح وقليه صح بس ..

    • Anonymous on 10 December, 2010 at 4:20 am

    صباحمسا الخير شيف
    أنا صحبة “المارزبان”<< مررره إكس في مصطلحات المطبخ خخخ على فكره دي تاني مره تصلحلي<<فشيله
    ما اطول عليك بس ممكن ابغى طريقتها لأني بعمل كب كيك وابى احط فوقها ورود بالمارزبان بس ما اعرف اذا بتفضل طريه ولا بتقسى؟؟ وقد ايش تطول؟؟
    ووووبس يسلمك ربي من كل شر

      • Top Chef on 10 December, 2010 at 5:35 am
        Author

      هلا والله ….

      هههههههه لا موب مشكله … أنا قلت يمكن فيه شي إسمه كذا ؟ قلت لا نتفلسف أفضل نسأل ههه

      المارزبان بعطيك طريقه حلوه وسهله له وما تحتاج طبخ سكر زي باقي الطرق . هذا يخليها أسهل بكثير بس لا تنسين إن البيض هنا ما إنطبخ يعني 3 أيام كذا بالكثير وكليها لا تخلينها أكثر من كذا .

      ١٥٥ جرام لوز مطحون
      بياض بيضه
      رشه ملح
      ملعقة صغيره فانيلا سايله أو بودره
      كوب وربع تقريبا سكر مطحون

      أخفقي بياض البيضه مع الملح و الفانيلا وأخفقي شوي إلين يذوب الملح ويصير خليط رغوه . بعدين حطي اللوز و أخلطيه معهم وبعدين السكر وراح تتكونلك عجينه . أعجني العجينة بيدك شوي إلين يكونلك عجينه شوي قاسيه وبس هذا المارزبان .

      هذي الطريقة إختصار للطريقة اللي دايما منتشره اللي تستخدم نفس المكونات بس تطبخين السكر مع مويه لمرحله معينه المشكله إنه صعب بدون ميزان حراره تعرفين متى توقفين طبخ عشان كذا أسهلك الطريقة هذي .

      غطي العجينه ببلاستك وراح تقعد طريقه معك وقت طويل في الثلاجه .

    • Anonymous on 10 December, 2010 at 12:07 am

    ممكن طريقة الفرنش توست ولو كانت تقلى بزبدة ممكن ابدلها لزيت؟

      • Top Chef on 10 December, 2010 at 5:28 am
        Author

      الزبده وحده من الأشياء اللي تخلي الفرينش توست فرينش توست … ينفع تستخدمين زيت بس لا اللون ولا الطعم بيكون زي الأصلي .

      ٣ بيضات
      ملعقة كبيره فانيلا سايله أو صغيره بودره
      رشة ملح
      ٢/٣ كوب حليب
      خبز قديم يمكن يوم يفضل يكون خبز مقطع شرايح كبار يعني موب توست . أي نوع خبز ينفع زي البريوش مثلا أو الخبز الإيطالي أو الفرنسي أو حتى الكروسان لو تبين …

      سخني المقله على حرارة أعلى من الوسط بشوي وخليها تحتر شوي . بعدين أدهنيها بالدهن اللي تبين .

      غمسي الخبز في الخليط وخليه يمكن دقيقه يتشرب الخليط زين . بعدين حطيه في المقليه وأطبخيه إلين يتحمر الوجه الأول و أقلبيه وحطيه عالوجه الثاني وخلاص .

        • Anonymous on 13 December, 2010 at 11:02 pm

        بدون سكر ؟ او السكر بعد القلي؟

          • Top Chef on 13 December, 2010 at 11:28 pm
            Author

          على راحتك … شخصيا أحط فوقها ميبل سيرب أو عسل أو أي شي حالي أو حتى أرشها بسكر بودره . بس إذا تبين حطي ملعقتين كبار سكر مع الخليط .

    • Anonymous on 9 December, 2010 at 9:56 am

    مشكور والله على كل معلومه استفدتها منك …. والله يوفقك في اختباراتك يارب …
    حبيت اسالك شيف عن زيت الكانولا ؟؟؟ ممكن اقلي فيه عادي زي زيت القلي العادي …
    بحيث يكون اخف (من ناحيه صحيه ) … واش اخف على القلب زيت الزيتون ولا الكانولا …

      • Top Chef on 9 December, 2010 at 7:01 pm
        Author

      زيت الكانولا طبعا تقدرين تقلين فيه .. القاعده ببساطه هي .. إذا الزيت ماله طعم زي مثلا زيت الزيتون وزيت السمسم وزيت اللوز وغيرها .. أقلي فيه .. طبعا هذا بإختصار شديد … مافيه زيت مخصص للقلي ، فيه زيوت ما يفضل تقلين فيها كونها تنحرق بسهوله زي الزيتون و اللوز وكذا بس مافيه زيت مخصص للقلي بس .

      من ناحية صحيه والله ما أعرف صراحة .. سمعت إن للكانولا فوائد بس ما أدري إذا الحرارة ما تغير هذي الفوائد فيه .

    • Top Chef on 9 December, 2010 at 8:16 am
      Author

    ياليت تفيني بطريقة لخبز النان مجربة وناجحة . مشكور مقدما.

      • Top Chef on 9 December, 2010 at 8:27 am
        Author

      مازال البحث مستمرا والله … المشكله وين ؟ المشكله إن النان الأصلي يتسوى في تنور التنور حرارته عاااااليه توصل 900 درجة أحيانا . النان يستوي في ثواني وهذا اللي يخليه غير .. فرن البيت حرارته ما تتعدى 500 في أفضل الحالات .. بجرب أسويه بحجر بيتزا يمكن يضبط أحسن ؟

        • Top Chef on 9 December, 2010 at 5:12 pm
          Author

        طيب المقادير لو سمحت تحتوي على بيض كما لو في بعض الوصفات؟ او بس زبادي للعجن؟

          • Top Chef on 9 December, 2010 at 6:53 pm
            Author

          هذي بعد مشكلة ثانيه . الوصفات تختلف كثيييير من مكان لمكان . بس كلها عموما فيها زبادي أو حليب أو الإثنين ، خميره ، ملح ، طحين ، ومدهونه بسمن . البيض حسب ما فهمت موب في الوصفات الهنديه الأصليه بس كثير مطاعم تستخدم بيض مع العجين كونهم لقوا إنه يعطي خبز أحسن من اللي بدون بيض .

    • Anonymous on 9 December, 2010 at 7:13 am

    بالضبط زي كذا شكله

    انا سويته بصفار بيض وحليب وكريمه و شوي نشا بس احس فيه شي ناقص

    ابي وصفته الاصليه وشكراااااااا جزيلا

    وصح عليك هذيك كيزاكوخن بس شفت ان شكلها يشبه للكسترد فحطيتها…

      • Top Chef on 9 December, 2010 at 8:05 am
        Author

      هي ميب وصفة سريه .. هذي وحده من الكسترد الأساسيه … إسم الكتسرد هذا كريم باتسييه وإستخداماته ما تنتهي ..

      ٦ صفارات بيض
      ٣/٤ كوب سكر
      ٦ ملعق كبيره نشا
      رشه ملح
      ٣ أكواب حليب كامل الدسم
      عود فانيلا أو ملعقة كبيره فانيلا سايله . طبعا أي نكهة تنفع محد قال إنه بس فانيلا .

      أبدي أول شي بإنك تسخنين الحليب مع عود الفانيلا لو بتستخدمينه . لو منتب مستخدمه عود لا تحطين الفانيلا الحين . سخني الحليب إلين يبدأ يغلي بس يعني تبدأ تطلع بلالين عالجنب .

      الحين والحليب يغلي أخفقي صفار البيض مع السكر والملح بقووووه إلين يصير فاتح . بعدين حطي النشا وأخلطيه معهم شوي .

      بعدين أبدي صبي الحليب بالتدريج .. أول شي طبعا تصبين ملعقة كبيره وتخلطينها زين .. بعدين ملعقة ثانيه وتخليطينها زين .. وكذا …. بعد ما تبدين تحسين إن خليط البيض صار شوي دافي حطي كل الحليب مره وحده و أخلطيه زييييين .

      الحين رجعي الخليط لقدر نظيف وأطبخيه على حرارة هاااااااديه وطول الوقت تقريبا حركيه بالخفاقه حقت البيض لاتوقفين فترات طويله ولا راح يتكتل عليك وتكرهين نفسك . أول ما يبدأ يغلي خليه حوالي دقيقتين عشان تشيلين طعم النشا منه . بعدين علطول أنقلي الخليط لصفايه وصفيه زين كونه يمكن يكون فيه كتل .

      الحين عشان خطر تسمم .. حطي الصحن اللي فيه الكسترد الحار في حمام ثلجي وحركيه من فترة لفترة . مهم جدا إنك تبردين الكسترد بسرعه عشان كذا نستخدم حمام ثلجي . بردي الكسترد بعدين أنقليه للثلاجه وغطيه بنايلون بس يكون على وجه الكسترد موب عالصحن بس عشان ما يطلعلك قشره بعدين . خليه يبرد زييييين قبل تستخدمينه .

    • Anonymous on 9 December, 2010 at 7:03 am

    شيف ياليت تنزل طريقه عمل البروست ؟
    لاني ودي اشوف اشلون تقلي الدجاج !
    انا مشكلتي في القلي
    انه يطلع شوي متفحم فكرت اني اشتري ميزان الحراره ؟بس الى اي درجه اعرف
    انه صار الزيت مناسب للقلي ؟
    الله يعينك على الناس لاصاروا لزقه ههه!!!
    الله يعطيك العافيه يارب

      • Top Chef on 9 December, 2010 at 7:57 am
        Author

      إن شاء الله راح أنزل الطريق متى مافضيت .. حاليا والله في فتره إختبارات نهائيه ترى يعني مررررررره مضغوووووووط .

      القلي خطوة جدا مهمه صح .. وأشوف إن ميزان حراره ضروري للقلي الصحيح . حرارة القلي بالعاده من ٣٤٠ – ٤٠٠ أقل من كذا ويبدأ الأكل يشرب أكثر من كذا ويبدأ الزيت ينحرق . طيب أي حرارة أستخدم ؟ للأشياء العاديه الصغيره مثل سمبوسه وكذا ٣٧٥ … وهي في الغالب دايما ٣٧٥ … بس لو شي زي مثلا فخذ دجاج كونه ياخذ وقت .. نحطه على ٣٤٠ ونخليه وقت طويل بدون ما يتلون أكثر من اللازم … بس هذا السر .. شوفي كم يحتاج الأكل عشان يستوي وحددي حرارة الزيت منها .

        • lolitta on 10 December, 2010 at 4:38 am

        الله يوفقك شيف وتجيب أعلى العلامات ويسهل عليك يآرب
        خفو عليه بنات خل يدرس خخخ

          • Top Chef on 10 December, 2010 at 5:36 am
            Author

          آآآمين الله يسمع منك …

    • Anonymous on 9 December, 2010 at 6:07 am

    اوكي وصفه بخل التفاح من فضلك لاني ما اعرف خل الرز ولا خل العنب

      • Top Chef on 9 December, 2010 at 6:41 am
        Author

      خل الرز وخل العنب وخل الشعير هذي كلها أنواع خل تلاقينها أكيد في السوبرماركت حلو تجربينها كونها لذيذه عكس الخل الأبيض اللي ماله أي أي أي طعم …. الحلو في الخل إن ماله تاريخ صلاحيه يعني موب شي ينخاف يخرب أو كذا .

      نص بصله مقطعه أجنحه
      خيار مقطع حسب الطريقه اللي تبين
      كوب مويه
      كوب خل تفاح
      ١/٢ كوب خل عنب ويفضل لو كان خل عنب أبيض
      1/2 كوب سكر
      ملعقتين ونص صغار ملح
      ملعقة صغيره بذور خردل
      1/4 ملعقة صغيره كركم
      ملعقة صغيره بذور كرفس ( لو عندك طبعا لا تدققين كثير )
      شوي قرفه مكسره
      ورقه غار
      ملعقة صغيره كمون كامل يعني موب مطحون
      كم حبه قرنفل
      4 فصوص ثوم
      ملعقة صغيره فلفل أسود

      حطي الخيار مع البصل في العلبه اللي بتحطين فيها المخلل وتأكدي إنها نظيفه زين .

      حطي باقي المواد كلها ماعدا الثوم في قدر ستانلس !!! مهم جدا يكون ستانلس أبعدي عن الألمنيوم مررررره !! أنتبهي من هذي النوعيه من القدور :

      http://www.mekshat.com/pix/upload04/images190/mk3105_naser%20%284%29.jpg

      طبعا موب شرط نفس اللون بس شفتي كيف الماده هذي .. هذي أبعدي عنها هنا وأفضل لو ما تقربينها أصلا في الطبخ .. الألمنيوم يتفاعل مع أي شي حامض زي الخل هنا أو مثلا طماط أو غيره ويعطيك طعم صدى قوييييييييي مره .

      خلي الخليط يغلي على غليه خفيفه يمكن ٥ دقايق . الحين حطي الثوم وبعدين صبيه على المرطبانات حقت التخليل إلين يغطي الخيار و البصل يشوي . خليه يبرد على حراره الغرفه بعدين زيديه من سائل التخليل لو أحتاج وقفلي المرطبان وحطيه في الثلاجه .

    • Anonymous on 9 December, 2010 at 6:05 am

    شيف كيف حالك

    قد سألتك مره عن طريقة حشوة الكسترد اللي تجي على التورتات
    وطلبت مني صورة
    تفضل..

    http://www.stockfood.ch/Bild-Foto-Kaesekuchen-mit-Himbeeren-belegt-auf-einer-Marmorplatte-327106.html

      • Top Chef on 9 December, 2010 at 6:24 am
        Author

      هذي تشيز كيك ألماني ؟ أنتي أتذكر طلبتي شي بس ماكان كسترد عادي ؟ أتذكر عطيتيني وصف شوي غريب له ؟

      اللي تبينه زي كذا شكله :
      http://farm2.static.flickr.com/1047/1478970163_440903f65f.jpg

    • شكرا لك on 9 December, 2010 at 5:27 am

    سلام عليكم شيف

    حلو ان فيه سؤال عن المخلل … رح اطبقها

    انا جربت اسوي مخلل قبل بس بعد اسبوعين فتحته ولقيت اطراف البرطمان تعفنت معي
    ودي اسوي مخلل مضبوط بس تكون كمية السكر فيه مو كبيره
    ويكون بالخل العادي … يعني ابغى طريقة مخلل خيار كلاسيك لو سمحت

      • Top Chef on 9 December, 2010 at 5:36 am
        Author

      المخلل حق الثلاجه مفروض يعيش شهر عالأقل .. كونه صار فيه تعفن في الغالب معناه إن الخليط حقك ماكان قوي كفايه إنه يحفظ المخلل .

      السكر مطلوب إنه يعادل الخل اللي في الوصفه . موب شرط تكون الكميه كبيره بحيث يكون حالي بس بعد لازم يخفف من حده الخل . الخل العادي موب أفضل خيار للتخليل كونه طعمه ولا شي ؟ ماله أي طعم مميز خاص فيه ؟ الإستخدام الوحيد اللي ممكن أبرره للخل العادي هو لتنظيف القدور هههه أما أكل ما أعتقد .

      إذا تبين عندي طريقة حلو بس بخل تفاح أو عنب أو رز ؟

        • Anonymous on 11 December, 2010 at 4:38 am

        ما ادري اذا تسمح بمداخلة بخصوص المخلل

        اولا العفن سببه دخول ملعقة غير نظيفة للبرطمان او اعادة ما خرج منه اليه مرة اخرى

        هو حساس من هذه الناحية .عشان نحمي المخلل من هذا الشي نحط في قاع البرطمان اي نوع من البقوليات والافضل يكون بليلة طبعا جافة مو مطبوخة . بعدها مستحيل تلاقي اي اثر للعفن

        الشي الثاني دايم نذوق المخلل ونلاقيه مااااااااالح مرة والخل قوي فيه طيب وش الحل ؟؟؟؟

        في طريقتين اصلحهم وممتازة جدا وهي انك تحط مع المخلل او الخضار تمر عادي 3-4 حبات وملح مناسب مو كثير ابد

        بمعدل ملقعة اكل لكل كاس ماء

        الثانية اني استغني عن التمر بالمرة لكن الملح يضل بنفس الكمية طبعا في الحالتين بدون خل ابد

        جربها لو حبيت في اي نوع خضار لكن لا تنسى البليلة او اللوز او اي شي لكن انا غالبا استخدم البليلة

        ويضل المخلل اكثر من سنة بدون ما يتاثر ابد

          • Top Chef on 11 December, 2010 at 2:43 pm
            Author

          وش دعوه حياك أختي … أكتبي اللي تبين ..

          بخصوص الملعقه و ترجيع الأكل هذا الكلام صحيح في حالتين .. إذا كان محلول التخليل ضعيف ، أو إذا كان المخلل من النوع الأصلي ( بعدين أشرح ) . المخلل طريقة حفظ ! هدفها تقتل البكتيريا اللي في الأكل وبكذا يعيش وقت أطول زي المعقم للجروح هل معقول إن معقم الجروح يتلوث بجراثيم ؟

          بخصوص البليلة صراحة ما أقتنعت ؟ مالها أي تفسير ؟ لو كان المحلول سليم مفروض ما يطلع عفن ؟

          المخلل المالح أو الحامض سببه بعد محلول غير موزون … السكر نفس التمر في حالتك هدفه يوازن الحموضه في المحلول .. طبعا التمر راح يعطي طعم زياده للمخلل بس هو نفس الفكره أي نوع سكر ممكن يستخدم بنفس النتيجه .. السكر الأبيض هو الغالب كوني موب دايما أحتاج نكهة ثانيه للمخلل حقي ..

          مخلل بدون خل ؟ هذا يا إنه مخلل أصلي ! أو إنه موب مخلل أصلا ؟

          المخلل له طريقتين .. فيه المخلل الأصلي اللي هو المخلل اللذييييييييييييييييييذ بس هذا ياخذ وقت في الصنع هذا المخلل ما تضيفين فيه خل هذا المخلل تخلينه على حرارة الغرفه إلين تحولين السكر اللي فيه لخل . هنا البقوليات صح ممكن تنفع وهنا المخلل صح راح يعيش سنة ! بس هذا المخلل شوي معقد . إذا كنتي تقصدين هذا النوع فأهنيك صراحة كونه من جد لذييييييييييييييييذ . هذا النوع صحيح كلامك ملعقة قذرة كافيه إنها تخربه ! ليش لأن المحلول في البدايه ضعيف وممكن يتلوث بأي شي بس مع الوقت تزيد الحموضه ويبدأ يتحمل أكثر .

          المخلل الثاني اللي هو المخلل السريع أو اللي يسمونه مخلل الثلاجه وهو اللي الناس يسوونه في الغالب . هنا الخل ينحط مع الخليط بدال ما تسوينه بنفسك . الطعم بعيييييد كل البعد عن المخلل الأصلي وما يعيش وقت طويل في الثلاجه . كون المحلول هنا حامض من البدايه مفروض ما يتلوث أو يعفن .

    • Anonymous on 9 December, 2010 at 2:36 am

    عندي سؤالين ممكن البعض يشوفها بسيطة ومو محتاجة

    السؤال الاول كيف نقلي بطاطس فرنش فرايز تعددت الطرق واتوقع كلها غلط

    والسؤال الثاني

    كيف اقدر اتبل الفشار بالبهارات بحيث يكون افضل من الجاهز

      • Top Chef on 9 December, 2010 at 3:16 am
        Author

      بالعكس أسئلتك في محلها …

      البطاطس المقلي مافيه طريقه في العالم تخليه يقرمش وما يشرب زيت كذا بسهوله … البطاطس لازم تنقلي مرتين على درجتين حراره مختلفه عشان يصير رهيب ويقرمش . القليه الأولى على حرارة هاديه بس ماتكون هاديه لدرجة إن الزيت يدخل الأكل و بعدين يتريح حوالي ساعة أو حتى يتجمد أو يتبرد زييييين . بعدين ينقلي القليه الثانيه على حرارة عاليه عشان يصير يقرمش .. مع العلم إن الناس تعودوا إنها أكله سريعه تتسوى في دقايق إلا إن هذا الكلام خطأ ! البطاطس تحتاج وقت وشغل . صراحة ما أعرف أي طريقة تسوين بطاطس زي الناس بدون ميزان حرارة زيت .

      سؤال الفشار والله ما أدري وش قصدك بالجاهز ؟ أغلب الفشار اللي أعرفه يكون بالملح بس ؟ لو تبين بهارات حطي شوي بس

        • Anonymous on 9 December, 2010 at 3:51 am

        الفشار في انواع واشهرها اللي بالجبن ايش نوع الجبن المستخدم

        وبعضها تكون فيها بهارات حارة او مكسيكسة

          • Top Chef on 9 December, 2010 at 5:24 am
            Author

          الفشار الجاهز اللي يجي حق ميكروييف بطعم الجبن هذا يستخدم فيه بودره جبن جافه أو بالعربي الأصح نكهة تشدر صافيه . ما ينفع تحطين جبن تشدر عادي معه . البودره هذي تجي زي كذا :
          http://www.wisconsinmade.com/assets/item/regular/4052-popcorn-seasoning-6-pack-L.jpg

          مدري إذا تنباع في السعوديه ولا لا ؟ … عموما لو تبين نكهة جبن حطي جبن قاسي زي البارمزان أو الرومانو مثلا هذي يمكن أفضل خيار …

          اللي تكون ببهارات مكسيكيه جربي حطي بهارات التاكو حلوه .. أو أخلطي أشياء زي كمون وكزبره وفلفل حار تعطي طعم مكسيكي .

    • Anonymous on 9 December, 2010 at 2:34 am

    طيب اذا ممكن طريقة تخليل الفجل

    وبالنسبة للفجل مع الخبز الفرنسي الصراحة مو قادرة اتخيل طعمه لكن انا مغامرة بس تقصده بالطريقة دي وهو طازج او مخلل؟

    والكراث طيب عندك طبخة فيها كمية كراث كبيرة والله ورطانة فيه واخاف يخرب واتحمل ذنبه

      • Top Chef on 9 December, 2010 at 3:10 am
        Author

      فص ثوم كذا تضربينه بظهر السكين عشان تطلعين طعمه بس بدون ما تقطعينه
      درزنين فجل تقريبا
      كوب سكر
      كوب خل تفاح
      ملعقتين صغار ملح
      ملعقة كبيره بذور خردل
      ١/٢ ملعقة صغيره بذور كرفس
      ملعقة كبيره شبت مقطع

      أغسلي الفجل وشيلي الأطراف … قطعيه لو تبين وردات أو حلقات .. أو حتى خليه كامل ما يفرق .

      حطي كل المكونات ما عدا الفجل في قدر وخليها تطبخ إلين يذوب السكر بس ويصير خليط صافي . صبي عليها الفجل وطفي النار . عبيه في علب حقت مخلل وحطيه في الثلاجه يوم عالأقل إلين يتخلل بعدين كليه .. كذا راح يقعد معك تقريبا شهر في الثلاجه كون هذا مخلل سريع موب مخلل أصلي .

      فجل + زبده + خبز هذي لذييييييييييذه مع بعض .، وهي طبق مقبلات معروف أصلا ..

      الكراث أسهل شي حطيه في سلطه أو مطبق أحس أسهل شي … فيه وصفات كثير فيها كراث بس غالبا الكراث يكون شي عالجنب موب النكهة الأساسيه فيه .

        • Anonymous on 10 December, 2010 at 1:34 am

        المخلل بدون ملح؟

          • Top Chef on 10 December, 2010 at 4:19 am
            Author

          آآآآآآآآسف عالخطأ … الملح ملعقتين صغار بعدلها الحين .

          شكرا …..

    • salam on 9 December, 2010 at 2:21 am

    السلام عليكم
    شيف هل خطوة انو نذوب الزبدة ونستناها تجم ضروربة في الكوكيز اللين ؟

      • Top Chef on 9 December, 2010 at 2:54 am
        Author

      ضروريه يعني الكوكيز راح يخرب لو ما سويتي كذا … بس هي موب ضروريه أنا أعطيك الطريقة اللي بتعطيك نتيجه أحسن بس .. هل راح تختلف أكيد راح تختلف كثير بعد .

    • Anonymous on 9 December, 2010 at 1:50 am

    لو سمحت عندي فجل احمر وانا ما احبه فمو عارفة كيف اتصرف فيه

    وعندي كمية كراث وخايفة يخرب ممكن احطه في الفريزر؟

      • Top Chef on 9 December, 2010 at 2:03 am
        Author

      الفجل .. فكرتي تخللينه ؟ التخليل يخفف حدة طعمه ويعطيه طعم حلو وبعد يحفظه وقت طويل . جربي مره وحده .. جيبي قطعه خبز فرنسي محمصه وأدهنيها بزبده وملح وفلفل ومع قطع فجل نحييييفه ..

      الكراث للأسف ما ينفع يتفرز كونه موب راجع زي ماكان قبل التجميد .

    • Anonymous on 9 December, 2010 at 1:48 am

    لو سمحت توب شيف

    ممكن اطباق بالتونة المعلبة سواء كانت كساندوتشات سلطات مكرونة رز اي شي

    ابغى شي جديد واعرف وصفاتك ما فيها تخبيص وخمسية نكهة تضيع النكهة الاصلية

    ولو ممكن تحط لنا وصفات تنفع للفطور منوعة يعني بشي خارج عن المألوف

    معليش عندي سؤال كمان قبل فترة كان عندي بصل ابيض كمية كبيرة مقشرة ومقطعة ارباع حطيته في الكيس اللي يتقفل لكنه خرب فايش هي طريقة الحفظ
    وشكرا

      • Top Chef on 9 December, 2010 at 2:47 am
        Author

      التونه المعلبه أكثر إستخدامي لها في ساندوتشات ولا سلطات . فكره إني أحطها في باستا أو رز أوغيره صراحة ما تعجبني أحس فيه أشياء أفضل أحطها من تونه من علبه . يمديك تسوين منها كفته وطعمها حلو موب شين …

      أو سويي منها سلطه أو ساندوتش بس فيه مليون طريقه تسوين هذي الأشياء بطريقه جديده وغير . مافيه سلطة تونه وحده !! فيه مليون طريقه تسوين سلطه وفيها تونه ونفس الشي للساندوتشات .

      للساندوتش جربي هذا :

      حطي تونه مع مايونيز وليمون وملح وفلفل وشوي كراث أو بصل أخضر مقطع صغار . بعدين أدهنيه على خبز توست أو غيره وحطي عليه جبنه إسمها جودا … مهم نوعيه الجبن هذي !!! ومهم الجبن هنا ! حمصي الساندوتش شوي بس شوي إلين تتحمر شوي من برا وتذوب الجبنه وذوقي ….

      عموما التونه تمشي مع شيين بشكل رهيب … الفاصوليا بأنواعها .. مثل الحمص و غيره … و تمشي بعد مع الخرشوف لو تحبينه .. وبعد تمشي مع الفلفل الأحمر البارد . هذي الأشياء مع التونه تعطي طعم رهيب موب شرط كل الثلاثه مع بعض تكون في نفس الوصفه ..

      جربي طيب هذي السلطه :

      حوالي ٢٠٠ جرام تونه ؟ أعتقد العلبه الوحده ٢٠٠ جرام .. دايما في التونه لو لقيتي التونه اللي تجي محفوظه في أكياس مسحوبة الهواء موب المعلبه تراها أحسن بكثييييييييييييير كثير كثير بعد .

      أوراق خس زبده .. لاتخافين من الإسم هو هذاك الخس اللي يجي ليييييين مره مو خس أمريكي ولا عربي .. يجي شكله زي كذا :
      http://image.shutterstock.com/display_pic_with_logo/1141/1141,1165646947,1/stock-photo-butter-lettuce-isolated-on-white-2299661.jpg

      لو مالقيتيه حطي رجله خيار بديل حلو …

      ملعقتين كبار بصل أبيض مقطع صغااااااااار

      ملعقتين كبار فلفل بارد أحمر أو برتقالي مقطعه صغاااااار .. بعد هنا لاتبدلين بالأخضر ! الطعم مختلف تماما .. أنا أبغى شي حلو هنا الأخضر مافيه أي حلاوه .

      ملعقة كبيره كابر

      ملعقتين كبار بيض مسلوق مقطع

      ليمون وملح وفلفل ..

      طلعي التونه من العلبه أو الكيس شوي شوي لا تكسرينها حاولي تخلينها تحافظ على شكلها . شيلي الزيت حق التونه في صحن ثاني لاترمينه ! .

      رصي الخس أو ورق الرجله بدون ما تقطعينه أو شي ! وحطي التونه قطع كبار فوقه . بعدين رشي البيض و البصل و الكابر و الفلفل البارد .. آخر شي رشي الزيت حق التونه وعصير الليمون وملح وفلفل ..

      بالنسبه للفطور منيب راعي فطور والله لا أفطر فطور فطور دايما … بس أبشري لو سويت شي بحطه لاتخافين .

      البصل أفضل أقطع كل ما أستخدم كون البصل مع الحفظ يخسر أشياء كثير ، الطعم يتغير و القرمشه تروح لو كنت ناوي آكله ني . بس لو تبين الكيس بيحفظه يوم يومين أكثر من كذا يمديك تفرزينه وتطبخينه علطول من الفريزر

    • Anonymous on 9 December, 2010 at 1:46 am

    شيف اذا كتبت اسمي ما يظهر السوال اللي سالته الا لما ترد
    بس اذا بدون اسم على طول يطلع

      • Top Chef on 9 December, 2010 at 1:49 am
        Author

      موب شرط هي .. هو المدونه فيها زي شي عشان يكشف الإعلانات إذا أشتبه برد إنه إعلان ما يطلعه إلين أوافق عليه . أنتي حطي سؤالك مره وحده وإن شاء الله بجاوبك لاتخافين .

    • Anonymous on 9 December, 2010 at 1:45 am

    شيف ايش استخدامات الـ Miracle Whip
    واقدر استخدمه بدل المايونيز في الساندوتش والدريسنق ؟
    لان بعض انواع المايونيز ما احب طعمها وفيها طعم غريب ومو حلو

      • Top Chef on 9 December, 2010 at 2:59 am
        Author

      هذا الشي الوحيد اللي مقدر أخدمك فيه … شي صراحة ما آكله ولا أتوقع أرجع يوم وأذوقه …. هو واحد من الأكلات اللي ماتدرين وشي ؟ هي بس أكله بس وشي ماتدرين ؟ هي ميب مايونيز ولاهيب خلطه سلطه ؟ هي دهن صناعي مع مثبتات .. أقرب ماله طعما وشكلا الفازلين D:

    • Anonymous on 8 December, 2010 at 7:07 pm

    لو سمحت الحين الخبز الاسمر اصح من الابيض؟ ليش؟ مافيه سكريات؟ مايسمن؟

      • Top Chef on 8 December, 2010 at 7:17 pm
        Author

      الخبز الأسمر مصنوع من طحين أسمر . الطحين الأسمر هو طحين كامل يعني بدون ما يشيلون الجنين و القشره حقت السنبله زي الطحين الأبيض . الجنين و القشره فيها ألياف ، دهون مفيده ، أملاح ، فيتامينات وبعد عناصر غذائية زياده ….

      عشان كذا هي أصح .. بس من ناحيه السعرات هي تقريبا نفس الشي جرام مقابل جرام الطحين الأبيض فيه شوييييي سعرات أعلى كون الثاني فيه نشا أقل وبدل النشا فيه المواد الغذائية اللي ذكرتها فوق من ألياف وكذا … الإثنين فيهم مضار بس الطحين الأسمر عالأقل فيه شي إيجابي يخفف من هذي المضار بس .

      الطحين الأسمر كون فيه ألياف هذا يعطي شعور بالشبع أسرع غير إنه يخليك تجوعين أبطأ لهذا السبب يستخدم في الرجيمات وكذا كونه يقولك إذا بتاكلين خبز بتاكلين على الأقل كلي شي مفيد … بس من ناحيه تسمين هي تقريبا نفس الشي .

    • Anonymous on 8 December, 2010 at 9:42 am

    شيف انا قاعدة ادور الاسئلة بلاسك مي عجزت القاها مرره محتاجه ارجع لها
    وين راحت؟

      • Top Chef on 8 December, 2010 at 9:50 am
        Author

      موجوده الأسئلة ماشلتها … بس اللي سويته هو إن تحميل الصفحة صار بطيء مره عشان الأسئلة كثيره مره ، رحت وقسمت الأسئلة على صفحات بس .. كل ٢٥ سؤال في صفحة . أنزلي تحت وبتلاقين كلمة older comments هذا بياخذك للصفحة الثانيه وكذا …. أو يمديك تسوي بحث لو تبين .

    • Anonymous on 8 December, 2010 at 7:53 am

    توب شيف مساء الخير ..

    انا سويت الكوكيز اللينه وطبعا هذي اول مره اسوي كوكيز فاللي صار انها انتشرت بشكل كبير فما ادري هل هو بسبب اني ما حطيتها بالثلاجه … او ان الكمية كانت كثيره لاني حطيت مقدار ملعقة ايسكريم مليانه
    وكيف نعرف انها خلاص نضجت ؟
    لاني بعد ربع ساعه شفت انها محمرة من تحت شوي لكن من فوق بعدها لينه وخليتها يمكن نص ساعه في الفرن الين احمرت اكثر وشغلت الفرن عليها من فوق :$ ادري بتقول انها المفروض تكون لينه …
    وطبعا الكل عجبته إلا أنا لأن شكلها ما طلع مثل اللي انت تسويها
    وشكرا..

      • Top Chef on 8 December, 2010 at 8:11 am
        Author

      الكوكيز اللين بالذات مهم جدا إنك تخلينها تبرد زييييييين عشان ما تنتشر كثير وعشان تصير لينه وطريه بدال ما تكون تقرمش .

      المقدار ما يفرق أنا سويتها ميني كوكيز مره وسويتها بملعقة إسكريم مرات ومرات .. أهم شي تراقبينها زين بس .

      تعرفين إنها أستوت بإنها تكون بدت تتحمر مع الأطراف بس بدت شوي تتحمر . الأطراف ما أقصد فيها من تحت ماعليك من تحت أنتي بس شوفي الأطراف .

      الكوكيز ما تقعد نص ساعة في فرن أبدا ! كثير مره عليها وما يحتاج تشغلين الفرن من فوق عشان تتحمر بعد من تحت ٨-١١ دقيقه تقريبا وهي مخلصه . هي راح تكون زي ما قلت بدت تتلون من الأطراف بس الوسط لييييين لين لين بعد بس وهي تبرد بيجمد لا تخافين أنتي بس راقبي الأطراف .

    • Anonymous on 8 December, 2010 at 1:22 am

    لو سمحت شيف عندي جمبري وحبار وودي بوصفه فيها جمبري مع خضار وصوص ثقيل
    تكون طيبة وتغيير عن المعتاد وجزاك الله خير

      • Top Chef on 8 December, 2010 at 8:04 am
        Author

      الربيان و الحبار مكونين إستخداماتهم ما تخلص فيه وصفات كثييييير بس أنتي أهم شي وش تحبين ؟.. هل لازم تكون في مرق ومع خضار ؟ قد جربتي تشوين حبار ؟ أو تحشينه ؟

    • Anonymous on 7 December, 2010 at 7:38 pm

    توب شيف… يسعدك مساك يارب ….
    نفسي اسوي بهارات الجرام مسالا طازجه في البيت اذا ممكن مكوناتها وطريقه عملها ؟؟ اكون ممنونه …

      • Top Chef on 7 December, 2010 at 11:12 pm
        Author

      تفضلي :

      طبعا بتلاقين إختلافات كثير كون الخلطه هذي تختلف من بيت لبيت في الهند بعضها فيه ١٠ بهارات بس وبعضها فيه ٣٠ أو أكثر !!! ..

      ملعقتين كبار بذور هيل ، البذور هي اللي داخل حبه الهيل !! لا تحطين الهيل كامل فكيه وطلعي البذور بس
      ملعقتين كبار كزبره ناشفه بعد كامله يعني موب مطحونه
      ملعقه كبيره بذور كمون
      ملعقه كبيره بذور خردل بني
      ملعقتين كبار فلفل أسود بعد كامله كلها موب مطحونه
      ٢٠ قرنفل
      حبه فلفل ناشف
      ٢ ونص إنش عود قرفه
      ملعقة صغيره جوزة طيب مطحونه

      حطي البهارات كلها ماعدا جوزه الطيب في مقله وسخنيها على حراره وسط إلين تشمين ريحتها حوالي ٣ دقايق . بعدين حطي جوزه الطيب وحطيهم كلهم في طاحونه بهارات وأطحنيهم .

    • Anonymous on 7 December, 2010 at 2:29 pm

    شيف ابي طريقه شوربه البروكلي بالجبن
    مجربه كم وصفه من قبل بس واثقه ان وصفتك راح تكون الافضل 😉

      • Top Chef on 7 December, 2010 at 11:04 pm
        Author

      لو عندك بروكلي جربي مره وحده حمريه وشوفي كيف يطلع ألذ طريقه له برأيي هو كطبق جانبي مع أي شي يمشي . سخني الفرن على 425 رشي البروكلي بملح وفلفل وشوي ثوم وزيت زيتون وحطيهم في صينية فرن بس بشرط يكونون طبقه وحده يعني ما يكون البروكلي فوق بعض . وحطيه في الفرن إلين تبدأ أطرافه تتشقر وتصير ذهبيه ويكون مشتوي بس مايكون منهري مره يعني لسا فيه مقاومه شوي . طلعيه من الفرن ورشي عليه بارمزان من نوعيه ممتازه وذوقي …

      تفضلي الشوربه :

      4 ملاعق كبيره زبده ( تقريبا أصبع )
      كيلو بروكلي مقطع وردات وحتى الجذر قشريه وقطعيه بعد مكعبات بس أصغر من الوردات شوي عشان يستوون مع بعض.
      بصله كبيره مقطعه
      فصين ثوم مقطعه شرايح
      ملعقه صغيره طرخون ناشف لو عندك طبعا
      6 أكواب مرق دجاج ! مهم جدا المرق يكون ممتاز موب ماجي هذا واحد من أسرار الشوربه اللي الناس ما يعرفونها ؟ الشوربه في الأساس يمكن 80٪ مرق لو كان المرق موب لذيذ .. الشوربه بتكون نفس الشي .
      كوب قشطة خفق
      ليمون
      1 ملاعقه كبيره طحين
      كوبين تشدر قوي مبشور . بتلاقين مكتوب عليه MATURE أو OLD أو SHARP .. بعدي عن اللي مكتوب عليه MILD

      ذوبي الزبده بعدين أطبخي البصل و جذور البروكلي فيها إلين يذبل البصل شوي مع رشه ملح . حطي الثوم و الطرخون وقلبيه شوي بعدين حطي الطحين وقلبيه معهم يمكن دقيقه . الحين حطي المرق وخليه يوصل غليه بعدين نزلي الحراره بحيث المرق يكون بس يغلي على خفييييف إلين يصير الجذر حق البروكلي لييييين مره حوالي ربع ساعة . الحين حطي زهرات البروكلي وأطبخيها إلين تبدأ تصير لينه بعدين حطي القشطه كلها وأطبخيهم شوي . حطي شوي ملح وفلفل وليمون .. بعدين ذوقي الشوربه إلين توصل للملوحه اللي تبين .

      صبي الشوربه في صحون تنحط في الفرن بعدين شغلي الفرن عالشوايه يعني من فوق على أحر شي . صبي الشوربه في الصحون ورشي فوقها الجبن وحطي الصحون في الفرن إلين تنشوي الجبه وتذوب وتبدأ تتحمر وقدميها وهي حاره .

      لو ماتبين تحطينها في الفرن عادي … سويي الشوربه طبيعي بس قبل لاتحطين الملح حطي الجبن بعد ما تطفين النار شوي شوي إلين يوصل للطعم اللي تبين . بعدين حطي الملح .

        • Anonymous on 8 December, 2010 at 12:07 am

        شيف انت تستخدم مرق الدجاج الجاهز؟
        http://ninecooks.typepad.com/photos/uncategorized/chickenstock.jpg ،
        ولو تسويه بالبيت ياليت طريقته مع انه شغله كل مابغيت اسوي شوربه سلقت لي دجاج
        لاني ماحب طعم الدجاج المسلوق ولاستخدمه بشي ثاني
        مع اني برضو اكره الماجي

          • Top Chef on 8 December, 2010 at 12:18 am
            Author

          هلا والله ..

          المرق واحد من أساسيات الطبخ هو له أنواع كثير وطرق هو ياخذ وقت بعد مايكفي سلق دجاجه وخلاص المرق أقل شي ياخذ ساعتين طبخ ! .. كل مطعم في العالم لازم تلاقين فيه شيين عالنار طول اليوم ،، قدر كبير فيه مرق وقدر ثاني فيه مويه مغليه !! … محد يسوي المرق كل ما يجي يطبخ الطبيعي هو إن الواحد يجمع عظم الدجاج أو أي شي ثاني موب شرط دجاج ، في الفريزر إلين ما تجمعين كميه كافيه تسوين منها مرق بعدين تسوين المرق وبعدين تفرزينه ومتى ما أحتجبتي تستخدمينه . كل شهر يمكن راح تحتاجين تسوين مره هذا لو كنتي تستخدمينه دايما .

          المرق الجاهز فيه أنواع تكون جيده أستخدمها أحيانا لو كنت مضطر .. .المرق موب بس دجاج مسلوق ؟ هو سائل لذيذ هذا المهم في الموضوع .. المويه سائل صح بس المويه ماتعطي طعم للأكل .

        • Anonymous on 8 December, 2010 at 9:04 am

        نفس الطريقه اسوي فيها زهره وما قد سويته ببروكلي
        بس اليوم جربتها ولذييييذه

          • Top Chef on 8 December, 2010 at 9:23 am
            Author

          بالعافيه على قلوبكم .

    • miss.alo2h on 7 December, 2010 at 1:25 pm

    مرحبا توب شو المقصود بالMexican-style stewed tomatoes
    وبقدر أعرف مكوناتها

      • Top Chef on 7 December, 2010 at 6:15 pm
        Author

      stewed tomatoes هذي تكون طماطم مطبوخه على حراره هاديه بمويتها .

      حطي طماط كثير يمكن كيلو كذا مقطع مربعات في قدر على حراره هاديه وخليه يطبخ مع التحريك من وقت لوقت إلين يبدأ يطبخ بمويته . بعدين حطي شوي كمون ، وقرن فلفل حار وشوي أوريجانو . بس .. خليه يطبخ إلين يصير زي الصلصه كذا يمكن ربع ساعة . آخر شي حطي زيت زيتون .

    • Anonymous on 7 December, 2010 at 12:48 pm

    سلام شيف
    هل دقيق النخاله نفسه الدقيق الاسمر ؟

      • Top Chef on 7 December, 2010 at 6:10 pm
        Author

      والله اللي أعرفه إنه نفسه . بس يمكن يكون غير ما أفتيك كوني والله منيب متأكد .

    • Anonymous on 7 December, 2010 at 12:18 pm

    سلام شيف
    انا متعقده من الباذنجان ابي طريقة اقلي فيها الباذنجان بدون مايشرب ثلاث ارباع الزيت
    يعني جربت اني املحه قبل القلي بساعه وبعدين اغسله وانشفه واقليه بزيت حاار بس نفس الشي يشرب دهن كثير

    ايش الحل مع الباذنجان ؟

      • Top Chef on 7 December, 2010 at 6:09 pm
        Author

      الباذنجان فعلا زي الإسفنجه .

      التمليح مفروض يسحب مويه من الباذنجان صح هذا بيسهل العمليه . يعني ملحيه بس أكثر من ساعة فيه ناس يخلونه طول اليوم . بعدين أشطفيه بس عشان تشيلين المويه بعدين نشفيييه زييييييييييييين زين زين بمنديل أو كذا . القلي بعد أقليه زي ماقلتي بزيت حار مره …

      تبين الصراحة أنا أبعد كل هذا وأحطه في الفرن بعد ما أدهنه بزيت هذا أشوف أفضل حل .

    • Anonymous on 7 December, 2010 at 12:10 pm

    ياشيف عندي سؤال محيرني
    لو كان الوصفه تحتاج حليب ( كيك مثلا ) وانا حطيت فيها حليب طازج باقي عليه يومين وتنتهي مدته
    هل بعد يومين لو باقي من الكيكه ارميها باعتبار ان من مكوناتها هالحليب اللي تاريخ صلاحيته يومين

      • Top Chef on 7 December, 2010 at 6:07 pm
        Author

      وش معنى إن الحليب ينتهي صلاحيته ؟ معناها إن تبدأ بكتيريا تعيش فيه هذي البكتيريا تبدأ تخلي الحليب حامض في البدايه بعدين كل ماصار حامض كل ماصار الحليب وسط مناسب لأنواع ثانيه من البكتيريا وهنا يبدأ يعفن . بس الكيك يحفظ الحليب هنا كونه يقتل البكتيريا بعدين فيه كميه دهن وسكر كافيه إنها تخليه نظيف وقت طويل لا تخافين .

      عموما الحليب ترى ما يخرب يخرب مع تاريخ الصلاحيه . فيه وصفات كثير تطلب حليب محمض ! الحليب المحمض عادي المشكله تبدأ بعد كذا .

    • Top Chef on 6 December, 2010 at 4:42 pm
      Author

    هلا والله ..

    السكر عادي ودايما أفترضي سكر عادي إلا إذا أحد قالك ناعم أو كذا لأن هو الغالب .
    البيكنج باودر ترى موب خميره هو ماديه كيميائه رافعه غير الخميره اللي تكون بكتيريا … الخميره المستخدمه خميره فوريه عاديه

Comments have been disabled.

%d bloggers like this: