كيكة الآنجل فوود .. Angel Food Cake

هلا والله …


كيكة الأنجل فوود أو طعام الملائكة عبارة نوع من أنواع الكيك الأسفنجي. هذي الكيكة تتميز عن كل أنواع الكيك الثانيه بإنه مافيها أي نسبة دسم ٠٪ ولا شي !! ومع هذا الكيكة خفيفه ولينه إذا تسوت صح. سبب التسميه هو طبيعة الكيكة البريئة إن صح التعبير ، كونها خفيفه وبيضاء وبنفس الوقت بدون أي دسم .. في المقابل فيه كيكة ثانيه اللي هي تقريبا عكس هذي الكيكة وهي كيكة الديفل فود أو طعام الشياطين ههه devils food cake اللي هي عبارة عن كيكة شكولاته دسمه مره و ثقيلة عكس كل شي تمثله هذي الكيكة ..


الكيكة تعتبر كيكة إسفنجية sponge cake وهذا يعني إنها مرفوعة ببيض ، الكيكة مافيها أي مواد رافعة غير بياض البيض وعشان كذا مهم إن المرانج اللي نسويه يكون مضبوط صح. وشلون تنفش الكيكة بدون مواد رافعة ؟ السر في الهواء المحبوس داخل المرانج . الهواء داخل المرانج يتمدد في الفرن وهذا يرفع الكيك ويخليه خفيف نفس العمليه هي اللي ترفع السوفليه و الكيكات الإسفنجية الثانيه .  بياض البيض فيه مشكلة وهو إنه ينشف ويصير حجر إذا ماكان معه دهن وهنا يجي دور السكر اللي يلين الكيك ويخليه رطب حتى بعد ما يطلع من الفرن .


المقادير :


كوب ونص سكر مطحون

١/٤ ملعقة صغيرة ملح

كوب طحين كيك منخول

١٢ بياض بيض على حرارة الغرفة بدون أي أي نقطة صفار

١/٣ كوب مويه دافيه

ملعقة صغيرة فانيلا سايلة أو عود فانيلا زي ما سويت أو أي خلاصة نكهة تحبون

ملعقة صغيرة ونص كريمة ترتار

* السكر هنا لازم سكر بودرة ماينفع السكر العادي


* طحين الكيك ضروري لهذي الوصفه . طحين الكيك هو طحين مصنوع من قمح لين أو قمح صيفي ويجي مطحون أنعم و مبيض و فيه بروتين أقل من الطحين العادي أو طحين الخبز. البروتين هو اللي يخلي الكيك قاسي وكون طحين الكيك فيه بروتين أقل هذا يخليه يعطي الكيك ليونه أكثر. إذا مالقيتوا طحين كيك تقدرون تسوون شي قريب في البيت بإنكم تشيلون من كل كوب طحين ملعقتين كبار وتبدلون بدالها نشا ذرة.

* كريمة الترتار بعد مهمه هنا . كريمة الترتار صح بتثبت المرانج بس فايدتها الحقيقيه هنا هي إنها تخلي الكيكة حمضيه شوي وبكذا ما تتحمر أسرع من اللازم وتنحرق قبل ما تستوي من داخل.


*الكيكة بسويها بالفانيلا بس تقدرون تستخدمون أي نكهة ثانيه تحبون ، تقدرون تحطون أي خلاصة نكهة زي البرتقال مثلا أو قشر حمضيات وتسوون الكيكة بنكهات ثانيه .

*بنحتاج بعد صينية كيك اللي فيها عود في الوسط واللي لها قاعدة متحركة ، الصينية هذي بهذا الشكل ضروريه لهذا النوع من الكيك مافيه أي بديل ، الصينية هذي يسمونها أحيانا angel food cake pan .


الطريقة :


نسخن الفرن على ٣٥٠

ننخل الطحين مع الملح ونص السكر في صحن .

نخلط المويه مع بياض البيض و كريمة الترتار  ونسوي فيهم مرانج فرنسي بباقي السكر إلين يوصل مرحلة الرؤوس المتوسطة بس ! زي ما شرحت في الموضوع حق المرانج هنا . نطعم المرانج بالفانيلا زي ما شرحت في الموضوع.

meringue

مرانج

 

بعد ما نسوي المرانج ننخل نص خليط الطحين على المرانج بعدين نخلطة شوي شوي بإستخدام أعرض ملعقة عندنا . مهم جدا هنا إنكم تخلطون شوي شوي عشان ما نطيح المرانج ويكون الكيك خفيف وهش. بعد ما ينخلط شوي ننخل النص الثاني من الطحين ونكمل خلط إلين يتجانس الخليط .


angel food cake

 

الحين ننقل خليط الكيك لصينية الكيك بدون ما ندهن الصينية بأي دهن ! نستخدم ملعقة كبيره أو مغرفه وننقل الخليط بالملعقة للصينية شوي شوي . بعد ما تصبون الخليط لا تساوونه بملعقة ولا شي خلوه زي ماهو . لا تصبون الخليط زي ما تسوون مع أنواع كيك ثانيه. الهدف هنا هو إننا ما نفقع الفقاعات اللي في الخليط وهذا بيخلي الكيك ناشف .

لاحظوا إني قلت ما ندهن الصينية ! هذي العملية ضروريه لهذا الكيك ، الكيك صح راح يلصق في الصينية وهنا الهدف ، الكيك يحتاج شي يتمسك فيه وهو ينفش ولو دهنا الصحن الكيك ماراح ينفش وبكذا الكيك بيطلع ناشف . الكيك هذا جدا هش وسهل يطيح وهنا يجي دور العامود اللي في النص كونه يوفر شي يمسك هيكل الكيك إلين ما يتصلب .


تيوب بان

angel food

ندخل الكيكة الفرن إلين يطلع منها عود نظيف ٣٥ دقيقه تقريبا بدون ما نفتح باب الفرن قبل هذا الوقت ! . بعد ما تستوي نطلعها من الفرن بعدين نقلبها على شبك تبريد ونخليها تبرد بالمقلوب ساعة ونص عالأقل بدون ما نطلعها من الصينية . الكيكة أول ما تطلع من الفرن بتكون هشة مره ولو خليناها تبرد بوضعها الصحيح ( يعني موب مقلوبه ) إحتمال كبير تطيح علينا وعشان كذا مهم إنكم تبردونها وهي مقلوبه .


angel cake

طعام الملائكة

angel food cake

بعد ما تبرد نفك الأطراف بسكين حاده ونحيفة بعدين نشيل الجوانب حقت الصينية . بعدين بنفس السكين نفك القاعدة عن الكيكة شوي شوي .

آنجل فوود كيك

cake

 

وبس هذي الكيكة …  إذا جيتوا تقطعون الكيكة أستخدموا سكين خبز السكاكين العاديه إحتمال تضغطها بقوة .

الكيكة تنحفظ على حرارة الغرفة يومين إلى ثلاث أيام تقريبا بشرط تتغلف بشكل جيد بنايلون عشان ما تنشف .

قدموها مع كوليه فواكه أو أي صوص ثاني تحبونه ..


Angel food cake with rasberry

قدمتها هنا مع صوص راسبري

87 comments

5 pings

Skip to comment form

    • الهاشمي on 24 February, 2016 at 3:53 pm
    • Reply

    السلام عليكم
    بس كنصيحة يا أستاذ خالد قد تكون الوصفة جميلة و طيبة لكن التسمية ليست كذلك. . . من قال ان الملائكة تأكل و تشرب؟
    فأنت خذ المفيد و اترك ما ليس له داع. . . بارك الله فيك.

    • هاجر on 21 December, 2015 at 9:23 pm
    • Reply

    احب مدونتك جميلة جدااااااااااااااااااااااااااااااااااااااا ماشاءاالله فنان مبدع

    • Anonymous on 31 December, 2013 at 5:27 am
    • Reply

    السلام عليكم شيف
    انا سؤالى هل يمكن اعمل الكيكة دى فى قالب مربع عادى او دائرى عشان اعمل تورتة ارجو ينفع او لا
    تحياتى

    1. وعليكم السلام و الرحمة ….

      شرحت في الموضوع أهميه إن الكيكة تتبرد بالمقلوب وأهمية عامود في الوسط لتحمل الكيكة بس بإمكانك تجربين لو تبين

    • Anonymous on 27 December, 2013 at 3:12 pm
    • Reply

    السلام عليكم شيف

    شيف ياريت تعطينى طريقة كيكة العسل الروسية

    وبغيت كمان اسئل على احسن نوع شوكلالالا للحلويات

    فديتك

    1. وعليكم السلام والرحمة.

      اول مره اسمع الصدق يكيكة العسل الروسية.

      اقري موضوع الشكولاته في المدونة بتلاقين كللل اللي تحتاجينه عشان تفهمين الانواع والفروقات والاختيار

    • Anonymous on 23 December, 2013 at 5:36 pm
    • Reply

    لو بستبدل بياض البيض ببودرة بياض البيض كم بحتاج جرام عشان أسوي هالكيكة ؟

    1. لو قرأتي علبه بياض البيض البودره بيكتبلك كم تخلطين مويه وبودره عشان يعادلك بياض بيضه وحده. ضاعفي هذي الكمية على عدد بياض البيض اللي طالب هنا

    • Anonymous on 29 January, 2013 at 3:57 pm
    • Reply

    سلام ..
    اخيرا عملت الآنجل فود .. بس ترى خوفتوني من ذا القالب … عاد بعض البنات تشتري نفس القالب وكمان تطيح … قلت بابنت ليش اعذب عمري الا اجيب القالب ..
    وعملتها في قالب الباوند كيك المستطيل … وبقي اشوي من الخليط وعملته في صينيه دائريه 9 انش … وعملت نفس الخطوات بالضبط ..
    وطلعت تهبل في القالبين وعين الله عليها .. بعد ماتركتها تبرد تماما وهي مقلوبه طبعا قالب الباوند كيك حطيته على كوبين من الاطراف علشان تفضل مقلوبه ..
    ولما بردت دخلت سكين من الاطراف ونزلت 100 %
    يافرحتي يوم شفتها سليمه .. : )
    تسلم يدك شيف ماقصرت …

    1. وعليكم السلام و الرحمة …..

      بالعافية على قلبك ….

      اللي طاحت عليها الكيكة ماكانت بسبب القالب الخاص في الكيك … سبب طلبي للقالب الخاص بهذا النوع من الكيك كتبتبه في الموضوع وهو إن هذا الكيك يحتاج شي يتمسك فيه عشان يرتفع بالشكل المطلوب وبدون ما يطيح. طبعا لو شفتي في النت راح تلاقين آلاف آلاف التجارب من الناس اللي صارت لهم مشاكل بسبب إستخدامهم لأشكال قوالب مختلف وعشان كذا طلبت هذا القالب. ماقلت الكيك راح يفشل بدونه بس قلت جربوه على مسؤوليتكم الخاصه …

    • Anonymous on 28 December, 2012 at 3:21 am
    • Reply

    الصينية هذ تمشي؟ والا فيه شي افضل منها
    http://www.amazon.com/Chicago-Metallic-Non-Stick-2-Piece-Angel/dp/B003YKGR5U/ref=sr_1_21?s=home-garden&ie=UTF8&qid=1356653910&sr=1-21

    1. ماجربتها بس اعتقد تمشي. افضل شي اقري آراء اللي جربوها تحت.

    • Anonymous on 19 December, 2012 at 1:52 am
    • Reply

    ياليت لو تكتب المقادير بالأوزان

    1. معك حق وهو الأصح بعد … إن شاء الله في المستقبل كله بيكون كذا

        • Anonymous on 22 December, 2012 at 3:59 pm
        • Reply

        إن شاء الله

        طيب لو بحول من أكواب لغرامات هنا يمشي؟
        يعني بدل كوب ونص سكر مطحون أحط 170 غرام ؟
        وبدل الطحين أحط 110 ؟

          • Top Chef on 22 December, 2012 at 8:38 pm
            Author

          بس مين قال إن ١٧٠ جرام سكر مطحون تعادل الكمية اللي حاط هنا ؟ كل المواقع اللي تحسبلك هذي الحسابات يعني تحول الوزن بالحجم تعتمد على التقريب وموب شي ممكن يعتمد عليه أبدا !

          • Anonymous on 25 December, 2012 at 7:52 pm

          طيب وش الحل :/

          • Top Chef on 26 December, 2012 at 3:10 am
            Author

          أستخدمي الحجم زي ما كتبت حاليا

          • Anonymous on 26 December, 2012 at 1:59 pm

          الاكواب قصدك فيها الاكواب المعيارية مهيك؟
          وعذرا ع الاطالة
          الله يعطيك العافية 🙂

          • Top Chef on 26 December, 2012 at 2:09 pm
            Author

          داااايما معياريه اكيد

    • Anonymous on 1 December, 2012 at 9:51 pm
    • Reply

    لوسمحت انا اللي سويت الكيك وطاح بعد ما قلبتها القالب قالب الانجل فود له عامود من النص زي صينيتك بالضبط بس الاختلاف ان اللون اسود ما ادري فين الغلط يمكن عشان الجو عندنا بااااارد ارجو افادتي

    1. القالب حق الآنجل فوود موب بس فيه عامود. العامود دايما اطول من القالب نفسه وغالبا القاعدة تنفصل. فيه كذا قالب مفتوح من النص بس موب كلها قوالب إنجل فوود وعشان كذا سالت

    • Anonymous on 21 November, 2012 at 8:26 pm
    • Reply

    سويت الكيك وقلبتها وطاح الكيك وتكسر يمكن عشان نوع الصينيه لان اللي عندي لونها اسود مو فضي ما ادري فين الغلط سويتها اكثر من خمس مرات وكل ما قلبتها تطيح

    1. أعتقد إنك حاولتي تسوينها بصينية كيك bundt اللي تجي مفتوحة من النص بس موب اللي فيها عامود زي هنا ؟ الصينية السوداء غالبا مادة زي التيفال وهذي تخلي الأكل ما يلصق عليها وإحتمال هي اللي خليتها تطيح بعد القلب.

    • Sosoffdd on 4 October, 2012 at 5:59 pm
    • Reply

    طيب فيه بديل لها واذا لا لو ما أحطها بتضبط ، وآسفه ع كثرة الأسئلة

    1. من الموضوع :
      ” كريمة الترتار بعد مهمه هنا . كريمة الترتار صح بتثبت المرانج بس فايدتها الحقيقيه هنا هي إنها تخلي الكيكة حمضيه شوي وبكذا ما تتحمر أسرع من اللازم وتنحرق قبل ما تستوي من داخل.”

      لو فيه بديل أكيد بكتبه والكريمة متوفرة في كل سوبرماركت ترى.

    • Sosoffdd on 4 October, 2012 at 5:01 pm
    • Reply

    لازم الكريمة هذي ? مؤ متوفره عندي

    1. اقري الوصفة شرحت كل شي

  1. السلام عليكم
    شيف هل ينفع اسوي هل الكيكه بصينيه بدون قاعده تنفك قاعده ثابته عمود بالوسط بس القاعده ثابته

    1. وعليكم السلام و الرحمة ….

      ممكن بينجح بس مدري الصراحة كيف بتطلعينه ؟

  2. معلومات قيمة، شكرا لافادتنا بها ..

    سؤالي أستاذ خالد، ماهو ال cream of tarter ? هل هناك أنواع منه أم هو نوع واحد؟ لانني أذكر انني بحثت عنه مرة فوجدت انه يستخرج في عملية صناعة الخمر! فهل هذه المعلومة صحيحه أم لا؟

    شكرا لك مرة أخرى

    1. كريمة الترتار نوع من أنواع الأحماض اللي تكون على شكل ملح يعني هو حمض صلب. تقريبا زي فكرة ملح الليمون بس نوع حمض ثاني.

      هو نوع واحد.

      صحيح هو يستخرج كمتج ثنوي من صناعة الخمر. العنب غني بحمض الترتاريك وهذا الحمض يترسب داخل براميل الخمور الخشبيه بسبب التفاعلات اللي تصير مع الوقت. إذا خوفك إنه حلال أو حرام هو حلال ١٠٠٪ لنفس السبب اللي يخلي الخل حلال. الخل بجميع أنواعه كان في مرحلة من المراحل مشروب كحولي. الخل اللي من النبيذ الأبيض يسمونه خل عنب أبيض و الخل اللي من العنب الأحمر يسمونه خل عنب أحمر و الخل اللي من البيره يسمونه خل الملت و الخل اللي من التفاح يسوونه من السيدر (اللي هو كحول التفاح) وحتى الخل الأبيض العادي يسوونه من الكحول الساده.

  3. الله يعطيك الف عافيه ممكن اعملها في حلةالكيك اللي مفتوحه زي دي بالظبط بس العامود قصير شويه

    1. إذا القاعدة متحركة غالبا تقدرين

    • جار القمر on 3 January, 2012 at 8:27 pm
    • Reply

    السلام عليكم يا شيف

    شيف ضرورى منو الكريم ترتار ممكن استبداله بشى تانى زى الليمون او رشة ملح

    لانه مهمة هدا الكريم ايحافظ على البياض البيض بس موموجود عند نا ممكن اعملو بدونها ولالا ومشكور خوى

    1. قرأتي موضوع المرانج اللي رابطه موجود في الموضوع ؟

    • جار القمر on 3 January, 2012 at 8:19 pm
    • Reply

    ما شاء الله عليك يا شيف

  4. ايه شفت البارفيه مره حلوووو ..ودي مشكلتنا لما نأكل شي اعجبنا نقيس عليه

    وانا سويته ترايفل بقطع الفروالة والكريمة

    بس طلب ياشيف ابيك تشرحلي اهمية البياض واهمية الصفار بالكيك بطريقة شرحك المعتادة

    لاني لاحظت الفرق بين الكيكتين

    وننتظر جديدك دائما

    1. يبيلها صفحات عشان أشرحها بشكل كامل وزي ما أقول داااااايما أكيد أكيد أكيد إن شاء الله بشرحها إذا جا الوقت ..

      عموما إذا تبين الفرق بين الإثنين هنا الفرق ببساطه هو في الدهن اللي موجود في صفار البيض واللي موب موجود في البياض.

  5. شكرا شيف سويتها بس ماتوصل لمستوى الكيكة الاسفنجية العادية

    هي صح اسفنجية وبيضا بس مو سهلة بالاكل زي الي بتكون بالبياض والصفار المفصولين

    …ربي يوفقك دائما الف شكر

    1. هذي شي وهذي شي ليش لازم نختار نوع واحد ونثبت عليه في كل إستخدام ؟ أنا ماقلت هذي الطريقة بديل للكيكات الإسفنجيه بس هي نوع من أنواعه الأساسيه.

      هذي الكيكة ممكن تنوكل لحالها بس الهدف من تسويتها كان إني أستخدمها في الوصفه اللي سويتها بعدها اللي هي البارفيه.

    • حلي حلاوه on 5 December, 2011 at 2:10 am
    • Reply

    شرح رائع من زمان ادور علي الطريقه الصح لانجيل كيك
    سؤالي هل ممكن عملها بصينه عاديه وحشوها بعد التبريد وتغطيتها بالفوندان مثل تورتات العروس الهشه شاكره الرد

    1. صينية مربعه ما أضمنلك ، تكلمت كثير عن سبب إستخدام هذي الصينية هنا في الموضوع. بس بخصوص الحشو و التغطيه ممكن ليش لأ.

  6. سلام كيفك شيف فعلا وصفات اكثر من رائعة .. حابي استأذنك بمشاركة وصفاتك في هيد الموقع http://www.sa7etna.org/home/
    انا دايما بشارك فيه هوي موقع للعرب في البرازيل وانا بتابع فيه بكحم اني عايشي بالبرازيل وطبعا لما حط وصفاتك رح اذكر المصدر لهوي حضرتك
    واذا انت بتحب تشاركنا فهيدا اكيد شرف ومكسب النا واتمنى موافقتك مع الشكر

  7. شكرا ع الجهد الكبير. والشرح الواضح – حبيت اضيف ان كريمة الترتار متوفره في هايبر بنده ،،

    • D= on 5 September, 2011 at 5:21 pm
    • Reply

    آنجل فوود .. حتى اسمها يشهوي ..
    ودي أسويها.. بس مدري ليه أنا حظي مخيس مع الكيك =(
    بسس ما ودك تنزل كيكة الديفل فوود ؟ << وسيعة وجه
    D=

    1. الحظ ماله علاقة دوري السبب وحلي المشكلة وبتضبط كل الكيكات معك …

      الديفل فوود بنزلها إن شاء الله بس كل شي بوقته ..

  8. شيف.,عندي سؤال..

    في البداية قصدك ننخل مع الطحين 1/2 كوب سكر

    وللمرانج كوب سكر؟؟..,,

    وشكراً على الوصفات الرووعة

    1. هلا والله …

      لأ .. نص الكمية أقصد يعني 3/4 كوب مع الطحين و 3/4 كوب مع المرانج .

  9. شيف،،الكيكة شكلها روووعة

    بس البياض كم بالوزن

    لأن عندي بالفريز بس ماأذكر الكمية بالضبط…

    1. أحسبي ٣٣ جم تقريبا لكل بياض دايما

  10. يمي يمي

    مرررره احسسها طريه وتجنن

    بس سؤال طحين الكيك كيف صاير..؟ اول مره اسمع فيه

    1. تفضلي شرح لأنواع الطحين كلها :

      http://www.shamoa.com/vb/showthread.php?t=20329

    • عمة احلى بنوته on 6 June, 2011 at 11:06 pm
    • Reply

    اقدر اعملها تغطيه ولا راح تهبط

    1. طبعا تقدرين .. هذي الكيكة حساسه في أول مراحل الطبخ بس بعد ما تبرد خلاص تصير زي أي كيكة عاديه.

    • Lama on 18 May, 2011 at 10:01 am
    • Reply

    ايش كريمة ترتار ؟؟ وكيف تجي سائلة ولا بودرة
    يعني زي الدريم ويب ولا كيف ؟

    شكلها مشهي ولو اني مو من محبي الحلويات بس بجربها

    ويابخت زوجتك فيك , يارب يجيني واحد يعرف يطبخ زيك 🙂

    1. كريمة الترتار تجي بوردة تلاقينها جنب البيكنج باودر و البيكنج صودا وهذي الأشياء

    • جيلآتينو on 15 May, 2011 at 11:06 am
    • Reply

    وصفة مرة خطيرة و لي عودة بعد آلتجربة . .

    و يآبخت من بتزوجهآ

    • Reme89 on 13 May, 2011 at 1:14 pm
    • Reply

    مرحبااا 🙂
    شكرا ع الوصفه الحلوه .. جربتها وطلعت لذييييذه =)
    بس بسألك.. ممكن ابدل الكوليه بشوكولاه؟؟
    و مشكووور اخوي

    1. بالعافية …

      وش المانع اللي تشوفينه ؟

  11. 1- عجينة خبز الهمبرغر بتكون جيدة اذا اضفنا لها البطاطا المسلوقة , اناكتير بعمل عجائن ممتازة بس هذه العجينة لم اجبرها
    2- بالنسبة لكيك الملائكي جرتو مرة وما نجح معي , بس بدي جرب مقاديرك واجرب مرة ثانية

    • موني on 20 April, 2011 at 8:08 am
    • Reply

    سؤال دوم يخطر في بالي زوجتك تطبخ ههههه

    لو عندي ريل جي جان انا مرتاحه بس بعد طبخ يمشي بعروقي

    1. هههههه توني ماتزوجت نشوف بعدين هههه

    • Anonymous on 19 April, 2011 at 2:03 pm
    • Reply

    لو سمحت ياتوب شيف حابه اسالك عن كيكة الانجل فود ريحتهاماراح تكون بيض بسبب كمية بياض البيض اللي فيها

    1. ريحتها كيك

  12. توب انا عشقي الكيك.. ياليت تحط وصفات غريبة والآهم الزينة والشكل بعد
    موفق (f)

    1. هلا والله …

      الصراحة موب شي يهمني أبدا .. ماراح يكون التركيز هنا على الحلويات لأن خبرتي فيها جدا بسيطة ، فيه ناس فنانين في الأشياء هذي .

      1. 🙂

  13. فعلا كيكه رهيبه .. تعجب كل افراد عائلتي .. وخفيفه وهشه طريه
    ومع الصوص تكمل الحكايه …:)

    شكرا لك

    • Anonymous on 14 April, 2011 at 11:25 am
    • Reply

    اهلين شيف
    ينفع احط ليمون بدال الترتار؟
    واذا لا وين القى الترتار في السوبر ماركت ؟
    هل هو مثل شكل البيكن باودر ؟

    1. ينفع وينفع خل بعد أو أي شي حامض بس كم بالضبط تحطين ما أدري . المشكلة إن هنا الكمية ضروري تكون صحيحة لاحظي إن كريمة الترتار هنا هدفها موب بس تثبت البيض زي المرانج العادي .

      كريمة الترتار تلاقينها جنب البيكنج باودر وهذي الأشياء وشكلها تقريبا نفس الشي .

    • Anonymous on 14 April, 2011 at 11:19 am
    • Reply

    ممكن احط في القاعده ورق زبده؟
    والجوانب بعد ؟
    لاحظت ان الكيكه ما ارتفعت بعد الطبخ نفس اللي صبيته طلع كما هو بدون زياده !!

    1. الكيكة أرتفعت بس الصوره موب واضحة مره ، لاحظي اللي تشوفينه عالجنب هذا من الملعقة لأني قلت لا تنظفين الكيك .

      سويها زي ما سويت أو جربي براحتك أنا عطيتك اللي مفروض يتسوى بس أنتي وراحتك ..

    • Anonymous on 13 April, 2011 at 12:01 pm
    • Reply

    يا هلا وغلا

    طيب عندي الصينية بس بدون قاعدة متحركة وش اسوي فيها تنفع او لا اتمنى ترد علي سريع

    1. هلا والله …

      الصراحة ما أعرف ، تقدرين تجربين ، خليها تبرد بالمقلوب إلين تبرد تماما بعدين فكي الأطراف بس كيف توصلين السكين للقاعدة تحت ؟

        • Anonymous on 14 April, 2011 at 8:45 pm
        • Reply

        طيب ما اقدر احط روق بارشمنت تحت على الاقل عشان تطلع بسهولة ؟؟

        ما اقدر احطها في كوالب الكب كيك كنوع من الاستبدال لان الصينيى هذه بالذات مو عندي وخاطري اطبق الكيكة بكرة

          • Top Chef on 14 April, 2011 at 9:05 pm
            Author

          زي ماقلت أختي .. ما أعرف جربي وشوفي ما ودي أقولك ينفع وتقولين بعدين مارضت تطلع شخصيا ما شفت أحد مسويها وعشان كذا صعب أقولك إذا ينفع أو لأ ..

    • لحن الجحيم on 12 April, 2011 at 5:37 pm
    • Reply

    هذي الكيكة ماضبطة معاااي

    مانتفشة و صارت معجنه مدري هل من الصينيه انها ام عمود وسيعه او الخلطه عندي فيها غلط

    تنفع صينية الشيزكيك الحجم الوسط

    مشكوورررر على الكيكه

    1. هلا والله …

      مدري الصراحة ؟ فيه أكثر من سبب .. فتحتي الفرن وأنتي تطبخينها ؟

        • لحن الجحيم on 13 April, 2011 at 11:29 am
        • Reply

        لا زي الكيكه العاديه اذا بينت ريحتها عرفت انها استوت يمكن لانها كميه صغيرها و صينيه كبيره

        هذي المقادير الى ستخدمتها

        بياض 2 بيض كبير او 3 صغير

        1 كوب دقيق

        ¾ كوب سكر (او كوب اذا تبيها حلوة زيادة)

        1 م ط بكنج باودر

        رشة ملح

        ½ م ص خل

        1 م ص فانيليا

        1 كوب حليب
        ؟؟؟؟؟!!!!!

        نورني الله ينورك

          • Top Chef on 13 April, 2011 at 12:53 pm
            Author

          هذي ميب آنجل فوود كيك ؟ هذا غير إن المقادير للكيك عمرها ما تنكتب كذا .. كمية البيض ميب شي إختياري يختاره الشخص و كمية السكر أكيد نفس الشي هذي كلها أشياء بتأثر بشكل كبير مره في نتيجة الكيك ولازم تكون محدده في الوصفه

    • Anonymous on 11 April, 2011 at 5:33 pm
    • Reply

    مابغيت ياشيف ترضى عن الكيك وتسوي لنا منة شي
    بصراحة منزمان ودي اسويها بس متكيسلة حتى اني كسرت 16 بيضة وشلت البياض بكيس وعلى لفريز الا اني بعدني كسلانة

    1. هههه والله زي ماقلت كثير ، ما أحلي غالبا وصراحة ما يهمني الحلى كثير. إذا كان فيه مناسبة ولا بيجيني ناس ولا كذا سويت حلى..

      • Anonymous on 11 April, 2011 at 7:18 pm
      • Reply

      فية بعد حركة حلوة لهاذا النوع من الكيك لما تجي تبردة تخلي الفتحة اللي بالصينية بعنق غرشة طويلة وتقلبها يعني الصينية وداخلها الكيك مقلوبة راسا على عقب وموقفة بالغرشة بدل الكولينق راك تقول روز ليفي انها افضل طريقة لتبريد الاينجل فود

      1. صح .. بس الحركة هذي بالذات مفيدة إذا ماكان عندك الصينية زي اللي عندي .. لو لاحظتي الفتحة اللي داخل الصينية إرتفاعها أطول من الصينية نفسها ، وعشان كذا ما تفرق في هذي الحالة . الهدف من الحركة إن الهواء يبردها من كل مكان ما يكون فيه مكان مقفل. بس لو أستخدمتي صينية كيك عامودها أقصر أو بنفس إرتفاع الأطراف بيفرق شوي .

  14. أمممممممممممممم
    واضح إنها طريه مره

    ناقصها كريمه شوكلاته بالبندق وتصير توب

    تسلم ماقصرت

    1. هلا والله ..

      هههه كل شي أطعم مع نوتيلا ..

  1. […] كيكة الآنجل فوود .. Angel Food Cake » Top Chef Blog .. مدونة توب شيف على المرانج الفرنسي .. French Meringue […]

  2. […] ويتحول لرغوة كثيفة تفتحلنا أبواب ثانية زي السوفليه و الكيك الإسفنجي وأنواع و أنواع من الكوكيز و البيتي فور ، ندهن المعجنات […]

  3. […] ويتحول لرغوة كثيفة تفتحلنا أبواب ثانية زي السوفليه و الكيك الإسفنجي وأنواع و أنواع من الكوكيز و البيتي فور ، ندهن المعجنات […]

  4. […] كيك تقدرون تسوون بديل طحين الكيك زي ما شرحت في موضوع كيكة الآنجل فوود. لو أستخدمتوا في البديل طحين غير مبيض هذا بيعطي أقرب […]

  5. […] شرايح من كيكة الآنجل فود كيك زي اللي سويت هنا […]

Leave a Reply

Your email address will not be published.

%d bloggers like this: