عن المدون و المدونة

بسم الله الرحمن الرحيم

.

اسمي خالد ، سعودي من مواليد جده عام ١٩٨٨ . مجال دراستي الأساسي هو في هندسة البرمجيات في جامعة كونكورديا في مونتريال في كندا. مثل كثير من الناس أنا أحب الأكل الجيد و أستمتع فيه وهذا اللي خلاني أحب الطبخ في البداية. يوم بدأت أتعلم أكثر و أكثر عن الطبخ شدتني الحرفية العالية و الإهتمام بأدق التفاصيل اللي شفت طباخين كثير يعطونه لأكلهم. من يوم كنت صغير ماكنت بعيد عن المطبخ ، ماكنت أخلي أحد يسويلي فطوري يوم الخميس و الجمعة كنت دايما أسويه بنفسي بس كان أشياء بسيطة زي ساندوتش أو إندومي أو بيض مع شاهي يعني أشياء جدا بسيطة ما تعتبر طبخ من الأساس. بعد ما كبرت شوي تقريبا في المتوسط صرت أطبخ أشياء أصعب شوي من وقت لوقت ومن باب المتعة لا أكثر، أتذكر كنت آخذ صدور دجاج و أتبلها من راسي و أشويها على الشواية الكهربائية وهذا يمكن أول طبق أتذكر كنت أسويه ممكن يعتبر طبخه حقيقية. مع هذا كان الطبخ مجرد شي أسويه للمتعة من وقت لوقت ومن باب كسر الروتين لا أكثر.

.

التحول الكبير لي كان يوم رحت لكندا وعشت لحالي. في البداية كان كل أكلي تقريبا من مطاعم، مدينة جديدة غنية بثقافة أكل وشباب كلنا نحب المطاعم فأكيد ماكنا نوفر فرصة إننا نذوق أي مطعم نلاقيه. كثير من المكونات و المطابخ ما تعرفت عليها إلا هناك. ماكنت أعرف طعم الخبز كيف مفروض يكون وطعم الكروسان كيف مفروض يكون وطعم البف بيستري كيف مفروض يكون إلين جربتهم من مخبز فرنسي هناك ، ماكنت أعرف طعم التشيز كيك كيف مفروض يكون إلين ذقت واحد هناك وما أعتقد كان فيه أمل أذوق أكل تايلندي وياباني وصيني وفيتنامي وجامايكي وبرازيلي ويوناني ويهودي وحتى أكل فرنسي على أصوله لو مارحت هناك. كنت أطبخ مع الشباب من وقت لوقت ومن باب كسر الروتين لا أكثر، أكلنا كان جيد بس ماكان شي الواحد ممكن يختار إنه ياكله الصراحة. مع هذا كنا نشتاق للأكل اللي حبيناه في السعودية و اللي تعودنا عليه. كانت أكثر أكله أحبها في ذاك الوقت هي الفيتوشيني ألفريدو وكل ما كنت أذوقها في مطعم هناك كانت مخيبة للآمال إلين جاء اليوم اللي فكرت أسويها في البيت. بدأت بالمواقع الأجنبيه ولقيت ملايين الوصفات. رحت بعدها للمواقع العربيه ولقيت بعد ملايين الوصفات. مع كثرة الوصفات إلا إنها كانت مختلفة بشكل جدا كبير وكنت محتار أي وحدة أطبق. بدأت أقرأ في الوصفات الأجنبيه ، قرأت يمكن ٢٠ أو ٣٠ وصفة أحاول أدور وش المشترك بينها إلين لقيت إن غالبية الوصفات فيها أشياء مشتركة. هي كلها تستخدم كريمة ما تستخدم صوص باشاميل ولقيت بعد إنها تختلف في النكهات المستخدمه بس كلها تستخدم جبن بارمزان عكس كثير من الوصفات العربيه اللي تستخدم أجبان ثانيه. بدأت أطبق بإني جربت وصفه لقيت إنها تستوفي كل الصفات اللي موجوده في غالبية الوصفات وفي نفس الوقت مافيها أشياء غريبه يعني قريبة من اللي كنت آكل في السعودية. طبقت الوصفة ومن يومها تغيرت نظرتي للطبخ ! الفيتوشيني اللي سويت كانت أفضل حتى من اللي كنت آكل في السعودية وبعد ما جربوها الشباب كان لهم نفس الرأي. أعجبتني هذي الطريقة في الطبخ بإني أقرأ كذا رأي وكذا طريقة وأختار اللي أشوف إنه الأصح، اللي لقيته بعدين إن كثير من الوصفات بنلاقي فيها خطوط أساسيه تشترك فيها. أستمريت على طريقتي هذي في البحث و الطبخ وسويت كثير من الأكلات اللي ماكنت يوم من الأيام أحلم إني أسويها في البيت وكلها كانت تطلع بجودة أكثر من ممتازه وبسعر رخيص وماكانت تاخذ وقت ! أتذكر في أول ترم لي هناك كنت أعرف أسوي مولتن كيك و صدور دجاج بصوص كريمة الفطر و أجنحة دجاج تنافس أي مطعم وحتى تشيز كيك بجودة خل نقول متوسطة على مقاييسي اليوم.

.

بعد ما تعلمت كثير من الأكلات السهلة و اللي أحبها بدأت أدور شي أكثر. صرت أدور على أكلات أشوف إني أقدر أسويها في كل مكان ، في النت ، في التلفزيون وحتى في المطاعم اللي أروح بإني أجرب أشياء وأدور طرقها وأسويها. في البداية كنت أدور أشياء أرتاح معها وبمجرد ما أقرأ شي أحس إنه صعب أتركه و أدور شي ثاني. من يوم أقرأ في وصفة مكون غريب أتركها ومن يوم أقرأ في وصفه إني أحتاج أقطع دجاجه كاملة مثلا أو أطبخ سمكة كاملة أترك الموضوع علطول ، فكرة عمل باستا في البيت كانت شي من المستحيلات ، فكرة عمل مرق في البيت من عظم كانت نكتة بالنسبة لي وتجربتي الأولى في عمل عجينة بيتزا خلتني أبعد عن أي شي ممكن يقرب حتى من فكرة عجينة.

.

في هذيك الفترة كنت أبحث عن وصفات طول وقت فراغي بمعنى طول وقت فراغي. إذا كنت أذاكر كنت أفتح فوود نيتورك food network بدون صوت على أمل أشوف طبخة جديدة تشدني. إذا كنت عاللابتوب دايما ما تكون فيه صفحة ما تنقفل فيها وصفات أقرأ فيها وعلى هذي الحالة. مع الوقت تبدأ تخلص الوصفات ونبدأ نشوفها تتشابه ونبدأ ندور شي جديد ، شي غير ، شي يعطينا الشعور الرهيب اللي يجينا إذا ذقنا نكهة جديدة علينا ما قد تخيلناها حتى مجرد تخيل. مع الوقت لقيت إن فيه أشياء كثير الناس يعطونها إهتمام خاص وأنا مقدر أجربها بسبب شروطي الغبية في تصفية الوصفات. أتذكر شفت إسكريم بارمزان وفوقه فراولة وصوص بلسمك وقلت الله يكرم النعمة إسكريم سلطة ! بس بعد فترة زاد الفضول اللي فيني إني أعرف طعم هذي الأشياء و إني أجرب طرق الطبخ الغريبة هذي ، صرت أفكر طيب كل الناس يمدحون هذا الشي هل معقول إنهم كلهم غلطانين أو ما يعرفون يذوقون ؟ هل معقول إن ذوقي غير عن كل الناس هذي ؟ بعدها بديت أدخل مناطق مظلمة و أجرب أشياء ما يكون عندي حتى فكرة ولو بسيطة كيف مفروض يكون طعمها ومع العلم إنه موب دايما يطلع الشي فعلا يستاهل التجربة إلا إنه ماقد طلعت من تجربة إلا وأنا كاسب شي جديد هذا غير كمية الأطباق و المكونات الكبيرة اللي عرفت طعمها.

.

إلى هذي المرحلة كنت مازلت أعتمد على الوصفات في كل شي. كنت مازلت أعتمد على نفس طريقتي القديمة بإني أشوف كذا وصفة و أقارن بينهم وأشوف وش الأشياء المشتركة وكيف يفرقون عن بعض و إذا أحتاج آخذ الأشياء اللي حبيت من الوصفات كلها و أجمعهم مع بعض. بس مع هذا كان دايما عندي رغبة إني أعرف ليش كل خطوة في كل وصفة تتم بالطريقة هذي ؟ على قد ما قرأت طرق للستيك كلها تتشابه بس إذا كان كذا ليش فيه مطاعم تسوي ستيك ممتاز و مطاعم أقل و أنا في بيتي أسوي بلاستك ؟ مشكلتي ببساطة كانت في فهم الوصفات. ليش نقطع الأكل كذا ؟ طيب إذا كانت هذي الوصفه تقول نقطع الثوم مثلا شرايح نحيفة بس هذي الوصفة تقول ثوم مقطع صغار وش الفرق ؟ ليش وصفة التشيز كيك هذي تقول ٥ بيضات بس هذي ١٠ صفارات بيض ؟ كيف بيفرقون ؟ ليش هذي الوصفه تقولنا نطبخ التشيز كيك في حمام مائي وهذي لأ ؟ طيب هذي معها طحين وهذيك لأ وش فايدة الطحين ؟ طيب ليش الستيك يطلع عندي ناشف مع العلم إني مشيت عالوصفة ؟ ليش الستيك يوم يستوي في دقيقتين على كل وجه ويوم دقيقتين تخليه محروق ؟ ليش البيتزا عندي تلصق أو ليش ما تنفرد زي ما شفت في الصور ؟ أو ليش الخبز هذا بحليب وهذا بدون ؟ أسئلة كثيرة كانت تطلعلي زي ماتطلع في راس كثير ناس. كثير من الأحيان هذي الأشياء اللي نجهلها تكون سبب خراب أكلة أو بأقل تقدير سبب خيبة الأمل من تجربتها وحلي كان زي غالبية الناس هو إني أتهم الوصفة إن فيها مشكلة و أروح للي بعدها.

.

مع الوقت زاد الفضول عندي إني أعرف ليش كل شي يصير. كنت أقرأ عن مواضيع طبخ كثير في النت بس المواضيع اللي كانت تشدني أكثر شي هي اللي تتعمق وتفسر ليش كل شي يصير. مافيه أي تفاصيل كنت أحس إنها زايدة عن المطلوب ، عمري ماقرأت موضوع وقلت هذا كلام ما يهني كواحد يطبخ بالبيت. لو واحد كان يشرحلي كيف أطبخ بيضة ودخل في كيف البروتين يتغير مع الحرارة ويسويلنا شبكة تعيق حركة المويه وهذا اللي يخلي البيضه تجمد وتتحول لشي زي الجيل هذي معلومة يمكن ما تساعدني بشكل مباشر أعرف كيف أطبخ بيضه بس هي معلومة جدا ممتعة بالنسبة لي وتخليني أعرف ليش كل شي يصير. للأسف مواقع الإنترنت ما تدخل كثير في هذي التفاصيل نادرا ما نلاقي مواقع تشرح هذي المواضيع بشكل كان يشفي فضولي وإهتمامي فيها وعشان كذا صرت أدور مصادر ثانية. بالصدفة طحت على كتاب رائع إسمه On food and Cooking الكتاب كبير بس غير كل كتب الطبخ اللي كنت أعرفها ذاك الوقت هذا الكتاب ماكان فيه صور ولا كان فيه وصفات أصلا. الكتاب كان يشرح المكونات وطرق الطبخ بطريقة علمية بحتة ، بدأت أدور على مثل هذي الكتب وعلى كتب ثانية تقدر تخليني أستفيد من هذي المعلومات بشكل عملي أكبر.

.

اللي أنا ما كنت أعرفه ذاك الوقت هو إن الطريقة اللي أنا كنت أتعلم فيها هي الطريقة اللي يدرسونها الطباخين في معاهد الطبخ. معاهد الطبخ ما تعلم الناس مجموعة من الوصفات وتعطيهم شهادات. معاهد الطبخ تعلم الناس أساسيات الطبخ وتدربهم عليها. أساسيات الطبخ هي العمود الفقري للوصفات كل وصفة في العالم هي إما حالة مستقلة على تطبيق لأحد هذي الطرق أو مجموعة من التطبيقات لكذا طريقة طبخ مجموعة بطريقة معينة. خل ناخذ طبق سعودي تقليدي اللي هو الكبسة ونشوف كيف إن خطواته هي مجموعة من التطبيقات على كذا طريقة طبخ أساسية. كل وصفة كبسة فيها كذا خطوة : أول شي نختار اللحم ونقطعه إذا ماكان مقطع ، بعد كذا نسوي مرق (بالأصح هو سليق لحم موب مرق) من هذا اللحم ونطبخه مع بهارات إلين ينطبخ اللحم تماما ويصير لين ، آخر شي نحط على هذا المرق رز ونطبخ الرز وهذي الكبسة. إختيار اللحم ومعرفة الجودة وكيف كل منطقة من كل حيوان يكون طعمها هذا موضوع أساسي في الطبخ. تقطيع اللحم بطريقة صحيحة بحيث يستوي في نفس الوقت ويكون سهل للأكل هو بعد من طرق الطبخ اللي تدخل في فن الجزارة butchery ، عمل المرق و الأشياء اللي تفرق فيه وكيف نطعمه وكل هذي المواضيع موضوع أساسي في الطبخ ، إستخدام البهارات و الملح و إختيارها موضوع أساسي في الطبخ ، طبخ اللحم في مرق موضوع أساسي في الطبخ (طريقة اليخنة) و أخيرا طبخ الرز موضوع أساسي بعد في الطبخ. هذي أكلة سعودية وزي ما شفنا مهارات الطبخ اللي يتعلمونها في أي معهد طبخ ممكن تتطبق معها ولو تعلمنا كل وحدة من هذي الأساسيات بنعرف كيف نخلي كل خطوة تعطينا أفضل نكهة وكيف نتغلب على أي مشكلة تجينا في أي خطوة. تعلم طرق الطبخ بيخليكم تفهمون أي وصفة تقرونها وتعرفون ليش كل شي فيها يصير ولو فيها خطأ بتعرفون وين الخطأ. تعلم طرق الطبخ هو الطريقة الصحيحة في تعلم الطبخ وفهمه بشكل جيد.

.

بدأت أكتب في النت في منتدى عالم حواء. بالصدفة طحت على موضوع هناك كان وصفة تشيز كيك ويوم بدأت أقرأها لقيت فيها ألف مشكلة ومشكلة هذا خلاني أسوي بحث عن كلمة تشيز كيك بالعربي وشفت كذا موضوع وكان أغلبها يعاني من نفس المشاكل. كثير من الوصفات كانت ناقصه ، كثير منها كان يحط مكونات بدون أي سبب (بيكربونات أو بيكنج باودر في تشيز كيك مثلا ؟) ، كثير منها ماكان حتى تشيز كيك كان مافيه أي جبن !! كان بس ظرف كريمة مع ظرف دريم ويب مع سكر وأشياء ثانية وحتى المواضيع اللي كانت تحط مقادير جيده كانت تهمل الأشياء اللي فعلا تسوي كل الفرق في التشيز كيك مثل كيف نعرف إنها أستوت ! نزلت موضوع عن التشيز كيك في عالم حواء وبعده نزلت أكثر من موضوع عن الفهيتا وعن تارت الجاناش وبعدها بكم يوم أنطردت من المنتدى لمخالفتي لشروطهم اللي صراحة ماقد قرأتها. تركت الكتابة في النت فترة بعدين رجعت لمنتديات المساطيل ومن بعدها لمنتدى شامواه و مقهى العيال و جسد الثقافة. بعد سنة تقريبا من الكتابة في المنتديات وبعد مشورة عدد من الزوار جزاهم الله خير قررت أترك المنتديات وما أرجع أنزل مواضيع هناك بسبب شروطهم اللي ما تخدم أحد إلا ملاكها. هذا القرار كان من أفضل القرارت اللي سويتها في حياتي ومن هنا أنولدت هذي المدونة.

.

من يوم فتحت المدونة كنت حاط هدف واحد ناوي إني أمشي عليه في هذي المدونة. أي واحد قرأ الكلمة اللي مكتوبة بالخط الصغير تحت البنر الرئيسي حق المدونة و اللي مكتوب فيه Cooking Techniques Explained ومعناها طرق الطبخ مشروحة هذي تمثل هدفي لهذي المدونة إن شاء الله. هذي المدونة راح يكون هدفها شرح طرق الطبخ الأساسية واللي كان لها الفضل الأكبر في إني أتعلم كل شي تعلمته. راح يكون فيه وصفات أكيد بس الهدف الأساسي من هذي الوصفات هو إنها تكون تطبيقات أو أمثلة على طرق الطبخ اللي شرحت أو اللي راح أشرحها بشكل مفصل أكبر في المستقبل إن شاء الله. إرضاء الناس غاية لا تدرك أنا عارف إن موب كل الناس يهمهم تعلم طرق الطبخ الأساسية وأنا عارف إن كثير من الناس ما يحب يعرف ليش كل شي يصير أو ماعنده وقت يقرأ كل الكلام الطويل اللي أكتب بس أنا أستهدف بكل صراحة الناس اللي يفكرون زيي وراح أشرح زي ما أحب إن أحد يشرحلي.

.

.

شكر خاص للأخت نورة على مساعدتي في إعداد هذي الصفحة.

.

Follow TopChefCooks on Twitter

325 comments

Skip to comment form

  1. ناصر الناصر

    اخوي خالد والله انك دخلت قلبي من اول ماشفتك في صباح الخير يا عرب. بس حبيت اعرف انا من سكان جدة وكنت من سكان الشرفية زمان قبل تقريبا ٤٠ سنة. وكان في الحاره معنا عائلة عارف المحترمة وعلى ما افكر كان عزام عارف ، واخوه وليد ، وعماد. ايش يقربولك ؟ والسلام عليكم ورحمة الله.

  2. ريهام

    الاهم من الطبخ هو تقنيات الطبخ ومعرفه متي يفقد الغذاء قيمته الغذائيه ومتي يكون مفيد وهكذا والفهم هو اساس الابتكار وهو اللي يسهل حفظ الوصفات وتنفيذها بصوره صحيحه بدون ما اقعد اجرب كتير لين اوصل للمذاق المظلوط
    اعجبتني مدونتك كثيراااااااااا الله يجعلها في ميزان حسناتك ويجزيك عنا خير
    راح اكون متابعه دائمه اذا شاء الله
    بس في شي ابي اقوله
    مو غريب انك سعودي ودارس هندسه وانا اعرف لاني مهندسه كم هي صعبه وشيف كبير فنفس الوقت وباحث والله العظيم ما اقصد اي اساءه واترددت اسال اساسا ومو ضروري ترد عليا
    بعتذر اذا ممكن اضايقك

  3. mare-arr 1991

    تذكرت نفسي في بعض كلامك
    حبيت كلامك كثيييير وخاصة

    عارف إن موب كل الناس يهمهم تعلم طرق الطبخ الأساسية وأنا عارف إن كثير من الناس ما يحب يعرف ليش كل شي يصير أو ماعنده وقت يقرأ كل الكلام الطويل اللي أكتب بس
    “أنا أستهدف بكل صراحة الناس اللي يفكرون زيي وراح أشرح زي ما أحب إن أحد يشرحلي.”

    انت حطمت ارقام قياسية فعلا، نااااجح

    الله يوفقك في الدنيا والاخرة ويجزاك عنا خير الجزاء.

  4. Manal

    اول شي ماشاءالله تبارك الله ..
    شفت اكاونتك بالانستقرام وجيت عالمدونه الله يباركلك بعلمك
    والطبخ فن مو اي احد يتقنو وحبيت كلامك انك حتكون تشرح
    كل الخطوات ليش تصير

  5. غادة السلمان

    مرة استمتعت وانا اقرا كلامك وضحكت يوم تقول عالم حواء طردوني مادري ليه ! اتوقع عشانك ولد ههههههه … عموما من جد انا معجبة بشغفك للطبخ والحلو بالموضوع كيف التحول صار بسرعة عندك من شخص مبسوط لانه طبخ الفوتوشيني بالبيت لاول مرة ، للشيف اللي الحين اتابعه في انستقرام .. برافو بالتوفييييق ❤

  6. Umferris

    مدونة رائعة جزاك الله خيرا عندي استفسار هل هناك بديل لخل البلسمك لانه اعتقد ان فيه نسبة من الكحول تتفاوت حسب مدى قدم المنتج

  7. غير معروف

    ماشا الله تبارك الله مجهود تشكر عليه المدونة أعجز عن وصفها رائععععه الله لا يحرمك اجرها

  8. عبدالله

    الله يوفقك دنيا واخر
    مدونه جميله جدا ولو كان ينقصها فهرسة اكثر

    ولي الشرف اني اشكرك على هذه الخدمه اللي تقدمها لاخوانك …

  9. حسام

    السلام عليكم

    أريد أن أستشيرك في مشروع محل بهارات مختلف عن كل ما هو موجود في السوق

    هل من الممكن أن أتواصل معك على الخاص؟

    1. Top Chef

      وعليكم السلام و الرحمة ….

      أكيد حياك …

  10. مينا

    اهنيك والله انك فنان ومبدع

    1. Top Chef

      من ذوقك شكرااا

  11. غير معروف

    طريقتك علمية في الطبخ أقدر أقول أنك باحث في مجال الطبخ أكثر من أي صفة ثانية بس يمكن
    تواجهك مشكلة أنك تكره الطبخة بعد إتقانها ” بصراحة هذا وصف لحالتي ” إذ أن مايجعلك تبحث هو بالإضافة
    لإعجابك بالنكهة هو محاولة حل اللغز وتحدي لنفسك .
    نصيحة لك استغل ولعك بالطبخ تجارياً أو أدرس الطبخ واحصل على شهادة أكاديمية عالية تفيدك مستقبلاً .
    الله يوفقك

    1. Top Chef

      مممم أنا أطبخ في مطبخ تجاري من ٣ سنوات ههههه تحليل شخصية وباحث الله يهديك وأفترضتي إني أكره الأكل بعد ما أتقنه هههه شطحتي شوي بعدين حبتين.

      عموما بالنسبة لي ما أبعد عن الأكلات بعد ما أتقنها أو آكلها كثير بس طبيعي بتلاقين إن الأشخاص المهتمين في الطبخ دايم يدورون طعم جديد. بعد ما الواحد يتقن أكله للأسف يبدأ دايم يقول طيب كيف أقدر أخليها أحسن ! (حتى اللي مالهم في الطبخ شوفي كيف كل شخص في الدنيا بيقولك طريقته السريه في الأندومي مثلا هههه). أقول هنا للأسف لأن التجديد أحيانا يقود لنتائج وخيمة وإبتكارات ما تحسن الشي الأصلي زي ما يعتقد الطباخ.

      الشعور اللي يجيك وأنتي تاكلين شي لذيذ ، طعم جديد عليك ، طعم ما تخيلتيه شعور رهيب. للأسف موب دايم نلاقي هذا الشي اللي يحرك فينا هذا الشي بس هذا هو إحنا ندور عليه دايم ، دايم بتلاقين الطباخين و المهتمين بالأكل يذوقون أشياء غريبه وممكن يتعنون يسافرون لأماكن بعيده عشان هذا الشعور بس !! تذكري أول مره ذقتي فيها إسكريم أو أي أكله تحبينها ، تذكري أول مره ذقتيها وكيف كان شعورك وقتها !! شي رائع.

  12. SHEMO

    الصراحة من زمان و أنا عاوزة أتعلم أساسيات كل شيء, و معلومة كيف يتحول البيض أثناء الطبخ دي رهيبة
    نفسي أشتري الكتاب ألي تكلمت عنه لكن مع الجامعة أظن أحسن أدخل مدونتك شويتين و أطلع
    دخلت مدونتك صدفة لمن كنت أدور في النت عن طرق تقطيع الطعام و حاليا هي في المفضلة
    أنا أحب الطبخ لكن ما أعرف أشياء كثير و مع الجامعة مافي وقت لكن إن شاء الله مدونتك يكون لها تأثير في تعلمي الطبخ بطريقة أفضل (بما أننا الإثنين مبرمجين و نحب الطبخ و كذا XD)

    1. Top Chef

      حياك الله دايما.

  13. صانع القهوة

    مآشاء الله تبارك الله ..

    أسلوبك ف الطبخ جدا جميل .. وتحب التحقق والتحقيق وهذا شيء أنا افتقده بسبب عدم توفر وقت لتطوير مهارة الطبخ

    متابع عن كثبّ .. ولي عودة ،،

    1. Top Chef

      شكرا … هذا من ذوقك.

  14. سماح

    ماشاء الله عليك
    استمتعت كثير بالقراءة وفرحت أكثر بطريقتك لأنها تشبه طريقتي وناادرا ما ألاقي أحد يهتم بالتفاصيل الصغيرة هذي
    اعتقد إني وجدت ضالتي عندك
    وراح تكون معلمي الأول في المطبخ
    ألف شكر لك شيف

    1. Top Chef

      العفو وحياك الله دايم …. بس خذي نصيحتي وخلي عندك آلاف آلاف المصادر … حتى أنا ياما أتراجع عن أشياء أكتشف إن في طرق أفضل لعملها …

  15. فاطمة

    يعطيك العافية على هذي المدونة الرائعة واكثر بعد من زمان وانا ادور على اساسيات الطبخ صار لي بدون مبالغة اسبوعين ما انام الا الفجر وانا اقرا المدونة واسمتع بهذا الكلام الجميل

    1. Top Chef

      حياك الله في أي وقت ….

  16. غير معروف

    ماشاء الله عيك انت شيف بمطعم او شي.؟
    لو بمطعم حجيك على طول

    1. Top Chef

      الله يخليك من ذوقك.

      إن شاء الله ، الله يحيك قريبا

  17. الحلم البنكي

    السلام عليكم شيف لو سمحت ابغى اخد رايك في افضل جهاز اسبريسو و مطحنه بحكم انك مدمن قهوه بالنسبه لميزانيتي حول خمسه الاف اذا متواجده في جده افضل واذا لا عادي ممكن اطلبها اونلاين و جزاك الله كل خير

    1. Top Chef

      وعليكم السلام و الرحمة ….

      الطلب أونلاين صح يفتح عليك مجال كبير في الأجهزه بس غير إن سعر الشحن جدا جدا غالي للأشياء الثقيلة عدم توفر الصيانه بيكون مشكله. إذا تبين نصيحتي روحي للرقطان حق معدات المطابخ عنده مكاين nuovo semonille وحاليا صار يجيب أنواعها الصغيره المخصصة للبيوت عنده مكينة الأوسكار oscar هذي جددددا ممتازه على سعرها (هي أرخص مكينة على ما أعتقد تستخدم هيت إكستشينجر يعني يمديك تسوين بخار وإسبريسو مع بعض بنفس الوقت !! ميزه جددددا كبيره) وعندهم بعد طواحين burr صغيره ممتازه للبيوت إذا ميزانيتك كذا. لو بتزيدين الميزانيه عندهم بعد مكاين أغلى شوي وأحسن حبتين بس الأوسكار مع طاحونه burr جدا جدا ممتازه.

  18. غادة

    شكرا كتير الك اعجبتني مدونتك جدا بس بدي اسالك شو اكتر موقع استفدت منه وبيشرح اساسيات الطبخ متلك جزاك الله كل خير

    1. Top Chef

      حياك الله في أي وقت.

      الحلو في النت إنه كبير وتقدرين تقرين ملايين ملايين الآراء فأفضل موقع أستفدت منه هو جوجل !!!! بالبحث عن موضوع معين في بالك أو مثلا فيديو يشرح طريقة بتلاقين إنك تستفيدين أكثر بإنك تسمعين كذا رأي.

      الكتب هي اللي صدق فيها التفاصيل. بتلاقين ناس يكتبون بتفصيل عالنت بس التفاصيل التفاصيل تلاقينها في الكتب.

  19. ليّـلوزآ

    السلام عليكم ..

    أنا وحده مليت من وصفات النت و المنتديات العشوائيه أحب أخذ الوصفات من متخخصين في الطبخ عشان تضبط الوصفه

    عمل رائع

  20. Ghadeeroze

    الله يعطيك الف عافيه ، بصراحه اليوم الفجر اكتشفت هال مدونه وماني قادرة أسكرها، هي تجوع وتحمس للطبخ من قلب هههههه،
    أنا صار لي أسبوع بس أخذت دورة تزيين الكيك وكنت ابحث عن كريمة الزبدة خصوصاً ان مؤ أعجبني طعم سمن مازولا وهو البحث الا وصلني لهامدونه
    تسلم اناملك وذوقك

    1. Top Chef

      الله يسلمك وحياك الله دايم

  21. huda

    ما شاء الله والله انبهرت من مد،نتك شي ، وحبيت اكثر التفاصيل و المعلومات اللي ماكنت ابدد اعرفها
    شي جميل مرا ، افضل مدونه بالنسبه لي لانها ثريه وغنيه بالمعلومات المفيده لنجاح الطبخ

    شكرا من كل قلبي على جهودك وربي يوفقك يارب وين ماكنت …

    =)

    1. Top Chef

      العفو وحياك الله في أي وقت ومشكوره على كلامك

  22. Emtithal

    انا من متابيعك على mbc ماشاء الله دائما وصفاتك شهية ولذيذة
    سمعت اليوم منك عندك حساب انستقرام باسم خالد_عارف لكن ماعرفت اوصل اليه
    ياريت تكتبه من جديد مع شكري الجزيل

    1. Top Chef

      ههههه لا أختي شكلك ملخبطة. أنا مالي أي علاقة بخالد عارف أو إم بي سي.

  23. foodonia.com

    أجمل شيء في الدنيا أن تختار طريقك بنفسك وأن تتميز عن الاخرين ، وهذا ما أشعر به بين ثنايا كتاباتك ،،
    بالتوفيق ومن تقدم إلى تقدم بإذن الله

    1. Top Chef

      مشكوره على كلامك …

  24. انت مبدع

    أتعب .. أتعب .. أتعب و أنا أقول مبدع
    ضروري .. ضروري .. ضروري .. تسوي لك
    برنامج على التلفزيون.. و مقاطع اليوتوب بتكون
    فكرة لطيفة .. و واثقة إنك بإذن الله بيكون
    لك شأن كبيييير في هالمجال
    و أي إنسان يقرا لك راح يحترمك و يقدرك
    و يتمنى لك من كل قلبه التوفيق و النجاح

    1. Top Chef

      الله يخليك ، هذا من ذوقك …

  25. Noura

    ما شاء الله عليك ؛ الله يوفقك يا رب ويكتب لك الخير ؛ وعجبني انك مكلف على نفسك ومدونة وشرح للعالم بدون مقابل ؛ الله يجعله في موازين أعمالك يا رب ❤️

    1. Top Chef

      آمين يارب ومشكوره على كلامك

  26. samiah

    ما شاء الله مدونه رائعه اعجبتني طريقة شرحك بالتفصيل ان شاء الله راح اطبق اشياء كثير تعلمتها منك
    شكرا ع المجهود اللي تقدمه

    1. Top Chef

      حياك الله دايم وفي أي وقت.

  27. Nora

    ماشاء الله تبارك الرحمممن ،
    الله يوفقك ويهنيك ياارب T.T ، كلما دخلت مدونتك ما أمل منها أبدا
    أنا من عشاق الطبخ والأكل 😀 , وعلمتني كثييير الله يسعدك
    تعجبني طريقة شرحك الدقيقة ، إذا سويت شيء من مدونتك أكون مطمئنة خخخ

    ،،،
    شسمه قريت موضوعك عن الخبز ✨❤️❤️
    وجربت خبز النخالة بدون الاضافات وكان لذييذ ، بس فيه مشكلة
    الخبز قاسي شوي ، ما أدري ليش ، هل المشكلة من الدقيق أو إني ماتركتها تتخمر أكثر ؟
    معليشش ع السؤال الشطحة بس ف بالي اسألك ()
    ،،،

    شكرًا ع المدونة الرائعة .. دعواتي لك ^^

    1. Top Chef

      الله يخليك وهذا من ذوقك أختي …..

      بخصوص الخبز الصراحة ممكن يكون كذا كذا شي. أفضل أترك مشاكل وحلول الخبز لموضوع الخبز إن شاء الله راح أتوسع فيه بشكل أفضل من ذاك الموضوع.

      1. Nora

        إن شاء الله ، ننتظره بفارغ الصبر ^^

  28. nusa

    الله يجزاك الجنه على كل اللي تقدمه … انت مدرسه
    كثير فرحني كلامك وتجربتك بالطبخ ألهمتني ….

    بالنسبه للحلويات احتاج اقرا فيها واتعملها اكثر لو ممكن تعطيني اسماء كتب حلويات تفيدني (يعني كتب شرح مثل ما تفضلت مو كتب وصفات)
    وهل فيه كتب مترجمه !
    وبالتوفيق اخوي :)

    1. Top Chef

      الله يخليك هذا من ذوقك …..

      كتب حلويات جدا جدا كثيره. دوري على الكتب حقت معاهد الطبخ اللي يدرسونها للطلاب هذي فيها كل التكنيك وبعد ما تفهمين الأساسيات أقري وتوسعي فيها بقراءة كتب وصفات أو كتب طباخين أو مطاعم مشهوره وأهم شي جررررربي وأطبخي أكثر وأكثر وبعد ذوقي من محلات ومن مطاعم أكثر وأكثر.

      يمكن أفضل مثال عاللي أتكلم هو كتاب professional baking اللي يدرسونه في le cordoun blue واحد من أشهر معاهد الطبخ في العالم.

      كتب مترجمه ما أعرف الصراحة …..

      1. nusa

        جزاك الله خير , شكرا جزيلا

  29. ريم

    او ام جي يا رجل!! O_O
    يو ار ان لوف ويذ كوكينق!! يو ار ان لوف!!
    شي يخوف!
    حبك للطبخ يخوف! …
    ترا قلت ماشاء الله p:

    بالله بس باعرف كيف ترتب وقتك في انك تقرأ عن الطبخ وتتطبق الوصفات وفنفس الوقت تدرس؟
    لأن انا دايما عندي مشكلة في الوقت! انا اموت في الطبخ بس مشكلتي احب اشياء كثير .. احب اقرأ واحب الرياضة وفنفس الوقت اشتغل فأحوووس
    عشان كذا يادوب اطبخ كل يوم وفين وفين أقرأ عن فن الطبخ .. يادوب اقرآ وصفات بس ما ألقى وقت اتعلم اساسيات الطبخ

    والله يوفقك :”)

    1. Top Chef

      ههههههههه

      دايم فيه وقت. كل يوم تاكلين ٣ مرات ، لو كل وجبه سويتي شي غير هذي كم وصفة في الأسبوع ؟

      الله يعينك ، تنظيم الوقت فعلا مشكله للي عنده كذا شي ، مالك حل إلا الله يعينك هههه

  30. بدريه

    ماشاء الله لاقوة الا بالله ربي يحفظك طموح وحققت شي من رغبة وقليل اللي زيك يعلم
    من جد اتمنى لك من قلبي انك تتوفق

    1. Top Chef

      هذا من زوقك وشاكرلك مرورك أختي.

  31. غير معروف

    ماشاءالله عليك فعلا مبدع ونتشرف ولنا الفخر في شاب زيك وربي يسعدك ويحقق كل امنياتك وممكن طريقه تارت الجاناش ومشكور وربي يحفظك

    1. Top Chef

      الله يخليك من ذوقك.

      تفضلي هنا كل شي وزيادة …

      http://www.shamoa.com/vb/showthread.php?t=19308

  32. غير معروف

    انت شى استثنائى فى الموهبه والشرح …بالنسبه لى وصفاتك امان وثقه ..بارك الله فيك ولك

    1. Top Chef

      جزاك الله خير وهذا من ذوقك.

  33. غير معروف

    اخيرا اخيرا اخيرا
    انت راااائع و تشاركني افكاري
    برامج الطبخ الاجنبه هي الافضل عندي و التكنيك مهم
    اما الوصفات في المنتديات العربيه مع الاسف تهتم بالشكل
    و الالوان بغض نظر عن الطعم و المكونات

    يعني ممكن يحطون كذا نوع كريمه و قشطه و جبن كريمي
    و دريم ويب و علشان يتماسك يضيفون جيلي او كريمه

    شكرا لك من الاعماااق

    1. Top Chef

      الله يخليك من ذوقك.

      حتى البرامج الأجنبيه فيها وفيها. ومواقعهم بعد فيها وفيها. حتى وصفاتهم تلاقين وصفات تعتمد على علب ومقادير جاهزه وغيرها بس لأنها جدا كثيره ولأن كثير ناس محترفين يكتبون ويسوون برامج عندهم تلاقين كثير جيد.

  34. cute-girl

    ياخي مايجوز كذا ، ليش ماينشرون مدونتك لو بالجرايد لو ان شالله في التلفزيون ، انت انسان موهوب مرره ماشاللله من بعدك عرفت كل اساسيات الطبخ ، مدري ليش مجتمعنا لين الحين وهم يستحقرون موهبه و فن الطبخ مع التفنن فيه ممتع ، متابعتك بقوه استمر ❤ !!

    1. Top Chef

      الله يخليك من ذوقك. اللي مهتم بشي بكتبه بيطيح عالمدونة هههههه مايحتاج …

      الصدق إني أسمع عن اللي يستحقرون الطبخ بس ما شفت إلا وحده هنا في المدونة بس ههههه الله يذكرها بالخير. طبعا أبدا موب شي يهمني وأقول هذا صادق وسواء رفضوا أو أستنكروا هذا شي أحبه وبسويه بس الصدق ماقد قابلت أحد وقلتله شغلتي إلا لقيت منه إعجاب وحماس إنه يعرف طبيعة عملي أكثر. فكرة المجتمع الرافض المنغلق أحس كبرناها حبتين.

  35. tony

    مدونة رائعة وفيها كل مفيد
    نورالعالم

  36. غزل

    السيد الراقي الشيف خالد الله يعطيك العافيه ويسلم لنا اناملك الذهبيه
    حقيقي مدونه رائعه جدا شدتني وصفاتك الرائعه وانا من عشاق المطبخ وخصوصا صنع الحلويات بانواعها دلتني على مدونتك ابنة اختي وكنت مستمره في البحث عن طريقة صنع الماكرون عشقي الابدي
    تسلم يا شيف وانا من اليوم حكون من متابعينك ات شالله
    تحياتي يا مبدع

    1. Top Chef

      حياك الله في أي وقت أنتي وبنت أختك …..

  37. دياب الدالي

    مشكور جداً شيف خالد على جهودك وطيبة نفسك في إفادة الآخرين
    أنا فعلاً كنت أتساءل وأستغرب وجود هذا الكم الهائل والمتجدد من الوصفات في العالم ومن ابتكرها وكيف عملها بتلك الطريقة والمقادير بالتحديد؟
    وكنت أرى الإلمام بكل الوصفات أمر صعب جداً .. فكنت أتمنى أن أهتدي إلى قواعد معينة أستطيع من خلالها أن أبتكر وصفات وخلطات من نفسي
    دون الرجوع إلى مراجع ..
    وكنت أستغرب كيف أن أكل المطاعم أشهى من أكل البيت وكيف بعض البيوت عندهم أكل راقي وممتاز والبعض الآخر مشي حالك بالرغم من تشابه
    المكونات وماهي الأسرار السرية في ذالك ؟ هل هي في إستخدام مواد وبهار معينة ؟ هل هي كثرة أم قلة البهار والمكونات ؟ هل هي في قوة ومقدار
    النار ؟ هل هي في تناسب المكونات مع بعضها ؟ هل هي في الطريقة ؟ أرجو أن تجيبني عن هذه الأسئلة .
    وبإذن الله أستفيد من مدونتك الأكثر من رائعة
    ويعطيك العافيه .

    1. Top Chef

      بالنسبة للوصفات وكيف بدأت هي ما تبدأ بشخص في الغالب (ولو إنها أحيانا ممكن) هي غالبا تبدأ بسنوات وسنوات من التطور، أجيال وأجيال يكونون أحيانا ورا قصة تطور طبق والأمثلة جدا كثيرة. لو ألقيت نظرة على فعالية حول العالم في ٣٠ يوم نزلت ٣٠ وصفة من ٣٠ دولة مختلفة وقبل كل وحده كنت أشرح كيف جت الوصفة وكيف تطورت وأكل أهل المنطقة هذي. راح توضحلك الصورة بشكل أكبر بكثير كذا.

      بالنسبة لأسئلتك كأنك قاعد تسأل وش السر اللي يخلي أكلي لذيذ ؟ وكأنك قاعد تبحث عن سبب واحد أو سر وحيد يخلي الأكل لذيذ وهذا طبعا غير موجود. مافيه مكون واحد يخلي كل شي لذيذ ، مافيه حركة وحده تخلي كل أكل ألذ هي مجموعة من كل الأشياء اللي ذكرت وهي راح تختلف بعد من أكلة لأكلة. خذ الملح كمثال ، أقل و يكون الأكل ماله طعم ، مهما كانت الأكلة لذيييييذة ومضبوطة بدون كمية الملح المطلوبة لساننا ما يقدر يستشعر لذة هذي الأكلة بالعربي كأن كل شغلك عالفاضي ، بزيادة ولو كمية بسيطة عن المطلوب وبعد تصير الأكلة ما تحتمل. هذا مثال واحد بسيط لكيف شي سخيف زي الملح يسوي الفرق بين أكلة ممتازة وأكل لأ.

  38. أم العبادلة

    لم اتعرف على المدونة الا قبل يومين تقريبا وحفظت الصفحة للعودة لها .

    رااااائع كنت ابحث منذ زمن عن هذه التفصيلات المفيده ، وطالما تساءلت لماذا تختلف الطبخات او ما يسمى ( النٓفٓس) برغم ان ان المقادير واحده
    وطريقة الطبخ واحده .

    لي عودة بعد انتهاء الشهر الفضيل للفوائد هنا

    شكرا

    1. Top Chef

      الله يخليك من ذوقك مشكورة.

      بالنسبة للنفس هو شي ما أؤمن فيه الصراحة بالطريقة اللي الناس يحطونه إنه شي ينولد مع الواحد. أنا مؤمن إن فيه تكنيك وفيه فكر وراء الطبخ بمجرد ما الواحد يتعلمه أكله بيتحسن. الشغف أو حب الطبخ ممكن ياخذك أبعد بس هو موب الشي اللي بيخلي واحد يطبخ أو ما يعرف يطبخ !! أي أحد يقدر يتعلم.

      الدليل موجود ، كل سنه آلاف من الناس يدخلون معاهد الطبخ وهم يعرفون صفر أو أقل من صفر ويطلعون ويشتغلون في مطاعم كبيره. مو بالضروره يتعدى كونه شيف بسيط ومو بالضروره يحب الشي اللي يسويه (كثير من باب الحاجة) بس الفكرة إنه يقدر يسوي أكل مقبول حسب مقاييس مطاعم كبيره بمجرد إنه تعلم اللي يجهل.

  39. nawal

    شكرا” استاذ خالد على المدونه متابعه مواضيعك القيمه من ايام المنتديات

  40. nawal

    شكرا” استاذ خالد على المدونه هذا ماكنت ابحث عنه من معلومات متابعه بقوه للمدونه ولمواضيعك ف القيمه في المنتديات.

    1. Top Chef

      حياك الله ومشكوره على كلامك ….

  41. Crazy

    هلا فيك توب شيف وينك مَ‘ـَُِنٍّ زمان
    اكره الكيري والنستله ھَھٍھَھٍھَھَھٍھَھٍھَھَھَھٍھَھٍھَھٍ
    انا كنت متابعتك مَ‘ـَُِنٍّ ايام المنتديات وجربت لك وصفات
    كثيره بِــ̯͡سّ اليوم بالصدفه طلعت براسي
    اسوي بيتزا وكنت ابغاها غير الدارج مَ‘ـَُِنٍّ خزعبلات
    كنت ابغى اخبز وذكرت موضوعك بشمواة
    وكنت اذكر انه شامل والحمدلله طبقت التكنيك
    واخيراً قهرت العجينه لانو دايم تقهرني وماتضبط ابد
    كانت رائعه جدا ماشاء الله
    فحبيت انو اشكرك فبحثت عن عنوان لك او انستغرام
    فطحت على هالمدونه وبصراحه احسن قرار انك تكون لك مدونة
    لانو بتفيد الكثير مَ‘ـَُِنٍّ ‏​ٱلليـے يتمنون يتعلمون
    الى الامام ياشيف وجد انت توب شيف الله يوفقك ❤

    1. Top Chef

      الله يخليك ويحييك .. بالعافية ان شاء الله على قلبك …

  42. أمل

    أخوي خالد رائع ماشاء الله مايحتاج أمدحك .

    بس عندي سؤال ليش ماتحاول تظهر نفسك باسمك الكامل و تؤلف كتب أو حتى تسوي فيدوهات !

    فيه ناس على الساحة أحس ماعندهم إبداع فقط تكرار للطرق بتغييرات جدا بسيطة ! والطرق زي ماوضحت ملعوب علينا فيها ! ومع ذلك يظهروا أنفسهم !

    و أخيرا لا أعلم ما علاقة الحاسوبيين بحب الطبخ ! << مبرمجة ^_^

    وفقك الله .

    1. Top Chef

      الله يخلييك من ذوقك ….

      ماعندي إعتراض على الموضوع بس ما أشوف الهدف. المهم اللي بقوله يوصل .. طبعا الفيديو أنا ضده من الأساس وأشوف إنه موب بديل عن الكلام المكتوب أبدا ! فيه حالات الفيديو يكون مفيد إلا ضروري بعد مثل في وصف الحركة زي كيف أشرحلك مثلا كيف تحركين يدك وأنتي تعجنين أو كذا بس في الوصفات أو مواضيع الطبخ هو عائق أكبر من إنه مفيد.

  43. غير معروف

    بالصدفه وانا ادور على وصفه البافلوفا تعرفت على هالمدونه ، اذهلني كم المعلومات المهمه والمفيده الي فيها يعطيك العافيه شيف على هالمجهود الرائع ، بالتاكيد رح تكون مدونتك مرجع لي دائما ، اتمنى منك اذا كان عندك وقت تزور صفحتي بالانستغرام وتقيم طبخاتي فيها ورح اكون شاكره اذا ابديت ملاحظاتك واعطيتني من نصائحك ، صفحتي بالانستغرام هي bnbooona@

    1. Top Chef

      من ذوقك وحياك الله في اي وقت ومشكوره على كلامك الحلو

  44. Mori

    Top cheef

    مسسسسسستحيل :'(
    صارلي سنين وأنا أدور عليك واسأل عنك أداره شمواه
    ماحد أعطاني خبر عنك

    لقيت مدونتك صدفه وأنا ابحث بقوقل عن المارنج باودر وش يكون

    ربي يسعدك ويسعدك ويسسسسعدك ويحقق لك الي تتمناه
    فعلا انت شيء نادر وذوق رفيع صراحه ، رغم صغر سنك

    موفق يارب دايمن وابدن

    <_<

    1. Top Chef

      هلا والله …..

      الله يهديهم .. عارفين هم عن المدونة بس مدري …..

      الله يخليك وحياك الله دايما …

  45. هيفاء

    رائـــــــــــــــــــــــع جدا
    الله ينولك مرادك في الدراين
    متابعاك بقــوه وبكل شغف أنتظر جديدك
    وقسم بالله إنك وسام للسعوديه وللشرق بكبـــره
    كلامك جدا أثر فيني قي ( فيلم ملهم )
    موفق يارب :)

    1. Top Chef

      الله يخليك من ذوقك ….

  46. ريم

    مشاء الله جهد جبار احترمك وبشده

  47. ريم

    مشاء الل مميز انا بس قرأت المقدمه وتأثرت وصفحة البهارات ابداع الله يوفقك انا من اشد المعجبين بك استمر يامبدع احنا نتابعك بشغف

    1. Top Chef

      مشكوره ومن ذوقك وحياك الله دايما …

  48. غير معروف

    مشكور جداً علي الدعم يلي قدمته لي صراحة أنا أكثر من متفاجئة معقولة فئة شباب سعودي محب لفن الطبخ بهذا الشك أتمنى لك الاستمرار

    1. Top Chef

      شاكرلك كلامك وتشجيعك ومشكوره على مرورك …

  49. أم أحمد

    السلام عليكم

    صارلي أسبوعين من عرفت مدونتك وأنا يوميا أدخل عشان أقرى المعلومات الأكثر من رائعه

    بصراحة شرحك أكثر من رائع وبالتفصيل الممتع

    وأول مرة أشوف أحد يشرح طرق الطبخ الصحيحه وكيف الأشياء تتماشى وتتجانس مع بعض

    دائما كنت أفكر ليش نستخدم بياض بيض بدل البيضه كامله او ايش الفرق بين البيكنج باودر والصودا

    الله يجزاك خير ويوفقك وييسر أمرك ويسعدك في الداريين ويحقق لك كل ما تتمنى

    المدونه أكثر من رائعه وواضح انك تعبان عليها مع انك منت مستفيد ماديا،،،

    ما أقدر أقول الا شكرا

    1. Top Chef

      وعليكم السلام و الرحمة ….

      الله يخلييك ويجبر بخاطرك … مشكوره ما قصرتي وحياك الله دايما …

  50. ^^

    انا شكلي حاقدم المآستر على مونتريال ><

    منها ادرس ومنها اخذ عندك كورسات , انا أحب الطبخ واحب المطبخ بس احيان اذا قرأت الدقة ماشاء اللهـ في طبخك اتعب نفسيا واقول محا اقدر اسويها =(

    1. Top Chef

      ههههه تشرفينا والله …. للأسف منيب هناك لي سنه هنا …. الله يردني لها قولي آمين بس هههه

  51. ياسمينة

    في عالم حواء كان اسمك حزن ؟

    1. Top Chef

      لا كان توب شيف

  52. Cooking passion

    السلام عليكم
    اهنيك ياشيف على تطويرك لموهبتك و وصولك لهاذي المرحله مشالله تبارك الله
    ذكرتني بنفسي بصراحه انا جدا اعشق الطبخ اا كنت زعلانه اقوم ادخل المطبخ لوحدي اطلع الي في نفسي بالطبخ فعلا عالم غير متعه حقيقيه
    اتمنى ادخل معهد طبخ بس للاسف هنا عندنا بالسعوديه على حد علمي مافي
    قناه فوود نتورك انا ٢٤ ساعه عليها احب اتعلم تكنيكس جديده احب استعمل مكونات جديده و غريبه
    فعلا استمتعت بمدونتك و يارب اقدر اوصل زي ماوصلت مشا الله
    و شكرا

    1. Top Chef

      وعليكم السلام و الرحمة ……

      الله يوفقك في مشوارك … التلفزيون أكتشفت إنه موب مكان جيد لتعلم الطبخ الصراحة…. إذا تبين المعلومات دوري في الكتب ، الكتب فيها التفاصيل بعيد عن الأسلوب و الكاريزما اللي التلفزيون يتطلبها. وحده زي ريتشيل راي مثلا هذي حرام أحد ياخذ منها شي هههههه

  53. Fatimah

    تسلم ياشيف وانا ما اتعلمت الا منك ومن هذي المدونه الي اعتبرها المرجع الاول لعالم الطبخ في العالم العربي …كفايه رحابة صدرك على اسئلتنا وما قصرت على تجاوبك معنا …جد جد افدتني والحين اذا احد سألني عن الطبخ على طول اعطيهم رابط المدونه واقول تعلمو اساسيات الطبخ :)

    1. Top Chef

      الله يخليك من ذوقك والله ……

  54. jasim

    يعطيك الف عافية على هذا المجهود !!!!!
    والله افدتني بأشياء كثيرة من زمان كنت ابغى اعرف عنها و انت كل يوم تحمسني اكثر و اكثر للطبخ !!!
    انا كبداية كنت بس ابغى أخبز احب اسوي كيك و الأشياء هذي بس بعد شفت مدونتك تحمست أكثر اني اطبخ و أتعلم كل شي يتعلق بالطبخ !
    لا تحرمنا من مواضيعك الجميلة <3

    1. Top Chef

      الله يعافيك ….

      هذا والله شي يفرحني إني قدرت أحببك أكثر في الطبخ .. إن شاء الله الجاي أكثر

  55. نوره

    انا جدا فخوره بعملك
    ماشاءالله عليك دايما كنت موجود للرد عن اي استفسار او طريقه و اعتقد هالموقع بيسهل علي كثير و بيفكك شوي :p
    اتمنالك التوفيق

    1. Top Chef

      للجميع إن شاء الله وهذا من ذوقك أختي …..

  56. أم كنان

    رائع اخي ، تابعتك في كتير منتديات لحد ماوصلت لمدونتك بتمنالك التوفيق وتستمر الله يحفظك يارب .

    1. Top Chef

      الله يخليك مشكوره على كلامك وحياك الله دايما …

  57. غسان الحيدري

    السلام عليكم ورحمة الله وبركاته فخور جدا فيك الله يسعدك ويفتح عليك الجميل أننا نشترك في هدف واحد انا درست في مونتريال طبخ ودرست في فاتكوفر كما كنت اتمنى التقي فيك سعدت جدا بطرحك الرائع بالفعل هذا ماينقصنا الجميل انه كلنا كنا ندور الفريدوا فتتوشيني وتشيز كيك عاد لازم تذوقني هيا يوم الله يفتح عليك يارب كل التوفيق اخوي

    1. Top Chef

      وعليكم السلام و الرحمة ….

      الفخر لي ومشكور على مرورك أخوي …. نورت الموقع …

  58. GeGe

    الله يعطيك العافيه يا رب ويقويك انا تعبت مره عشان اعرف عنك اكثر واكثر واوصل لهالمدونه الرائعه كنت ابحث عن موضوع ف النت ولقيت لك الموضوع وانبسطت مره مره ، يعني عجبني اول شي انك مسهل الوصفه للي يبغا يسويها فكنت تشجع ع عملها لسهولتها وعجبني بساطة الاسلوب والشرح واهتمامك بالتفاصيل هذا غير صور العمل الي كانت تدل ع ان وراها شيف مش اي شيف ما شاء الله عليك صراحه الي خلاني اسجل ف المنتدى عشان اقدر احصل ع مواضيعك كلها وبعدها الحمدلله تعرفت ع مدونتك وهذا اعتبره كنز ، اسعدتني هالمدونه جدا جدا لان هذا الي نبغاه صراحه ما يكفينا وصفات وبس نبغا احاديث طويله لا تمل عن التفاصيل ، جزاك الله خير ووفقك الله واحسنت بارك الله فيك واكثر من امثالك حقيقه نحتاج مثلك كثير في هذا المجال واعجبتني فكرتك في عمل المدونه حينما نعمل الشئ الذي نحبه ويهمنا ، نفعله كما نريد لايماننا بان هناك من يشاركنا نفس الشعور والاهتمام دون ان يعيقك التفكير في غالبية رأي الناس من حيث اهتمامهم بالوصفات وحسب وبان الكثير لن يعجبه طرحك للاسهاب ف التفاصيل ، فشكرا على هذا الدرس

    1. Top Chef

      مشكوره على كلامك وتشجيعك وحياك الله دايما وفي أي وقت …

  59. Afaf abduljalil

    شكرا لك اخي الكريم على هذه المدونه المميزه ..
    شروحات وافيه .. تسلسل جميل .. و صور اقل مايقال عنها انها متكامله و رائعه..
    تابعتك على منتديات شمواه .. و بحثت عن جديدك في السيد قوقل .. الى ان وجدتك هنا ..
    جربت طريقة صوص الطماطم الاساسي مع الباستا .. وكانت لذيذه لدرجة كبيييره .. و سأجرب باقي الوصفات بإذن الله ..
    شكرا لك ليتها تكفي ..

    1. Top Chef

      مشكوره على كلامك وحياك الله دايما وفي أي وقت …

  60. غير معروف

    السلام عليكم.. هل هذا هو شكل المدونة النهائي؟ أرجو وضع منيو وتقسيم للوصفات .. يعني الحلى له قسم والستيكات لها قسم وكذا يعني عشان ما نضيع :” وشكرا الله يجزاك خير ويوفقك دنيا وآخره

    1. Top Chef

      وعليكم السلام و الرحمة ….

      لا والله للأسف للحين في تحديثات وتعديلات …

  61. Rana Aziz

    I’m in LOOOOOVE with your blog!!
    من زمان وانا ابغى اتعلم اساسيات الطبخ ودي اتعلم كيف اسوي وصفات من عندي من دون ما ادور وصفات بالنت خصوصا بعد ما جربت اسوي ماكرونز ولا ضبطت معي وحاولت وعدتها 8 مرات!! ولا ضبطت معي وهذا خلاني اتحمس اني اتعلم اساسيات الطبخ ويوم قريت كلامك حمسني زيادة لان من ججد كانك تقول اللي بنفسي! كل الاسئلة اللي قلتها لنفسك كنت اسأل انا نفس الاسئلة ذي .. ان شاء الله استفيد من مدونك وان شاء الله اقدر اشتري الكتاب اللي تتكلم عنه *.*

    1. Top Chef

      حياك وإن شاء الله تلاقين اللي تبين ….

  62. غير معروف

    مساء الخير كيف الحال انا متعودة يوميا ادخل مدونتك لانها مرجعي اللي اثق فيه واليوم يوم دخلت وما لقيت المواضيع اللي مسويها ضاق صدري تكفى رجعلنامواضيعك المميزه باسرع وقت

    1. Top Chef

      قاعد أنقل المدونة لسيرفر جديد كله بيضبط إن شاء الله بعد كم يوم.

  63. غير معروف

    السلام عليكم شيف ..
    حابه استفسر عن الفرن الكهربائي بالنسبه لخبز المعجنات ..

    هل فعلا هناك فرق بين البوتغاز والفرن الكهربائي بالنسبه لتوزيع الحراره البوتغاز توزيعه يفرق عن الكهرباء اقصد لما احط صينة لبابا روتي خبزتها اول مره بالبوتغاز ما ذابت التغطيه على الخبزه .. ولما عملتها مره ثانيه بالكهربائي طلعت الخبزه هشه وذاب التغطيه وعطتني نفس الخبزه إللي تنباع بمحلاتهم .. رجعت عملتها مره ثالثه بالبوتغاز ما ضبطت مثل المره الاولى . زبدة الكلام ودي اشتري لي فرن كهربائي بس ودي لو عندك فكره عن موصفات فرن كهربائي موصفاتها كويسه وبسعر معقول .
    وأشكرك على كل ما تقدمه بالمدونة الله يجعله بموازيين حسناتك .

    1. Top Chef

      وعليكم السلام و الرحمة ….

      فيه فروقات بس موب في التوزيع أبدا .. توزيع الحرارة و الدقة تعتمد على جودة الفرن بغض النظر عن هو غاز أو كهرب.

      ماعندي الصراحة خلفية كبيره عن الأنواع المتوفرة .

  64. ll@live.com

    انت حجازي ياشيف ؟

    1. Top Chef

      نجدي من سكان الحجاز

  65. nadra

    المدونه ممتازه واتمني لك التوفيق

    1. Top Chef

      شكرا جزيلا وحياك الله دايما

  66. زائرة

    مذهل!
    هل تكفي” شكراً” لمكافأة الوقت و الجهد و الرغبة النبيلة؟
    لا أعلم، ف” شكراً” عن ” شكراً” تختلف.
    لكن أفضل ما أستطيع تذكيرك به الآن هو ” أن تستصحب النية الطيبة وإرادة نفع الناس” فهذا النوع من النية الصادقة أنقذ رجلا من النار في جذع شجرة!
    دمت مباركا!

    1. Top Chef

      شاكرلك أختي وهذا والله هدفي هنا لا أكثر …

  67. asayel

    يالسعادة :)
    ما أقدر أوصف سعادتي يا خالد بمدونتك الجميلة هذي .
    أنا أحب التفصيل وليش وكيف ومتى وكل هذا فالطبخ أحبه .
    أحب أعرف الفرق بين الوصفات وأدور كذا وصفة لمن ألاقي الي تعجبني ..
    حاليًا قاعدة أبحث فالكيك وأبغى أعرف الفروقات بينهم ياليت كمان
    لو تسوي موضوع زي كذا في مدونتك الأكثر من رائعــة.
    شُكرًا على المدونة الجميلة والله يسعدك ويعطيك العافية يا رب.
    مُتابعة لك ؛

    1. Top Chef

      هلا والله ….

      مشكوره وحياك الله دايما …..

      ما كتبت إلا للي زيي وزيك يحبون التفصيل.

      بإذن الله راح يكون فيه مواضيع عن الكيك وكذا على طول الطريق بس هذي مواضيع الصراحة جدا بعيد عشان نوصلها. إن شاء الله ما أطول فيها.

  68. bella tahani..

    يسعدليّ مساك او صباحك ,

    بالنسبه لي! احب المختصر و زبدة الحكي .

    على اني حطيتلك حكي زمان لكن مانسيتك..
    الحين عندنا اجازه حجّ واحنا مانحتفل بالعيد و الملل ليّ معاه حكايه فـ قررت اني اطبخ اشياء اكثر من ستيكات و المكرونات والرز لكن اتكاسل ! .. بس تذكرتك انت و كيف حبك للطبخ وانك تتلذذ وانتا توصف حتى
    فـ احسك الهمتني ,
    افكر اسوي من عندك تشيز كيك و وعدت صديقتي اجيها ومعايا التشيز كيك..
    ان شاء الله رح اصورو واسير اوريك اياه مع اني ماعرف كيف احط الصور بالرد

    + حكييّ كثير عارفه بس نوع من الفضفضه هههههه , اعذرني .
    يعطيك الهنّاء ياخالد

    1. Top Chef

      هلا والله …

      حياك الله في اي وقت …

      الصور ارفعيها على اي موقع رفع صور وحطي الروابط هنا عادي

  69. مريم بنت عبد الرحمن

    السلام عليكم
    أنا وحدة مره أحب شئ اسمه طبخ ودائم أدور في المنتديات العربية بس ما ألقى شئ يسوى كثير فصرت ألجأ لليوتيوب وأشوف لأجانب أحس أني احصل عندهم شئ متخصص أكثر وطحت بالصدفة على موضوعك في شامواه عن الخبز وبعدين شفت موضوعك عن السوفليه وانبهرت صراحة من قلب وصرت ابحث عنك لين طرحت على مدونتك . يعطيك العافية صراحة بجد مواضيعك أقراهم آكثر من مرة و ودي أعرف حسابك بأنستقرام لو سمحت

    1. Top Chef

      وعليكم السلام والرحمه …

      مشكوره على كلامك هذا من ذوقك …

      حسابي في انستاجرام

      TopChefCooks

  70. ورد النرجس

    شكرا لك شيف على هذه المدونه الرائعه واللي جذبني شرحك وتفاصيل الطبق الذي تقدمه من جميع جوانبه ودعم الشرح بالصور جد يعطيك العافيه والى الامام

  71. ورد النرجس

    يعني خبرتك شيف موعن دراسه عن تجارب ماشاء الله عليك ينطبق عليك المثل اللي يقول اسأل مجرب ولاتسأل حكيم

    1. ورد النرجس

      اقصد موشهاده ولكن خبرة

      1. Top Chef

        الدراسة تعطيك شهادة اللي هي إثبات إنك فاهمه في المجال اللي الشهادة هذي مكتوبه له. بس محد يقول إن الواحد ما يقدر يتعلم أي شي إلا إذا دخل معهد أو جامعة متخصصة ؟

  72. محمود شكر

    محمود شكر : اولا انا بشكرك كتير اخويا خالد احب اعرفك بنفسى انا خريج كليه سياحه وفنادق جامعه الاسكندريه 2004
    انا حاليا اعمل رئيس قسم السخن باحد فنادق القاهره شيف يعنى على فكره انا زيك فى الفكر احب اعرف كل شئ عن اى شئ لدرجه انى وانا كنت بقرا فى المدونه حسيت انى اوقات بقرا لدكتور بشرى واوقات بقرا لدكتور فى الانتاج الحيوانى واوقات بحس انك كبير الطهاه فى فندق هيلتون بل احسن بكتير بصراحه انت شجعتنى كتير انى ابحث وادتنى الامل ان فيه ناس بتفكر فى المطبخ بالتفكير العلمى ده حسيت انى لسه فى الكليه بدرس فنون الطبخ هو نفس الئ الى انا كنت بدرسه من تركيب اللحوم والبيض والدواجن والفيتامينات وتغذيه المرضى وكبار السن والرياضين والله انا استفدت منك شخصيا ونامل لنكون اصدقاء حقيقين اخوك محمود من القاهره ان شاء الله اشوفك دائما فى الامام

    1. Top Chef

      مشكور أخوي محمد على كلامك وما تعرف كيف هو أسعدني خصوصا إنه جاي من شخص في نفس المجال اللي أكتب فيه.

  73. Sumaia

    جعلك بالجنة
    قول آمييين ..

    كنز هنااااا كننننننز
    و لا تغير أسلوبك
    لأنه هو اللي يميز المدونة عن أي شي ثاني في هالعالم ()

    1. Top Chef

      آمين يارب وياك والجميع إن شاء الله ….

      ماعندي نية أغير شي إلا إن كان للأفضل إن شاء الله …

  74. Nor

    لأني درست الكيمياء والكيمياء تعتمد على الكمية بالميلي
    ومادة واحدة تغير بالمركبات
    بدأت مشوار البحث بالطبخ لأني متأثرة بتخصصي
    حيث اختلاف البهارات وكمياتها في الطبخة
    والحمدلله أن دلّني على مدونتكم الرائعة

    جزاكم الله خيراً

    1. Top Chef

      في الكيمياء إحنا نبحث عن إجابات أو نتائج إحنا ما نقيم إستنتاجاتنا على أساس أفضل أو أسوأ أو ألذ أو لأ زي ما يصير في الطبخ. الطبخ صحيح يهتم بالقياس والتنفيذ الصحيح زي الكيمياء بس ما تقدرين تهملين جانب الذوق في الموضوع بعد …

  75. غير معروف

    شيف بسالك سؤال بايخ بس صراحه ليه تكتب طرق كل الاكل مع التوضيح و التفصيل و انت بامكانك انك تبيع و تخلي ألطريقه سريه؟ يعني لو مثلا ناوي تفتح مطعم بعدين بتصير كل الأكلات معروفة طريقتها؟ و لا؟

    1. Top Chef

      هههههه يعني بتقنعيني إن السبب الوحيد اللي يخليك تشترين كيك من محل أو تروحين تاكلين في مطعم هو جهلك بطريقة التحضير في البيت ؟ هذا الكلام طبعا خطأ، لأني متأكد إنك لو تراجعين نفسك بتلاقين آلاف آلاف الأكلات اللي تفضلين تشترينها أوقات على إنك تسوينها بنفسك لأسباب كثيره.

      فيه كتب كثيرة عن النجاره بس موب كل من قرأها قدر يسوي سرير بجودة محلات الأثاث وحتى لو واحد أستفاد من الكتب هذي لأبعد درجة موب شرط إنه بيفضل دايم إنه يسوي أثاثه بنفسه من الصفر !! … نفس الكلام ينطبق عالطبخ وعلى أي حرفه. الموضوع موب سر نحاول نبعد الناس عن معرفته هذا التفكير خطأ كبير …

      موضوع ثاني .. نشر طرق الطبخات وزيادة وعي الناس بالطبخ ممكن يكون جدا مفيد لأي طباخ ولأي مطعم. كل مازادت ثقافة الجمهور كل ما قدرت المطاعم تعطيك أفضل وكل ما أرتفعت جودة الأكل العامة في المكان اللي أنتي فيه. لو قبل ٣٠ سنه أحد فكر يدخل فكرة السوشي على الشعب السعودي البعييييد كليا عن هذي الأشياء كان مصيره بيكون الفشل بدون أي شك بس الحين مطاعم السوشي في إنتعاش كبير بسبب إرتفاع ثقافة الجمهور.

      مثال ثاني .. المطاعم اللي عندنا تكتبلك سوفليه وهي تعطيك مولتن كيك أو لافا كيك وموب بس كذا ممكن لو مطعم يوم يعطيك سوفليه صدقي يزعل الزبون إنه فيه مشكله لأنه غير اللي تعود عليه !! لو كان فيه ثاقفة طبخ أفضل هل تتوقعين هذي المشكلة بتكون موجوده ؟ طيب المطعم اللي تعب نفسه وجاب شيف متمكن وأكيد إنه مكلف أكثر عشان يعطيك سوفليه حقيقي وقوبل جهده هذا بالفشل ما تشوفين إنه شي خطأ ؟

      كم مطعم أشوفه يعطي أكل ما يستاهل أبدا لا شكلا ولا وجودة ويرميك بسعر فلكي (أغلب المطاعم الإيطاليه مثلا عندنا تدفعين ٦٠ ريال تقريبا على طبق باستا زي بيني أرابياتا و اللي يكلف تقريبا ٨ ريال) يكون الزبون سعيييد جدا وهو يدفعها. وتجين تدخلين مطعم ثاني يقدملك طبق متعوب عليه في الشغل ومتعوب عليه في المكونات ويطلع الزبون وهو زعلان لأنه ما يفهم وش يخليه غالي … مثل هذي الأشياء هي اللي تخلي المطاعم عندنا يبعدون عن التجديد ويتجهون للتكرار …

      ختاما أحب أقولك إن لو تدخلين موقع أمازون وتدورين عن أكبر طباخين وأكبر مطاعم العالم بتلاقين لهم كتب ! تخيلي مطعم من أحسن ١٠٠ مطعم في العالم يقولك كيف تسوين كل طبق عالمينيو حقه !! مع هذا هذي المطاعم حجوزاتها ما تأثرت ، محد حاول يقلدهم ، والأهم من كل هذا إن الناس بعد ما يعرفون كمية التعب وكمية الإهتمام اللي هذول الطباخين يحطون في منتجهم يزيد إعجابهم بالمطعم والأكل وليس العكس !!

      1. Nas

        احيييييك على طريقة التفكير الراقي و الواعي ….
        و انشالله تسوي مشروع مطعم من فئة ala carte
        يعني اللي يجيي للمطعم يجي يتذوق مب جاي يلهم وبس ….
        لان بالسعودية اغلب المطاعم بإستثناء بعض الفنادق تقدم اطباق مسبقة التحضير ….
        و بتكون المدونة background و شهادة لخبرتك و جزئ من الدعاية
        الى الامام و بالتوفيق ….

        1. Top Chef

          من ذوقك أختي ….

          بس توضيح بسيط .. غالبية المطاعم عندنا هي بالعكس من فئة a la carte . a la carte يعني إن المطعم يوفرلك منيو تختارين منه اللي تبين بدون وتحاسبين على كل طبق لحاله. المقابل حق a la carte هو المطاعم اللي تقدم منيو ثابت set menu .. في المنيو الثابت يكون فيه منيو واحد مكون من عدة أطباق أو ممكن المطعم يوفرلك كذا خيار منيو .. كل منيو يكون الشيف مصممه بعناية إن كل طبق يكمل الثاني ويكون المنيو متسلسل بشكل ممتاز. طبعا المبدأ موب ثابت ، بعض المطاعم توفر منيو ثابت مع خيارات مثل إنه يقول إختار هذي السلطة أو هذي السلطة وكذا … بعض المطاعم طبعا تقدم الإثنين يعني يعطيك كذا خيار منيو ثابت وبعدين منيو ثاني a la carte لو حبيتي تختارين بنفسك. هي مالها علاقة بطريقة التجهيز أبدا ..

        2. Nas

          صحيح التوضيح اللي تفضلت فيه
          و قصدي بالتحضير المسبق مو بنوع منيو المطعم بس انه صايرة مطاعمنا كلها زي مطاعم fast food حتى لو كان a la carte
          اما a la carte اقصد انه تختار مثلآ الطبق الرئيسي بسعر بدون اضافات side dishe وتضيف اللي تبيه مو بشكل الزامي و كل اضافة لها سعر بشكل مستقل و تحاسب عليه
          لان المطاعم عندنا تصمم الطبق بطريقتها مع side dishe و يمكن تخيرك بنوع الاضافات بس بالنهاية انت ملزم تدفع الطبق كامل حتى لو ماتبي الاضافات وهذا يرفع سعر الطبق

  76. مهندسة ميكانيكية

    طبقت وصفة الألفريدو الأسبوع اللي فات و عملتلك منشن بالأنستغرام..
    والله من غير مجاملة و مش لأني انا طابختها..بس جد كانت شي خياااااااااااااااااااااااااااااااال..حتى في المطاعم ما ذقت مثلها..
    الله يعطيك ألف ألف عافية على الوصفات الرائعة..
    تحياتي..
    ريم من الكويت.

    1. Top Chef

      بالعافية على قلبك … الإنستاجارم يجيب المشكلة آخر ٨٠ أكشن بس فأحيانا كثيره ما يطلعلي كل شي ….

  77. bella tahani..

    شو هالحلا يا خالد! ,
    لك الله يرزقنا رجال طباخ زيك ياحء .. لاني صبيه بتطبُخ يوميا لكن مش تحب الطبخ كتير
    *احكي لبناني يقالي اخققك*
    ..
    يعطيك العافيه جد اسلوب مواضيعك متكامل
    سلس في الحكي بمواضيعك و تجيب من كل النواحي , تعطينا معلومات مو فقط وصفة الطبخه
    + ع فكرّه .. تراك كثير حكي شويا هههههه, وشكرا.

    1. Top Chef

      الله يعافيك والله يحييك في أي وقت ….

      أنا أكتب بالطريقة اللي أحب أحد يكتبلي وهي اللي تحقق المواضيع المتكاملة (كلمة موضوع كامل صعب أحد يقولها) والسلاسه في الشرح برأيي. أنا ما أحب كثرة الكلام لكثرة الكلام بس أحب أحط كل شي أعرفه والدليل إني ماراح أجاوب على أي سؤال أكون قد جاوبت عليه في موضوع وراح أكتفي بإني أقولك أقري الموضوع الفلاني.

  78. Soha

    بجد فوق الممتاز، كنت من زمان بدور علي حد يشرحلي ليه بنحط حاجة قبل حاجة وليه بنحط توابل معينه وترتيب الطبخ وحاجات كتيرةن انت بجد رائع ، اعتقد لو عملت كتاب ونزلته هيعمل ضجه كبيرة، انت عندك ميزة مش موجوده عند اي حد وهيا انك بتشرح ليه ؟ مش مجرد وصفة وتتعمل بالطريقة العادية، بالتالي انت هتتدي فرصة للناس اللي بتحب الطبخ زي حالاتي كده انهم يبتكروا اصناف جديدة بناء علي الشرح بتاعك. بجد مش تهريج لو عملت دروس للطبخ هتعمل نجاح مبهر وبالتوفيق انشالله. سهي من مصر

    1. Top Chef

      مشكوره من ذوقك والله … هذا بالضبط هدفي من المدونة …

  79. وردة بريدة

    السلام عليكم ورحمه الله
    ماشاء الله تبارك الله. ماشاء الله عليك والله يحفظك من كل عين
    مدونه روعه ومحتوى فخم وجميل اعجبني ماقدمت والله يعطيك القوة والعافيه
    اعجبتن مدونتك ومن بعد اذنك انشر موقع مدونتك بتغريدتي اذا سمحت لانها مفيده جدا

    1. Top Chef

      وعليكم السلام و الرحمة …

      مشكورة هذا من ذوقك ….

      أكيد يشرفني هذا الشي …

  80. مهندسة ميكانيكية

    مدونتك عجييييييييييييييييييييييييييييييييييييييييييييييييييييييييييييييييييييييييييييييبة..
    والله يا إنه القعدة عليها ترد الروح..
    ياعسى عمرك طويل وحافل بالإنجازات إن شاء الله..

    1. Top Chef

      مشكوره من ذوقك وحلو إنك تستمتعين بالشي هذا ، أنتي بالضبط نوعية الناس اللي أستهدف في كلامي هنا ، الناس اللي زيي.

  81. غير معروف

    ماشاء الله تبارك الله
    مدونة رائعة

    1. Top Chef

      مشكورة من ذوقك … وحياك الله في أي وقت

  82. عمرو شعيب

    السلام عليكم حصلت موقعك من جوجل احب اقول لك جزاك الله خيرررررررررررررررررررر فعلا موقع رائع وفيه كل التفاصيل والشرح المهم جدا بطريقة مبسطه اخي الفاضل العبد الفقير لله في جدة واتمنى اقابلك واشكرك لو هناك طريقه وعندك بعض الوقت مع مشاغلك الكثيرة

    1. Top Chef

      وعليكم السلام و الرحمة …..

      مشكور أخوي وحياك الله دايما…

  83. غير معروف

    وجدت ظالتي في هالمدونه دائم اسأل ليش أحط المقادير هذي في كل طبخه اتعلمها
    في مدونتك أشبعت فضولي ولقيت اجوبه لاسئلتي
    بالتوفيق ومن متابعينك

    1. Top Chef

      حياك الله في أي وقت …..

  84. غير معروف

    مدونة رائعة بالتوفيق و الاستمرار الى الامام ان شاء الله… اتمنى تعطينا وصفة للتشيز كيك المطبوخ بالفرن و لك جزيل الشكر :)

    1. Top Chef

      مشكوره من ذوقك …

      موجوده الوصفة في المدونة سويي بحث وتطلعلك

  85. d3d

    ابي ادرس عندك :”(
    كمان ابغى موضوع التيشز كيك اللي نزلته في حواء
    و اخيرا و ليس اخرا ليه ما تحاول ان مواضيع مدونتك تنزل في الفود جواكر
    http://www.foodgawker.com

  86. غير معروف

    ما شاء الله حظ اهلك، احس كل يوم تطبخ لهم اكل لذيذ و وناسة 
    طيب سؤال ماله دخل، انت دب؟

    1. Top Chef

      أطبخلهم متى ما قدرت ولقيت شي يحمس للشغل بس أفضل أطبخ لنفسي الصراحة.

      ههههههه شكلك كنتي تبين تسألين السؤال هذا قبل السؤال الأول. لا لاتخافين شكلي غير اللي في بالك ههههه

  87. غير معروف

    ذقت طبخ يهودي ؟؟
    هما اصلا وش عندهم ؟ … كل اكلهم فلسطيني ناسبينه لنفسهم !
    كل شي في مدونتك يعجبني , بس انك تقول ذقت الطبخ اليهودي ذي الكلمه قويه والله

    1. Top Chef

      اليهود موب الإسرائيليين ياليت تفرقين. اليهودية ديانة وتعاملنا معهم مفروض يكون زي تعاملنا مع النصارى ، ليش الإستغراب كذا ؟ كأني مسوي جريمة ؟

      اليهود أستوطنوا عدة مناطق في العالم (خصوصا المناطق من غرب روسيا لشمال شرق أوروبا) وإذا زدتي عليها عادات أكلهم المعقدة تطلعين بمطبخ خاص فيهم.

      مثال عالأكلات اليهودية اللي تقولين وش عندهم عندك البيجل bagel مثلا اللي كل كافيه في أمريكا يقدمة ، عندك بعد أشياء زي الباستيرامي (موب البسطرمه !) اللي هو لحم مخلل وعندك أشياء ثانية زي اللحم المدخن وخبز الراي و شوربة الماتزو وغيرها كثير وكثير وما أعتقد كل اللي ذكرت فوق هي أكلات فلسطينية ؟

      إذا ذقت طبخ يهودي ما فيها شي زي ما إني أذوق طبخ ياباني وهم وثنيين أو أذوق طبخ أوروبي وهم نصارى وغيره أو إني آكل أكل هندي وهم سيخ وهندوس ….

  88. غير معروف

    مايصلح اتسلفك اخو مدة اسبوع

    1. Top Chef

      أن أستحملتيني يوم زين ههههه

  89. nahed

    السلام عليكم … يعطك الف عافيه يا شيف خالد….ويسلمو ايديك…على التعب بالشرح
    بدي ازا تكرمت الفيتوشيني ألفريدو ؟ والف شكر مقدما

    1. Top Chef

      وعليكم السلام و الرحمة …

      موجوده في المدونة …

  90. غير معروف

    مرحباا اشكرك على على المدونه الجميله ووصفاتك الرائعه لاتحرمنا منهااgo ahead

    1. Top Chef

      مشكورة على مرورك وكلامك …

  91. AHOOD

    السلام عليكم ورحمة الله وبركاته,,….

    ماشاء الله تبارك الله فن وذوق وجمال ياختياراتك,وتصميمك,وجهدك

    الله يعطيك الف عافيه للجهود اللي تقدمها علشان توصل شي تحبه وتخلي الناس يحبونه,,,..

    بصراحه اتفاجأت لما شفت الجنسيه والعمر طبعا لا تسأل ليش خخخخ

    كنت ابحث واتعلم عن الماكرون الفرنسي وجابني لمدونتك فعلا انشرح صدري واستانست باللي شفته,,,

    طموحك وطريقة حبك لفن الطبخ جدا رائع ومحفز وشي كنت ادور عليه…

    نفسي جد اعرف الاساسيات بدلا عن اتهام الوصفات ونفسي اتعلم واتعلم واتقن بإذن الله,,…

    واتمنى اكون تابعتك واتعلم منك وان شاء الله بميزان حسناتك اخوي..

    1. Top Chef

      وعليكم السلام و الرحمة ….

      الله يعافيك ومشكوره على تشجيعك وكلامك الحلو.

  92. nahed

    انا اول يوم بقرأ بمدونتك كنت عم دور على كيك القرع …. صراحة انت رائع….. وانا بفكر بالطبخ بنفس طريقتك اني افهم اساس فكرة الطبخة واعملها بجوده امهر الطباخين …. وماشاء الله عليك …وبدي استفيد منك ومن خبرتك وقرآتك ….

  93. ام هبة

    بسم الله ماشاء الله مدونة راقيه 
    انا مجالي في الحلويات نفس طريقتك في النت ابحث وتطلع ١٠٠ وصفة تشبه بعض بس تخرج من كل وصفة بحاجة مفيدة وتكون لك طبخة معينة او عجيبه
    نفسي اتعمق في عالم الكيك و الكريمة و الشوكليت 
    خاصة الكيك  الاسفنجي  مو تلاقي ١٠٠ طريقة الا مليون طريقة
    شي بحمام مائي وشي نفصل الصفار عن البياض و شي نخلطهم مع بعض  الخ 
    ولا الكريمات حدث و لاحرج
    وغيرووو 
    مشكوووور مدونة راقيه بمعنى الكلمة وجهد عظيم 
    نفس طريقة الطباخين الانجليز الي كنت ادرس عندهم يتعمقولك حتي البيضة وهيا في بطن امها طبعا انت احسن ريحتنا من هم الانجليزي 
    مشكووووورررر

  94. Najah

    السلام عليكم
    من نص ساعة وأنا أبحث عن وصفة سرف آند ترف اللي شفت صورتها على قيم وذكروا بالغلط إنه مطعم بالخبر،،
    لولا غلطتهم وتصحيحك ما كنت عرفت بالمدونة ،،
    هل انت منزل الوصفة هنا؟!
    وبالتوفيق

    1. Top Chef

      وعليكم السلام والرحمة ….

      لا والله للأسف ما نزلتها هنا لأن هي مافيها وصفة اصلا هي بس ستيك مشوي مع لوبستر مطبوخ بالبخار ومشوي كلها اساسيات طبخ راح يكون بأذن له فيه موضوع عن طبخ الستيك بالتفصيل واذا الله اراد بعد بيكون فيه موضوع عن طبخ اللوبستر

  95. غير معروف

    ماشاء الله ربنا يحميك من زمان وانا معجبة جدا بخبرتك وطريقتك فى الاهتمام باساسيات الطبخ حساك فنان ومتخيلتش ابدا تكون صغير فى السن تخيلتك شيف قديم من عشرات السنين :)) ربنا يحميك يارب انا مهتمة كمان بالاكل جدا وعندى صفحة صغيرة لسه عملاها عشان احاول اساعد البنات المبتدئات زيى ربنا يكرمك على مساعدتك لينا

    آية عوض

    1. Top Chef

      مشكوره على كلامك وهذا من ذوقك وحياك الله في أي وقت وبالتوفيق إن شاء الله في موقعك.

  96. فَقِيّرة حَرّفْ -

    ماشاءالله تبارك الله ،كميه الانبهارر والسعاده ما توصف في هذه اللحظه ، مده طويله وانا ابحث عن شيئ والحمدلله لقيته هنا ، من ساعتين وانا ابحث في 3 اماكن ل توب شيف كوك وكلها مذهله ، الله يحفظك ويجزاك خير ويسعدك في الدارين ،بس اذا ممكن بارك الله فيك تعطينت اسماء كتب مثل الكتاب المذكور ، وياليت اذا فيه امكانيه دورات عن اساسيات الطبخ مثل ماذكرتها تعبنا من دورات تعليم خمس وصفات، او اذا بالامكان دروس مرئيه ع اليوتيوب مثًلا ، والله يجزاك خير ويسعدك ويكتب لك الخير وين ماكان،..واعتذر على الاطاله ،.

    1. Top Chef

      هلا والله …

      الكتب كثيرة الصراحة أعتقد كتب مهم أي واحد يقرأها إذا يحب الطبخ :
      larousse gastronomique
      jaque pepin : le technique
      on food and cooking

      وغيرها كثير بس هذي بتشرح أساسيات جدا حلوه.

      1. فَقِيّرة حَرّفْ -

        الله يسعددك ، شكرًا لك جزاك الله خير ،

  97. LeloShkshka (@LeloShkshka)

    مااا شاااء الله ابدااااع لدرجة غير طبيععععية , بججد اناا افررح لمما اشوف نااس كذاا تهتم بالطبخ , اناا من عشااااااق الطبخ , و احب اني اتوسع في معرفتي للطبخ و فنونه, بس دايماا كنت ادور في مواقع اجنبية عن تقنيات الطبخ و والوصففات لاني للاسف ما اثق في المواقع او الطبخات العربية لان اغلبها يكون فيها تعديلات عن الاصل و انا احب كل شي على اصولوو :$ بس بالنسبة لي مو بنفس السلاسة اللي عرفت فيها هالتقنيات بالعربي عن طريق مدونتك, و الحمدلله اني لقيت مدونة عربية فيهاا كل اللي ابغاه, شفت مواضيعك اللي بشامواه كلهاا , و استغربت انك منقطع عن المنتدى بس يادوب اعرف ايش السبب, :$ و امس اختي اكتشفت مدونتك :$ و قضيت طول الليل اشوف مواضيعك من الفرحة p: بس من جد ما شااء الله عليكك تكفي و توفّي كل شي و اسلوبك في الشرح و الوصفات اللي تطبقها جداااا رائعععة, و جدا انك مغير عن التقليدي يعني في كثير وصفات جديدة على مطبخنا العربي و هذاا اللي انا اعشقه و احب اسويه < شرحت قصة حياتي :$, الله يعطيك العافية و يوفقك

    1. Top Chef

      الله يعافيك وحياك الله دايما ومشكوره على كلامك

  98. ام حمدان

    مدونه في منتهي الروعه والتفاصيل مفيده جدا في كل الوصفات ربي يجعله في ميزان حسناتك. مااقدر اني مجرد استفدت فقط انا تعلمت وكأني في دوره للطبخ ،الف شكر

    1. Top Chef

      العفو وحياك الله في أي وقت …. هذا الهدف من المدونة من الأساس

  99. غير معروف

    الله يسير لك وتفتحه قريب ان شاء الله

  100. غير معروف

    توقعتك شيف في فندق اسفه

    1. Top Chef

      هههههه على وشو تتأسفين ؟

  101. غير معروف

    صباح الخير لو سمحت وين اقدر اذوق طبخك

    1. Top Chef

      نقول إذا فتحت المطعم إن شاء الله …. أو أختصري على نفسك و سوي اللي يعجبك في بيتك كل شي تحتاجينه إن شاء الله موجود …

  102. sara

    ماشاء الله تبارك الله
    المدونه جدا رائعه واتمنى كل فتره تنزل لنا شي جديد
    اليوم باذن الله بطبق طريقة ساندويتش الببروني والبيض والجرير
    مشكور وجزاك الله خير

  103. غير معروف

    مشاء الله وصفات رائعه ودقيقه
    ربي يوفقك ويسهل لك كل امر عسير

    1. Top Chef

      آمين يارب ومشكورة …

  104. وصايف ..

    ابداااع تششكر عليييه وربي ..

    تابعتك بشامواه واختفيت ومزعجه اهلي عنك جد ابدااااع ماشاء الله ..

    انا عشقي المطبخ 24 ساعه اخبص فيه واجيب من راسي قليل امشي ع وصفات

    ومايفكر مخي بشي جديد الا ايام الفاينل طبعا ههههههههههههه

    1. Top Chef

      التخبيص حلو بس بعد مهم الواحد يتعلم يمشي قبل يركض (-: …. أحيانا مهم تعرفين كيف الأكل مفروض كانت تكون قبل تزيدين أو تشيلين شي منها.

  105. ساره

    السلام عليكم

    انا قريت لك كم وصفة في منتدى شمواه
    والحين لقيت الصفحة بالصدفه في جوجل

    بصراحه اهنيك ع المدونه

    انا بدايتي مع الطبخ مع زواجي
    خبصت في البداية بس الحين الحمدلله ضبطت معاي

    في اشياء احتاج اتعلمها
    و يزاك الله خير
    واكيييد المدونة في الفيفرت

    1. Top Chef

      وعليكم السلام و الرحمة ….

      الله يحييك أجل تو ما نور D-: …..

  106. hnosarah

    من زمان و انا ادور احد يشرح اساسيات الطبخ

    جزاك الله الف خير

    1. Top Chef

      حياك الله …. بتلاقين إن شاء الله شي يسرك

  107. سفونه الليمونه

    الله يكتب اجرك

    طموحي اطبخ من راسي على طول مابغى وصفات….. بس بدري:(

    1. Top Chef

      موب شي صعب أبدا ، أطبخي أكثر و أكثر و أكثر و أكثر وجربي وصفات وأكلات في مطاعم جديدة عليك حتى لو تتوقعينها ماراح تعجبك وبتبدين تستوعبين أكثر كيف الأكل يمشي مع بعض.

  108. Facctt

    ممتاز هذه الطريقة
    وأعتقد انه لايوجد أحد يعترض على فهم اساسيات الطبخ قبل الوصفات
    استمر وربنا يباركلك
    بس ياريت تحاول تخلى لغة الكتابة عامة وليست ببعض الكلمات السعودية لسهولة القراءة….شكرا

  109. Turfah@gmail.com

    استاذ خالد
    الشيء الجميل في مدونتك الخلفيه الثقافيه عن الطبخات وليس مجرد وصفه
    كما انها تتميز بالوضوح و الدقه و الشغف وهذا واضح من كتاباتك
    المدونه جداً رائعه وراقيه ومميزة
    اسعدني جداً اكتشافها بالصدفه اثناء البحث في googleوبالطبع تربعت في مفضلتي
    لانه منذ زمن وانا ابحث عن كل ما تكتبه ( تعجبني كثيرا كتاباتك واهتمامك وعنايتك والجهد. الذي تبذله في كتابة مثل هذه المواضيع )
    جزاك الله خير الجزاك وعلمك ما لم تعلم ونفع الله بك امه محمد وزانك وزادك من الخير الكثير
    اشكرك وتقبل فائق الاحترام

    1. Top Chef

      حياك الله ومشكورة على كلامك هذا من ذوقك

  110. العنود

    السلام عليكم
    أحييك على هالابداع كله ماشاء الله عليك
    أول مرة طحت بمواضيعك كانت بحارة المساطيل وكنت معجبة مرة بمواضيعك بس فجأة وقفت استغربت :/ ثم بهذيك الفترة لقيت مدونتك نسيت كيف لقيتها خخخ بس حطيتها بالمفضلة وتوني أرجع لها بعد فترة طوييلة وزااادت الوصفات والدروس بشكل ماشاء الله تبارك الله
    أخيييرا لقيت أحد مثلي :”(
    أنا مثلك بالضبط أقعد أفكر ليه الثوم قطعناه صغار ليه مابشرناه ليه نكسره مدري وش اسمها الطريقة يعني بالسكينة من جنب بدال الطرق الثانية ليه اللحم نشوحه بدال مانطبخه بالفرن والخخ من التساؤلات وغالبا ما ألقى اجابة لتساؤلاتي
    ولي كم سنة أفكر أدرس الطبخ : في فرنسا لأني أحب الأكل الفرنسي وبايطاليا لأني احب الباستا والبيتزا وأعشق الأكل الاسيوي: الصيني والكوري والياباني أعشققهم يعني أدرس بالصين ثم بكوريا ثم باليابان وأدرس شوي بأمريكا مين مايحب الأكل الامريكي …. بس خيالي وااااااسع ههههههه لأني بنت ماقدر أدرس برا بدون محرم :”( هدا غير اختلاف اللغة لغتي الانجليزية ممتازة بس بآسيا مثلا ما أعتقد يدرسون بهاللغة وحتى بايطاليا وفرنسا :( …. اني أدرس الطبخ مثل ماقلت لك بهذي الدول حلم مستحيل 3/>
    قرقرتي وااجدة هههههههههههه :$
    عندي كم سؤال
    لقيت الكتاب اللي تقوله بامازون بس نسختين واحد عام 2004 وواحد عام 1997 أي واحد ولا الأفضل اني أخذ الأجدد؟
    يوم اكتشفت ان طريقة دراستك للطبخ نفسها طريقة معاهد الطبخ وش صار … أحس اني ملقوفة بس هل انضميت لمعهد طبخ أو استمريت بدراستك.؟
    و ليه انطردت من المنتديات ؟!!!!! مافهمت الصراحة -_-
    المواضيع للي نزلتها بالمنتديات حطيتها بالمدونة ؟ ان شاء الله ايه لأن حسافة تضيع دروسك :(
    أتذكر قد شفت لك موضوع عن الكوكيز العادي (مو الماكرون وبقية الوصفات) بمنتدى حارة المساطيل أو مكان ثاني نسيت بس مالقيته هنا :”( أدوره أبي أطبقه ومالقيت غريبة هل حذفت الموضوع أو اني دورته بالكاتجوري الغلط ؟ لأني دروت بكاتجوري الكوكيز والبسكوت ومع ذلك مالقيته :/
    استمر على ابداعك ولا تتأخر علينا 3>

    1. Top Chef

      وعليكم السلام و الرحمة ….

      دراسة الطبخ تعني دراسة الطبخ بغض النظر وين درستي بيعلمونك نفس الأشياء بإستثناء اليابان و الصين تقريبا بيكون فيه أشياء زيادة بس كلهم كلهم يدرسون اللي يسمونه المنهج أو الطريقة الفرنسيه في الطبخ . بعد كذا عاد تعلم المطابخ المختلفه هذا راجعلك. بعد ما الواحد يتخرج هو ما يكون فاهم في كل شي هو يكون بس جاهز إنه يشتغل في مطعم بعض الطباخين يتعلمون بإنهم يشتغلون في مطاعم متخصصه في مطعم يهمهم وبعضهم يسافر لمكان ثاني ويشتغل فترة في بلد ثاني عشان بس يتعلم ثقافة الطبخ و الأكل عندهم بعمق بس …

      الكتاب حق ٢٠٠٤ أفضل لأن معدل عليه أشياء بسيطة …

      أنطردت من عالم حواء بس … بدون سبب ….

      المواضيع اللي في المنتديات ما نقلتها للحين ولا راح أنقلها بعد لأني منيب راضي عنها الصراحة. كل موضوع أعدله وأضبطه وبعدين أنزله. بنزلها بعدين إذا وصلت لشروحات المواضيع اللي تتكلم عنه إن شاء الله …

      موضوع الكوكيز في منتدى شامواه

      1. العنود

        مثل ما توقعت الصين واليابان وكوريا مختلفة … ايه أقصد تعلم المطابخ المختلفة المطبخ الكوري والصيني والياباني والايطالي والفرنسي والأمريكي
        كويس أجل باشتري نسخة عام 2004 بإذن الله
        احم أخوي معليش مارديت على واحد من الأسئلة أنا وأختي مختلفين هي تقول درس الطبخ أنا أقول شكل مادرس لأنه ماقال شي ع المعهد اللي تعلم فيه أو قاعد يتعلم فيه … هل أنت درست أو لا عشان نشوف مين اللي صح عليها هههههههه
        ومشكوور على الرد السريع ^_^

        1. Top Chef

          لا والله مادرست ولا شي. اشتغلت في مطعمين في جده مع طباخين بعضهم له سنين يطبخ ودارسين طبخ ولا كنت اقل من اي واحد فيهم الحمد لله.

  111. Eman

    3> مدونتك مميزة جداً
    ما خطر في بالي ابداً اني اشوف مدونة عربية بهالمستوى.. الحمدلله اني وصلت لها بالصدفة :)

    1. Top Chef

      مشكورة من ذوقك وإن شاء الله تلاقين اللي يعجبك

  112. hanouf

    awal mra ad5el o enshallah btkoon mrj3ee .. sh’3l mrattaab mashallah

    1. Top Chef

      الله يحييك الحين وكل مره …

  113. Zekra.sa

    بارك الله فيك علي المدونة، كنت الفلف في النت ادور على صورة قدر بخار البامبو، وماتصورت إني ألقى مدونة رائعة مليانة بالتجارب والمواضبع الاساسية المهمة، غير كدا اسلوبك سلس وسهل الهضم وكأنك تحكي قصة، استمرعلى طريقتك وشرحك المفصل،، انا من الناس المهتمة بالطبخ وفنونه، ولو دقت شي عجبني لازم اسويه ايش ماكان. اتعرفت على مكونات جديدة وطرق طبخ من اكتر من مطبخ عالمي، لدرجة ان جاراتي السعوديات في الغربة يتهموني بتجميع بهارات واشياء غريبة،، احب استكشف ويكون اكلي لزيز، ورغم اني لسه في بداية الطريق في دا العالم؛ الا انك حمستني اشارك بخبرتي اكمل مدونتي ،، احس اني كترت كلام ، لكن نادرا القى احد يفكر بنفس طريقتي ،، ليش ما تأف لك كتاب وتنشره حيكون شي رائع..، مشكور مرة تانية على مجهودك وموفق يارب ،،

    1. Top Chef

      واللي زيك بالضبط الناس اللي أستهدفهم في المدونة هنا. كثير ناس يقولون بسط أو حط وصفات أسهل أو ما يحتاج كل التفاصيل بس هذا اللي أبيه أبي أشرح للناس اللي تحب الطبخ فعلا وعندها رغبة تروح الخطوة الزايدة.

      إذا عندك مشروع مدونة أبدي فيه الموضوع جدا سهل وبتفيدين ناس كثير.

  114. نوف

    صراحة مدري شقول سوى انگ فعلا ابدعت

  115. Jim formal

    الله يجزاك عنا خير
    و هذا اللي كنت ح تا
    نزلت اشتري خضار و لاول مرة
    عرفت ولون اشتري خس من قرائتي لاحد مواضيعك
    هالمدونة راح تكون صفحتي اللي راح ازورها بانتظام
    و ننتظر منك موضوع جبار عن كيفية شراء الخضار و معرفة جودتها مع اللحوم و الأسماك و الألبان وغيرها
    ملاحظة: أنا اول مرة

    1. Top Chef

      إن شاء الله راح يكون فيه مواضيع لإختار المكونات أكيد

  116. Faith

    شي جميل .. كنت منسجمةة وانا بقرا ولاحظت انك اختصرتها بالنهاية >>اش في طبخة عالنار هههههههه
    بس يعني ماذكرت انتا ايش اليوم كل كلامك كان عالماضي وتجاربك طيب دحين انتا ايش وفين وصلت؟!

    وطريقتك اللي كونت بتسويها ببداياتك واللي تقول عليها بيعلموها بمعاهد الطبخ انا اسويها واجيب العيد هههههه بسس عطيتني شوية امل انو ممكن انجح واصير زيك:p

    1. Top Chef

      هههه لا ما أختصرت ولا شي بس أكثر من كذا ؟

      الفكرة موب شرح قصة حياتي بقدر ما هي شرح كيف أنا تعلمت ووش المدونة ووش هدفي منها لأن جتني أسئلة كثير عن هذا الموضوع أو يجيني ناس يقولون وصفاتك مع العلم إني أكره إن المدونة تنعرف كوصفات وبس.

      الطريقة هذي هي اللي ماشي عليها في المدونة….

  117. سارة علي

    شيء رائع جداً ..
    بصراحه قريت لك كم موضوع في شمواه الدكتاتوري .. واليوم قعدت ادور على كرات اللحم وحصلت على مدونتك .. وأحسني فعلاً طحت على كنز ..
    جزاك الله خير ..

    1. Top Chef

      حياك الله دايما

  118. روان

    سؤال في كل طبخة ينطلي
    وما أقدر أني أمشي وابلعة
    بس جد جد من يغسل المواعين بعدك
    انت تغسلهم ….أكثر شيء يخليني أأجل طبخاتي
    المووووووووااااااععععين
    تكفى كيف تتعامل معهم ؟؟
    :”””(
    وشكرا جزيلا لك

    1. Top Chef

      هههه لو أقولك كم باقي بتضحكين .. خليها على ربك بس …

      من يغسل هههه مين يعني ؟ أنا … طبعا لو أحد بياكل معي القانون معروف واحد يغسل وواحد يطبخ …. فيه غسالة صحون عندي بس بعد فيه شوي شغل بعد الطبخ.

  119. روان

    مشاء الله عليك اخوي …أمامك مستقبل واعد
    ممكن اعرف كم باقيلك وتنهي برمجه ؟؟
    أنا لو كنت مكانك راح اشتغل في مطاعم كندا واحد واحد
    حد ما أجمع خبرة و رأس مال
    وارجع السعودية افتح مطعم راقي وأصير مشرف عليهم …بلا ماك بلا سم
    ثم اكبر فروعي وانشرها واقول لماك اذهب للجحيم ههههه :”)
    من أفضل المدونات العربية
    تمنياتي لك بالتوفيق

  120. a.alnaemi

    ماشاء الله عليك تبارك الرحمن ربي يحفظك ويسلم ايدينك من كل شر وضر ويجزاك كل خير على هالمدونه المفيده جداً وتشجيعك للناس بعدم اليأس اذا فشلت الطبخه وانهم لازم يعيدونها اكثر من مره لين مايوصلون للمستوى المطلوب ،، الله يجعل كل اللي تسويه لتعليم الناس في ميزان اعمالك الصالحه اخوي خالد ومبارك عليك مابقى من الشهر الفضيل

    1. Top Chef

      مشكورة على مرورك وكلامك وكل عام وأنتي بخير …

  121. غير معروف

    هل اليوزر في شبكة الأقلاع ” توب شيف ” تبع لك أم لا ؟

    1. Top Chef

      هلا والله …

      إيه تابع لي …

  122. none

    ياخي حبيتك قسم بالله حبيتك :(
    الله يخليك لعين ترجيك

  123. أم شروق

    ماشاء الله
    اكثر من رائع
    اتفاجأت أن شاب سعودي يقدم هذه المعلومات الدقيقة وبهذا الشكل السلس في الطبخ واسعدني هذا كثير
    اسجل اعجابي بكل ما قدمت وأسل الله لك التوفيق

    1. Top Chef

      مشكورة على كلامك وحياك الله دايما ….

  124. SARA

    تم وضع المدونه في المفضله .. :$
    بصراحه كلمه ابداع شوي عليك ..
    انت اكثر من مبدع
    شدتني وصفاتك كثيييير
    وحمستني اطبقهم برمضضضان :$
    مشاءالله عليك بالتوفيق وانا من الفانز تبعك :$

    1. Top Chef

      مشكورة على كلامك ومرورك …..

  125. الاوتار

    الف شكر أخوي على المدونه الاكثر من رائعة

  126. غير معروف

    لا اظن ان جهدك يتعدى الترجمة يا استاذ توب شف…

    1. Top Chef

      ما اتذكر اني قد قلت اني اضفت الكثير لفن الطبخ ؟ انا تعلمت وقرأت واستنتجت وقارنت ونقلت اللي اعرف للناس اللي لقوا في بعض كلامي فائدة. اللي يتخرج من الجامعة هل تقدرين تقولين ان كل جهده في قرآة المنهج ؟ هل هذا ينقص من كل عمل يسويه بعد تخرجه ؟

      اذا كنتي تقصدين ان كل شي مأخوذ من مصدر ثاني ياليت تعطيني اياه عشان اوفر التعب على نفسي.

  127. Shaikha

    صباح الورد، بصراحة أتذكر قبل سنة او أكثر لمحت لك موضوع عن الماكروني و نفرت من مواضيعك بقوة لبعض الأسباب الغبية، وهي اني ما استخدم مقادير معيارية + معدّات مطبخ بيتنا ما تساعد، بالإضافة الى خوفي من الفشل.
    لكن الآن و بعد ما ايقنت ان النجاح مايجي الا بعد الفشل
    و بالذات لما سمحت لنفسي اقرأ لطريقة وصفك للوصفات من ججججد ذُهلت!
    ماشاءالله يعني كافي اسهابك في الشرح و بشكل عفوي ❤❤❤❤❤❤❤❤❤❤
    أنا أهوى شي اسمه طبخ، لكن وقتي مايسعفني أطور من مهارتي الا الآن في ما تبقى من هالصيفية،
    و ان شاءالله ناوية ما يخلص رمضان الا و أنا متقنة معظم المهارات اللي تكلمت عنها يا شيف خالد ❤
    ماعرف وش اقول اكثر من شكراً لكونك شخص بالفعل مُلهِم و مبدع.. عساك ع القوة. ❤

    1. Top Chef

      هلا والله ….

      الحلو في الطبخ إن أغلب حالات الفشل بتعطيك شي ينوكل أو عالأقل يستفاد منه فليش الخوف ؟

      مشكورة على كلامك وحياك الله دايما ….

  128. غير معروف

    ماشاء الله عليك من زمان وانا ابحث عن احد يشجعني
    شكرا لك

    1. Top Chef

      أتمنى أكون أفدتك

  129. الدكتورة سلمى سيبيه

    الله يوفقك يا ولدي

    1. Top Chef

      آآآمين الله يسمع منك

  130. ضحى

    إبداع يا خالد !
    تفاجئت أن من خل الوصفات (شاب) على غير المعتاد.
    راح أكون متابعة وراح أطبق صوص البستو (شدّني صراحة).بالتوفيق إن شاء الله في مجال دراستك أولاً ثم في مجال الطبخ ثانياً.

    لكن عندي سؤال:وشهو الأكل اليهودي؟ (مطبخ ياباني صيني فيتنامي معروفين ولأن الطبخ ينتمي للبلد,أو هكذا متعارف عليه/ لكن كيف مطبخ ينتمي للديانة أو القومية اليهودية؟ أعطنا نبذة.

    بإنتظارك.

    /
    المدونة في المفضلة.

    1. Top Chef

      الأكل اليهودي هو أكل المهاجرين اليهود في أمريكا تقريبا هو أكل شرق أوروبي يعني أكل بولندي وروسي وكذا بس كون اليهود لهم طقوس غذائية تختلف جدا معقدة طلع لهم أكل تقدرين تقولين خاص فيهم.

      عندك مثلا البيجل bagel اللي يجي خبز يشبه الدونات ، هذي أكله روسيه في الأصل بس كان يختص فيها اليهود هناك. عندك شي إسمه الماتزو ميل ، يجي زي الشابوره لها دلاله دينيه عندهم. يقولون إن سيدنا موسى عليه السلام يوم كان في سيناء كان أكله كله من هذي الشابوره مصنوعه من نوع حبوب قديم ويستخدمونها كثير في أكلهم. يسوون منها أشياء زي كرات اللحم (بالخبز) وياكلونها مع مرق الدجاج وهذي شوربة مره مشهورة عندهم.

      عندهم طبعا أشياء زي الكريبلاخ و اللاتكس اللي هي بانكيك بطاطس و اللحوم و الأسماك المدخنه و المخللات وغيرها كثير.

  131. غير معروف

    راااائعة و مميزة. و طريقتك في الشرح جميلة

    1. Top Chef

      مشكورة .. من ذوقك

  132. غير معروف

    المدونة بتاعتك متميزة جدا و من زمان و انا بادور على حد اتعلم منك تكنيك الطبخ و اخيرا لقيت , متشوقة اوى انى اقرا كل وصفة فى المدونة

  133. Najla

    ما شاء الله .. الله يوفقك ويجزاك كل خير على هالمدونة شدتني وصفة الماكرون بس لما شفت محاولات الفشل اللي مالها عدد صرفت نظر عنها تطبيقك كان روووعة .. حرام ما تستغل الموهبة اللي عندك في مشروع صغير مثلا ..عندنا بالكويت شاب كويتي اتجه من الماجستير لفن تزيين الكيك واخذ دورات لحد ما صار بروفيشينال وسوا مشروع لتزيين كيكات الاعراس ..

    1. Top Chef

      مشكورة أختي ….

      الماكرون أبدا موب صعب هو زي أي شي ثاني شي يحتاج تدرب عشان يضبط معك بس.

  134. ام نورة

    ماشاء الله تبارك الله اخ خالد انا متابعه لك من زمان اول ماشفت طبخك كان في منتدى مساطيل عرفت على طول انك موهوب جدا ومحترف وشيف حقيقي وبدات اتابع طبخاتك بكل اهتمام واحفضها عندي بملف خاص باسم طبخات توب شيف وعرفتك من خلال البحث بقوقل كنت ادور وصفه بالعربي للمكارون ودخلت على موضوعك وربي انذهلت من دقه الوصف لاني اصلا مالقيت وصفه عربيه الا هي ؛ وبعد متابعه شديده لك بحثت عن توب شيف على امل وكانت المفاجاه بالنسبه لي الي طيرتني من الفرح اني لقيت لك مدونه والف شكر

    1. Top Chef

      مشكورة على كلامك وحياك الله دايما ..

  135. منير

    السلام عليكم ورحمة الله
    أخي الكريم أسجل إعجابي بك أولاً، وأدعو الله أن تحقق جميع طموحاتك في مجال الطبخ وخارجه… آمين
    أرجو أخي الكريم من كل قلبي أن تضع تصنيفًا جديدًا في خانة التصنيفات وهو عن “الأكلات السهلة”، والتي تتضمن
    مكونات سهلة نجدها في أي سوبرماركت فبعضنا يعيش في مناطق يكون من الصعب أن يجد فيها بعض المكونات مثلي أنا، على كل حال أحببت أن أدخل عالم الطبخ كهواية وأحببت أن تكون بدايتي مع أكلات سهلة، أرجو أن تقبل إقتراحي وجزاك الله خيرًا على ما تقدمه وستقدمه لنا إن شاء الله :)

    1. Top Chef

      وعليكم السلام و الرحمة …

      مشكور أخوي على كلامك و إن شاء الله بحاول أسوي اللي تقول.

  136. غير معروف

    ماشاء الله عليك ربي يحميك ويحفظك
    عرفت المدونة عن طريق تويتر وحبيتها جداً
    أكثر شي عجبني هو شرحك لطرق الطبخ وليه كل شي يصير , أنا هذي الفترة صايرة أحب اتعلم الطبخ مرة وكنت حابه أفهم كل شي ليش يصير عشان أعرف بعد كذا اشتغل من نفسي
    يعطيك العافية يارب ويقويك

    1. Top Chef

      أكيد هذي الطريقة الصحيحة في التعلم …

  137. غير معروف

    صدفة وصلت إلى هنا … كنت أبحث عن وصفة تصلح لـ “غداء” زوج ، وشروطه الصعبة في الأكل ..
    استمتعت جدًا … وأفدتني ….
    بارك الله فيك وهنيا لك هذي الروح والفكر ….. بس في أشياء صعبة علي بحكم إني مبتدئة+ماتتوفر عندي كل الأغراض غالبًا :d

    1. Top Chef

      ههههه حياك الله دايما سواء جيتي صدفة ولا بقصد

  138. learningbdoing

    السلام عليكم ورحمة الله وبركاته..

    لطالما بحث عن ( لماذا ومافائده) استخدام المكونات في الاطباق المختلفه, ابحث لفترة ثم اتعبمن البحث بلا فائده, بدأت بالتجارب ولكنني لم استطع التكلمه لكثرة الفشل دون استنتاج شيء! ! ..

    عندما اعطيت.رابط المدونه فتحتها كالعاده, متوقعة ان تكون مدونة اجنبيه بها بعض الوصفات الجميلة, ولكن عندما رأيت اللغة العربية … ! تصفحتها سريعا الى ان وصلت لموضوع البيض. . قرأته وبدأت بالشك أن هذه مدونة مترجمة! ! ولكن تحدثك عن اكلات سعودية جعلني اتأكد انها مدونة ” اصلية” ..

    شكرا لإثراء المحتوى العربي, وشكرا لهذه المعلومات القيمة, وشكرا لاستمرارك: )

    1. Top Chef

      وعليكم السلام و الرحمة …

      مشكورة على مرورك وفعلا واجهتني نفس المشكلة في البداية وحتى في المدونات الأجنبية ماكنت ألاقي مواقع تشفي غليلي وتعطيني التفاسير اللي أبي. نادرة هي الأماكن اللي تتكلم عن المواضيع من هذي الزاوية وترى اللي أحط هنا هو إختصار لكثير أشياء. بعد بحث أحسن لقيت مصادر تشرح هذا الشي بشكل موسع و أفضل وهي الكتب فيه كتب كثيرة تتكلم عن الطبخ من هذي الناحية وعن نفسي فهم ليش كل شي يصير يساعدني أطبخ أفضل بس موب كل الناس يشوفون الموضوع من هذي الزاوية للأسف.

      1. learningbdoing

        صح!
        وأنا اشوف بعد ان الطريقه الابتكار وصفات جديده تكون بمعرفة وظيفته وتأثير كل مكون!

        ممكن تعطيني اسماء الكتب اللي استفدت منها في هذا المجال؟

        1. Top Chef

          مواقع وكتب كثيييره جدا عندك اللي كتبت في الصفحة التعريفية on food and cooking هذا رهيب وعندك المراجع الثانيه في الطبخ زي larousse gastronomique و jack pepin le technique وغيرهم الصراحة مرررره كثير. طبعا غير المواقع و المقالات اللي عالنت .

  139. عفاف ،

    اخ خالد ، استمتعت كثير وانا اقرأ صفحتك كنت متابعه لك في المساطيل وقلت حرام موهبتك هاذي تروح سُدى
    اهني فيك طموحك وعجبني انك تدرس الوصفه دراسه وفي كل وصفه تعلمنا شي جديد مدونتك ممتعه جداً جداً
    خالد ماشا الله تبارك الله انصدمت يوم شفت اننا بعمر واحد انت انتجت الكثير في عالم الطبخ وانا لا هههههه
    بس احييت فيني روح العزيمه كل مااشوف وصفه اقول ان شا الله اسويها :)
    خالد الله يوفقك ويرجعك بالسلامه واهم شي ترجع لنا جده وتسوي لنا زيارات للمطاعم وتقييم لنا اكلهم ههههه

    متابعه لك بأذن الله

    1. Top Chef

      هلا والله …

      اي انتجت لا انا ولا انتي فالحين ترانا فيه ناس كبرنا executive chefs الحين يعني بمسكون مطاعم بكبرها.

      انا لي اكثر من سنة في جده الحين واكتب تجاربي في المطاعم دايما على حسابي في تويتر بس كلها نقاط صغيرة تعطيك المهم يعني موب شي مفصل

      1. عفاف ،

        اوكي متابعه لك في تويتر ، شفت لك كم تغريده انك تشتغل في مطعم
        عادي تقول لنا وين ؟ :)

        1. Top Chef

          كاتبه في البايو ؟

          لا غير إني أشتغل أكتب تويتات عن المطاعم اللي أروح بالعادة

  140. غير معروف

    ما شاء الله لا قوة الا بالله
    اخيرا في ناس فاهمة الطبخ وبتتكلم عربي لا وكمان سعودي والله كنت افكرك انثى ماشاء الله لا قوة الا بالله والله يبارك لك من قوة ودقة المعلومات
    الزبدتو
    انا احب
    allreciprs.coml
    واخذ منه طبخات كثير بس مشكلتي مكونات الحقيقية للطبخات مش متوفرة هنا بسهوله واذا توفرت غالية وسعرها مش ولا بد مثل جبنة الماسكربوني وغيرها انا مااحب الطبخ سبحان الله بس اذا طبخت ابدع ومن راسي وما اتقيد بكمية او وصفة احيانا
    افكر اخذ دورة متخصصه في الحلويات الفرنسية اذا سافرت برا هل تنصحني او اكتفي بالنت

    1. Top Chef

      هلا والله ….

      مافيه إبداع بدون حب للشي … يا إنك ما تحبين الطبخ يا إنك ما تبدعين أختاري هههههه

      إذا ما تحبين الطبخ ليش تاخذين دورة فيه ؟ وش الهدف ؟ بتفتحين شغل ؟ إذا لأ أجل وش الفايدة ؟

  141. fofa

    مدونه رووعه
    زي الحلم بالنسبة لي لانو احب الطبخ واطبخ كثير بس عندي مشكله انو ماطبق نفس المقدار يعني ازود او انقص او استبدل مقدار معين فما تنجح معي الطبخة بعد تصفحي لمدونتك عرفت انو الاهتمام بالمقدار اهم شي .
    حبيت اسألك اخوي هو انت الشيف خالد عارف الي يجي بصباح الخير ياعرب على mdcيهمني خيو تجاوب على هالسؤال

    1. Top Chef

      هلا والله …

      لا لا أبدا موب الشي اللي أبي أوصله إن الإلتزام بالمقدار أهم شي. بالعكس أنا اللي أبي أوصله هنا هو إن الواحد يطبخ بدون الإعتماد على وصفة. المقادير ضروري تكون بالمملي في حالة المعجنات و الحلويات بس في أغلب وصفات الموالح عندك مجال جدا كبير للتبديل و التغيير. كثير ناس يبدلون ويغيرون للأسباب الخطأ مثل إنه ما يحس إن الشي هذا مهم أو بيفرق في الطعم فياخذ وصفة صوص سيزر مثلا ويشيل البارمزان ويشيل الأنشوجة بعدين يقول ليش طعمها موب سيزر مع العلم إني ألتزمت بكل شي ؟

      ههههه أنتي خامس وحدة الظاهر تسألني ذا السؤال أنا منيب خالد عارف ولا لي أي علاقة فيه.

  142. راس الحانوت

    السلام عليكم أخي والله فرحت كونك سعودي ولك كل هذا الشغف بالطبخ والمطبخ شيء مبهج والله ربي يوفقك
    انا من الجزائر ومن سنة انتقلت لدبي وهاذي مشكلتي
    وأنا اقرا مدونتك والله حسيت بشغفك للطبخ والمطبخ لأني من فترة سنتين تقريبا دخلت لهذا العالم الممتع ورجع الطبخ عنديي تجربة كلها متعة وسعادة لما ادخل للمطبخ احس انى سافرت في رحلة بين النكهات والروائح الطيبة والشذية للخضار والبهارات واروع لحظة بالنسبة لي لما اقدم الطبق وينزل زوجي يشمشم في الطبق ويتلذذ بريحة النكهات ويهجم على الصحن ههههههه
    لكن للأسف هاذي المتعة قلت الآن اللي لاحظتو انو منذ قدومي لدبي ان النكهات في الخضار والتوابل ضعيفة جداااااا مقارنة بالجزائر…. مثلا لما كنت بالجزائر كنت امسك حبة طماطم شكلها غير مجانس اقربها من انفي اشم منهارائحة نفاذة من النكهة الطازجة ولما اقسمعا بسكين عصارتها تغرق لوح التقطيع اما بدبي فالطماطم شكلها متجانس محسوب بالملي واللون احمر قاني مغررررررري لكن لما تشمها تحس انك تشم قطعة بلاستيك مالها ريحة تقطعها عادي قطع ماسكة نفسها قليلة العصارة هي ولوح التقطيع نفس الصلابة والنتيجة في الاخير أكلة طيبة لكنها ضعيفة النكهة والرائحة والفرق شاااسع بين نفس الاكلة في الجزائر وهنا في دبي
    الخضار والتوابل الطبيعية الغير معالجة والغير مجمدة والطازجة تلعب الدور الاكبر في انجاح عملية الطهي وفي صنع فرق النكهات بين الطبق الواحد

     

    1. Top Chef

      وعليكم السلام و الرحمة …

      فاهم عليك ، للأسف كل ما كبرت المدن كل ما خربت المكونات بسبب السوبرماركتات الكبيرة وبسبب بعد المدن عن المزارع. صدقيني الشي هذا موب بس في دبي بتلاقين نفس الشي في كل مدينه كبيرة في العالم. اللي تسوينه هو إنك تدورين أحسن وبتلاقين اللي تبين. في الفترة الأخيرة في فترة صحوة غذائة مكتسحة العالم ، صح لسا ما وصلتنا هنا بنفس الدرجة بس هي في الطريق. السوبرماركتات الكبيرة صارت توفر مكونات أفضل كخيار للي يبون الطعم الأفضل وطبعا بسعر أعلى بس المهم إنها متوفرة.

      دوري على أسواق الخضار الشعبية وبتلاقين فيها منتجات جيدة. شوفي وين أهل البلد يشترون خضرواتهم و أسماكهم وبتلاقين دايما شي حلو. غير كذا صح المكونات تلعب دور وواحد من وظائف الطباخ إنه يختارها بعناية ومن أحسن نوعية ، ففي حال ما لقيتي طماط أو توت طازج ممتاز على سبيل المثال ممكن تستخدمين معلب أو مفرز وبتلاقينهم بجودات عالية. وفي حال أضطريتي إنك تستخدمين طماط طازج وما لقيتي ففيه أكلات ثانيه ممكن تتسوى .. الخيارات جدا كثيرة ..

  143. lollita

    سلام
    الله يوفقك يااخوي
    بس ابغى اعرف انت اسمك خالد ايش؟
    واذا ماتبغى تجاوب عادي
    و ابي طلب وصفة الميرانق اذا تعرفها

    1. Top Chef

      آمين وياك ان شا الله

      المرانج من اكثر المواضيع اللي تكلمت عنها في المدونة نزلت الفرنسي والسويسري والبافلوفا اللي هي المرانج المجفف

  144. غير معروف

    إذا ممكن تخبّرنا باسم المخبز الفرنسي بمونتريال؟

    1. Top Chef

      Premier Moisson

  145. lazizah

    ماشاء الله تبارك اللله مبروووك المدونه .. انا من متابعينك بشمواه وجدا معجبه بمواضيعك ماشاء اللله عليك شي يفرح القلب ان شبابنا يتعلمو كل شي والاحلى انو بنفسك اتعلمت ماشاء اللله عليك .. اشكرك على مواضيعك المرتبه والتفاصيل الدقيقه جدا بصراحه فادتني مرررررررررره واستفدت منك لاني مبتداه بالطبخ وسرت احب اطبخ من بعد مواضيعك السهله والمميزه اللله يعطيك العافيه واتمنى لك مزيد من التقدم والنجاح الدائم في حياتك

  146. Mada

    السلام عليكم ..
    اهنئى نفسي اولاً و اهنئك لانك فتحت مدونه ، و اشكرك من اعماق قلبي ، بصراحه انت شخص رائع ، كنت اقراء مواضيعك
    و لا امل منها ، انبهرت فيك ما شاء الله ، لانك تشرح اشياء ب ادق التفاصيل و تهتم بكل صغيره ، ماعمري شفت احد يشرح مثل شرحك ما شاء الله ، اول موضوع شفته لك في شمواه
    و من بعدها صرت ابحث عن مواضعيك لقيتها في مساطيل
    و بعدها لقيت مدونتك هي كنز لانها تحمل معلومات مهمه ..
    و حطيت موقعك في المفضله ، صارت اهتم ب طبخي تقريباً
    انت مو بس تهتم ب الطبخ لا تهتم ب الطعم كثيير ..
    استفدت منك و مازلت اتعلم منك ..
    و اتمنى ان ادخل يوم ما مدونتك و اجدك كاتب تم افتتح مطعم ..
    شكراً لك ب حجم السماء ..
    و وفقك الاله بما يحبه و يرضى ..

    1. Top Chef

      وعليكم السلام و الرحمة …

      مشكورة على كلامك وثقتك أختي وحياك الله دايما.

      إحنا نهتم بالطبخ لأننا نبغى أحسن طعم وأحلى شكل هذي أكيده.

  147. Ana

    اخيرا لقيتك. 
    كنت اتابعك بشامواه وجدا معجبه بمواضيعك وبيوم بحثت عن اسمك بقوقل ولقيت هالمدونه الرائعه ،،،
    الله ينفع بك ياكريم.
    ع فكره ماتبغى نسوي مشروع مطعم انت بكندا وانا ادير الموضوع بالسعوديه هههههههه.
    موفق ان شاء الله

    1. Top Chef

      أنا موجود هههه

      مشكورة على مرورك وحياك الله …

      هههههههه أبد دبريلي فيزا لكندا ومن عيوني هههه

  148. MASHAL

    السلام عليكم , ماشاء الله تبارك الرحمن , الاجمل من كلامك واطباقك هالشغف الي لمسنه واستشعرنه في المقدمه الي كتبتها , واضح جدا انك تتكلم عن شي انت تحبه حب عميق , وفهمنا ان حبك ماهو حب للاكل ولكن حبك الاكبر لم هو خلف هذا الاكل من تفاصيل , وواضح من خلال شرحك وتجاربك الكثيره وبحثك انك شخص صبور وماتمل بسرعه ورغم انك تحب التعمق في خفايا الاكل الي انك بعد تتميز بالبساطه في طرحك وفي اسلوبك بالشرح والكلام وماانكر عليك استمتعت جداا وانا اقرا المقدمه حسيت في متعه ورغبه لمعرفة النهايه وكانها قصه من قصص هاليومين ههه,, على العموم الله يوفقك ويرزقنا الله محبة عمل الاكل وطبخه مثل مارزقك ,, موفق اخوي .

    1. Top Chef

      وعليكم السلام و الرحمة …..

      مشكورة على مرورك وهو فعلا والله شغف أكثر من مجرد حب للشغله.

  149. شاكرة

    اخوي مدونتك ولا اروع…
    اشكرك عليها لأنها حدمة مجانية لنا ..
    عندي مشيكلة في الطبخ..وهي: اني ما احب اغسل المواعين بعد الطبخ!!!

    1. Top Chef

      مشكورة ….

      هههه كلنا نفس المشكلة محد قد قابلته وقالي ماعنده هذي المشكلة. أطبخي لناس ما يعرفون يطبخون وأشرطي عليهم ينظفون هههه

  150. نوره السعودية

    مرحبا اخوي خالد انا عندي مشكلة اخصائيين التغذية ما قدروا عليها …الغذاء المحتوي على الالياف يثير قلوني ، لكن في نفس الوقت احتاج الياف لتسهيل عملية الاخراج (اكرمك الله)،وش الحل وش اكل ؟بليز عطني وصفات صحية ولذيذة .شاكرة وممتنة .نورة السعودية

    1. Top Chef

      والله ما أقدر أفيدك في هذي للأسف مالك إلا تسألين دكتور الصراحة.

  151. غير معروف

    بصراحة مدونتك مختلفة وجذابة اهنئك عيها وساكون متابعة دائمة لك .اختك نورة السعودية

    1. Top Chef

      شاكرلك مرورك ومتابعتك …

    2. Top Chef

      مشكورة على متابعتك وحياك الله …

  152. ريم

    بصراحه احيي فيك مجهودك ومثابرتك لتعلم الطبخ وعقبال ما يكون لك كتاب طبخ مميز ومشهور وبكل اللغات

    1. Top Chef

      مشكورة على كلامك الحلو …

  153. أم جوجو

    الله يعطيك العافية أخوي خالد والله ماقصرت جعلك تتنعم بثمار الجنة بالفردوس يارب .
    انا عن نفسي كنت مرررة مو راضية عن طريقة طبخي وطريقة الاكل السعودي نوعا ما لأسباب :
    1- النظرة الخاطئة للاكل اللي هي عبارة عن اكل يشبع وبسس وعدم اعتبار ان “انت ما تاكل “من ناحية الجسم والتفكير وغيره وخاااصة الاطفال بالاضافة الى اغفال جانب المتعة.
    2- عادات الطبخ الخاطئة اللي تروح كثير من القيمة الغذائية للمواد الغذائية المطبوخة .
    3- استخدام مكونات غير صحية بكثثثرة في الطبخ وخصوووووصا الحلويات .
    ف المقابل كانت كثير من الوصفات الاجنبية تشدني لقيمتها الغذائية وموادها ومقاديرها اللي اغلبها طبيعية فحاولت ابحث عنها ف المواقع العربية فماتكون زي اللي ف بالي ولما اروح للمواقع الاجنبية ماتساعدني لغتي كثيير ، ف ااما اجرب من راسي او تصيبني خيبة امل واوقف عند هالنقطة .
    اليين شفت مواضيعك بشمواه وبعدها بالمدونة كان خبرتك ومجهودك طايح علي من السماء لان خلاصة قراءاتك ومحاولاتك وتجربتك تجي تنقلها لنا وحنا ناخذها باردة مبردة ع قولتهم -الله لايحرمك اجرها – وماعلينا الا نسوي ونستمتع باللي سويناه .
    لكن عندي طلب : انك تزيد من اهتمامك بالجانب الصحي في الوصفات ، او ممكن تعرض بدائل صحية للمقادير لاهنت .
    وحبيت اقول لك اخوي بالنسبة لبهار جوزة الطيب كثير تستعملها لكن اغلب العلماء على تحريم استعمالها لدليل:”ما اسكر كثيره فقليله حرام” لكن فيه قلة قالوا بجواز استعمالها لكن ابحث عن المسألة وتحقق منها..
    حبيت اسوي اقل مجهود اشكرك فيه على مجهودك ووقتك اللي تعطيه لنا . اسفة طولت عليك .

    1. Top Chef

      الله يعافيك والله يحييك في أي وقت ….

      بالنسبة للجانب الصحي أكون صريح معك ما أحب أدخل فيه كثير. أنا ما عندي خلفية صحية كبيرة عشان أتكلم في هذا الموضوع بشكل موسع وعشان أكون صريح أكثر معك أنا يشدني في الطبخ الطعم أولا و أخيرا وعشان كذا أنا آخر واحد أتكلم عن الصحة الصراحة.

      بحثت في موضوع جوزة الطيب وأقتنعت بالرأي اللي يبيح إستخدامها. غير جوزة الطيب القرنفل و بعض أنواع الفلفل زي الفلفل السيشواني تسبب الهلوسة بكميات كبيرة.

  154. Chif cake

    الله يوفقك ويسر امرك من جد الله الهمتنا …. انا الطبخ من مجال دراستي بس ماكنت احب المواد كمواد علميه اكثر من الشغل في العملي والانتاج اللي اطلع فيه لما اطلع من المطبخ واشوف اهلي مبسوطين فيه ويحسون بالفخر ….وكثير استفدت من اشياء بالخبره اكثر من الدراسه .. وعرفت بمدونتك بالصدفه عن طريق التويتر ولقيتك تهتم بالتفاصيل الوصفه وهذا شوقني اطلع على المدونه اكثر واستفيد منها … بالتوفيق مره ثانيه

    1. Top Chef

      آمين يارب وياك و الجميع إن شاء الله….

      العملي و النظري أحسهم ما ينفصلون عن بعض. لازم الواحد يكون فاهم وش يصير إذا يبي يسوي شغله بأحسن طريقة.

  155. غير معروف

    الله ييسر دربك
    انت بطل في الطبخ ماشاءالله واتوقع نادر نلقى زيك
    تتخلى عن شهادتك لاجل هوايتك
    بس انت محظوظ لانك لو بدأت قبل عشره سنوات كان حتى اهلك زعلو عليك وقالو عين

    1. Top Chef

      هلا والله …

      مشكورة على كلامك بس ما احس شي غريب ؟ كثييييير ناس ما يشتغلون بشهاداتهم الشهادة ابدا موب كل شي وكثييييير اعرفهم شخصيا معهم شهادات عليا يعني ماجستير وبعضهم يحضر لدكتوراه بعد وأقسم بالله ما يستاهلون حتى ينجحون من الثنوي. اقولك هذا الكلام عن ناس عاشرتهم من ايام المدرسة واعرف عقليتهم

    2. Top Chef

      هههههه ليش وش قايل انا ودي افتح مطعم ؟ ما اعتق شي غريب عندنا؟

  156. كيك

    ماشالله اقدر جهودك هنا والحين فهمت سر شرحك الدقيق جدا والمتميز جدا ،ماقول الا اني استفدت منك الكثير الكثير واستمتعت بهالمعلومات الغزيره والقيمه لدرجة بعض المواضيع اقراها كم مره عشان افهمها صح
    واصل ابداعك الله يقويك

    1. Top Chef

      مشكورة وحياك الله في أي وقت …

  157. loooly

    بصرااااااااااحه انك شخص مبدع ماشاء الله تبارك الله لقيت اللي كنت ابحث عنه الله يوفقك

    1. Top Chef

      مشكورة على كلامك ومرورك وحياك الله دايما.

  158. مطعونة بسكين المطبخ

    براااااااااافو يا خالد شوف شلون العالم مبسوطة ما صدقوا يعرفون قصة توب شيف هههههههه
    بصراحة استمتعت بالقراءة ومتأكدة هالقصة راح تكون ملهمة لكثير ناس تعشق الطبخ واكتشاف الأكلات …

    يعطيك العافية

    1. Top Chef

      مشكورة يا أخت مطعونة D-: هههههه

  159. الحلم البنكي

    يعطيك العافيه طيب بالنسبه للكتاب ممكن اعرف مؤلفه و كمان انت من فين اشتريته؟ اذا مو من السعوديه راح اطلبه اونلاين وجزيت خيرا

    1. Top Chef

      المؤلف إسمه harold mcgee أعتقد متوفر نسخة إلكترونيه لو منيب متوهم.

  160. غير معروف

    و ماذا عن البرمجه ؟
    لماذا درستها ؟
    هل يمكن أن تشرح يوماً في مدونة ثانية هندسة البرمجيات بنفس الطريقة الرائعه التي تشرح بها تقنيات الطبخ ؟

    1. Top Chef

      درستها من باب حبي للمجال ومازلت احبه بس موب شي ممكن اختاره كمجال عمل.

      ما اتوقع الصراحة اشرح عن هندسة البرمجيات

  161. أم رهف

    طريقة تفكيرك هي سبب نجاحك (طبعا مو الاسكريم بالسلطة..خخخخ) وبحثك الدائم
    ماشاء الله عليك والى الأمام دوما

  162. الحلم البنكي

    ماشاء الله عليك الله يحميك و يحفظك وييسرلك امورك يارب المدونه جدا رائعه واحلى مافيها طريقة شرحلك للأمور بطريقة كيميائيه من زمان كنت ادور على تفسير علمي بحكم تخصصي في الكيمياء الحيويه احب احد يشرحلي اي وصفه باسلوب علمي و منطقي ننتظر مواضيعك عن القلي و الكيكات بفارغ الصبر والله يوفقك

    1. Top Chef

      مشكورة هذا من ذوقك.

      لو مهتمة في الموضوع دوري على الكتاب اللي حطيت on food and cooking ماراح تندمين.

  163. reemsaeed

    بديت اقرأ مواضيعك بمنتديات حارة المساطيل ..
    كانت ممتعة لأنها تفصل كل شي .. أدق التفاصيل في الطبخة ..
    كنت لما أطبق وصفة أكون واثقة أنها إن شاء الله بتضبط ..

    قرارك بفتح المدونة أشوف أنه قرار ممتاز جدًا ..
    لك ولنا ..

    استمر و عقبال ما تفتح لك مطعم :) ..
    و إن شاء الله بيكون من أحسن المطاعم عندنا ..

    1. Top Chef

      حياك الله دايما .

  164. غير معروف

    الله يوفقك ، وإن شاء الله نسمع فاتح مطعم يرضي شغفك بالطبخ ..

    1. Top Chef

      آمين يارب الله يكتب اللي فيه الخير.

  165. غير معروف

    انت انسان رائع ياخالد
    حلو الواحد يحط هدف بحياته ويسعى لتطويره خليتني اعيد وجهة نظري بكتير امور
    الله يحميك ويسرلك امورك وترقى لاعلى المراتب

    1. Top Chef

      مشكورة على كلامك.

      الصراحة انا اشوفه ضروري موب بس مهم.

  166. طارق

    الله يوفقك شيف خالد …عرفت قبل بأيام من تويتر أن سنك 23 سنة والصراحة لو أكملت المشوار وتخصصت في الطبخ فسيكون لكن شأن كبير إن شاء الله سنك مثالية لصقل الموهبة والوصول بها الى العالمية … طبعا لو كنت مهتم توقف برمجة وتكمل طبخ : ) …طبعا أن تعرف رأيي في مدونتك التي أدخلها يوميا أكثر من مرة الله يوفقك : )

    1. Top Chef

      آمين وياك والجميع ان شاء الله.

      معاهد الطبخ ابدا موب ضرورية اذا حاب تقرأ مثال حلو دور عن شيف بريطاني إسمه هيستون بلومنثيل heston blumenthel وشف كيف دخل في الطبخ.

      اللي ابغاه هو تجربة عملية اكبر في مطبخ مطعم وهذا اللي بسويه قريب ان شاء الله. البرمجة ما ابغاها ولا اتخيل نفسي اشتغل فيها اصلا بس ابغى آخذ شهادتي واخلص منها.

      1. طارق

        أعرف هذا الشيف من ماستر شاف استراليا وأذكر انه عصامي وتعلم لحاله.. وتدرب لمدة اسبوع أو اسبوعين في مطعم محترف في بدابته مشواره … وأطباقه غريبة شوي : ) أكل زي الرمل وقواقع تسمع منها اصوات بحر عصائر كأنها حمم براكين : )

        1. Top Chef

          هو موب الوحيد كل الطباخين اللي اعمارهم اكثر من ٤٠ سنة تقريبا غالبا ما تلاقيهم متعلمين عن طريق الممارسة مادخلوا معاهد طبخ. اصلا معاهد الطبخ كلها مالها كم سنة.

          هذا الطباخ يسوي اطباق حديثة تعتمد على استخدام مكونات شوي غريبة زي النايتروجين السايل وغيرها. هذا النوع من الطبخ يسمونه موليكلار جاسترانومي molecular gastronomy وكثير طايحين فيه الحين.

  167. غير معروف

    الله يوفقك مدونتك اختصرت الكثير كنت ابحث عن المعلومة والاقيها اجزاء مفرقة ومدونتك جمعتها وترجمتها واضافت عليها جزاك الله خير :)

  168. غير معروف

    ماشاء الله عليك الله يحفظك ويجزاك خير على تعبك ياليت تواصل وحنا معك قلباً وقالباً موفق

أضف تعليقاً

لن يتم نشر عنوان بريدك الإلكتروني.

يمكنك استخدام هذه HTML الدلالات والميزات:

%d مدونون معجبون بهذه: